Ka Nupepa Kuokoa, Volume XXXV, Number 35, 28 August 1896 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

            III. 9. Ko Abesaloma auhee ana a make. 2 Sam. 18:9-17, 32, 33.

            9 A halawai ae la o Abesaloma me na kauwa a Davida. A holo ae la o Abesaloma maluna o ka hoki, a hele aku la ka hoki malalo o ka hoki, a hele aku la ka hoki malalo o na lala pilikia o kekahi laau oka nui, a hihia ae la kona poo i ka laau,a laulia oia mawaena o ka lani a o ka honua, a hele aku la ka hoki mai lalo aku on a.

            10 Ike aku la kekahi hanaka ia mea, a hai aku la ia Ioaba, i aku la, Aia ua ike aku au ia Abesaloma e kau ana maloko o kekahi laau oka.

            11 I mai la o Ioaba i ke kanaka nana i hai aku iaia, Aia hoi, ua ike aku oa; heaha hoi kau i pepehi ole ai iaia a haule ia i ka honua? alaila haawi aku no wau ai oe i na apana kala he umi a me kekahi kaei.

            12 I aku la ua kanaka la ia Ioaba, Ina paha e kau ana ma kuu lima na apana kala he tausani, aole au e o aku i kuu lima e pepehi i ke keiki a ke alii: no ka mea, i ko makou lohe ana, ua kauoha mai ke alii ia oe, me Abisai a me Itai, i mai la, E malama oukou a pau i ke kanaka opiopio ia Abesaloma.

            13 Ina ole pela, in a ua hana au ma ka wahahee e hihia ai ko'u ola: no ka mea, aohe mea i hunaia mai ke alii aku, a o oe no hoi kekahi e ku e ia'u.

            14 Alaila, i aku la o Ioaba, Aole au e pono ke kali wale penei imua ou. Lalau aku la ia i na ihe ekolu ma kona lima. a hou aku la ia mau mea maloko o ka puu o Abesaloma, oi ola kela mawaena o ka laau oka.

            15 Hoopuni mai la ka poe umi nana i lawe i ka Ioaba mea kaua, pepehi aku la ia Abesaloma, a make iho la ia.

            16 Puhi aku la o Ioaba i ka pu, a hoi mai la na kanaka mai ke alualu ana aku i ka Isweaela: no ka mea, ua paa a kanaka ia Ioaba.

            17 Lawe aku la lakou ia Abesaloma; a hoolei aku la iaia maloko o ka lua nui ma ka ululaau, a kau aku la lakou i ahu pohaku nui maluna iho ona: a holo aku la ka Iseraela a pau, o kela mea keia mea i kona halelewa.

            32 I aku la ke alii ia Kusi, Ua malama ola ia anei ke kanaka opio o Abesaloma? I mai la o Kusi. O ka poe enemi o kuu haku o ke alii. a o ka poe a pau i ku e mai e hoino mai ia oe, e hoolikeia lakou me ua kanaka opio la.

            33 Haaloulou nui iho la ke alii, a pii aku la i ke keena maluna o ka puka, a uwe iho la: a i kona hele ana, penei kana i olelo ai. Auwe! kuu keiki e Abesaloma e! e kuu keiki, kuu keiki e Abseloma e! in a no wau i make nou. e Abesaloma kuu keiki, kuu keiki e! Paku Gula,- Halelu 1:6. JUa ike mai la o Iehova i ka aoao o ka poe maikai: Aka hoi o ka aoao o ka poe hewa, e make ana no ia. Manao Nui.- E pono i ka poe opio ke ao ia mai e na poino i pili ai i ka hewa. a koho no lakou iho i ke alahele o ka imi pono.

            Olelo Haokaka.- Aloe hiki ia Davida ke kue i ka poe kipi oiai ua noho oia i ka poe kumakaia malaila. Nolaila ua pee aku oia a hiki i Mahanaima, ke kulanakauhale alii o Iseboseta, ke keiki o Saulo, i ka wa mamua. He kulanakauhale ia i makaukau e pale aku i na puali kaua. Malaila ua hoakoa o Joba i ka poe koa i pili paa ai ia Davida. Ua naaupo loa a Abesaloma na ke kali ana ma Jerusalema. Ua hooponopono oia i kona poe koa a alualu ia Davida. Ua hoouka o Ioaba i ke kaua ma kaululaau o Eparaima he mau mile 20 ka mamao aku mai Mahanaima. Ua kauoha o Davida ia Ioaba ma e hana maikai aku i kana keiki. Ma keia haawina Baibala, olelo ia ko Abesaloma make ana me ko Ioaba malama ole ana i ko Davida kauoha.

