Ka Nupepa Kuokoa, Volume XXXV, Number 37, 11 September 1896 — Aohe e hoi mai ana o Kaiulani i Hawaii nei. [ARTICLE]

Aohe e hoi mai ana o Kaiulani i Hawaii nei.

Ma ka la hanau aku nei o Liliuokalani. ua hele aku la kekahi poe lede Hawaii maka hanonano o loko nei o ke kulanakauhale e ike iaia, ma kona wahi noho ma Wasinetona Hale; a oiai lakou e noho ana malaila, ua hoea aku la kekahi lunahooponopono nupepa o loko nei o keia kulanakauhale a launa aku la me ka mea nona ka la hoomanao hanau. A hala kekahi wa o ka hoonanea ana, ua hoomaka ae la ka lunahooponopono nupepa e kamakamailio aku imua o ka mea nona ua la hanau la, no ka loaa ana mai o na lono ia nei, ma na palapala mai Pelekane mai, e hoi mai ana o Kaiulani i Hawaii nei ma ka malama ae nei o Okatoba. Ua pane mai nae o Liliu-o-loloku-i-na-moku, "Aole oia i ike ia mea; oiai he leta mai no ka'u ; 1 loaa mai nei mai a Kaiulani mai, e hoike mai ana, aole oia e hoi mai ana no Hawaii nei, oiai, aole i pau ka pilikia oka aina, Aole oia i hoike mai ia'u, e hoi mai ana ia. i keia mahina ae, elike rae ia mau palapala i loaa mai 1 la ia oukou."

O ka mea maopopo ma keia pane, aole o Kaiulani e hoi mai ana i Hawaii nei, oiai, aole i pau ka pilikia o ka aina. Heaha la ia pilikia a Kaiulani i hoohaili mai la ia nei? Aole makou i ike; malia o na kiai o ke Aupuni kai ike ia mea. Eia kekahi: Ke hooia maopopo īhai nei keia lono, Aole loa oia i kauohaia aku nei, e ka poe na lakou e paa nei i ke Aupuni, e hoi mai e noho ae i "ko noho kalaunu," elike me na wa-wa-olelo e laulaha nei mawaena o kakou; nokamea, ina ua kauohaia aku oia, e ka poe na lakou e paa nei i ke Aupuni, oia hoi, ka poe Repubalika, e noho oia maluna o ka nohoalii, alaila, heaha kana (Kaiulani) kumu e makau ai no ka haunaele, oiai, ua hookoia ae la ka makemake o ka poe Roialiti, o ka hoi hou mai o ke Aupuni Moi a ku hou maluna' o ka umauma o Hawaii, a ua ae pu hoi me ka poe Repubalika. ia manao; alaila, i hea iho la e ulu ae ai ka haunaele? Aka, eia ka mea i maopopo ia makou, Aole i ae ka poe Repubalika e hoi hou mai ke Aupuni Alii e luakaha hou maluna o Hawaii nei, a o ka poe "Roialiti" wale no ia e makemake nei e hoihoi hou ia mai ia Aupuni, nolaila, o ke ku ana o keia mau aoao, me ke kue o na koi ana a kekahi i kekahi, elike me ke kue o ka uwila io ole i ka uwila io, a ma ko laua wa e hookui ai i kekahi ame kekahi, e loaa ai he hekili hoopioo i ka poiuiu o ka lani, pela no'ka Repubalika ame ka Roialiti e moe like ole nei i ko laua mau manao ma ka auwaha hookahi, a o ke ku ana o keia kulana kuee mawaena 0 keia mau poai elua, oia ke kahua nui o kela olelo ana a Kaiulani, "aole 1 pau ka haunaele ma Hawaii." Ua ike mua makou i keia kulana e moe nei iloko o ko kakou noho Aupuni ana, me "he piha-a moe wai la no ka uka," aokalajDoa ka wai nui e hao mai ai, o ke ala ae la no ia o ua mau piha-a nei, a haluku ana i kai o na kahawai, a wa iho la ka olelo a na kini o ka aina. "Waikahe kakou e!"