Ka Nupepa Kuokoa, Volume XXXV, Number 34, 21 August 1896 — MEA HUNA POHIHIHI [ARTICLE]

MEA HUNA POHIHIHI

MOKUNA VI. Ka Makuahine ame ke Kaikamahine. Noho iho la oia ilalo, lalau mai la ia i kana lei aioha a pane mai la, me ka leo i hiloia me na maawe o ka walohia: "E kuu kaikamahine, ke ike nei au i kou aloha ia'u, mamuli o kou manao ana e haawi aku ia oe iho ma ke kuahu o ke kanaka paahana, i mea e loaa ai kau ai ame kau i'a, elike me kau, e kuu aloho i kamilio mai n6i. Aka, ke hai aku nei nae au ia oe, aole loa au e ae e hookuu aku ia oe mai a'u aku nei; aole hoi au e ae e haalele iho oe i na kiai makaala ana me ke aloha a ko oukou makuakane. O keia home au, ame kou mau kaikunane e noho nei, he puuhonua ia no oukou e pakele ai mai na hoowalewale mai o keia ao. E hiki mai ana no ka manawa, ma keia hope aku, a hooponopono maikai ia no ko oukou noho ana, i oi loa aku i ko keia wa; aka, he mea pono nae ia oe ke kali me ka manaolana no ua manawa la, elike me kau. A e lilo ana hoi kau mea i hoike mai nei ia'u, e kuu kaikamahine, i mea na'u e noonoo nui ai, mahope o ko'u haalele ana iho ia oukou, a me he mea la i keia pule ae, e iohe ana no pha oe i kekahi mea ano nui loa mai a'u aku; nolaila, e hoomoe kaua, e kuu aloha, i ke kamailio ana no keia mea i keia pule." O! Beatirisia, nokeaha la oe i kaomi ai i ka mea oiaio? Nokeaha la oe i hoike ole ae ai i ka mea oiaio imua o kau kaikamahine? O! Beatirisia, aole loa i kinaiia na manao kuhihewa e hoopunana la iloko o kau lei aloha. He oiaio, mahope iho o na huaolelo hope a Beatirisia i pane mai ai, ia Alamira, ia wa oia i olelo hou mai ai imua o ua kaikainahine le ana: "Ano, e kuu aloha, e hele aku oe a loaa ou mau kaikunane,. a hoomakaukau oukou i wahi paina liilii na kakou i keia la." Ku ae ia ua kaikamahine la iiuna a halele iho ia i kona makuahine. a iho aku la ia e halawai pu me kona mau kaikunane; aka, aia na kulu waimaka eloelo ke hoopulu la i kona mau papalina, aia nohoi na manao walohia aloha l*e opuopu la iloko o kona houpo no kona makuahine, kona makuakane, ame kona mau pokii kaikunane; a iloko nohoi oia wa hookahi, aia oia ke olelo la iioko ona: "Aole —aole au e noho, e kuu mama aloha. E hele no au. E hele au e imi i ai na'u, a i home no'u. E hoomanawanui no au i na luhi ame na inea apau e kau mai ana maluna o'u i mea hoi no'u e pono ai, oiai, aole hiki ia'u ke hoomau aku i ka noho ana ma ka home aloha o kuu makuakane i mea e nui ai kou kaumaha e kuu makuahine. 0! Mama, me ka walohia ehaeha iioko o kuu puuwai, e hele ana no au." Me keia mau manao iho la ua lede opio Alamira nei a halawai aku la me kona mau kaikunane, a hoomakaukau