            9. Hoki- oia paha ke Davida holoholona, ponoi, 1 Nal. 1:33, 38. Hihia, aole i oleloia kona lauoho. aka hoi, pela ka olelo o Iosepuso, ka haku moolelo Iudaio. 10. Kau,- a maule no hoi, paha. 11. Pepehi,- haawi,- oiai ua maalea o Ioaba ma keia olelo hoowalewale. 12. Kauoha,- Mamuli o kona aloha nui keia kauoha o Davida. 12. Apana,- sekela, nona ke ano like me ka hapaha dala. 13. Oe.- oia no ka hana maa mau o ka poe hoowalewale: ua kumakaia no hoi lakou i ka poe a lakou i hoowalewale ai. 14. Ioaba,- ua inaina aku o Ioaba ia Abesaloma no kekahi hana hoomainoino i ka wamamua. 2 Sam. 14:30. He oiaio no hoi aole hiki ke paulele ia Abesaloma nona e hoomau ai i kona mau hana ino in a paha aole i pepehiia oia. 15. Hoopuni,- a moakaka loa ka make o Abesaloma. 16. Puhi,- he mea kani i hookani ia ma ke kaua, i loheia mamao aku a ike pono ia na hana ku i na ano okoa o na leo. 17. Pohaku, mamuli o ka uku hoopai no ka mea pepehi makua, Kan. 21:18-21. 32. Kusi,- he kanaka paele keia, he kukini. 33. Moe.- nui kona kaumaha, oiai paha ua uuku kona malama ana i kona keiki.

            I. Hihia ma kekukulaau, 9-13. Heaha ko Davida hana i kona wa i lohe ai i ko Abesaloma kipi ana? Owai na alihikaua ekolu o ko Davida mau puali kao, p 12? Owai ke alihikaua o ka poe kipi, 2 Nal. 17:11? Heaha ke Davida kauoha e pili ana ia Abesaloma? Mahea ke kahua kaua. 2 Nal. 18:6? Owai ka poe i hooauheeia aku? Heaha ke Abesaloma ulia poino? Ua hihia anei oia ma kona lauoho. 2 Nal. 14:26? I ka wa a Ioaba i lohe ai i ko Abesaloma pilikia heaha kona olelo ao? Oi aku anei ko ke aupuni pomaikai ma ka make o Abesaloma, ma kona ola ana paha? He kanaka maikai anei oia? Ua eo anei oia ma kekahi hana pono?

            II. Pepehiia e Ioaba me, 14-17. Heaha ko Ioaba olelo pane mumuku? Heaha kona hana? Ua hana anei oia me ka manao e imi pono ai i ka pomaikai nui no ka lehuku? Ua hoomau anei oia i ka pepehi ana i ka poe kipi, aole paha? Heaha ka heana? No keaha la ke kau ana i ka ahu pohaku maluna on a? Heaha kekahi mau olelo ao i ka poe opio ma keia olelo hoike o ko Davida keiki punahele?

            III. Ko Davida uwe ana, 32, 33. Pehea i lohe ai o Davida i ka lanakila o kona poe koa? Ua hoihoi anai oia? Heaha kona ninau? Pehea i pili ai keia ninau? Ua malama ola ia anei ke keiki opio? i ko kakou poe opio? Heaha kekahi mau mea ino e hoohihia ai ia lakou ma keia pae aina i keia wa? Heaha na hana e palekana ai lakou? No keaha la ko Davida pii ana i kona keena maluna? Me kona uwe waimaka ana, heaha kona olelo kanikau? Heaha kekahi mau olelo ano like? Pukaana 32:32 a me Roma 9:3? Heaha kekahi mau kumu no ka nui o ko Davida kaumaha? Manao Pili. 1. Oo aku anei kekahi mea e kaumaha ai mamua o ka make ano o kou keiki aia ma kona hewa? 2. Pehea i like a like ole paha ko Davida uwe ana me ko ke Akua aloha aku i na kanaka hewa? 3. Ina ua hana ka hana imi pono, he hana punikoko poino me he panai la no ko hai? 5. Hiki anei i ko ke Akua aloha ke pale aku i na poino o na mea hewa?

            III. 10. Sept. 6.- Ko Davida iini i ka hale pula. 1 Oihanaiii 22:6-16.

            6 Alaila, hea aku la ia i kana keiki ia Solomona, a kauoha aku la iaia e hana i hale no Iehova ke Akua o ka Israela.

            7 Olelo aku la o Davida ia Solomona, E kuu keiki e, owau nei la, aia no iloka o kuu naau ka manao e hana i hale no ka inoa o Iehova kee Akua:

            8 Aka, hiki mai la ka olelo a Iehova io'u nei, i mai la, Ua hookahe oe i ke koko a nui loa, a ua kaua hoi oe i na kaua nui: mai hana oe i hale no kuu inoa, no ka mea, he nui loa ke koko au i hookahi ai ma ka honua imua o ko'u mau maka.

            9 Aia hoi, e hanau ke keikikane nau, he kanaka hoomaha no ia; a e hoomaha auanei au iaia mai kona poe enemi a pau e noho ana a puni: no ka mea, o Solomona kona inoa, a e haawi auanei au i ka maluhia a me ka maha no ka Iaweala i kona mau la.

