Ka Nupepa Kuokoa, Volume XXXV, Number 46, 13 November 1896 — Page 3
| This text was transcribed by: | Inger Hojfeldt |
| This work is dedicated to: | Daughters of Hawaii |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Mai a Mahope aku o Iulai 5 1895
Wili o Ewa
Kaa Ukana
Na ia a pau
Koe Sabati
Hiki i Waianae
na la a pau.
Hiki i Wili o
Ewa na la apau.
Hiki i Waianae
Na Poaono me
Sabati wale no
Hiki i Waianae
na la apau.
A.M. A.M. P.M. P.M. P.M.
Haalele ia Honolulu 6:40 9:15 1:45 1:45 5:10
Haalele ia Manana 7:40 9:58 2:28 2:28 5:53
Haalele Wili o Ewa 8:10 10:19 2:49 2:49 6:14
Hiki i Waianae - 10:54 - 3:24 6:49
Waiane na
la a pau.
Wili o Ewa
Kaa Ukana
Na la a pau
Koe Sabati
Waianae na
la a pau.
Wili o Ewa
na la a pau
Hiki i Waia-
nae na Poao-
no me Sabati
A.M. A.M. P.M. P.M. P.M.
Haalele ia Waianae 6:44 - 1:32 - 4:16
Haalele Wili o Ewa 7:19 9:10 2:07 3:51 4:51
Haalele ia Manana 7:50 9:48 2:38 4:22 5:22
Hiki i Honolulu 8:23 10:30 3:11 4:55 5:55
E lawe ana na kaa ahi hali ukana i na kaa @ o ka papa ekahi.
@ P. DENISON,
Luna. F.C SMITH,
Luna Kuai Palapala Holo.
NU HOU HAWAII
He la Kulaia Aupuni ka la 28 o keia mahina.
He mau hoolaha aina moraki ka makou o keia pule. E nana ae, e na makamaka, ia mau olelo hoolaha.
Ua laulaha mai ka lono, e lawelawe aku ana ka Hui Kalaiaina ma keia mua aku, e koho i Peresidena no lakou.
Ua kokoke e makaukau loa ka Buke Kuhikuhi Inoa i hoomakaukauia iho nei o Finney a e paiia nei hoi e ko makou nei Keena Pa'i.
Ua hoopau ae nei o William M. Mahuka i ka mana o kekahi palapala hookohu hope ana i haawi ai i kahi wa i hala lilo loa ae nei.
I keia Poakahi ae e ku mai ai ka mokuahi Australia mai Kapalakiko mai, a malia e huli hoi mai ana ka Puali Puhi Ohe Lahui.
He nui na manao o makou i hoopaneeia mai ka pepa aku o keia pule. Ma ko makou pepa o keia pule ae e hoopuka aku ai makou.
Ma ka hoomaopopo a na mea apau, aia kela paahao mahuka Cullen, mailoko aku o Kawa, ma na pali o Kalalau kahi i noho ai i keia wa.
Aia ka Loio J.M. Davidson i noho ai i Honolulu nei mamua i Samoa i keia wa. Ua aeia oia e lawelawe i ka oihana loio imua o na Aha apau o Samoa.
Ke noonoo nei ka Papa Ola i ka palapala hoopii a na kanaka maoli o @ haina he 128 ko lakou nui, e noi ana e hoihoi hou ia aku o Kauka C. Davidson i Kauka Aupuni no lakou.
Ke loheia aku nei na hauwalaau ana @ kekahi poe Aloha Aina o Honolulu @ ua kupono loa ke kohoia o Mr. J. K@ Kaulia i Peresidena no ka Hui Aloha Aina.
He wahi paina ka ka Loio Kuhina e haawi ana no ka hanohano o Mr. J.W. @ i keia la, a he nui na kamaaina o Honolulu nei i poloaiia no ka luakaha @ ae ma ia papa ahaaina.
Mawaena o na luna ekalesia koikoi @ Hawaii nei, iloko o ka Ekalesia o @ Mauna Pohaku," o Mr. Aberaham Fernandez ka oi o ke kiekie, oiai, aia @ ma ka Papa o na Kanahiku.
