Ka Nupepa Kuokoa, Volume XXXV, Number 36, 4 September 1896 — HE MOOLELO NANI NO LUBIANA KASIMILA, KA NAITA O KA LIONA GULA O BOHEMIA. A I OLE Ka Hui Naita Eleele o ka Lima Ulaula. [ARTICLE]

HE MOOLELO NANI NO LUBIANA KASIMILA, KA NAITA O KA LIONA GULA O BOHEMIA. A I OLE Ka Hui Naita Eleele o ka Lima Ulaula.

MOKUNA 111. Na hoao Weliweli—Ka Pahikaua—Ka Lede Opio iloko o ka Ehaeha—Na kulu koko —Ka pahu-kupapau—Ka l.oaloha—Ka hakoko i ka pouli—Ke Kuahu o ka lanakila. Aole hoi i liuliu ike iho la keia i heehee ana aku o ua kaulahao nei mai iaia aku, a ma ia wa poha hou mai la ka malamalama. Ike iho la ia, e ku ana oia maloko o kekahi rumi i ano okoa loa kona ano i ko ka mua. I kona nana ana ae ma o a maanei o ua keena nei ike ae la oia i kekahi noho e ku ana, a oia wale no kahi mea hoonani hala ana i ike ai maloko o laila, a ike aku Ia ia i kekahi puka hookahi ma ka paia akau o ua rumi la. Hele aku la ia a noho iho la, me ka noonoo nui ana iloko iho ona no ke ano o kana mau mea i ike ai i na minute mamua iho a pela nohoi me ko keia wa. Oiai ia e nalu poluluhi ana iloko o kona naau, aia hoi, lohe ae la ia i kekahi leo uwe kapalili ma kona aoao akau, a ua kupono loa ia ma kahi o ke pani puka ana i ike aku ai. O ka leo ana i lohe aku ai, he leo ia no kekahi wahine. Aia hoi oia ke lohe la i na paapaaina ana o kekahi mea e hahauia ana, me he mea la ma kana hoomaopopo aku, he mau maawe kaula ili ia e uhauia ana ma ke kino o ua wahine la. Elike me ka maū ana o na paapaaina ana o ua mea la ana i hoohalike aku ai he mau maawe kaula ili, pela ka uwe kapalili ana o ua leo wahine nei me ka ehaeha nui, a lohe pu aku la hoi ia i kona leo walohia e hea ae ana: "E aloha mai ia'u; e aloha mai ia'u. E hooki oe i kau uhau ana mai ia'u me na maawe kaula ili o ka lokoino. O! O! Ina he puuwai kekahi o ke kanaka koa oiaio iloko ou, e ae ana no oe i ka'u ē nonoi aku nei ia oe, e aloha mai oe ia'u." Ua nui 'loa ia ko Luhiana aloha no keia wahine e noke ia nei i ka hili a holo aku la a wehe aku la i ke pani mainoino, a ua ku koke ae la ia iluna, puka.ana i ike ai ma ka aoao akau o ka rumi ana e noho ana. He oiaio, ua hemo aku la ua puka nei, aka, aia hoi ka pouli ke uhi paa la ia loko o ua

