Ka Nupepa Kuokoa, Volume XXXV, Number 44, 30 October 1896 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Hoolaha Mana Hooko

I keia la i hookohuia aku ai o Mr. GEORGE N. SHAW i Agena Haawi Palapala Ae Mare no ka Apana o Kona, Mokupuni o Oahu.    J. A. KING    Kuhina Kalaiaina.

Keena Kalaiaina, Okatoba 21, 1896.    @

 

i keia la i hookohuia aku ai o St. D. G. WALTERS, M. D. i Lunahoomalu no ka Papa Alanui no ka Apana Ohi Auhau o Lihue, Mokupuni o Kauai, ma kahi o S. W. Wilcox, Esq., i waiho mai.

J. A. KING,    Kuhina Kalaiaina.    Keena Kalaiaina, Oct.  19,  1896.  2621-3ts

 

I keia ua hookohuia o DAVID CENTER, ESQ., i hoa no ka Papa Alanui no ka Apana Ohi Auhau o Wailuku, Mokupuni o Maui, ma kahi o M. P. Waiwaiole, Esq., i waiho mai.  

J. A. KING.    Kuhina Kalaiaina.    Keena Kalaiaina, Oct.  12,  1896.  2620-3ts

 

HOOLAHA A KE KOMISINA HOOPONOPONO PALENA AINA.

Oiai, ua waihoia mai ia’u e John Spencer he palapala noi no ka hooponopono ana i na palena o kekahi hapa o ka Ili o Kahawali, Kapalama, Kona, Oahu, nolaila, ke hoolahaia aku nei ma keia, e noho ana ke Komisina Ana Aina Aupuni, Honolulu ma ka hora 1:30 P.M. o ka Poalima, Nov. 6, 1896.  Ke kauoha pu ia aku nei, na poe mea kuleana e pili ana, e hele mai ia manawa.

FRANK S. DOGDE,    Komisina Hooponopono Palena Aina Apana Hookolokolo Ekahi.

Honolulu, Oct.  13 ^th , 1896.    2620-3ts

 

HOOLAHA O NA AINA AUPUNI.

Ke hoolahaia aku nei ma keia, e haawiia aku no ke kuai ana i keia mau Apana Aina iloko o na Apana Aina Hookuonoono o ka Mahele Kahiko, ma ka hora 9 A.M. o ka la 19 o Novemaba, 1896, a mahope aku nohoi oia wa. elike me na olelo o ke “Kanawai Aina o 1895,” no na Hoolimalima Aina Hookuonoono.

Kahi i waiho ai.          Apana.       Area.

Akahipu.  Kona  Ak   57     43.33

Akahipu.  Kona,   Ak    58    44.97

Akahipu,    Kona    Ak    59    45.44

Awalua, Kaulana, & c. Kona Ak  78  39.14

Awalua,Kaulana, & c.Kona Ak  80  41.21

Awalua, Kaulana & c. Kona Ak  84  18.50

Puaa,  Kaulana  & c.  Kona  Ak  1  8.73

Maka la i hoikeia ae la, a mahope aku oia la, e nonoiia mai no keia mau Apana Aina i loaa ona Pono Hoolimalima Kuai, a Kuleana Alodio ma ke Dala Kuike:    Awalua, Kaulana

Waiwai io

Kahi i waiho ai.        Apana.        Area.    i kohoia

& c., Kona  Ak.,  Awalua,  Kaulana,  83    20.49    61.41

&c., Kona Ak., Kealakehe, kona Ak.  85  18.05  63.17

&c., Kona Ak.,  Kealakehe, kona  Ak.  16  13.10..39.30

Kalamakowali,  Kona  Hema  5    57.    484.50

Kukuiopae,  Kona  Hema    4    18.03    54.09

Kukuiopae,  Kona   Hema    5    29.08    68.87

O na hokaka piha, ke ano e noi mai ai, a pela aku, e loaa no ma ke Keena Aina Aupuni, Honolulu, a ma ke Keena o ka Hope Agena, ma Kailua, Kona Akau, Hawaii.

J. F. BROWN.    Agena no na Aina Aupuni.  Keena Aina Aupuni, Honolulu, Oct. 26, 1896.  2622-td

KUAI O NA AINA AUPUNI.

