Ka Nupepa Kuokoa, Volume XXXV, Number 44, 30 October 1896 — Page 4
| This text was transcribed by: | Debbie Tom |
| This work is dedicated to: | Gordon Gee |
I-IAAWINA
KULA SABATI,
IV. 7. Nov. 16.-Ko Iekova hoomaika ana ia Solomona. 1 Nalii 9: 1-9.
Eia hoi kekahi. i ka pau anae o ko Solomona kukulu ana i ka hale o Iehova, a me ka hale o ke alii, i me ka makemake a pau o Solomona ana i manao ai e hana;
2 Ike hou ia ku la o Iehova e Solomona. o ka lua keia, e like me kona ikeia e ia ma Gibeona.
3 A olelo mai la o Iehova ia ia, Ua lohe ne nei au i kau pule a me kou nonoi ana au i hapule mai ai imua ou a ua hoan ne nei au i keia hale au i kukulu mai nei e waiho mau loa i kou inoa malaila; a malaila mau no hoi kou mau maka a me kou naau.
4 A ina e hele oe ma kou alo, me Davida kou makuakane i hele ai, me ka olalo o ka naau a me ka pololei, e hana I kau mea a pau i kauoha aku ai ia oe a e malama hoi oe i kou mau kapa a me kou mau kanawai;
5 Alaila e hookupaa au i ka nohoalii o kou aupuni maluna man loa o ka Iseraela, e like me kau olelo-hoopomaikai ia Davida kou makuakane, i ka i ana e Aole oe e nele i ke kanaka maluna o ka nohoalii o ka Iseraela.
6 Aka, ina e kapae ae oukou mai ka hahai ana ia u, o oukou, a o ka oukuou mau keiki paha. aole hoi e malama mai i kau mau kauoha, a me kou mau kanawai au i hoonoho ai imua o ko oukou alo, a e hele aku oukou a e malama i na akua e, a e hoomana aku ia lakou:
7 Alaila e oki aku au i ka Iserael ma ka aina aku au i haawi aku ai ia lakou; a o keia hale au i hoolaa ai no kou iinoa, oia kau e kipaku aku ai mai kou alo aku; a e lilo ae ka Iseraela i mea e heneheneia, a e hoinoia iwaena o na lahuikanaka a pau.
8 A i keia hale ka mea kiekie, o ka mea e maalo ae ma ia, e kahakaha oia, a e henehene ae; a e olelo ae hoi lakou, No ke aha la e hana mai ai o lehova pela i keia aina, a i keia hale?
9 A e hai mai lakou, No ko lakou haalele ana ia Iehova i ko lakou Akua, ka mea nana i lawe mai i ko lakou poe kupuna, mai ka aina mai o Aigupita, a ua lalau lakou ma na akua e, a ua hoomana hoi ia lakou, me ka malama aku ia lakou; nolaila, i lawe mai ai o lehova i keia poino a pau maluna o lakou.
Pauku Gula. Na Solmona 10:22.-O ka hoomaikai o Iehove, oia ka mea e waiwai ai, aole hoi mea e eha ai ka manao malaila.
Manao Nui.-E pono ke koho pono, no kakou iho pakahi i ko ke Akua mahalo ana i ko kakou mau hana.
Olelo Hoakaka. Ua heluhelu kakou i ka moolelo o ko Solomona pomaikai, a ma keia haawina, e hoikeia ana na ulia poino i pili paa ai i na mea maikai o keia ao. Ma na wahi kiekie loa na makani pukiki loa, a me ke kuululu, haukeke, kahauha no ke anu. Ua hala e na makahiki 13 mahope o ka pau ana o ka luakini. He mau makahiki 44 no Solomona i ka wa i oleloia ma keia haawina. Ua nui ko Solomona au hana hookuonoono, hookahakaha, puniwaiwai, puni lealea. Ua kamailio hou ke Akua me Solomona ma kekahi hihio e like me ko Gibeona; a ao aku iaia i na poino o ka hookuli, a me ka pomaikai o ka hoolohe. Ua moakaka ka oi ana o na hoowalewale o ka poe waiwai aole hiki i kekahi poe ke paio aku, oiai ua iini nui ia ka pilupilu.
