Ka Nupepa Kuokoa, Volume XXXV, Number 36, 4 September 1896 — He Kula Mahiko Hou. [ARTICLE]

He Kula Mahiko Hou.

Ua lohe mai makou,. e hooliloia aku ana ke kula panoa e hoomaka ana mai Hoaeae aku, ma Ewa ae nei, a hoea i Kaukonahua, i kula mahiko ma keia mua aku. A o ka mea nana e hoeueu aku ana i keia hana nui a waiwai oia no o Mr. Dilinahama. He mea maopopo loa e lu ia ana ma keia kula mahiko he mau tausani o na tausani dala, i loaa ai ka ulu ana mai o ka waiwai i upuia aku, e loaa mai ana mailoko mai o ka lepo o ua kula panao la a kakou e ike aku nei. Ke hoomaopopo nei makou, eia ke omamaka mai nei na hana hoowaiwai iluna o ka aina, a o na poe paahana o lakou ka poe na lakou e kaana aku ana i na pomaikai 0 keia mau tausani dala e luia ana ma keia wahi. Oke kumuwaiwai ka mea e ku ai ka hana, a o ka paahana ka mea nana e hoonee i ka holomua o ua hana la, a e ukuia hoi ua paahana la 1 pono ai kana hana ana.

Ma ka nana ana i keia aina e manaoia nei e weheia aku ka oihana mahiko, he aina ia i nele i ka wai, kekahi kumuwaiwai nui e pono ai ka hooulu ana i ke ko. He mea makehewa hoi ke kaukai ana i na haule ku-a-ua ana, oia ka mea nana e hoola i ke ko e kanuia ana ma keia wahi; nolaila, me he mea la o ka eli ana i na lua wai "aniani," oia wale no ka mea e hiki ai e loaa he lako wai hooulu ko e kanalua ole ia ai kona mau ano. He hana nui no keia, aka, he hana nae i hiki ole ke kapaeia ae. 0 keia ke ano hana a makou i hoaiai aku ai mamua aku nei, he mea pono ke hanaia ma kela kuia panoa palahalaha maluna aku o Moanalua e hele ana hoi a hookui i Halawa, makai pono ae o Alia-paakai ame Kapukaki. Ke kanalua ole nei nae makou i ka hoike ana aku, aole no i mamao loa aku ka la mai keia wa aku a hoea mai no ka hana ia ana aku ona lako wai "aniani" no ka hooulu ana i ka waiwai oia kula panoa. Oiai nae keia mau kulana hooulu a hoomahuahua waiwai e nee mai nei

iiulun.". nei o ka aina, he mea pono ir. j •lakou na kanaka Hawaii, ke hoouiu j ae i na noonoo ana iloko o kakou iho, | no ka kakou hana kupono e hana ai i keia wa, i ka la apopo a ma ia mau mua aku hoi, i mea e loaa mai ai ia kakou kekahi mau pomaikai o na dala e lu ia ana maloko o keia mau kumuwaiwai a na poe ake holomua e hooliuliu mai nei ika hana. oka mea maopopo ia makou ua lawa loa iwaena o kakou nei na lima paahana holemua no keia mau kula mahiko e upuU aku nei e ku mai ana; aka, o ke kuia nui ma ka aoao o na poe no lakou ia mau pomaikai e luia aku ai maloko oia mau mahiko, ma ka huli ana mai i na limahana Hawaii, oia ke kiekie o ka uku hana a ia poe e.koi ai, a nolaila, ua loaa.ia lakou ka imi ana i mau limahana kuwaho mai Kina mai, a mai lapana. mai hoi; a o keia poe auanei ke ume ana i na dala mahuahua mailoko mai o keia mau hana hou. O ka hoopauia ana o ke kulana hoopae llmahana kuwaho iloko nei o ka aina, oia ka hoihoi ana mai i. ka hana a ia poe o ko na Aina e i honuu ai i ka momona o ka aina, ia loko ponoi iho nei o kakou, oia hei na poe paahana Hawaii. 0 lakou ke pomaikai ana ma keia hoopauia ana o ka hoopae limahana kuwaho. O' ka pau ana o ka hoopae ia ana mai o na limahana mai na Aina e mai, oia ka pomaikai o ke kanaka paahana Hawaii. Nolaila, e hiki uo ke ninau ia ma keia wahi, Pehea la e pau ai ka hoopae limahana mai na Aina e mai? Eia:— 0 ka loaa ana ia HaAvaii .he kulana mokuaina malalo o Amerika Huiiia. I keia kulana Aupuni, e pau ai lea Oihana Kepa | Kanaka ma Hawaii nei, a e pau ai kaj hoopae limahana ana, a hoolaia na i poe liniahana kuloko o ka aina iho nei. j O keia ke kumu nui o ko ke KUOKOA j ake nui ana e loaa ka hoohūi aina me Amerika Huiia. No ka pomaikai lioola iiihune a nohona pilikia mawaena o kakou Hawaii, ke kumu nui o ko makou hoonaauao mau ana aku.i'ka lahui oiwi o ka aina e ku e noonoo no ka pomaikai o nei mea he hoohui aina ana me Amerlka Huiia, rna ke ano | mokuaina. j