Ma ka Poaono, Novemaba 21 ae nei, ma ka hora 12 o ke awakea, ma ke alo iho o ka Hale o ka Oihana Hookolokolo ma Honolulu, e kuaiia aku ai kekahi wahi apana aina ma Waiahole, Koolaupoko, Oahu, maloko o laila he 32-100 o ka eka.  Aia ka waiho ana o keia aina makai o ke Alanui Aupuni, e pili pu ana me ka aina o Mr. A. Cullen, a he aina maikai no ka raiki.  Kuike ke Dala, ma ke Dala Gula o Amerika Hulia.  Uku oi aku maluna o $100.

Ma ia manawa nohoi a ma ia wahi e kuaila aku ai he aina kope ma Kaupo, Maui i ikeia o ka Apana Helu 7, o na Aina Aupuni Helu 1, maloko o laila he 38  50-100 eka.  Kumukuai oi maluna o $115.50.  E kuaiia aku ana keia aina malalo o keia mau kumu aelike:  He kuike ka kahi-hapaha o ke kumukuai o ke koena aku ma na hookaa liilii huina like ana iloko o hookahi, elua a ekolu makahiki, me ka ukupanee o ehiku @ no ka makahiki.  E hoomakaia ka mahiaiia ana ame ke kukuluia ana o na hana hou iloko o ka makahiki mua a pela mau aku iloko o na makahiki hope aku elua.  Ma ka hope o ke kolu o ka makahiki, ke pau he umi hapa-haneri o ka aina i ka mahila, na kumu aelike apau, e loaa i ka mea kuai mai ke kuleana alodio.  E loaa no na hoike piha ame ke kii o keia mau aina ae la ma ka ninau ana ma ke Keena Aina Aupuni, Honolulu.    J. F. BROWN, Agena o na Aina Aupuni.  Keena o na Aina Aupuni, Honolulu.

Oct. 24, 1896.    2622-td

KUAI O KA AINA MA OLAA.

Ma ka Poakahi, Novemaba 23, 1896, ma ka hora 12 o ke awakea, ma ke Keena o ka hope agena ma Hilo, e kuai ia aku ai ka Apana Aina o Olaa Helu 348, ma ke alanui Lua-o-Pele, maloko o laila he 47 eka, oi iki a emi mai paha.  Uku oi aku maluna o $10.00 no ka eka.  E kuaiia aku no ua aina la malalo o keia mau kumu hoakaka laula:  E hookaaia mai ka akahi hapaha o ke kumukuai ma ka la e kuaiia ai, a o ke koena aku ma na hookaa liilii ana iloko o hookahi elua ame ekolu makahiki me ka uku-panee o 6 pakeneta no ka makahiki.  E hoomakaia ka mahiaiia ana ame ke kukuluia ana o na hana hou iloko o ka makahiki mua, a e hoomau aku pela iloko o na makahiki hope aku elua.  E mahiaiia ka iwakalua-kumamalima hapa-haneri (25) o ka aina, a o ke kukulu ana i na hana hou e ae maluna o ka aina, i hiki ka huina waiwai io i ka $200, e hanaia no mamua o ka pau ana o ke kolu o ka makahiki.  Ma ka pau ana o ke kolu o ka makahiki a mamua ae paha oia wa, ina ua mahiai piha ia ka aina, a hanaia hoi na hana hou, me ka hookaa ia ana o ke kumukuai piha, a hookoia na kumu aelike apau, alaila, e hoopukaia aku no ka Palapala Sila.  No na hoakaka piha e loaa no ma ke Keena o na Aina Aupuni, Honolulu, a i ole ia, ma ke Keena o ka Hope Agena ma Hilo.    J. F.  BROWN, Agena o na Aina Aupuni.

Keena Aina Aupuni, Honolulu, Oct., 24, 1896.     2622-td

 

KA Nupepa Kuokoa.

No ka Makahiki    $2.00

No Eono Mahina    1.00

Kuike ka Rula.

Puka Ana.      1 Pule     2 Pule     3 Pule     4 Pule     5 Pule     6 Pule

Iniha     $1.50      2.00      2.50     3.00     3.50     4.00

2 Iniha     2.00     2.75     3.50     4.00     4.50     5.00

3 Iniha     2.50     3.50     4.50     5.00     5.50     6.00

4 Iniha     3.00     4.00     5.00     6.00     6.75     7.50

5 Iniha     3.50     4.75     6.00     7.00     8.00     9.00

Iniha      4.00     5.50     7.00     8.00     9.00     10.00

O na Olelo Hoolaha a pau e hoouna ia mai ana no ka Hoolaha maloko o keia Nupepa, e hoouna pu mai me ka auhau, a ina aole, aohe hookomo ia.

HOOPUKAIA E KA HAWAIIAN GAZETTE Co.

