Ka Nupepa Kuokoa, Volume XXXV, Number 33, 14 August 1896 — PALAPALA MAI NA AINA E MAI. [ARTICLE]

PALAPALA MAI NA AINA E MAI.

Ma ke ku ana mai nei o ka mokuahi Australia ma ka Poalua nei, mai Kapalakiko mai, ua loaa mai la ia makou he palapala mai ko makou mea kakau. e noho mai la i Santa Cruz, Kaleponi, a no ka pomaikai o ko makou poe heiuheiu ke hoolaha aku nei makou i ua palapala la: My Dear Papa—Aloha oe a nui Ioa: Aole ano nui loa o ka'u mau mea e hoike aku ai ia oe ma keia palapala, oiai, aole loaa iki ia'u he wa kaawale e hele makaikai aku ai ma Santa Cruz nei. Eia au ke noho nei i keia wa me Mrs. J. C. Clapp, kekahi o na poe nana au i ao i ka himeni ame ka hookani ogana ma Honolulu: a ke hoomakaukau nei nohoi maua no ke a'o hou ana ia mau haawina. Aole hoi oia mau mea wale no, aka, o ka ike olelo Enelani nohoi kekahi. O ka mea ano nui loa, a'u paha e ike aku ana ma ka la 11 ae nei o Sepetemaba, oia ka halawai Re-Union a kekahi poe hoahanau e malama ana ma Santa Cruz nei. He halawai keia a ia poe e malama ana iloko o na la he umi; a e hele mai ana no kela ame keia me ko lakou mau hale lole a hoomoana ma kahi i hookaawale ia no ia hana. Ke lana loa nei au e hiki kino ma ia mau halawai ana. Nolaila, ke kauoha aku nei au ia olua, e hoouna mai olua ma ka wa kupono mamua ae o ka la 11 o Sepetemaba ae nei, i kalo, uala, i'a maloo. kukui (inamona), i hua pea Hawaii, ame na mea ai Hawaii no apau e kupono ana ke hoouna mai, oiai ua makemake au e hana i papa ahaaina Hawaii ma ka la mua e wehe ia ai ia ano halawai. Aoie no he.hewa' e hoouna mai olua i wahi hae Hawaii na'u no ua mau la 'la, a pela nohoi i moena Hawaii. Ke kali nei au o ka hoea mai o ia wa. oiai ma ko'u lohe mai he mau haneri ka nui o na poe e akoakoa mai ana, ma ia mau , la, —na kane, na wahine ame na keiki. He wa kupono loa paha keia no'u e loaa ai ona hoonaauao hou ia ana. Ke noho nei no au, me ke ola kino maikai, ma keia wahi. He keu nohoi ka nui o ka wela o ka la i nei mau la -a waliou & noho nai. he eliko me ka imu enaena. E aho no o Honolulu. Ma ka'u hoohalikelike ana iho, he oi aku koonei wela i ko laila. Ma ka olelo mai o kekahi poe o onei nei ia'u, he oi loa aku ka, ko Honolulu wela. ua hoole aku nae au. O ka mea nani a'u i ike ai maanei, oia ka makika ole. Pela no ma San Francisco a ma Oakland nohoi. Aole no au i ike i ka makika elike la me ko kakou. O na hua-ai kamaaina o onei, he emi loa ko lakou mau kumukuai; aka, o ko kakou mau mea at, e laa ka hala kahiki, ka ma'ia, ame ka pea Hawaii he pii loa. 0 ke kumukuai o ka hala kahiki maanei he 25 keneta ka haahaa a pii aku; o ka maia he 5 keneta o kahi lila maia hookahi; a o ka pea he 25 keneta no ka mea hookahi. Nui ka makemake o ko onei poe i ko kakou mau hua ai. I keia mau la welawela e nee nei, e piha ( mau ia ana nohoi kahakai (beach) i ka poe auau, he mau haneri ka nui—na kane, na wahine ame na kamalii. Iloko no o keia mau la e nee nei, aia no ka hoea mau mai na poe auau kai mai na wahi e mai. Nui ka piha ia o na kahakai auau o keia wahi i kela ame keia la. He nui ka poe lawaia kamano o keia wahi. Aole nae me ka upena lakou e lawaia ai, aka, me ke kamakoi no. 0 ka limu hoi o keia wahi he ano e, he kohu pilali a he kohu mauu nohoi kekahi. He wahi maikai no keia, koe wale no keia, he nui ka lepo; aole nae he nui o ke anu. 0 ka noho ana o kauhale o keia wahi, aia iloko o ke awawa, he puu ma kahi aoao, a pela no me kahi aoao. E hele aku ana paha makou ma keia mua aku i ka makaikai i na kuahiwi o Santa Cruz.nei. He maikai no ko lakou mau nanaina ke ike aku, he uliuli lipolipo ka hiona o na iaau e uhi paa ana ia lakou. Ua konoia mai au i kekahi o keia mau la aku nei, e kekahi ohana kuonoono o Santa Cruz nei e hele ma ko lakou home e <ftoner ai, a ua hele aku nohoi au. Nui na mea ai l hoomakaukauia, a ua ai nohoi au me ka mahalo nui i ko lakou lokomaikai. Mahope iho o ka paina ana, ua haawi himeni au ame Mrs. Clapp, kuu kumu&o himeni e noho nei i keia wa he mau mele Hawaii, a ua nui loa ko lakou mahalo i ka maikai o na himeni Hawaii. Minamina loa au i ke ano pamalo o ka'u mau wahi mea hou e hai aku nei ia oe e papa; aka, o ke kumu nui o keia no ke ano kuaaina loa no paha o keia wahi, nolaiia i loaa nui ole ai na mea ano hou ia'u. Ua lawa paha au maanei. Owau iho no o kau kaikamahine. God be with you till we meet again. CECILIA KEALOHA POEPOE. Santa Cruz, Aug. 2, 1896. E ike ana na makuahine, he laau waiwai nui ka KAMALENA LAAU KUNU no ke kunu "ho" ame ke kunu kalea E loaa koke ana ka oluolu, a he.palekana ame ka maikai ka inu ana. Ua lehulehu loa na makahiki a makou ! kuai aku ai i keia laau, a aole loa 1 ikeia kona hoopahuala ana. ma ka hiki ole ana iaia ke haawi aku i ka hopena hololea maikai. G. W. Richards, Duquesne, Pa. E kuai ia ana ena kuai laau lapaau apau, oia o BBNBON T , SMITH & CO., na Agena no ko Hawaii Pae Aina. •