Ka Nupepa Kuokoa, Volume XXXV, Number 34, 21 August 1896 — HAAWINA KULA SABATI. [ARTICLE]

HAAWINA KULA SABATI.

111. Aug. 23.—K0 Abesolōma kipi ana. 2 Sam. 15:1-12. Mahope iho o ia mea la, hoomakaukau ae la o Abesaloma i na hale kaa a me na lio nona, a me na kanaka he kanalima e holo imua ona. 2 Ala ae la o Abesaloma i kakahiaka a ku mai la ma kapa alanui ma ka ipuka: a hele aku kekahi kanaka i ke alii ia ia ka mea hakaka e hooponopono ia gi ma ke kanawai, alaila hea aku la o Abesalonla ia ia, i aku la, No ke kulanakauhale hea oe? I mai la kela, No kekahi ohana a Iseraela kau kauwa. 3 I aku la o Abesaloma, Aia, he maikai, a he pono kau mau mea; aka, aohe kanaka o ke alii nana e hooponopono i kau. 4 I aku la hol o Abesaloma, Ina paha e hoonohoia au he lunakanawai 0 ka aina, alaila, o kela kanaka o keia kanaka iaia ka mea e hookolokoloia ai, e hele mai ia io'u nei, a e hooponopono aku au nona. 5 A i ka wa i hele mai ai kekahi kanaka e uwe aioha iaia, o aku la ia 1 kona lima, lalau aku la ia ia, a honi ae la t 6 Pela no i hana aku ai o Abesaloma i ka Iseraela a pau i heee mai i ke alii no ka hooponoponoia. A aihue ae la o Abesaloma i na naau o ka Iseraela. 7 Mahope iho o na makahiki hookahi kanaha, i aku la o Abesaloma i ke alii, Ke noi aku nei au ia oe, e ae mai oe e hele au i Heberona e hooko aku i kuu hoohiki ana a'u i hoohiki ai ia lehova. I 8 No ka mea, hoohiki aku la au i kuu kauwa i noho ai ma Gesura i Suria, i aku la, liia paha e hoihoi io aku 0 lehova ia'u ma lerusalema, alaila au e malama ajcu ai ia lehova. 9 I mai la ke alii iaia, O hele oe me ke aloha. Ku ae la ia, a hele aku la 1 Heberona. 10 Hoouna akn la o Abesaloma i na ohana a pau o ka Iseraela, i aku la, A lohe oukou i ke kani ana o ka pu, alaila, e olelo oukou, E alii ana o Abesaloma ma Heberona. 11 Hele aku la me Abesaloma mai lerusalema aku elua haneii kankka i waeia; a hele naaupo wale no lakou, aole i ike i kekahi mea. 12 Hoouna aku la o Abesaloma e kii ia Ahitopela no Gilo, he kakaolelo iio Davida. e hele mai mai kona kulanakauhale, mai Gilo mai, i ka wa ana i mohai aku ai* Ua ikaika no ka poe kipi; no ka mea, ua mahuahua mau mai a nui ae na kanaka me Abesaloma. Pauku Gu!a. —Pukaana 20:12. —E hoomaikai oe i kou makuakane a me kou makuahine; i loihi ai kou mau la maluna o ka aina a lehova a kou Akua i haawi mai ia oe. Manao Nui. —E pon ai i na keiki ke Mai aku i na hana e pau ai i ka maluhia o ka ohana. Olelo Hoakaka.—He mau makahiki o ko Davida hana hewa. «a puka ka poino i oleloia ma keia haawina Baibala. Ua hana hewa ko Davida keiki Amenona me Tamara ma ke ano like me Davida, 2 Sam. 13:14. Aole i hoopai o Davida iaia. Ua nawaliwali oia no kona hewa mamua. Alaila ua pepehi o Abesaloma, ko Tamara kaikunane. ia Amenona. Aole nae i hoopai o Davida ia Abesaloma, a nawaliwali hou aku oia. Ma kona mau hana maalea. ua hoi hou mai o i ka hale alii, pau kona mahuka ana aku i ka aina o kona kupunakane, no ka mea o ka makuahine o Abesaloma oia no ke kaikamahine oka moi o Gesura. Aka nae o Abesaloma he keiki kolohe maoli. maalea, kalaihi, ino loa. Oiai oia ke keiki mua i koe, ua hoomaopopo oia aole nona ka lei alii no kona hewa. Nolaila, ua hana maalea oia i loaa ai iaia ka lei alii mamua o ka wa e niake ai kona makuakane. Ua hoole a kipaku oia i na hana e pono ai ke hana, a ae aku i na manao kupono ole no ke keiki maikai ame ka haipule. Ua koho oia nona iho i na hana a Satana a lilo i keiki nona; aole he kanaka i hoohanau ia oia e ka Uhane Hemolele.