C. G. BALLENTYNE, Luna Nui

JOSEPH M. POEPOE, Lunahooponopono.

Honolulu, Oahu.

POALIMA    OKATOBA 23, 1896

 

Ke Kuhina Pili Waiwai o ke Aupuni e ku nei i keia wa.

He mea nui no ke kulana oni paa o ke ku ana o kekahi Aupuni, ka hiki ana iaia e ku ma ke kahua ola maikai o kona kulana pili waiwai.  O kekahi mea hoike keia no ka loaa ana iaia he kulana oni paa kulanalana ole.  He kulana hoi e hiki ai iaia ke kahea aku i na hilinai ana mai o ko waho mau kalepa waiwai ana, a loaa iaia he kulana makolukolu o ka hilinaiia ame ka pauleleia ana.  Ua lilo nohoi keia kulana pili waiwai o ke Aupuni i kumuhana e palukuia ai e na poe kue Aupuni apau, a ina o ka poai kue Aupuni ma ia ano, a he poai I i loaa na pono koho balota, alaila, e lilo ana ia mau kue ana i kahua ikaika e kakoo pono oa ai ke kulana holo balota a ka moho a ia aoao e hooikaika ai; a lilo pu nohoi ia hana ana i mea e hoonawaliwali nui ia ai ka hilinaiia ana o ke kulana kalaiwaiwai o ke Aupuni.  A o ke Aupuni e ku nei i keia wa, ke Aupuni mana hookahi maluna o ka umauma lahalaha o Hawaii, aole ia i pakele ae mai na polukuia ana mai e keia mau kipehi ana mai ka aoao kue Aupuni mai.  No makou iho nae, ua ike makou ke ku nei ke Aupuni Repubalika o Hawaii nei maluna o ke kahua mohaha maikai o kona kulana kalai waiwai.  Ina kakou e huli aku i hope a kiei aku i ka makahiki 1895 i hala aku ia, e ike ana kakou o na loaa o ke Aupuni ma ia makahiki no ka auhau Aupuni mai, he huina o $562,691.92.  O na loaa mai ka Oihana Dute mai, he $547,@ o ka huina apaa o ia mau loaa he @ Aka, ua hooku’I pu aku nae keia huina loaa mahuahua me na uiia pilikia i ike mua oie ia, e like me ke ahulau kolera ame ke ahulau haunaele kuloko, a me keia mau ulia i loohia iho maluna o ke Aupuni, aole no i nele ka hookaaia ana o na lilo mau o ke Aupuni.  Nolaila, mamuli o na mea i ikeia ae la e kakou no ke ano o ka hookeleia ana o ka waihona lahui e ka noeau kalai waiwai o ke Kuhina Waiwai i keia wa, e hiki ai ia kakou ke hoomaopopo iho no na hopena e hoea mai ana i keia makahiki ame keia makahiki ae no ke kulana o ke Aupuni e ku nei i keia wa ma ka mea e pili ana i kona kulana pili waiwai.  I keia makahiki e nee nei, aole i hoea mai kekahi o na ulia poino i ikeia ma ka makahiki i hala a pehea la i keia makahiki ae?  He mea oiaio, o na bila kikoo i ke Aupuni no ka malama o Augate aku nei, ua pau loa lakou i ka hookaaia ma keia malama o Okatoba nei, he hookahi malama okoa keia mamua ae o ka wa maa mau e hookaaia ai na bila oia malama, ma na wa i kaa hope aku nei.  Mmuli o keia ano holomua o ka hookaaia ana o na bila kikoo i ke Aupuni, ua kau ke Keena Waiwai o ka lahui i keia wa, ma ke kulana oni paa a uhalu ole.  Ina hoi kakou e nana aku i ke kulana kalepa waiwai maoli o loko nei o ka aina, e ike ana kakou i kekahi mea hoike hou no ke ala maikai oia oihana maloko nei o kakou i keia wa.  Ma ka makahiki 1895 i hala aku la, Ma ka makahiki 1895 i hala aku la, o unaia aku i waho he $8,474,138.15, a o na waiwai i komo mai iloko nei o ka aina he $5,339,785.04.  He helehelena ulumahiehie maikai keia no ko kakou oihana kalepa.  O na waiwai o kakou i puka iwaho i loaa mai ai ka huina o $8,474,138.15 i hoikeia ae la, no ke kopaa $7,975,590.41: no ke kope $22,838.68; no ka maia, $102,599.25; a no ka hala kahiki, he $8,783.84.  O na waiwai komo mai iloko nei o ka aina he $4,121,920.22 mai na awa mai ma ka Pakipika o Amerika Huiia a he $394,399.16 mai na awa mai o ka Atelanika, ua like me 4,516,319.38; nolaila, e koe ana he huina o keia mau loaa mai na aina e mai a i Hawaii nei, he puu mahuahua o $1,197,689.16 na kela ame keia lahui i launa pili kalepa pu me ka Repubalika o Hawaii nei.  Nolaila, i ka hui ana ae i na loaa o na waiwai i hele aku i waho ame na loaa o na waiwai i hele aku i waho ame na loaa o na waiwai i komo mai iloko nei o ka aina, ua hoea aku ka huina nui maopopo i ka $14,188,155.69.  He $12,908,508.92 noloko mai o kela huina ae la ua kalepa ia mawaena o Hawaii nei ame Amerika Huiia.  Ke hoike mai nei keia kulana kalepa a hooulu waiwai mawaena o Hawaii Repubalika ame Amerika Repubalika i ke kulana launa pili kokoke loa mawaena o na Repubalika elua.  Aole anei pela?