1. Kukulu. - ua nui na mea a Solomonoa i kukulu ai waihona wai. paapu. moku, halealii, uapo, a pela aku. Ua lilo keia mau mea i Babela nona me he mea la ua paonioni ola me ke akua ma kona hookiekie. 2. Ikeai, - palua: ka hoi ano okoa na hua hope; no kekahi, ke auo imi, paulele, hoomaikai; no kekahi, keano aia, hookiekie, hookaawale. 3. Naau, - eia ka pane a ke Akua i ko Solomona pule, 1 Nalii 8:29; maluna o ka luakini ko ke Akua mau maka, malaila no hoi kona aloha hoolauna. Aka i ka wa i kaawale ai ko ka Iseraela aloha, kaawale no hoi o Iehova, a lilo ka luakini nani i kahua helelei. 4. Hele, - me ka aui ole ana mai ka pololei aku, me ka hoonanea ole ana me na hana hoomanamana hookamakama: oia no ko Davida ala hele pololei loa: aole i emi i hope koua anee alii la Iehova. 5. Nele, - aka. no ko Solomona homaloka, ua hoopauia ke alii ana o kona poe mamo, he poe hoomaloka lakou ma ka hapanui. O lesu ka hooilina o Davida mai Natana mai. aole mai a Solomona mai, mamuli o kona ano hanau. 6. Kapae, a haaiele loa i ka berita. 7. Kipaku, oia no ka hana kue loa i ka pule o Solomona, e noi aku ana i ke Akua e malama mau i ka luakini. Henehene ia. - aole i hanohanoia, Kanawailua 28: 37. 45, 63. S Kiekie, - a lilo aku a nalo loa. e like me na moni ma ke one poho. 9. Haalele, - oiai ua hoopakele o lehova. a hoopomaikai, a hoomalamalama ia lakou.
I. Ka pane i ka pule, 1-3. I ka wa hea ua hoike o Iehova ia ia iho ia Solomona. a kamailio pu me ia? Ehia mau makahiki a hiki i kona ikeia no ka lua o ka manawa? Heaha ka olelo hoopomaikai i ka wa mua? Pehea i okoa ke ano o ka lua o ka olelo? Heaha ke kumu paepae o ko Solomona ko ana? Ehia mau makahiki no Solomona i ka wa i oleloia p. 1? Ualanakila e anei o Solomona ma kona mau hana hoohiehie? Ua pili paa anei oia ia Iehova ma ke ano he puuku nona ma ka malama ana a me ka puunaue ana i na waiwai i loaa ia ia. aole paha? Heaha ke kaulana oi o konamau waiwai, Kekahuna 2:1-10? Heaha kekahi mau hoowale wale pil paa i na waiwai nui? Heaha kekahi hana lokomaikai a ke Akua ma ka malama ana i ko Solomona kulana? Heaha ke kokua mai ka luakini mai? Heaha ko ke Akua olelo paa e pili ana i ka luakini?
II. Ka pomaikai e loaa ana i ka hoolohe. 4.5. Heaha ko ke Akua olelo paa ia Solomona iho? Heaha ke kulana o Davida imua o Iehova, 1 Nalii 3:6? Heaha ka oialo o ka naau? Heaha Ka pololeio ka hele ana? ehea i kulike aiolelo me ka moolelo o ko Davida moe kohoke ana? Pehea i like ai keia me ka mimilo ma ke au? Heaha na alahele elua imua o na kanaka a pau loa? Heaha na hoailona o ke ala o ke ola? Heaha na hoailona o ke aia o ka make? Lauwili anei paha ko ke Akua mau hana? Hiki anei i na kanaka kenoho pomaikai ma ka hele ana i kekahi alanui e ae?
III. Na poino e loaa ana i ka hookuli 619. Heaha ke alahele elua imua o Solomona, a me ka lahui Iudaio, 2 Oihanalii 7:19? Aole anei he mea oluolu ka puni lealea? Pehea e poino ai keia mea oluolu? Ua pili anei ka poino i ka papa elua wale no o na kanawai he unmi? Ina paha e hookuli ana ka lahui, heaha ka uku hoopai? Heaha ke kulana ino o ka lahui? Heaha ka hopena hooweliweli o ka luakini? Heaha na kumu no keia mau poino? Heaha ko Mose olelo ao ano like i ka wa mamua loa, Kanawailua 29:24-26? Heaha ka makemake o ka mea haipule Halelu 141:5? Mamuli o ka naauao anei keia iini, mamuli o kamakau pahu?