            10 Nana no e hana ka hale no ko'u inoa, a e lilo auanei kona makua, a e hookupaa no wau i ka nohoalii o kona aupuni maluna o ka Iseraela, a mau loa aku.

            11 Ano hoi, e kuu keiki, me oe pu o Iehova: a e pomaikai auanei oe; a e hana oe i ka hale o Iehova o kou Akua, e like me kana i olelo mai ai nou.

            12 E haawi io mai o Iehova nou i ke akamai a me ka naauao, a e kauoha mai ia oe no ka Iseraela, i malama aku ai oe i ke kanawai o Iehova o kou Akua.

            13 Alaila oa e pomaikai, in a oe e hoomanao e hooko i na kanawai a me na kauoha a Iehova i haawi mai ai ia Mose no ka Iseraela: e hooikaika oe, a e koa hoil mai makau oe, aole hoi e pauaho.

            14 Ano hoi, i kuu ilihune ana, ua hoomakaukau iho no wau no ka hale o Iehova i hookahi haneri tausani talena gula, a me ka tausani tausani talena kala: a o  ke keleawe a me ka hao, aole i kaupaonaia; no ka mea, he nui loa: ua hoomakaukau hoi au i ka laau a me na pohaku, a nau no e hoomahuahua ae ilaila.

            15 He nui no hoi na paahana ia  oe, na mea kalai a me na mea kapili pohaku a me ka laau, a me na kanaka kamai he nui i ka hana i na hana a pau.

            16 O ke gula a me ke kala, ke keleawa a me ka hao, aole i heluia. E ku ae oe, a e hana aku, a me oe pu no o Iehova.

            Pauku Gula. Halelu 84:4. Pomaikai ka poe e noho la ma kou hale: Ua mau loa ko lakou halelu ana ia oe. Manao Nui. E pono ke kokua pu i ke kukulu ana i ko Iesu Ekalesia. Olelo Hoakaka. Pau ko Abesaloma kipi ana. ua hoi hou aku o Davida i Ierusalema. No na makahiki ehiku ua hooponopono hou a hoomalu hou i kona aupuni. Aka nae he elemakule oia a nawaliwali. Ua ake nui kana keiki Adoniia, a hooliekie oia iaia iho e lilo i alii. Aka nae ua hooikaika o Natana ke kaula ia Davida e hooko koke ai i kana olelo mua, a hoolilo iho la oia ia Solomona i alii no ka Iserela. Ua pau pono ko Davida mau hana, koe nae me ke kukulu ana i wahi halepule no Iehova.

            6. Solomona, o ke ano o keia inoa oia no maluhia piha, no ka mea ua hanauia oia i ka wa a Davida i lanakila ai maluna o kona poe enemi a pau loa. 7. Manao, i oleloia 2 Sam. 7:2. Ua manao nui o Davida i ka hooholo ana i na hana imi pono, haipule maoli, hoomana oiaio, oia no ka hana e hoomau loa ai a hooniu aku i ke kuonoono o na kamaaina. 8. Koko, oiai hoi ua pono ko Davida kaua ana. Aka nae aole ku ke kaua i na hana haipule. Ua hooikaikaia o Davida no kekahi mau hana maiakai aole nae no na hana ku i ka maluhia uhane. 9. Hoomaha, "maluhia piha," e like me ka inoa Feriderika, Rich in peace. 10. Hookupaa, in a paha e hooko ana o Solomona i na kanawai o Iehova, p. 13. 11. Pomaikai, mamuli o ko Iesu olelo hooikaika no hoi, Mat. 6:33. 12, Naauao, mamuli o ko Solomona noi no hoi, 1 Nalii 3:9. 13. Koa, ma ka lanakila ana maluna o na mea kue, aole paha maluna o ka poe kaua. 14. Talena, 3,000 mau sekela, ka mea ana maa mau i ke kaumaha. No ka talena gula ke kumukuai $28,800; no ka talena kala, $1,920. Aka nae aole paha ua like ka waiwai o ka talena me ke kaumaha, aka ua like a like ke ano waiwai o ka talena gula me ka talena  kala, e like me ka pauna seterelina o ke aupuni Beretania. O ka nui o na waiwai mamuli o ka poka kaupaona ma keia mau helu, oia no ka huina pau, $4,800,000,000. Ua kuhihiwa paha na helu, a i ole paha aole i ikeia ke ano waiwai maoli o na moni dala Iudaio. 19. Paahana, he poe kauwa kuapaa paha, ka poe Kanaanita i hooliloia i poe paahana. 16. Heluia, ma na waihona waiwai, na oloalu, kahi i waiho ai na waiwai lewa o na 'lii.