 

Nolaila, me ke kulana ola maikai o ke ku ana o ka oihana waiwai o ke Aupuni ame ka maikai o kona kulana kalepa kuwaho a kuloko e lilo ai o Hawaii i hoku nani alohilohi no ka poai o na hoku o Amerika Huiia.

 

Ka Helu Lahui o 1896.

Oiai aole no i loaa mai ia makou na hoike oiaio mai ke Keena Helu Lahui mai o ke Aupuni no keia kau helu kanaka iho la, aole no nae ia he mea e pono ole ai ia makou ke hoike aku i ko makou manao no ka mea e pili ana i keia mahele hana ano nui a ke Aupuni i hana iho la, elike me na mea i maa ia kakou i na wa i kaa hope ae nei.  O ka helu lahui hope a loaa mai nei keia helu ana, oia ko ka makahiki 1890.  O ke huina i ikeia ma ia wa he 89,991, a ua hiki no i ke 90,000.  Ma hope mai oia wa ua hoaoia ka helu ana o ka nui o na kanaka ma ke ano kaholo, e kekahi mau keonimana o Honolulu nei, a ua manaoia eia na kulanaheluna lahui like ole e ku nei ia wa ma Hawaii nei:    Na Hawaii    35,000    Hapa Hawaii     10,000    Pake    15,000    Iapana    24,000    Pukiki    9,000    Amerika me Europa    14,000    Huina    107,000.    O ka poe hope, ma ka mahele o na “Amerika ame Europa,” oia na poe ilikeokeo ( a o ko na Aina e paha) i hanauia ma Hawaii nei.  Aia hoi ma ka hoike a ka Papa Hoonaauao imua o ka Ahaolelo i pau aku nei, i ikeia ai ka pii mahuahua ana o na keiki Hawaii maoli.  A ua hooia ia mai keia pii mahuahua ana o na Hawaii maoli mamuli o kekahi mau mea i ikeia iho ma na papa hoike helu kanaka o keia kau iho la.   Ua manao wale ia nae ua hiki aku ka huina lahui apau o Hawaii nei i keia wa he 110,000 ua like ia me 20,000 ka pii mahuahua ana ae iloko o eono makahiki.  O ka hapanui o keia pii mahuahua ana aia ma ka aoao o na Pukiki ame na Iapana.  A o na Hawaiii maoli aku ka helu ekolu iloko o keia pomaikai hoolaupai ana i ka aina.  Ua ikeia keia mahuahua ana o na Hawaii maoli ma na Kona, Hawaii.  Pela no ma Waianae.  O Honolulu nei kekahi i komo pu iloko o ia haawina.  Nolaila, e lilo ana ka hoike helu lahui Aupuni i mea na makou e kali nei me ke ohohia ma, a ke lana nei ko makou manao e hoea mai ana ia ma ka aoao e hooia ana ke pii nei ka lahui Hawaii maoli.

 

 

Ke Koho Balota Peresidena ma Amerika Huiia.