Manao Pili. 1. Heaha kou alahele i koho ai, ka haipule paha, ka lealea paha? 2. Heaha na kumu no ke koho ana i ka hana lealea? 3. E pomaikai mau ana anei ka mea hoolohe aku i ke Akua? 4. Pehea e launa mau ana ke Akua me oe? 5. He hana aloha anei ko ke Akua hoopai ana i ka mea hookuli?
-----
NA EKALESIA HAWAII AME NA
AHAHUI OPIOPIO IMI PONO
KARISTIANO.
-----
Malalo o keia poo e hoopuka aku ai makou i na palapala apau e loaa mai ana ia makou mai na hoaloha mai no na Ahahui Euanelio, na Ahahui Opiopio Imi Pono Karistiano ame na hana apau e pili ana i ka holomua o ka Pono Karistiano ma Hawaii nei.
-----
HALAWAI AHAHUI OPIOPIO O KA
MOKUPUNI O KAUAI.
-----
Halawai ka Ahahui Opiopio Imi Pono Karistiano o ka Mokupuni o Kauai ma ka luakini o Waimea, hora 9 a. m. , Oct. 14, 1896, Rev. G. L. Kopa, Peresidena ma ka noho. Malamaia ka hapaha hora haipule, me ka himeni ame ka pule a Rev. J. B. Kahaleole.
Hoomaopopoia na lala o ka Aha i hiki mai:
Hanalei, J. S. Kaeha ka Elele; Koolau, G. M. Haddy, Peresidena, Miss Kina Lowell ka Elele; Hanapepe. Joseph Maliekekai. Peresidena, Mr. Mauleule ka Elele; Waimea, J. K. Kapuniai ka Peresidena. Joseph Akina ka Elele. Na lala mau o na Kaha Ekalesia. Kohoia na komite kumuhana: J. K. Kapuniai. G. M. Haddy, Joseph Maliekekai.
1. Hapaha hora haipule
2. Hoike a na Peresidena ame na Elele.
3. Na hana hoeueu. Hapaiia ke kumuhana 2. Na ke Kakauolelo i heluhelu i ka hoike Peresidewna o Hanalei a na J. S. Kaeha ka Elele i kana hoike. Aponoia.
Na G. M. Haddy i kana hoike ame Miss Kina Lowell i kana hoike Elele. Aponoia. Na Joseph Maliekekai i ko Hanapepe. Aponoia.
Na Mr. Mauleule i kana hoike Elele, a ma ke noi a Joseph Akina, e waiho i ka hoik ma ka papa. Hooholoia.
Na J. K. Kapuniai i ko Waimea. Aponoia. Na Joseph Akina i kana hoike Elele, ua kamailio nui na lala o ka Aha i na mea e pili ana i ka hoike a ma ke noi a ke Kakauolelo, e apono i ka hoike me na hooponopono. Hooholoia. Na G. B. Kahaleole i noi mai e poopanee i ka halawai a noho hou mai i ka hora 4 p. m . ahiahi. Hoopaneeia me ka pule a J. S. Kaeha.
Halawai hou ka Aha e like me ka hoopanee ana meka himeni me ka pule a O. H. Gulika.
Hapaiia ke kumuhana 3. Na hana hoeueu. He nui na mea i kamailio ia e na lala o ka Aha no keia kumuhana, a ma ke noi a G. B. Meheula, e komo aku ka hui opiopio o Waimea i Hanapepe o Koolau hoi i Kapaa. Hooholo ia. He olelo hooholo mai a G. B. Meheula mai. ke kaawi aku nei na lala o ka Aha i ko lakou hoomaikai nui, i na hoahanuau o ka Ekalesia o Waimea no ko lakou malama ana mai i na mea e oluolu ai ke ola kino.
