Ka Nupepa Kuokoa, Volume XXXV, Number 43, 23 October 1896 — Ka Huikala Piha no ke "Alii" Liliuokalani. [ARTICLE]

Ka Huikala Piha no ke "Alii" Liliuokalani.

Ma ka Poalua nei i laulaha mai ai ka lono hauoli mai ka hale mai o ka Oihana Hooko o ke Aupuni Repubalika o Hawaii. e hoike ana ua makemake ke I Aupuni e haawi aku i ka huikala ana i ike ' Alii" Liliuokalani, a hoihoi hou ! aku iaia i kona mau pono kivila ma ke ano makaainana no Hawaii nei, aole ma ke ano he Moiwahine no Hawaii elike me ko na la i aui wale aku la. Ua hoike ae o Kuhina Cooper imua o ka Aha Kuhina, ma keia wa o ka akoakoa ana, aia ma ka wa e halawai hou ai.ka Aha Kuhina, oia hoi keia Poalima (Okatoba 23) e waiho mai ai oia he kumuhana e pili ana i ka hoomahuahua ana i na pono huikala no ke "Alii" Liliuokalani, ma ke kulana i oi aku i ko keia wa e noho nei oia, aole hoi ma ke ano huikala piha. Nolaila. o ke kumuhana ano nui e lawelaweia ana e ka Aha Kuhina o ke Aupiwai Hepuhalika i keia la, oia ka huikala ana ia Liliuokalani, ma ke ano huikala piha paha a hapa wale no pha.