            I. Ko Davida manao e kukulu ai i ka luakini, 6-10. Heaha kekahi iini nui o Davida? Owai kona hope? He aha ko Iehova olelo ao aku ia Davida p. 8? Heaha kona olelo hooikaika p. 9? Heaha kona olelo paa mua, p. 10? Heaha na kumu nui no ko Iehova papa loa ana iaia? Heaha ke ano noho o ke aupuni kupono no ke kukulu ana i ka luakini nani? Ina paha aole i hooholoia ko lakou manao maikai, e mahalo ana ke Akua i ka manao? E hiki anei i hookahi ke hana i na hana a pau loa o kela a me keia ano? Ina paha hookahi hana kupono nou, heaha ka manao maikai e pili ana i ua hana la?

            II. Ko Davida olelo hooikaika ia Solomona, 11-13. Heaha ko Davida olelo hooikaika i kana keiki, p. 11? Ehia na mahele o keia olelo? Heaha ka mua? Ina paha aole o Solomona he mea haipule, ua kupono anei kona kukulu ana i ka halepule? Ua pili anei ka pomaikai i ka hana pono: Ua loaa anei i na kanaka a pau loa ke kuleana ma ka hooholo ana i na manao o ke Akua? Ua makemake anei ke Akua i ka naauao ma ko kakou hooholo ana i kona hana? Heaha na kumu no ka malama ana i na kanawai o ke Akua? Kupono anei i ke Akua ke hoopomaikai i ka poe hookuli?

            III. Ko Davida hoolako ana i na waiwai no ke kukulu ana i ka luakini, 14-16. Pehea i ulakolako ai o Davida? Ua kupono anei ke lawelawe i na waiwai o ka poe aia no ka hooholo ana i ka hana a ha Haku? Ehia na dala i houluuluia? Ehia mau paona o ka keleawe? Heaha ke ano o na manao i hoikeia ma keia hoomakaukau ana? Owai ka poe lawelawe hana no Solomona? Pehea i lilo ai o Davida i kumu hoohalike no kakou? Ua hiki anei ia Davida ke hooholo i kekahi hana e ae oi aku ka maikai mamua o ke kukulu ana i ka lua kini nani loa? Heaha ka hana oi aku ka maikai, ke kokua ana i ka poe nele, a i ole paha ke kukulu ana i na halepule? E loaa ana anei ia kakou kekhi pomaikai nui ma ka hooholo ana i ka hana a ka Haku? E pono anei ia kakou ke hoonui i hala? E pono anei i na kanaka a pau loa, na keiki kekahi, ke kokua pu ma ka hoolaha ana i ke aupuni o Iesu Kristo.

            Manao Pili. 1. Ua ike anei oe i kou kuleana ponoi ma ka hooholo ana i ka hana a ke Akua? 2. E hiki anei i ke Akua ke loaa he mau kokua mai ka poe kue mai? 3. Ua pono anei ia kakou ke hoole i kekahi hana ku ia kakou, no ka mea he hana ia e hoolako ai i kekahi paahana e ae? 5. Heaha na kulana kupono no ke kukulu ana i ko Iesu luakini uhane? 5. Ua haawi manawalea anei ka poe hoahanau e like me ka hiki ia lakou?

            Loohia iho la o Mrs. Rhodie Noah, o keia wahi, i ka po, me ka umii, a i kekahi la ae o ka moku-hi aku la no ia. Inu oia i akahi hapalua o ka omole laau kilika-eleele, aole nae loaa iaia ka oluolu. Alaila, hoouna mai la oia ia'u, ina paha he hiki ia'u ke kokua aku iaia, Hoouna aku la au iaia i omole o ka Kamalena Laau Hoola Nahu Kolera ame ka Hi, a i kona inu mua ana, o ka loaa na ia o ka oluolu. O kekahi no hoi o ko makou poe hoaloha, ua loohia oia i ka mai no hookahi pile, a ua hoao nohoi i na laau like ole no ka hi, aole he ole, oi lao aku la ke oolea. Hoouna aku la no au i keia laau iaia. He eha no ana inu ana, o ke ola no ia. Olelo oia, ua loaa iaia ke ola mamuli o keia laau kupanaha. Mrs. Mary Sibley, Sidney, Mich. E kuaiia ana e na poe kuai laau lapaau apau. OBENSON SMITH & CO., na Agena no ko Hawaii Pae Aina.

 

HE MOOLELO NANO

NO

LUBIANA KASIMILA

KA NAITA O KA

LIONA GULA O BOHEMIA.

A I OLE

Ka Hiu Naita Eleele o ka Lima Ulaula

MOKUNA II.

