Ka Nupepa Kuokoa, Volume XXXV, Number 34, 21 August 1896 — E AO I KA MAKAAINANA A ME KONA PUUKU. [ARTICLE]

E AO I KA MAKAAINANA A ME KONA PUUKU.

E ka Nupepa Kuokoa e: Aloha oe:—Ke uoi ia aku nei ka oluolu o kou Lunahooponopono noeau, e ao ae ia "Makaainana." Ua ike pinepine ia na olelo pelapela, hohono, maea, a polopolona ma na kolamu o ka "Makaainana" oia hoi, ulaula wale, linalina hoi, a ma kiona, a pela wale aku, o na olelo o ia ano, he lapuwale loa ia; a aole hoi i kupono e ao ia, a i ole, lohe ia paha, oiai, keia au holomua o ka aina e pii nei iluna, a he mea hilahila no kahi kanaka, a i ole, nupepa paha e hoopuka i na olelo 0 ia ano, no ke aha la? Ua nele anei ka "Makaainana" a me kona Puuku i na olelo maikai ole o ka puka ana o na olelo ino, mai kahi kanaka mai, a nupepa paha, he hoike ana mai ia, aohe manao i koe, aohe ike i koe, pela 1 ike ia ai ma na rula maa mau, ina puka mai ka lepo i ka wa e kahe ana ka

wai, alaila, ua pau ka wai; aka, aole au i manao pela ka "Makaainana." Aka, ma kahi o ke ao ea, ke ao aku nei au ia oe, ua oki! Me ke aloha, NORTH KONA, H.

Kailua, Kona Akau, H. July 30, 1896. I ka po Poalua nei, i ka huli hoi ana mai o ko makou makai kiu mai Koolau mai, a hoea mauka iki aku o na luawai Aupuni mauka ae nei o Nuuanu, ua ike mai la oia he elua mau kino kanaka me na kamakoi, e iho ana mamua pono ona. Ua lele e wale ae la no kona hauli, e hele ana paha keia mau kamakoi maloko o na luawai e inu o kakou ae nei e paahanaia ai. E makaala ia ka pono.