Ma na mea hoike e hoea mai nei i o kakou nei no ka mea e pili ana i ke koho balota Peresidena ma Amerika Huiia, ua ikea maopopo ia, aia na hooia ana no ko Makinele kohoia ana.  Aka, he mea oiaio no nae, aia no he mau moali maokaka e hoike ana no ka ikaika ame ke oolea o na onou ana a “ke keiki o na kula mauu nene” o Nebraska.  Ua ikeia na hooikaika oolea ana a na poe kakoo balota o kela ame keia aoao.  Ua hele he mau haneri tausani dala mai na pakeke aku o kekahi poe o lakou i mau mea e holo pono ai na hoonee ana o na hana hooikaika ana.  Ua hoounaia na poe haiolelo akamai loa ma na wahi he lehulehu loa o ka aina no ka hoonaauao ana i na kanaka koho balota no ka aoao holo balota e pono ai ke haawi lakou i ka lakou mau koho ana.  Ua oleloia ma ka hebedoma mamua iho o ka la e koho balota ai, e hoonee aku ana ka Aoao Repubalika he 3000 poe akamai loa i ka haiolelo ma na wahi he lehulehu loa o ka aina.  E haiolelo ana lakou i ekolu manawa i ka la hookahi.  Aole i ikeia kekahi paio hahana ana elike me keia ma Amerika Huiia.

 

KA PAANI KINI POPO.

Wailuku kue ia Hoku.

Ma ke ku ana mai a ka mokuahi Malulani ma ka Poalima o kela pule aku nei i hoea mai ai no Honolulu nei ka Hui Kinipopo kaulana o na “Waieha” nona ka inoa “Wailuku.”  O na inoa o keia poe keonimana o ke kahua kinipopo, oia o Akina, mea hopu popo; C. Bailey, mea nou popo; G. Cummings, pahu 1:Kauka, pahu 2: H. English, pahu 3: H. Mossman, hoopaa pokole; Meheula, eheu akau; Palea, eheu waena; J. Ross, eheu hema.  Ma ka wa i ku mai ai ka moku ua hoea aku i kai o ka uapo o Charley Chillingworth ame J.O. Carter, Jr. a hooponopono aku la no ke ano e noho ai na “Koa Alapa” o Wailuku.  Ma ka auina la Poaono, hora 3 a oi ua malamaia ka paani ana mawaena o na hui elua.  He aneane 700 a oi na poe makaikai i hoea aku i ke kahua kinipopo.  Ma keia paani ana, ua lilo i ka Hui Wailuku ka lanakila, he 21 a lakou puni iloko o 9 komo ana, a he 5 wale no a ka Hui Hoku.  No keia lanakila i loaa i ka Hui Wailuku, ua nui ka huro o na poe makaikai.  Ua hookani ae ka Bana Hawaii i ke mele “Maui no ka Oi.

He eleu maoli no keia paani ana a ka poe o Wailuku.  Nui no ke akamai.  Hookahi pilikoa, he pau wale paha ke aho.  Ma ka auina la Poakahi nei i malama hou ia ai ka paani ana mawaena o ua mau hui la, no ka mea o laua e lilo ai ka moho lanakila ma Hawaii nei.  Ma keia paani ana, ua lilo ka lanakila i ka Hui Hoku.  He 12 puni a ka Hoku ia 7 a Wailuku.

 

NUHOU KAWAHO

WAWAHI KA AETO AMERIKA I KE KAI KAPU O KE DADANELA

KA MOKUKAUA AMERIKA “BANCROFT” NO KONEKAKINOPELA.

Nu Ioka, Oct, 14—Ua hoopiolokeia ae ko ke kulanakauhale nei i ka hoopuka ana ae o ka nupepa La (Sun) o loko o keia kulanakauhale no ko ke Aupuni Amerika hooholo ana e holo aku ka mokukaua Bancroft a ku ma ke alo ponoi aku o ke kulanakauhale o Konekakinopela.  Ua nui nae na hoao ana e hooleia ka oiaio o keia lono, aka, aole nae i manaoioia ia mau hoole ana.  Oiai, ua kauohala ka mokukaua Bancroft e holo aku no Konekakinopela, nolaila, e lawe ae ana oia i keia huakai oehuehu hulu-aa me ka nana ole aku i ka Tureke hoole mai, a ma ia ano e komo aku ai oia ma ke kowa kapu o ke Dadanela me ke kaukai ole ana no ka Tureke ae mai.  Aole maopopo i keia wa ka palekana ame ka hololea ole o keia huakai wawahi kai kapu a ka “Bancroft,” e lilo ana ia mea na keia mua iho e kuailo mai.  He mea oiaio, he keehina aa wiwo ole keia i laweia ae e ke Aupuni Amerika, a ua manao kekahi poe olohe kalaiaina o loko nei o ka aina, ina no ua hai mua aku keia Aupuni i ka lohe i ke Aupuni o Tureke e hoounaia aku ana ka “Bancroft” i Konekakinopelai mea nana e kiai i na pono Amerika malaila, alaila, aole no e kue mai ana ke Aupuni o Tureke.  Aka, o keia alahele nae i hanaia aku la e ka Bancroft, he alahele ia e hoomoali ana, no ka hiki i na mokukaua o na mana e ae o Europa ke nee aku no ke kai kapu o Tureke.  Ua hoike ae o Kakauolelo Thurber o ka Oihana Kuhina o Amerika nei, o ke kumu nui o ka hoounaia ana o keia moku i ke Kaiwaenahonua i lilo ai ia i moku kiai no ke Kuhina Amerika Terrell ma Konekakinopela, aka, ua hoole nae oia i ka oiaio ole o ka lono no ke komo ana aku ma ke kowa o ke Dadanela me ka ae ole mai o na mana o Tureke.