            "Ua ikeia au ma ia inoa. e kuu hoahanau," wahi a Mamiona i pane mai ai. "A o oe anei ke alakai nui o ka hui malu i auia ai kona weli ma Bohemia nei apau?" i ninau aju ai o Lubiana. "A o oe anei ke alakai nui o ka hui malu i kauia ai kona weli ma Bohemia nei apau?" i ninau aku ai o Lubiana. "Ae. Aka, e hoomanao oe, e kuu hoahanau, o ua hui la; he hui ia i kauia kona weli e na poe hanu hewa a piha karaima iloko nei o ka aina; aka, ola ka puuhonua o ka poe hao wale, a pakaha hoi. Ano, e kuu hoahanau, o keia ka hui a'u i kii mai nei ia oe e komo, a e ike-auanei oe i kona mau ano apau. No kuu makemake e lilo oe i hoa no keia hui i hele kino mai nei au i na ululaau o Bohemia Wolde nei, no ka hoao ana i kou ikaika ame kou akamai ma na mea kaua, a ua ike iho nei au me ka maopopo. I keia po no, e kuu pokii, e komo aku ai oe ma ka poai anoano oia hui. Nolaila, e haawi mai anei oe i kou paulele ana maluna o ka'u alakai ana aku ia oe?"

            "Ae," i pane aku ai o Lubiana. "Aole anei oe, e kuemi hope aku ana mai ka hoohiki ana, e lilo oe i hoa no ka puali o ke aloha aina oiaio, ka poe e hoopakele ana ia Bohemia nei mailoko mai o na lima o na malihini aea wale, e noho nei ma ke alo alii o ka Moi Oto, ke kanaka i hoohaumia i na paia laahia o ka halealii o Bohemia nei me na haia-wahine o ka halealii o Bohemia nei me na haia-wahine hookamakama?" I keia wa i kau ae ai o Lubiana i kona lima akau iluna, me ka olelo ana aku: "Ano, ke makemake nei au, e hoohiki mai oe ia'u."

            "Ua lawe, e kuu pokii. I hiki mai ana ka wa e poniia ai oe me ia haawina laahia, a e komo aku ai hoi oe ma ka poai o ka hoola aina oiaio. Nolaila, e kuu pokii, e noho iho oe ilalo, a e hoolohe mai i na huaolelo a'u e hoopuka aku ai imua ou," Noho iho la o Lubiana ilalo, a hoomaka mai la ua Naita Eleele nei e ka mailio:

            "Ke hoike aku nei au imua ou i kekahi manao ano nui loa, a ku  hoi i ka hoano ame ka ihi kapu; a in a nohoi aole au i ike e komo aku ana iloko o na paia eehia ame ka ihiihi o ua wahi la, in a no la aole au e aa e oaka ae i ko'u mau lehelehe imua ou ikeia sekona. O keia Ahahui i kapaia e na kanaka o Bohemia nei, oia no ka "Ahahui Naita Eleele o ka Lima Ulaula;" a he hui ia i loaa ole ai ia'u ka hanohano o ka noho pookela ana. He mea i oi ae mamua o'u, oia kona Luna Kiai Kiekie Loa; aka. ua hiki nae ia'u ke olelo ae, owau aku kona kokua, a o ka heli elua hoi o na ____ e paa ana i ka mana, maloko oia ahuhui. Nolaila, e kuu pokii ua lawa keia hoike a'u ia oe no keia wa. E hiki mai ana no ka manawa kupono nou e ike ai i na mea apau."

            Ma keia wa i komo mai ai o Manafereda me kekahi pap i piha i na mea ai o ka nohona kuahiwi kahi io holoholona momona i koala ia me ka maiau nui, kahi omoomo palaoa i hanaia me ke akamai, pela hoi me kahi hue ili i piha i ka waina mikomiko, ame na laau nahele kupono no ka ai maka ana iho. Nolaila, noho iho la lakou me ke pakakau a ai iho la me ka hialaai nui. E kuu makamaka heluhelu, ke ike no kaua i ko kaua hoea ana mai nei i kahi i ike ai oe i na mea apau i pili i ka Naita Eleele a pela pu hoi me kahi a ka kaua koa opio e nee hou aku ai ma keia mua koke iho.

            Mahope iho o ka pau ana o ka lakou paina ana, ua kamailio maopopo loa ia ae le ko Lubiana hele ana aku me Mamiona. Nolaila, ua kii aku la laua i ko laua mau pono apau. I ko laua makaukau pono ana nohoi i na mea apau no laua mau lio, haawi ke aloha hope i ka elemakule Manafereda, a hele aku la laua. Kamoe aku la ko laua aiahele maloko o ka uaulaau, e hele ana kekahi mamua a o kekahi mahope, a he mau mile okoa ka laua hele ana pela ke ano. A hala kekahi mau hora o ko laua hele ana, hoea aku la laua i kekahi alanui e hiki ana i na lio elua ke hele like, maanei i hele aku ai o Mamiona a hoea i kekahi kumulaau, a hala he mau sekona hoi mai la oia, a e kona hoi ana mai, ua paa pu mai la oia i kekahi mea ma kona lima, a ua like loa kona ano me ko kekahi pu puhi.