Heluheluia ka moolelo o ka halawai a aponoia. Na Rev. J. B. Kahaleole i noi mai e hookomoia ka moolelo i ka nupepa Kuokoa ame ke Aloha Aina Hooholoia. Noi mai o J. K. Kapuniai e hoopanee loa i ka halawai a noho hou ma kahi e halawai ai ka Aha Ekalesia, Hooholoia.
Hoopaneeia ka halawai me ka himeni ame ka pule a Rev. J. B. Kahaleole.
J. K. MAHI,
Kakauolelo
Lihue. Kauai. Oct. 24, 1896
-----
KA HOOMAIKAI A KE KULA SABTI O MANOA LA
MR. W. R. CASTLE
-----
O makou o ke Kuia Saoati o Manoa, ke haawi nei makou i ka hoomaikai nui ia Mr. W. R. Castle, Kahu Kula Sabati mua i waiho mai a ma ia ano. he makua aloha a hoohoihoi i na hana pili Kula Sabati mawaena o ka Ekalesia makuahine o Kawaiahao. Ua haawi makana mai oia i ko makou Kula Sabati he mau huke Kauoha Hou i huiia me ka Halelu eono (6) no na Haawina Hoike Hapaha o ko makou Kula Sabati i malama ia ma Kawaiahao. Sept 27, M. H. 1896
Ma o
J.W. KAHALEWAI.
Kahu Kula Sabati
Manoa, Okaoba 22, 1896
-----
KE AO PILIOLELO ENELANI
-----
II. Ke Kama ma na Halinoa.
O ke Kama oia ka mea e hoike ana i ke ano kane a wahine an o kekahi mea, a-i-ole-ia,o ke ano pili like ana paha i ke kane ame ka wahine, a ano kaokoa paha. Penei: Man - kanaka, woman-wahine; baby-bebe; tree-kumulaau
Eia na Kama maloko o na haiinoa, Kamakane, Kamawahine, Kama-pililua, Kama-okoa.
O ke Kamakane, ua pili ia i ke kane ana o kahi mea. Penei: Boy Keikikane; father-makuakane; king-moikane.
O ke Kamawahine, ua pili ia i ke ano wahine ana o kahi mea. Penei: Girl-kaikamahine; mother-makuahine; queen-moi-wahine.
O ke Kama-pili-lua, oia ke kama i pili like i ke kane a i ka wahine nohoi ma ke kamailio a hoohana ana paha i ua haiinoa la. Penei: Parent-makua: ua pili keia i ka makuakane a makuahine nohoi, nolaila, aia keia huaolelo ma ke kama-pili-lua. Teacher -kumukula: pili no keia i ke kumukula kane a wahine nohoi. Friend-hoaloha, aikane: pili no i ke kane ame ka wahine.
O ke Kama-okoa, oia ke kama i nele maoli kona ano kane a wahine ana ma ka hoomaopopo ana; a-i-ole-ia, oia ke kama i ku ai ka haiinoa aohe ona hanu ola maoli. Penei: Stone-pohaku; tree- kumulaau; house-hale; hat-papale. Ma keia mau haiinoa, he mea maopopo aole loaa ia lakou ka hanu ola maoli elike me ko ka lio, ke kanaka, ka manu a pela aku.
He ekolu no ano i ku ai na haiinoa ma ke kamakane ame ke kamawahine:
(1) Ma na huaolelo kaawale i pili i ke kane, a pela nohoi i ka wahine; (2) Ma ka hui ana aku i ka huaolelo e hoike ana i ke "kane" a "wahine" paha i ka haiinoa kumu; (3)ma ka hui ana aku i ka mamala-olelo ESS i kekahi mau haiinoa i loaa ai ke kamawahine Penei:
(1) Ma na huaolelo kaawale:
KAMA-KANE.
Man-Kanaka.
Boy-Keikikane.
Husband-Kane (mareia.)
Son-Keikikane (ponoi.)
Stag- Dia kane.
KAMA-KANE
Woman-Wahine.
Girl-Kaikamahine.
Wife-Wahine (mareia.)
Daughter-Kaikamahine (ponoi.)
Hind-Dia wahine.
(2) Ma ka hui ana aku i ka hua olelo e hoike ana i ke "kane" a "wahine" paha.