 

KA HOPENA O NA KOA SEPANIA MA CUBA.

Maderida, Oct. 4,--Ma ka halawai hope ana a ka Aha Kuhina, ua heluhelu ae o Kenerala @ ke Kuhina Kaua o Sepania i kekahi palapala mai a Kenerala Weyler mai, e hoike ana, aole pono ke hoouna hou ia mai na koa mai Sepania mai no ka hoopuipui ana i ka oihana kaua ma Cuba, iloko o Novemaba ae nei, ma ke ano bataliona.  Aka, e mahele ia ma na puali hookahi, a ma 125 kanaka no ka puali hookahi, a ma ia ano e hoounaia mai ai i Cuba.  Nolaila, wahi a ke Kuhina i hoike ae ai, aia maloko o ka bataliona hookahi, he 1000 kanaka no ia mea ma keia olelo hoike a Weyler, me he mea la e hoike mai ana ia ua poino he huina o 250 kanaka mai loko aku o kela ame keia bataliona.  Ina pela ke ano alaila, o keia kulana poino o na koa Sepania ma Cuba ke huiia me 15,000 poe koa ohi hou i hoounaia aku ilaila, ua like me 49,000 poe koa Sepania i pau i ka poino ma Cuba mai ka hoomaka loa mai o ke kaua.

 

AOLE O KALIVALANA E KOHO BALOTA PERESIDENA ANA.

Nu Ioka, Oct, 14—E hoike ana kekahi lono mai Wasinetona mai i ka nupepa Times penei:  Ua hoike ae kekahi luna Aupuni koikoi, mahope iho o kona kamailio pu ana me Peresidena Kalivalana i keia la, i kona piha hauoli no ko Bryan puka ole ma keia kau koho balota ae.  Aole kanalua iki o Peresidena Kalivalana no ia mea.  Ua lilo i mea ole na haiolelo puahiohio a Bryan imua ona.  Ua makemake nae ia e puka o Palmer ame Buckner, a ua makemake nohoi oia e haawi i kona balota no laua: aka, ma kana hoomaopopo ana nae, he mea makehewa wale no ia hana, oiai, aole laua e puka ana: nolaila, aole oia e  koho balota ana i keia kau.  Ua mahalo nohoi oia ke puka o Makinele, a ua manaoio oia e puka ana no oia me ka maalahi..

 

MALAELAE KE ALAHELE O KA MOKUKAUA “BANCROFT” NO KONEKAKINOPELA.

Nu Ioka, Oct. 15—Ke manao nei na luna Aupuni ma Wasinetona, aole e loaa ana na akeakea ana mai na mana mai o Tureke no ke alahele a ka mokukaua Bancroft e nee aku ai no ke kulanakauhale alii o Tureke.  Ua wawaia ae e lawe aku ana ia ia Kuhina Terrell mai Smyrna aku a holo koke aku no Konekakinopela.  Mamua o ka nee ana aku o Bancroft ma keia huakai, ua ninau e ia aku na manao o na mana nui o Europa i kuleana ma ka ninau o Tureke, ina paha e kue mai ana lakou no ko Amerika hoouna ana aku i ka mokukaua Bancroft no Konekakinopela.  Ua loaa mai ka lakou mau hoole ana mai no ko lakou kue ole ia @no ke Aupuni o Rusia.  Aka i ko Amerika @ aku imua o Rusia i ke kulana oiaio maoli o kona hoouna ana i keia mokukaua, oia hoi, aole ma ke ano e komo aku ana ma Tureke e laulima pu ai me na mana nui o Europa ma na ninau e pili ana ia Tureke, aka, no ka malama wale ia ana no o na pono Amerika ma ia wahi, ua haawi mai la o Rusia i kona ae ana, a o keia auanei kekahi kumu e kaomiia ai na pukalaki okalakala ana mai a Tureke no keia hana hoonahoa a Amerika.