īumi la; ke mau la no nae kona lohe aua i ka leo uwe o kela wahine. Hookolo aku la ia ma kalii o ua leo la e uwe mai ana, a hiki wale i kona iohe ana i ke kani ana mai o ka hora 10 o ka po, aole he wati*ka mea nana i hoike mai iaia ia mea, aka, o ka pu-puhi a ke koa kiai o loko o ka hale kakela. Hoomau aku la no ka kaua koa opio i ka hele huli ana i kahi e loaa ai ka leo walohia ana i lohe ai, oiai aia mau no ia ke lohe la i kana uwe ana, ame ka paapaaina ana nohoi o na kaula ili hahau. Oiai ia e hookolo ana i kahi a ka leo uwe, ua hookui aku la kona wawae me kekahi mea nakeke ano koikoi, a i kona haha ana iho, ike iho la ia he ahua iwi, aole nae hiki iaia ke hoomaopopo, he iwi kanaka paha ia, a i ole, he iwi paha o kekahi ano e ae. I kela wa ike iho la ia i kona emi aua iho ilalo, me he mea la e nee holookoa ana ke kahua papahele ana e ku ana iloko o ka opu o ka honua. Aole hoi i liuliu, ike aku la ia i ka holiolio ana mai o kekahi uiuiki malamalama ma kahi mamao mamua pono aku ona. Hoomaopopo pu iho la ia, ua pau ka nee ana ona ilalo, a ke mau la nolioi kona lohe i ka leo uwe o ka wahine iloko o ka ehaeha, a me he mea la aia ua leo la ana e lohe ana ma kahi ana i ike aku ai i ka uiuiki malamalama. Nolaila, me ka paa pono ana ae i kana pahikaua ma kona lima, ua liele pololei aku la oia ma kahi ana i ike aku ai ika malamalama. He mau sekona helu wale no kana o ka hele ana aku, aia hoi, hoea aku la oia ma kahi o ka malamalama ana i ike ai, eia ka auanei he wahi ihoiho kukui uuku i aneane e pau loa i ka a ia. Nana iho la fa me ka piha pahaohao i ua wahi ihoiho la, a oiai no ia e nana ana, ua hoopuiwa loa ia ae la ia i ka pahola ana ae o kekahi malamalama nui a hoopiha ae la ia loko o ke keena ana e ku ana, me ka hikilele nui lioi, ike aku la ia i ka hemo-ana mai o kekahi pani puka, a poha ikaika mai la ka leo uwe walohia ana i lohe ai, a i hookolo mai ai hoi, aole i emo mai la he mau kanaka aahu eleele e huki ana i kekahi wahine, i hele a ano e loa kona helehelena. Ikawa i ike mai ai k«la wahine iaia, ua kahea koke mai la oia me ka leo walohia e nonoi mai ana e hoopakele iaia mailoko aku 0 na lima o ria kanaka puuwai makona, na laua oia e kaialupe hoomainoino ana. Ia wa i lele aku ai o Luhiana me ka hikiwawe loa, a kau aku la i kana pahikaua imua o ke kanaka mua loa 1 Pili kokoke aku ai oia, me ka olelo ana aku imua o laua: E na kanaka hohe wale, ma ka inoa o ke Akua Kiekie Loa ke kauoha nei au ia olua maluna o ka oi o keia pahikaua e hookuu koke olua i keia wahine nawaliwiali; a i ole, e halawai no olua me na haawina o ka ehaeha mai ka oi aku o ka'u pahikaua, ka mea i molia ia, ma ke ano he puuhonua ia no ka poe popilikia." I kela wa i lohe aku ai oia i ka pane ana mai o kekahi o ua mau kanaka la iaia: 'E ka malihini, he manao lani maemae kau i pane mai la; aka, e aa anei oe e paio me na mea mana o keia wahi a kou mau kapuai e hehi nei, na poe hoi i kapaia na kiai naue ole o A'erevila."

la manawa i kani ae ai kekahi pu i puhiia ae ai e kekahi o ua mau kanaka la, a o ka manawa ia i oili mai ai he poe kanaka aahu eleele he lehulehu i hoolako pono ia me na mea kaua. Ke nana aku ia ke koa opio me ka umauma i lalapaia me ka hopo ole maluna o keia anaina kanaka hoopahaohao nui wale i oili kamahao mai imua ona Ma ia wa i hele mai ai kekahi kanaka mai waena mai o ua poe la, a ku mai la imua o na, a e paa ana hoi oia i kekahi aahu eleele loihi, a i mai la oia; "E ke kanaka opio, ua lilo oe i moho hoopakele no keia lede opio, a ke aa nei oe e paio me na kiai naue ole o loko o Merevila Kakela nei, i mea no keia wahme karaima e pakele ai. Ae no anei oe e ke kanaka opio e hoohaumia i kau pahikaua ma ka hookiheahea iloko o na kulu koko, no ka hoopakele ana i kekahi lede i mohai i kona ola maluna o ke kuahu o ka haumia?. Oiai, ua aa oe e hana pela, alaila, eia ka'u e olelo aku nei ia oe, e ae mai oe i ka'u nonoi ia oe, oia hoi' e hou oe me kau pahikaua i kekahi puolo a'u e kuhikuhi aku ai ia oe, oiai oe e komo ana i keia aahu eleele/a ke hana oe ia hana, alaila, ua hookoia no kou makemake o keia sekona, oia hoi ka hoopakeleia ana o keia lede piha karaima au e ike nei, he pio oia iloko o ko makou lima." ( A °le 1 pau). He eono pule i hala aku nei, loohia iho la au i kekahi anu nui loa; aneane hiki oie ia'u ke kamailio. Olelo mai la ko'u poe hoaloha ia'u e kii au i na kauka. Aka, i ko'u ike ana i ka hooloha no ka Laau Kunu a Chamberlian ma loko o ka nupepa Volks Zeitung o Sana Paulo, ua kii aku la au i hookahi omole, a mahope o ko'u inu ana no kekahi wa pokole, ua ola lea au. Nolaila, ke hoike oiaio aku nei au no keia laau, he mea pono ke inu ia e kela ame keia mea i loohia i ke anu. Wm. Keil, 678 Selby Asre., Sana Paulo, Minn. E kuaiia ana e na Mea Kuai Laau Lapaau o na ano apau, BENSON & SMITH & CO. Na Agena no ko Hawaii Pae Aina.—(Aug.) *