Ka Nupepa Kuokoa, Volume XXXV, Number 38, 18 September 1896 — NA MEA HOU O KIHALANI. HILO AKAU. [ARTICLE]

NA MEA HOU O KIHALANI. HILO AKAU.

PEPE I KA HOKI. Ma I.aupahoehoe ua holo nui aku la kekahi Kepani. a e noho ana kekahi kaikamahiue ma ke aianui. a ua pepe oia ī ka hoki. Ua eha Ke kauwahi o kona kino. No ka ona mai keia. L'u hopuia ka iapana. a ua hookuu waie ia oia. No keaha la i hookuu wale ia ai; oiai ua eha kekahi kino kanaka? Ma ka ia II o Sept. keia. OLAL Ma ka wanaao o ka la Sabati. Sept. 13, IS9o, ua hoonei ae la ke olai. Eia na mea i ikeia ma ke ao loa ana ae: Ma ke alanui pa!i o Laupahoehoe ma ka hikina, ua hoohanee ia mai na pohaku a ua aneane hiki ole na poe ke hele. Ma ke alahao e pili ana ma ua pali la, ua wawahi ia, a o ke paipu wai e moe ana mawaena o ka pali no na kini o Laupahoehoe, ua mokumoku ae la ma ka hanee ana o ka pali ma kahi o ke paipu wai. Ma na pali kui elua o Maulua ua haneeia no e ua pohaku nunui a me ka lepo pu a ua hoonakaka pu ia ke alanui. Ma Weloka, ua pakele ke ola o kekahi mau kanaka ekolu, oial lakou ma kahakai i ka lawaia aholehole. O na inoa pakahi o keia poe, o Samuela Kahau. Meehonua a me Kaouohīula. Ma Kihalani nei ua owa iho ma ke alahele e iho aku ai i kahawai a ma ka aoao hikina ua hiolo iho ka pali a paa ke alahao. Ma Kaiwilahilahi, ma ke alo pono iho o kekahi hale o na paahaua Kepani ma ka aoao e pili ana i ka pali ua hanee aku kekahi wahi a owu pono iho la ma ke alo pono o ua hale la, a ua olelo mai kekahi poe ina e hoonaueue hou iho, ina o lalo paha o kahakai e mokakai ai ia poe. NO KE KL'LA AI PŪNI. Ua hoomaka hou ke kula o ka apana o Hilo Akau nei. i kela pule aku nei malalo o ke alakai ana a Chaiiey Swain he kumu wahine ae la ma kahi o ke kuniu i waiho mai. O Miss Kahooio ke kumu hou no ke kula oia o Kohala Seminai*>". a ke lawelawe nei oia i ka hana. O keia ae la na hunahuna i hoomaopopoia e kou mea kakau. Welina i ka Lunahooponopno a me na keiki hoonoho hua o ka nupepa Kuokoa. KOU MEA KAKAU.