 

KOI POHO IA KE AUPUNI TUREKE.

Konekakinopela, Oct. 15—Ua waiho aku ke Kuhina Amerika Terrell imua o ke Aupuni Tureke he koi poho no ka huina o $40,000 no ka pono o Mrs. Lenz, ka makuahine o Frank Lenz, he kanaka Amerika holo kaa hehihehi wawae i pepehiia e na poe Kurds oiai ia e kaahele ana ma Tureke Asia.

 

HOOLEIA KE KOI A KE SULETANA.

Konekakinopela, Oct. 16—Ua hoouna aku na elele Kuhina o na Aupuni e ae e noho ana ma Konekakinopela nei i kekahi palapala imua o ke Aupuni o Tureke e hoole ana, aole e ae i ke noi a ke Suletana, oia hoi e huliia o luna o na moku malihini e ku ana ma na kai o Tureke, no na kanaka Aremania.

 

KINAIIA KE KIPI O KEKAHI O NA MOKUPUNI O PILIPINE.

Maderida, Oct. 15—Ua loaa he lono pili Aupuni mai Manila mai, ke kulanakauhale poo o na mokupuni Pilepine e hoike ana ua pau ke kaua kipi ma ka mokupuni o Mildanao ka helu elua o na mokupuni nunui o ia pae moku.

 

NA KOA SEPANIA NO NA MOKUPUNI PILEPINE.

Barcelona, Oct. 16—He 2000 poe koa i haalele iho i keia ia no ka hoopuipui ana aku i na koa Sepania ma na mokupuni Pilepine.

 

PUENA KA INAINA O SEPANIA IA AMERIKA HUIIA.

Maderida, Oct. 18—Ua olelo ae ka nupepa Imparcial he mea pono i ke Aupuni o Sepania ke koi aku ia Amerika Huiia e hoakaka mai no ka mea e pili ana i kekahi lono mai Wasinetona mai i hoolahaia ai e ka nupepa Herald o Nu Ioka, no ka mea e pili ana i ko Peresidena ike ana mai i ke kuokoa o na poe kipi o Cuba ke hooki ole o Sepania i kana kaua ana ma Cuba.

 

PIOLOKE NA POO AUPUNI O SEPANIA.

Nu Ioka, Oct. 19—Ua hoolaha ae nei ka nupepa World he lono uwea olelo mai Havana mai.  E kaheala aku ana o Weyler ame Blanco, e haulehia ana o Kuhina Canovas a e ulu mai ana na hana koikoi launa ole ma Sepania.  Ua loaa mai na lono mai Maderida mai ina aole e kinai koke ia ana ke kaua kipi ma Cuba a ma na mokupuni Pilepine, alaila, e ulu nui ana ka haunaele.  Nui ka nuku o na nupepa ia Sanovas ame Weyler no ka hiki ole maoli ia laua ke kinai i kaua kipi ma Cuba.  Penei ka olelo a ka nupepa @ Maderida.  “Oiai e hai mai ana @ lono mai Havana a mai @ na mele maoli na poe @ dala i mea e hiki ai @ ke kaua ana, eia @ Nui Canovas ke haawi @ kou i ka manoio ana. @ ua poe kipi la e hiki ai @ mau i ka a ana o ke @ mai i Sepania nei ame @ laau.  Mai ka wa i @ mai ai keia kaua kipi @ ia Gomez ke hana elike @ make.  Ua hiki iaia @ mai kahi pee o ka aina @ pea, me ka nui hewahewa @ na koa Sepania malaila. @ ko kakou poe kanaka @ aohe a lakou hana oiai @ mau ia ae ana na @ Bayamo. Jiguani. @ ame kekahi mau @ e na poe kipi. O keia @ aku nei, aole no la @ na poe kipi…” @ Ua olelo ae ka nupepa @ Maderida, ua ili keia koikoi @ ke Kuhina Nui Canovas @ oia ke haalele i ka oihana @. Ua poluku ae hoi ka nupepa @ Mundo ia Weyler, ma ka @ malalo k kana mau alakai @ Sepania ua hooi loa ia aku @ a Campos e noho ana ma @ o hookahi mahina mahope @ hoea ana aku o na koa @ ina e hiki ole iaia ke kina @ kipi malaila, a oi loa aku @ hoohilahilaia i ko Campos @.