1. Mahope,—oia hoi i ka wai hoi hon mai ai oia i lerusalema. Hale kaa, —me he mea la oia no ka hooilina i ka lei alii, a hoike aku oia i kona hookahakaha ana. 2. Ala, —eleu loa oia i ka hooholo ana i kona mau manao ino oiav u» molowa a hiamoe kekahi poe imi poffo. Ipuka,—kahi i maa ai ma na aina hik\nft e hooholo ai i na hana aupuni, kalepa, etc. Hea, — me he mea la Ha nui ae kona aloha no lia kamaaina oiai ua manao maoli oia i na mea e hooholo loa ai i kona mau hana ino. 3. Maikai, —a hoomalimali oia peia i ka hapanui o na kamaaina; e like me ka poe holo balota ma Hawaii nei. Alii,—me he mea la ua molowa a walea o Davida. 4. Hoopono-pono,-T-oia no ka olelo hoopomaikai o ka poe apiki ma na aina a pau. 5. Honi, —aole ae aku oia i ke kolokolo J ana, aka ua wahuwahu oia i na malihlni me he aikane punahele la. 6. Aihue,—ma kona mau hana maalea: aole i loaa iaia ka hanohano no kona kulana hoopono. 7. Kanaha, —he kuhihewa keia helu; aha, ka pololei. Ua noho alii o Davida i mau makahiki kanaha wale no, ma ka huina pau o kona alii ana, 1 Nal. 2:11. Hoohiki, — ma ka nana aku he hana haipule! a palua, pakolu, ko Abesaloma hewa ma kona uhi ana i na hewa me ka nanaina haipule. 8. Gesural, —kekahi apana aina ma Basana, ma na palena o Manase, oiai aole i kipakuia aku na kanaka kupa. O ko lakou alii oia no ke kupunakane o Abesaloma. 9. Heberona. — kahi a Abesaloma i hanau ia ai, a malaila kona poe hoaloha, a me na kamaaina, liii ko lakou manao no ko Davida hoopakele ana ia lerusalema kona kulanakauhale alii. 10. Kiu, —e imi ana i ka poe ohumu wale, a howalewale ia lakou e kipi. Pu,—a ma keia ano hana ua kukala ia ma ke akea ko Abesaloma alii ana. Pela no ma Honolulu i ka wa a Liliuokalani i lilo ai i moiwahine. 11. Naaupo,—oia hoi, ike ole lakou i ke kumu o ko lakou konoia ana. Alaila, ua hiki ia Abesaloma ke homakau ia lakou a i ole e hoopio ai ia lakou ma ke uno he mau panai. 12. Ahitopela,—oia no ke - kupunakane o Bateseba, ko Uria wahine mare. Mohai, —i mea e kanaenae i kona Akua

me ka nanaina haipule, e like me k;i hei ana i na kii akua i ka wa kahiko. I. Ka hooikaika ana i na manao ohumu wale, 1-3. Owai o Abesaloma? Heaha kona mau hana hewa? Heaha kona mau kulana maoli? Heaha kona manao e pili ana i ka lei alii? Heaha na kumu no kona pakaha wale ana i keia hanohano? Heaha kona mau hana e hooholo ai i kona manao ino? Pehea e hiki ana i ka moi Davida ke hanai i kekahi keiki ino loa? Heaha ko Abesaloma mau ano maikai? Pehea i uhiia kona mau manao ino? Heaha kona manao ma ka holo ana ma ka halekaa, Kan. 17:16. No ke aha la kanalima kona poe hookeaai? Heaha kona mau oleio hoomalimali i ka poe i hookolokolo ia? Heaha kona olelo akiaki e pili ana i kona makuakane? Pehea i pili ai ko Davida hewa i ko Abesaloma kipi ana? 11. Ka hooluolu ana i ka lehulehu, 416. —Pehea 'i imi mau o Abesaloma e hooluolu ai i ka lehulehu? Ua pon anel ke imi i ka mahaloia ana e na hoakanaka? Ina paha ua nani oe a nohenohea, e oi aku ana kou mana ma ka alakai ana, a me ka hoomalu ana i na kanaka e ae? Heaha kekahi mau olelo ao o ka Baibala e pili ana i ka haanou, ka ake pookela, ka hookamani, ka hoomaloka, ka hoopunipuni, ka hoopalaho ana i na manao, e'like me ko Abesaloma mau ano ino? Ua hoike anei oia ma ke akea i kona iini e lilo ai i Moi? E hiki anei i ka maalea a me ke apiki ke lanaklla loa? Heaha na kumu no ko Davida ike ole ana i keia kipi i ka wamamua? 111. Ka hooponopono ana ina hana kipi, 7-12. Ehia mau makahiki a Abesaloma i hoolilo ai mamua o ka oo o kona kipi? Mahea i manao ai oia e hoolalelale i kona kipi ana? Heaha na kumu no ka akoakoa ana ma Heberona? Owai kona kakaolelo, 2 Sam. 16:23? Ua loaa anei ia Abesaloma ke kuleana maoli no ke alii ana? Ua kupono anei i na keiki ke loaa na waiwai paa o na makua mamua oko lakou make? Pehea e pono ai i na keiki ke hana aku i j ko lakou mau makua, Ex. 6:1-3? Ua kipi aku anei na kanaka i ke Akua? Pehea e maopopo ai o ka hua o ko Abesaloma hewa oia no kona make? E mau anei ka lanakila o ka mea hoomalimali? Healia kekahi olelo ao ia kakou ma ka Baibala. Na Sol. 29:5? Ua kupono anei na olelo hoohiki o na kanaka Hawaii? Heaha ke kumu no ko ke Abesaloma noi ana aku ia Davida e mohai ma Heberona, Oihana Kahuna 17:3? Ua lanakila anei ka mea nona na waiwai nui loa i loaa ai iaia ma na hana apiki? Manao Pili.—l. Ua maikai anei ka hooeueu ana i na manao ohumu wale aku i ke aupuni? 2. E pono anei k imi i ka hanohano nie ke koho ole ana i na hana pono? 3. Pehea e pau ai ka lanakila o ka mea h6okamani? 4. Ua pau-anei ka inoa maikai o Davida no ka hewa o kana keiki? 5. Ua paa anei kou manao e hoomau loa ai i ke ano noho o ke keiki hoolohe i ka Makua ma ka lani?