Ka Nupepa Kuokoa, Volume XXXV, Number 36, 4 September 1896 — HE MOKU ILI MAWAHO AE O LAE AHI. [ARTICLE]

HE MOKU ILI MAWAHO AE O LAE AHI.

Ma ke kakahiaka Poaono aku nei i hekau ae ai ka moku-kiapa "Gainsborough" ma na ku-a-au mawaho ae o Lae Ahi, aneane he hapalua mile mai ke kahua hale-kiai aku o "Kaimuki." Ma ka hora 5 o ia kakahiaka i loaa mai ai ka lono telepone no keia poino i Honolulu nei. a ua hoouna koke ia aku ka mokuahi "Eleu" e kolo i ka moku poino mai kona wahi i ili ai, aole nae he hemo iki. O ka mokuahi Ke Au Hou kekahi i haawi i ne kokua ana, aole no nae he hopena pomaikai i ikeia. Ua haalele aku keia moku ia West Port, Nu Kilani, ma ka la 23 o lune, 1896, me 1,315 tona lanahu no Kapalakiko. I kona kokoke ana mai i Hawaii nei, ua kokoke e pau ka wai e inu o luna o ka moku, a nolaila ua ipanao ke kapena e kipa mai i Honolulu nei i wai. "Ma ka auina la Poalima, kaalo lakou mawaho ae o Molokai, a ma ka hora 1 oia auina la, ike lakou ia Oahu nei. Oiai e holo mai ana ka moku no Honolulu nei, ma ka mamao o 4 mile a oi, mai ka aina aku, ua hoololi iki ae la ke kapena i mile ke kokoke mai iloko nei o ka aina. Hora 4 a oi iho aku la ke kapena ilāio e nana ai i kana palapala Mna, a iaia i nana ae ai ia uka o ka aina, ua ike iho la me ke pahaohao nui, ua hala loa lakou iloko, a ma kana hoomaopopo iho na ke au e ko ana ia lakou iloko. Ika hora 5:30, ike iho la ke kapena i ka hookui ana o ka moku a ili iho la. O kahi ana i ili ai he 18.7 kapuai ka hohonu o ke kai. O ke kapena o keia moku, oia no kekahi mea kuleana iua moku la. Ua manao ia he $15,000 ka waiwai io o ua moku la. Aole ola i poino. Aole i hoopaa poho ia keia moku, a o kona poino ana iho la, ua poho loa ka poe i kuleana maluna ona. Ua kapiliia keia moku ma Ladana 1866. He 230 kapuai kona loa; ke akea, 31.4 kapuai; hohonu, 20.4. Ma ke awakea Poakahi nei, ua kuai kudala ia aku ua moku la, ā ua lilo ia Allen & Robinson no $1,825. Ua hoohana koke ia na poe limahana Hawaii ma ka hu'e ana ika ukana. He hoopii koi poho nae ka Marcus Colburn maluna o ua moku la, no kekahi hana< i lawelaweia e ia a me kona mau kanaka maluna o ua moku la, a eia ua hoopii la imua o ka Aha hookolokolo.