 

LANAKILA NA SEPANIA @ SUGDUA.

Manila (Na Mokupuni Pilapine) @ 19.- Ua lilo pio mai ia @ millo o Nasugdua.  Ua haalilo@ poe kipi he 114 pe make @ kaua.  Elua koa Sepania I make @ 23 i hoehaia.

 

KA HUAKAI ALII “MATEREM” NIO.

Cetinge (Montenegro)@ keia la i holo aku ai ka @ o Napela ame ke Kamalii@ Montenegro no Italia @ ana e na poe koikoi o ka @ hoohanohano ma ka wa e @ na lii opio.  Ua paa pono na @ ke alanui i na koa. Ua @ aloha.  Ua huro ae na kanaka @ no na lii opio.

 

ANEANE E POINO KE OLA @ AKI-ERIKOPO HELENE.

Salonica, Oct. 17—I ka wa I @ ka Aki-Epikopo Monastic o ka @ Helene, e hele ma kekahi @ hale o Bulegaria ma ka Apana @ Prilop, ua lele mai la he @ o na poe Bulegaria e hoopoino @ ola.  Ua hoopuehuia aku ua @ haunaele nei e na koa Tureke @ ka wa i uluaoa ai mawaena o na @ ame ua poe Bulegaria la, he @ loa o lakou i hoehaia.

 

KE ALAWAI OKI O PANAMA.

Colon, Colombia, Oct. 19-- @ hoi mai nei o Kenerala Belin, @ nui o ke Alawai Oki o Panaman @ Parisa mai, maluna o ka moku@ rani, nona ka inoa Germain.  @ mai oia me ia mai Inia @ mai he 150 poe limahana no ka @ ana ke alawai.

 

KE KIPI MA NA MOKUPUNI @ PINE.

Maderida, Oct. 18—E holo aku @ mai a nei aku he 3,000 poe ko @ o na Alihikaua eha no na @ Pilepine, ma ka la 12 ae nei @ maba, no ke kinai ana i na @ mau mokupuni.

 

KA LUNAKANAWAI KAAPUNI HOU O HAWAII.

Ka Makai @Hou o Hawaii.

Ma ka Poaha nei i noho @ Kuhina ma kekahi halawai @ a hooholo iho la e @ Griffin Hitchcock i Luna kana @ puni no na Apana Hookoloia @ puni o Hawaii a o Lorrin A. @ hoi ka Makai Nui o ka @ Maui, i Makai Nui no ka @ Hawaii.

 

KUHINA COOPER NO NA @ O AMERIKA.

Ma ka mokuahi Mio@ kolu nei i hala aku ai o @ no Amerika a oia hoi @ Kuhina makaukau loa o @ Repubalika o Hawaii nei @ huia ae nei o Kuhina @ hina no ko na Aina E no @

 

Ke ole e loaa na @ lamaia ana e ka Hui Aloha @ halawai ano nui loa ma na @ ka malama ae nei o Novemaba @ ano o ka hana ua loaa ole @ kiu ia mea, a o kahi e @ hana ano nui la, aole I ikeia @ Honolulu nei no nae.  He @ kalaiaina no nae.  Hookahi @ mea ano nui e ku nei iloko @ i keia wa, oia ka imi ana @.

 

He mau hebedoma i hala ae nei ua loohia iho ka lunahooponopono i kekahi anu ikaika loa, a nui iho la kona pilikia.  He mea maopopo loa he mai La Grippe inoino loa ia, a i kona ike ana i ka hopena poino oia ma @ ua lawe koke oia i na keehina e loaa @ ke ola iaia.  Mamuli o na olelo hoolaha no ka LAAU KUNU HOOLA a KAMALENA ame na olelo hoomaikai lehulehu no ua laau la, ua hooholo makou e hoa’o i ua laau la.  O ka olelo ana ae, ua loaa mai na hopena maalahi he hoike mama wale no ia no ka waiwai io o ka laau.  He kamahao ka hana a kela laau, a o ka hopen he ola hikiwawa ame ke ola loa ana.  Aole o makou kanalua e hoike aku i ka lua ole o ka maikai o keia Laau Kunu, i kela ame keia mea i loohia i ke kumu a @ paha, ma na ano apau.  The Banner of Liberty.  Libertytown, Maryland.  He 25 a 50 keneta ke kumukuai.  E kuai ia ana e na poe Pa’ipa’I Laau ame na Poe Kuai Laau Lapaau apau.  O BENSON SMITH & CO., na Agena no Ko Hawaii Pae Aina.