            Kamoe aku la ko lauaetaoi taoi aoi Ua uhin mai la na eheu o ka pouli i keia wa, a e puka mai ana hoi ma ka hikina ka mahina piha, a ua lilo kona malamalama i mea e maikai loa ai ka laua hele ana. Aneane hookahi hora okoa o ko laua hele ana ma keia alanui, aia hoi me ka hikiwawe loa kaohi iho la o Lubiana i kona lio, a ia wa hoi i ninau aku ai o Mamionai aia: "Heaha keia?" "He mau pohapoha kapuai lio ka'u e lohe nei," wahi a Lubiana i pane aku ai. "He keu kou a na pepeiao lolohe," wahi a Mamiona. "Ae ua hoomaamaau mau ia ko'u mau pepeiao ma ka hdoolohelohe ana iiok nei o keia ululaau."

            "Manao anei oe e kuu pokii, o kana wale no ke hele nei maloko nei o keia ululaau? Aole loa pela; aka, aole auanei e liuliu a hoea aku no kaua i kahi e hoike maopopo ia mai ai imua ou aia he poe e ae no kekahi e maau hele ana maloko o keia ululaau. Nolaila e awiwi kaua."

            Alaila, holo aku la laua a hala he hora okoa, ia wa huli ae la laua i ke kukulu hema, a kamoe aku la ko laua alahele i kekahi kipa kae laau, a ma ua kula la nae e kupu kelakela a laua e hele ana he ano kikeekee no na kue-maka pali e umamalu poiuiu iho ana maluna o laua. Ke hoomaopopo la hoi o Lubiana o ke alahele a laua e hele ana he ano kiekie no ia, elike me ke ano o ka moe ana o ke kaika pali e ku ana ma ko laua aoao. Hele aku la laua a hoea i kekahi oawa hohonu, aole nae paha i hiki i ka 100 kapuai ke akea. Ike aku la o Lubiana , aole he wahi o lana e hoea aku ai ma kela aoao, oiai aohe alahaka, a ua hoopiha loa ia kona naau i ke kahaha nui, a uinau iho la oia iaia iho: Pehea la laua e hiki ai ma kela aoao o keia oawa; a-i-ole-ia. mehea hou aku la ko laua alahele e nee hou aku ai?

            Oiai o Lubiana e piha pahaohao ana iloko iho ana. ia wa i puhi ae ai ka Naita Eleele i kekahi pu-puhi, a hoo manao ae la o Lubiana i ka mea ana i ike ai, ma ka lima o ua Naita Eleele la, iaia i huli hoi mai ai mai ke kumulaau mai, ma ka manawa o laua i hoea mai ai i kahi e hiki ai ia laua i hoea mai ai i kahi e hiki ai ia laua ke hele pa-lua ma ke alanui.

            Ekolu manawa i kani ae ai na pu nei, a oia neaoi ka wa i wawalo mai ai ka leo o Lokahi pu-puhi ma kela aoao mai. Eaioole hoi, ike aku la o Lubiana i ka holo ana mai o kekahi poe kanaka aahu eleele, he ewalu ko lakou nui, me ke kaualako ana mai i kekahi mai. I kela wa i lele iho ai ka Naita Eleele mai luna iho o kona lio, hele aku la ia a ma ka paia pali lawe mai la oia i kekahi kaula ili, alaila, pope ae la oia i kekhi piko o ua kaula 'la a kiola aku la ma kela aoao, kahi a na kanaka he ewalu e ku mai ana me ka ukana a lakou i huki mai ai. Aole hoi i liuliu. huki mai la ka Naira Eleele i kekahi poo o ua alahaka la ma keia aoao, alaila. hele mai la he eha kanaka mai kela aoa mai a hoea i keia aoao. Hoopaa iho la keia poe kanaka a pau, ma kela ame keia aoao, i na poo o ua alahaka 'la.

            Alaila. hele aku la ka Naita Eleele ame Lubiana a kau aku la ma kela aoao, a kamoe loa aku la ko laua alahele no mua. Aole hoi i liuliu ka laua hele ana aku. poha ana ka leo kahea o kekahi koa kiai me ke mea la mai luna iho o ka pali. "Qui venit?" O he ano o keia huaolelo, "Owai keia e hele mai nei?" Ia wa i pane aku ai ka Naita Eleele i keia mai huaolelo: DICTUM FACTUM-VIDETUR. Ia i lohe aku ai o Lubiana i ke olowalu ana mai o na leo: "JUSTITIA- Amen, Amen."

            Emoole hoea aku la laua ma kekahi puka oa, hamana aku la ua puka nei nei a komo aku la laua nei ma ua puka la. Kau aku ia iaua ma kekahi uwapo hooholo, e kau ana maluna o kekahi oawa i like loa no ke ano, me koke oawa i hala aku ia laua mahope. I ko laua hoea ana 'ku ma kela aoao o ua alahaka hooholo nei. ua ku iho la laua ma ke alo ponoin o kekahi hale kakela nui.