KAMA-KANE
Man-Servant--Kauwa-kane.
He-goat--Kao-kane.
Maid-servant--Kauwa-wahine.
She-goat--Kao-wahine.
(3) Ma ka hui ana aku i ka mamala-olelo ESS i kekahi mau haiinoa i looa ai ke Kamawahine:
KAMA-KANE.
Host-mea malama hotele (kane.)
Poet-Mea haku mele (kane.)
Heir-Hooilina (kane.)
KAMA-WAHINE.
Host-ess-Mea malama hotele (wahine.)
Poet-ess-Mea haku mele (wahine.)
Heir-ess-Hooilina (wahine.)
III.-NA AUI O NA HAIINOA
O ka Aui oia kekahi kulana pili i ka loli ana o ka haiinoa ma o kona pili ana me kekahi huaolelo okoa aku iloko o ka hopunaolelo. Penei: The horse runs-Ke holo nei ka lio; the boy's hat-Ka papale o ke keiki (a-i-ole, ko ke keiki papale); the horse drinks the water-Ke inu nei ka lio i ka wai.
Olelo Hoakaka-The horse runs-Aia o "horse" maloko o keia hopunaolelo ma ka Aui-kumu, oia hoi, oia no ke Kumuolelo; a o "runs." he haina ia, e hoike ana i ka hana a ke Kumuolelo, ola hoi, o Aui-kumu i ikeia ma o "horse" la ka haiinoa. The boy's hat-O "boy's" i ikeia ma keia hopunaolelo, aia no ia ma ka Aui-ko-hai, e hoike ana i ke ano o kona pili ana me ka haiinoa "hat," ma ke ano oia ka ona oia papale. The horse drinks the water- "The horse" oia ke Kumuolelo; aia o "horse" ma ka Auikumu, elike me ka mea i hoikeia ae nei ma ka hoopunaolelo mua ma keia hoakaka ana; o "drinks" ka haina, e hoike ana i ka hana a ka Aui-kumu; "the water" oia ka hopehaina. i kapaia he Aui-alo, oiai, o ia ka mea i hoohanaia e ke Kumuolelo, oia hoi. ka Auikumu. Nolaila, mamuli o keia mau hoakaka ana. a ua maopopo he-
Ekolu mau Aui o na haiinoa ma ko lakou ku ana a hohanaia ana iloko o na hopunaolelo, ma ke kamailio ana a kakau ana paha: (1) Aui-kumu: (2) Aui-ko-hai: (3) Aui-alo.
O ka Aui-kumu, oia no ka Aui i ku ai ka haiinoa ma ke ano he Kumuolelo n okehahi haina (verb). Penei: The boy plays-(Ke) paani (nei) ke keiki; the bird flies- Lele ka manu.
O ka Aui-ko-hai, oia no ka Aui i ku ai ka haiinoa ma ke ano oia ka ona, a o ka paa ana paha o kekahi waiwai a hana paha. Penei: The boy's book, Ka buke a ke keiki (kane): the bird's feather - Ka hulu o ka manu.
O ka Aui-alo, oia no ka Aui i ku ai ka haiinoa ma ke ano he hopee-haina ia, oia hoi, o kahi ia i ili aku ai ka hana a ke Kumuolelo. Penei: "The boy spilt the milk- Ua hanini ka waiu i ke keiki (a-i-ole, ua hoohaniniia ka waiu e ke keiki). "The milk," ma keia hopunolelo aia ia ma ke kulana hopehaina, i kapaia he Aui-alo.
O ka hoonohonoho ana i ka haiinoa ma kona mau Aui, ua kapaia he Hooioli Aui. Penei:
BOY-KEIKIKANE.
HELUKAHI.
Auikumu, Boy-Keikikane.
Aui-ko-hai, Boy's-Ko ke Keikikane.
Aui-alo, Boy-i ke Keikikane.
HELUNUI.
Auikumu, Boys-na Keikikane.
Aui-ko-hai, Boys'-ko na Keikikane
Aui-alo, Boys-i na Keikikane.
MAN-KANAKA.
HELUKAHI.
Auikumu, Man-Kanaka
Aui-ko-hai, Man's-Ko ke Kanaka
Aui-alo, Man-i ke Kanaka
HELUNUI.