iho la lakou i na mea e pono ai ko lakou paina liilii (pienie) oia la. Oiai hoi ua poe keiki la e hoomakaukau ana ia mau mea, ala ko lakou mau makua ke kamilio la no na mea e pili ana i na olelo a Alamira i hoike aku ai imua o ko lakou m&kuahine. elike me na mea i ikeia ae nei e oe, e kuu makamaka heluhelu. Oiai laua e kamailio ana, ua ulu mai la kekahi noonoo ana iloko o ka Lede Beatirisia a hoike aku la oia ia mea imua o kana kane, oia hoi, lie makemake oia e hoihoi ia Alamira me ia ma Hametona Kakela, ma ke ano kaikamahine lawelawe, aka, ua hoole aku ke Kauna Arevalo ia manao, me ka hoakaka pu āna aku i ka pilikia launa ole oia hana ana pela, oiai, mamuli auanei o ka helehelena ui ame ke kulana hanohano i loaa ia Alamira e komo ai na hoohuoi he nui iloko o ka poe apau e ike ana iaia ma Hametona Kakela. a ua hiki no ia lakou ke oielo iho. he kaikamahine o Alamira i pili i ka Lede Hametona, ma kekahi ano, a o ka hoolilo ana iaia -i kauwa lawelawe noloko o Hametona Kakela, he hana hoouhiuhi wale no ia. 0 kekahi nohoi, aole paha e hiki ana ia Alamira ke hunakele iloko o kona puuwai i kona kaikamahine ana nau. a pela hoi me kou makualiine ana nona. He oiaio, mamuli o keia mau olelo a qe Kauna Arevalo, ua ike io iho la 0 Beatirisia i ka hewa nui o kana mea 1 noonoo ai, nolaila, ua hoopau iho la ia i ka manao ana e hana pela. * * * * * * Nolaila, e kuu makamaka heluhelu, e haalele kaua i ke kamailio ana no ka ohana o Kauna Arevalo i keia wa. a e huli ae kaua a nana aku i ka huli hoi ana o ka Lede Beatirisia no Hametona Kakela. I ke ahiahi o ua la la, ma ka wa < uhi ana ka pouli, ia manawa i hoi aku ai ka Lede Beatirisia no kona rutni komo kapa, a komo iho la i kona aahu e huli hoi aku ai no Hametona Kakela. Ua komo hou ae la no ia i na aahu ana i hele mai ai i ka po mamua iho. I ka makaukau ana, ia wa i komo ak;u ai kana kaikamahine iloko. oia 0 Alamira, a ma ia inanawa i puili aloha iho ai ka makua ame ke keiki, iloko o na kipona o ke aloha walauia. Aia o Alainira ke haawi la i na hoohanini ana a kona mau waimaka. oiai, ua ike iho la ia o kona wa hope loa ia e ike ai i kona makuahine aioha, nokamea, ua paa kona manao e haalele 1 ka home a e auwana aku ma kahi e hiki ai iaia ke imi i mea nona e pono ai. O ka lede Beatirisia hoi, e haawi ana oia i kona aloha, no kona kaawale ana mai kana kaikamahine mai ma ia wa a hoea i kekahi puie ae, ka wa ana i manao ai oia kona wa e hui hou ai me kana lei aloha. Mahope iho o ka pau ana o ka laua haawi ana i na haawina o ke aloha — ka makua i ke keiki, a o ke keiki hoi ika makua—ua iho aku la laua e halawai me ke Kauna Arevalo ame na keikikane elua. I ka pau ana o ka hui aloha ana o lakou apau, ua kau aku la ka Lede Beatirisia no luna o ke kaa 0 ka home ponoi iho, a huli hoi aku ia. Aia hoi o Alamira ke ku mau la no ma ka lanai o ka hale a hiki wale i kona lohe ole ana aku 1 ka nakeke o na huila kaa e ahai ana i ko lakou alo'ia no Hametona Kalcēla. 7 Alaila, kulou iho la kona poo ilalo a iho la oia iaia iho: "0! S kuu mama, aole au e ike hou ana ia oe. He wa loihi paha, a loaa ia leaua ka wa e hui hou ai. E hele ana au e imi i ko'u ola iho. Aole lea au e kali ana a hiki i kou hoi hou ana mai e kuu mama. Ua ike no au, e mama, i kou hoi hou ana mai i ka hale nei i keia pule ae, a nele kou ike ana ia'u, kau kaikamahine nei, e nui ana no kou kaumaha, aka, e ike iho ana no nae oe ma ia wa hookahi no. e kuu makua, no kou pono i hana ai au 1 keia hana. He hana pono no'u ka haalele ia olua e o'u mau makua aloha. ame ko kakou home aloha, na pokii kaikunane hoi o'u. Aole o'u manao, he mea pono o makou apau ke kaukai i ko makou pono maluna o ka mea hookahi, elike me kuu mama aloha. He mea pono i hookahi o makou e hele. a oia mea, owau no ia. Nolaila, aloha oe, e kuu mama. 0! Mama! Aloha." Aia hoi na kulu waimaka eloelo ke hiolo la ma kona mau papalina, alaila, huli ae la ia a komo aku la iloko o ka hale. (Aole i pau).

Ina o ka hoolilo ana'ku la $100 i mea e hoopaaia ai ke ola o kekahi ohana mai na umii ana mai a na ma'i o ka opu iloko o ka makahiki, alaila. e lehulehu auanei ka poe e manao ana he hana ia i kau iho maluna o lakou, e nku aku lakou ia huina dala; olai, aole hiki la lakou ke hoomaunauna wale aku i ko lakou mau ola, a pela hol me na ola o ko lakou mau ohana no ia huina 4ala. E loaa ana i kela ame keia mea hoopaa ola no 25 keneta, oia ke kumukuai no ka omole hookahi o ka LAAU HOOLA KOKELA A KAMALENA. Aneane ma na wahi apau, ua make kekahi mea mamuli o ka loohia ana i kekahi ma'i o ka opu mamua o ka loaa ana o kekahl laau, a o kekahi kauka paha. E hiki ana anei ia oe ke hoomaunauna wale i kou ola mamuli o kou ole ana e haawi i keia wahi huina dala uuku loa? E kuaiia ana e na mea kuai laau iapaau o na ano apau, oia o BENSON, SBIITH & CO., na Agena ma ko Hawaii Pae Aina. •