            Maanei i puhi hou ae ai ka Naita Eleele i kana pu-puhi, wawalo ae la kona leo ma na paia o ua hale kakela nei, aole hoi i liuliu pae mai la kekahi leo maloko mai, ma ka ninau ana: "Owai ko ka po? I kela wa pane aku la o Mamiona: "JUSTITIA." "Amen! Amen!" wahi a ka leo i pane mai ai mai loko mai o ka hale ______.

            Weheia ae la kekahi pani puka a ia wa i lele iho ai ka Naita Eleele mai luna iho o kona lio, a pela nohoi o Lubiana, Hele mai la o Mamiona a loaa kona hoaloha opio, a olelo mai la oia, he mea pono iaia ke koa a wiwo ole ma na mea a pau e halawai mai ana me ia oiai kona wa e noho ana iloko o ka hale kakela. Alaila, komo like aku la laua iloko o ua hale kakela 'la, oiai hoi ko laua mau lio i laweia aku ai e kekahi kauwa. Alakai aku la o Mamiona ia Lubiana a hoea maloko o kekahi keena, aia maloko o keia wahi keena. hookahi no ipukukui e a ana. Malaila kamailio hou mai la oia.

            "E Lubiana mai maka'u oe, e kupaa a lanakila a e aahu no oe i ka papahi lei haaheo o ka lanakila. E Lubiana e komo'ana anei ka maka'u ame ke kuihe iloko o kou houpo?" "Aole," wahi a Lubiana i pane aku ai. "Nolaila, e kuu pokii, e noho oe maanei, a e kali no na mae e hoea mai ana imua ou. E hana aku oe elike me kau i ike ai he pono: aka, e hoomanao mau oe, mai kuemi hope, aole hoi e kanalua. He manaoio no ko'u e lanakila ana no oe. E hoomanao i keia mau mahele nui ka pahikaua ke aloha ke koko ka pahu kupapau ka hoaloha ka maka o ka laau ihe ka lanakila. Nolaila, aloha oe, a hui hou kaua, ke kupaa oe, aka ke kupaa ole oe, alaila, aole kaua e hui hou ana." Haawi mai la ua Naita Eleele nei i kona lima ia Lubiana. lulu lima iho la laua, a nalowale alu la ia mai kona hoa opio aku.

MOKUNA III.

            Na hoao Weliweli Ka Pahikana Ka Lede Opio iloko o ka Ehaeha Na kulu koko Ka pahi-kupapau Ka hoaloha Ka hakoko i ka pouli Ke Kuahu o ka lanakila. Mahope iho o ka hala ana aku o ka Naita Eleele ua ku hookahi iho la o Lubiana iloko o ka rumi i lawela aku ai oia e kona hoa, a hala paha he mau miuuie ia wa oia i ike ia i ka pio ana o ka ipukukui e a ana iloko o ua rumi la, a popoi pu iho la ka pouli aiwaiwa maluna ona. Kau mai  la ke anoano eehia ma o a maanei ona Oiai oia e ku ana iloko o keia piaa piopu ana ka weli eehia o kon wa ia i hoopuiwa loa ia ae ai. mamuli o ka maalo ana ae o kekahi wea weli malamalama mamua pono ona a i kona nana pono ana aku i ua mea weli nei, ike aku la ia he ano kona o kekahi pahikaua loihi a ia wa i pu e mai ai kekahi leo anoano.

            "Elalau iho i kau pahikaua a e pale nuu iho." I keia wa ________ iho ai ua kanaka opio i i i kana ___________ la mailoko ae o kona wahi Hookuene pono iho la oia i kona mau maka i kahi a ka pahikana kamahae kau mai ana imua ona. " Ua pono." wahi i ka leo i na e mai aii. A ma ia wa no, i oliao ae ai he malamalama nui, a hoomaamaama ae la i kahi ana ai ku ana. O ka mea kupapaha ana i ike iho ai ia wa aia oia ke ku la iloko o kekahi rumi nui akua. Aia hoi ma na paia o ua keena nei e kuka ana he poe kanaka me na kahu eleele, me na papale eleele loloa ana apua o luna aku, a e lele iho ana hoi o mua o ua mau papale la,  a paa pono ko lakou mau maka. Aia ma ke lakou mau umaunia he poe pale kila eleele a maluna pono iho o ua mau pale kila ____ ka lima ulaula e paa apa i kekahi _________. Aia hoi mamua pono mai ana e ku ana kekahi kauaka ana paipui i aahuia kona kino holookoa ae kekahi aahu kila eleele.