Auikumu, Men-na Kanaka
Men's- Ko na Kanaka
Men-i na Kanaka
He Loina no ka Aui-ko-hai -O ka Aui-ko-hai ma ka helukahi, a ma ka helunui nohoi i kau ole ia ka S mahope e lawe ana ia i ka hua S, me ke koma-luna. Elike me keia: Boy's; man's; men's; John's
Ma na haiinoa i kauia ka S ma ka helunui, e loaa ana ko lakou mau Aui-ko-hai, ma ke kau wale ana no i ke koma-luna. Elike me keia: Boys' books-ko na keiki buke: the birds' feathers-Ko na manu hulu (Aole i pau.)
-----
MEA HUNA POHIHIHI
-----
MOKUNA IX.
-----
KA HAKU TEREVELIANA.
Ua lilo i mea nui na Negewina e kaawili ai iloko o kona noonoo iho no ka oiwi nona ka hiohiona ana e ike mai ana. Hoomaopopo mai la nohoi ia ua like loa na onohi maka o keia lede opio me ko Geofere, a no ia mea ua ninau iho la oia iaia iho:
"Pehea la, he kaikamahine io anei keia na Geofere Tereveliana? Ke ole nei no anei oia i keia wa? He mea huna pahaohao maoli keia."
Hoomau aku nohoi o Alamira i ka hele ana a hoea i ka rumi o ka Haku Tereveliana a kikeke malie aku la oia ma ka puka, a kahea mai la ka Haku Tereveliana e komo aku oia iloko. Komo aku la ia, a o ka haku wale no ke noho mai ana. Ua hooneeneeia aku kona noho a kokoke ma ke kapuahi hoopumehana, a e hoonanea ana oia iaia iho ma ka haehae ana ame ke kiola ana i na palapala he nui wale iloko o ke ahi.
Ma ka wa hoi i komo aku ai o Alamira ua hoomaha iho la ua Haku Tereveliana nei i kana hana ana, huli mai la ia a nana maila ia Alamira. Hoike mai la kona mau helehelena i ka nanaina maikai ame ka oluolu.
"Eleu maoli oe. e Miss Arevalo." wahi ana i pane mai ai. "Aole au manao e hoea koke mai ana oe. Manao au hookahi hora okoa a'u e haawi aku ai nau, alaila, oe hiki mai; oiai he mea mau i na leda ka hoolilio ana he mea mau hora okoa no ke komo ana i ko lakou mau luheihu. O ka manawa keia. E oluolu oe, e huki mai i kou noho a kokoke mai ma kahi a'u e noho nei. No ka himeni a'u i olelo aku nei i ka wahine kauwa, e kali oe a huli hoi aku kuu keiki hoahanau no Ladana alaila himeni mai oe."
Ia wa huki aku la o Alamira i kekahi noho a kokoki ma kahi a ka Haku Tereveliana e noho ana, a i kona nohoana iho maluna o ua noho la a liuliu iki, pane mai la ua Haku Tereveliana nei:
"Ua ike kuu keiki hoahanau, oia o Haku Adelo, ua hoea mai oe ia nei. Na'u ponoi no i hai aku iaia, a ma ka'u hoomaopopo aku me he mea la aohe maikai o kona manao no ko'u lawe ana ia oe i kakauolelo na'u. E Miss Arevalo ua maopopo loa ia'u he lede opio oe i huikau ole ia me na hana maemae ole o ko keia ao, nolaila, oiai oe e noho ana me a'u, e haawiia aku no na hoonene-ili-kapu ia ana ia oe, me he mea ia o ka'u moopuna ponoi no oe. Aohe mea nana e olelo kikoola mai no kou noho ana maanei. A e hoomaopopo oe. e Miss Arevalo, oiai oe e noho ana malalo o ka malunialu o kuu hale nei, e kiai no au ia oe me ke makaala loa, elike me ke kiai ana a kou luaui makuakane ponoi."