            Ua kau mai la oia i kana pahikaua linua o Looiana. Ia manawa ninau mai la ua kanaka la i ka kaua koa opio: "Ua makaukau anei oe e pale ao kou ola iho, a-i-ole-ia, e ae anei oe e huli hoi aku ma ke alahele au i hoi mai nei i mea nou e pakele ai mai ua haawina ehaeha i hoomakaukauia nou maloko o na paia o keia hale? "Ua makaukau loa au e paio no ko a ola ino a hoea i ke sekona hope loa e a le aku ai ka hana ola wai loko aku o ko'u kino aole hoi au i ao ia i ka holie wale, hoohaliu aku ai au i ko'u kua i ko'u hoa paio elike la me oe e ku mai nei imua o'u.

            I kela wa i pio hou iho ai ka malamalama, uhi hou iho la ka pouli ____ o ka rumi holookoa. Lohe ae la ia i ke o ana mai o na mea kiia o paapaaina ana i kahi ame kahi. O ka hele ia o keia mau leo koekoele o na pahikaua a hahani pono i kona mau pepeiao, a ke lohe lanohoi oia i ka nu o ka makani o na hooniuniu ia ana o na mea kaua. Alaila, poha hou ae la ka malamalama, a ike ae la ia ua puni oia i na kanaka aauu elele me ka iakou mau pahikaua e kaulona pololei ana i kona kino apau. Aole wahi o kona kino i kaawale ae, mai na wiui mai o na pahikaua he lehulehu loa e hoopuni ana iaia.

            "Aole anei oe e hoi hope? Paa no anei kou manao e nee imua: wahi a kekahi leo pae mai ai. "Aole au he hohe wale no mua hoi ka'u huakai e helu aku ai me ka umauma hope ole," wahi a Lubiana i pane aku ai me ka leo kuoo a makau ole hoi. Pio hou iho la ka waiaiuaiaina, a o kona wa ia i lohe aku ai i ka nakeke ana mai o kekahi kauialiao e kaualaki ia ana maluna o ka papahele. Emooleike iho la ia ua hoopunila ae la kona kino me ka hikiwawe loa me ua kaulahao nei, a ma ia wa pa-e hou mai la ka leo ana i lohe mua ai:

            "E! e ke kanaka opio, elike me ka loihi o kou hoopaakiki ana aole oe e hoi aku i hope ma ke alahele au i hele mai nei, pela auanei ka loihi o kou hookui pu ia ana aku me na haawina o ka ehaeha. Ano he pio oe i keia wa iloko o na poho lima o na mea mana e alii nei ma keia hale kakela. "Amen! amen!" i hooho pualu mai ai kekahi mau leo.

            E ola ana i ka laau kapu a Kama lena ke anu, ke kunu ho ame ke kunu kalea. He oluolu ka inu ana, he palekana a he hiki ke hilianaila. E kuaiia ana e na poe kuai laau lapaa a apau. O BENSON SMITH & CO,. na Agena no ko Hawaii Pae Aina."

 

Hoo'aha Kumau.

Aole loa e maikai a oluolu ke ola ana o kekahi mea kino uhane ia iua he aaiole koua akepaa a hiki ke lawelawe i kana mau hana me ka hololea. E haliai ana ka hai___ ___ me na ua waliwali e ae ma ka me ali o ke ake ponalo. He ____ opio kela i hooiaia na mia na wahi na poai oluolu akau iloko o ka _____ ha keketuria, o na

HUALE A AYERS.

ola wale no ka LAAU Hoola AKE maikai loa i ikela. E hoola ana o ka lepopaa. Ka ____ eha, na ma'i oloko o ka opu, a me a ano LAAU OHANA aohe on a lua like ai.

O ka Ayers Sasaparila, oia ka Laau Hoomaemae Koko kilakila e haawi ai i ka ikaika a me ka ponopono ia ua ia loko o ke kina o ka ili, e hoopau ana i na walue ia kau ka. E pepehi a ulupa aua na PUHA , e hoola ana i na poialoka hi o ke oli ana a e kipuku _____ ____ na uiio wa'i a pau. O ka pue ____ waliawali wau a ana ma'i e ae _____ ae mai ke kako ino umi, ne ____ pono e inu i ka laau. SASAPAHILA A AYERS.

He laau e h______ a i ka  _____ wali, a e hoopuipui mai ai i ke a ____. Ma ka inu aua i keia laau, e h____ ano ia ai ka ai aha, _____ ka _____ ana a maikai ke ola ana.

O ka Ayers Cherry Peetorai

laau, aohe lua wa ka _____ _____ ana i na KUNU ANU a mai na PUU EHA. E ___ ia na KUNU KALEA a me ua wa'i pili i ko ika me ka hiki wawe 'oa. O n Huaale a Ayers ha N_____ rila a me ka Ayers Cherry Peetorai aia kahi e koaa ai ma ka ____ kuai o ka.

Hollister Drug Co. Lt.

___________________________

KAKELA ME KUKE Ka Halekuai Nui Waiwai Like OLE NA MEA HANA KAMANA AKAI

PALAU LIO

Makan me Aho Lawa'a

 Mikiai Humuhumu aulana Wilcox, & _____________ ks Remington Kina Lopi

 

Kakela me Kuke