Hoomaikai aku la hoi o Alamira no keia mau olelo maikai a ka elemakule ma ka olelo ana aku:
"Ke hoomaikai aku nei au ia oe. e kuu haku. E hai aku au ia oe aole loa au i launa aku me na noho ana o ko keia ao, oiai, mai kou hanauia ana a hoea mai i ka poe nei, ka wa a'u i haalele aku ai I kou home aia wale no kou noho ana maloko oia poai: aka no kuu makemake loa e hoomamaia ae kekahi kaumaha ame kekahi koikoi a kuu makuahine e auamo ana ma ka malama ana ia u, kou mau kaikunane elua. ame ko makou makuakane, nolaila au i hiki nolaila au i hiki mai ai imua ou. O keia ke kumu nui o kou haalele ana i kuu home."
"O keia ao?" wahi a ua Haku Tereveliana nei i ninau mai ai me ka hoomau ana i ke kamailio ana mai. "E Miss Arevalo, o keia ao, oia no ka lua hohonu i nohoia e na ilio hae. O kahi hipa keiki auanei elike me oe, e Miss Arevalo, aole loa e loaa ia oe ka nohona oluolu ame ka palekana. Aka he kakaikahi loa na hipa keiki a kanaka ma keia ao."
I kela wa i loheia aku ai kekahi mau kapuai wawae oolea e hele mai ana, a ia wa i kamailio hou ae ai ka Haku Tereveliana:
"Ei ae kekahi ilio hae ke hele mai nei."
Aole hoi i liuliu komo mai la ka Haku Adelo. Nana aku la hoi o Alamira maluna ona, a nalu iho la ia iloko ona me ka hoohuoi nui, i ke kumu o ko ka Haku Tereveliana olelo ana he ilio hae oia (Haku Adelo). Ma keia wa i ninau aku ai ka Haku aoo i ua Haku Adelo nei:
"O kou makaukau paha keia no ka huli hoi aku i Ladana?"
Alaila, huli ae la ua Haku Tereveliana nei ia Alamira, a olelo mai la:
"E Miss Arevalo, o keia keonimana, oia no ka'u keiki hoahanau: a o Haku Adelo kona inoa."
Kunou aku la hoi o Alamira imua o ua Haku Adelo nei, aka. aole oia i panai mai i kana hooaikai ana , elike me ka mea maa mau i na poe maikai, aka o kana mea i hana mai ai oia kona olelo ana mai:
"O na onohi maka o keia kaikamahine, oia no na onohi maka o Geofere Tereveliana."
"E Oremona," wahi a ka Haku Terevelina i pane aku ai imua o ua Haku Adelo nei. "He kakauolelo o Miss Arevalo nau. Oiai kona mau la e noho ana malalo o ka malumalu o kuu hale nei, e nanaia aku oia me he mea la he kaikamahine ponoi oia nau. Ma ia ano oe, e Oremona, e nana aku ai iaia"
Ua lilo kei mau olelo a ka elemakule Tereveliana i puupuu oolea e pii ai ka ula ma na kumu pepeiao o ua Haku Adelo nei, aka, ua kunou aku la no nae oia imua o ka Haku Tereveliana, ma ke ano e hoike aku ana imua ona ua ae oia e hooko i kana kauoha.
Ua noho iho la ua Haku Adelo nei maluna o kekahi noho. a e haawi mau ana oia i na kiei ame na hakilo ana a kona mau maka maluna o ka lede opio me ka hialaai nui. A hala kekahi wa o kona noho ana maloko o ka rumi me ke kamailio ana nohoi me ka Haku Tereveliana, ia wa oia i unuhi ae ai i kana wati, nana iho la ia a olelo aku la i ka Haku Tereveliana:
"E haalele ana au ia oe. oiai ua makaukau kou kaa i keia wa no ka hoi ana aku i Ladana. Ina hoi aole au i hooholo mua i kou manao e hele aku i ka hulahula o Hametona Kakela i keia po, ina no la hoi ua noho au ia nei."
Ku ae ua Haku Adelo nei iluna a haawi mai la i kona aloha i ka Haku Tereveliana a ia Alamira nohoi.
He olalo, ma keia wa a ka Haku Adelo i haalele aku ia Tereveliana Pa, aia na hoomanao ulupuni iloko ona kahi i holapu ai no Alamira. oiai ua mohala ae la kona mau hiohiona nani me ka ui nui iloko o kona mau noonoo ana, a hooholo iho la ia, e hoi hou mai no oia i Tereveliana Pa i kekahi pule aku.
(Aole i pau.)
-----
HIKIWAWE KE OLA O KE KUNU HO.
-----
Moutain Glen, Ark.- Ua loohia ka maua poe keiki i ke kunu ho ma ka wa i loaa mai ai ka omole LAAU KUNU a KAMALENA. Aole i emo o ke ola no ia. F. A. Thorton. E kuaila ana keia laau kaulana e na Poe Pa'pa'i Laau a Kuai Laau Lapeau apau. O BENSON SMITH & CO., na Agena ma Ko Hawaii Pae Aina.
-----
He mea pono i kela ame ke a ohana ke loaa ona laau lapaau mama no na mai o ka opu. I laau lapaau puhili ole no ka "Moku ino loa o lepo" (Diarhea) Nahu, Umii, Kolera ame na ma'i apau o ka opu. aole he laau lapaau oi @k i o ka maikai. elike me ka PERRY DAVIS LAAU PENIKILA (Pain Killer). Ua lawelaweia keia laau no na @kahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Holister, ka Agena.
HOO'AHA KUMAU.
Aole loa e maikai a oluolu ke ola ana o kekahi mea kino uhane he aaiole kena akepaa a hike ole ke lawelawe i kana mau hana me ka hololea. E hahai ana ka wahina a me na nawaliwali e ae ma ka moali o ke ake ponalo. He mea oiaio keia i hooiaio ia ma ua wahio na poai oluolu akau iloko o ka hapaha keneturia, o na.
HUALE A AYERS.
oia wale no ka LAAU HOOLA AKE maikai loa i ikeia. E hoola ana i ka lepopaa, ka nalulu eha, na ma'i oloko o ka opu, a ma ke ano LAAU OHANA aohe ona lua a e like ai.
O ka Ayers Sasaparila, oia ka Laau Hoomaemae Koko kilakila. e haawi ai i ka ikaika a me ka hooponopono ana ia loko o ke kino o ke o ka ili, e hoopau ana i na maluhilakanaka. E pepehi a ulupa ana ina PUHA, e hoola ana i na pohapoha hi o ke ola ana a e kipaku loa ai i na ano ma'i a pau. O ka poe mai no ka wai pono ole o ka ai ka nawaliwali mau a ano ma'i e ae i ulu ae ma ke koko ino mai, he mea pono e inue i ka laau
SASAPARILA A AYERS
He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka mae ana a maikai ke ola ana.
O ka Ayers Cherry Pectoral laau, aohe lua ma ka hoola awiwi ana i na KUNU, ANU a me na PUU EHA. E hoola ia na KUNU KALEA a me na ma'i pili i ke ake me ka hikiwawe loa.
O na Huaale a Ayers, na Sasaaparila a me ka Ayers Cherry Pectoral, aia kahi e loaa ai ma ka Hale kuai o ka.
Hollister Drug Co. Lt.
Agena ma ka Paeaina Hawaii 2514
KAKELA ME KUKE
Ka Halekuai Nui
-----
WAIWAI LIKE OLE
Na Mea
HANA KAMANAA PAU
Na lako pili hao kahala hale.
Na kepa,
Na lei ilio
Na kaulahao ilio,
Na pahi,
Na Opa,
Na kope hulu
Na Pulupulu
PALAU LIO
Na mea mahiai
Na au ho,
Na au ko,
Na kua bipi,
Na lei bipi,
Na kaulahao bipi,
Na uwea pa,
Na kaa palala,
Na mea piula.
Na ipuhao,
Makau me Aho Lawaia
Na Iliwai,
Na kaula,
Na haia pena,
Na pulumi,
Na pena, me ka aila
Na kopa
Na aila maha
Na pakeke
Na pakeke hao,
Na kapu hao,
Na pauda
Na kukaopele
Na uwiki, a me
Na ipukukui
Mikini Humuhumu aulana
Wilcox, & Gibbs Hookahi Lopi
ka Remington Elua Lopi.
A me na akao a he nei loa keia ano me keia ano.
Kakela me Kuke
@