O ke oeoe hooho pauahi i hoaoia ai @ ka anina la Poakolu nei, ua ikea @ holopono, oiai, e lohe maopopo ia @ kona kani i uka o Nuuanu, ka @ Kukui Uwila, a i waho nohoi o Waikiki ma Sans Souci.
Ma ka la 25 o Okatoba aku nei, ua @ ike ma Kamaole, Kula, he wahine luahine nona ka inoa o Nalepo, a ua @loia he 107 ona mau makahiki o ke @ ana ma keia ao, a make aku la @koo no.
E hoomanao ko makou poe makamaka e noho ana ka Papa Hoopii Auhau i keia Poakahi ae, Novemaba 16, ma ka hale o ka Aha Apana o Honolulu nei. E makaala ae e na makamaka hoopii auhau.
Ua loohia o Mr. N.N. Osburn, he mea i kamaaina loa ma Woodstock, Mikikana, me ke kikala haneenee. Ua konoia oia e hamo i ka LAAU HAMO a KAMALENA. Hookahi no po, o ka loaa no ia o ke ola iaia. He laau kaulana loa keia no ke ola o ka rumatika. E kuaiia ana e na poe kawili laau lapaau apau, ame na poe kalepa laau nohoi. O Benson, Smith & Co., na Agena no ka Pae Aina o Hawaii nei.
Ua kauoha aku ka Papa Ola i kona Kakauolelo, ma ka halawai ana ma ka Poakolu nei, e hoike aku oia i ke Kuhina Kalaiaina ina e manaoia ana e kukulu i pa ilina kupapau hou maloko nei o Honolulu, alaila, aohe wahi kupono e ae no ia hana, aka, o keia aoao maluna mai o Moanalua.
Ma ke kakahiaka o ka Poakolu nei i hoopuiwaia ae ai kekahi poe o "Sunny South," ma Pawaa ae nei, Waikiki, no ke kani pinai ana ae o kekahi pu panapana. Eia ka auanei he pu kiki maka (mark) na kekahi wahi makai kiu i hele a luhe i ka wai a ka naulu. Ua hukiia ka pepeiao hoolohe o ua wahi makai nei e ka Hope Ilamuku, a ua laweia aku kana pu panapana mai iaia aku.
I ke ahiahi o keia Poaono ae, Nov. 14, e haawi ai ke Kulanui o Sana Lui he hoikeike ku i ka nani ame ka maikai, maloko o ko lakou keena hoikeike. Mawaena o na mea hoonanea e hoikeikeia mai ana ma ia po, o ka paani kekahi i ikeia ma ka inoa: "He maemae ka helena a ka Burumi hou." E hoomaka ana ma ka hora 7:30 minute o ke ahiahi.
He mea pono i kela ame keia ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o ka lepo" (Diarhea) Nahu, Umii, Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.
Ma ka poe Poaha, Nov. 5, oiai kekahi poe i akoakoa ae ai maloko o ka hale o Kikoopao, ma Pauwela, Makawao; no ka inu uala awaawa ana, wahi a ka lohe; a oiai na mea apau e nanea ana i ka noenoe a ka uala, ua a ia ae la kekahi moena o loko o ua hale la e ke ahi. Ua kinaiia nae a pio e na lima kokua, a i ka ike ana o na mea apau ua pio ke ahi, ua hele aku la lakou no kekahi hale okoa aku, a oiai lakou maloko o ia hale, ua a hou mai la ke ahi iloko o ka hale a lakou i haalele aku ai, a mamua o ka hiki ana ke kinaiia ua ahi la, ua hamu ae la ia a pau loa ka hale me ka hikiwawe nui. He $300 ka nui o ke poho mauli o keia pauahi.
Ua loohia kahi keiki ekolu makahiki a J.A. Johnson, o Lyn Center, Ilinoi, i ka mai kunu ho. Ua olelo o Mr. Johnson, ua hauoli loa ia o ka inuia ana o ka LAAU KUNU a KAMALENA ma ka wa pono iloko o ka manawa e umii ana ke kunu ho i kana keiki, oia ke kumu o kona ola ana. Aia oia iloko o ka oihana kuai laau lapaau, he hoa oia no ka hui o Na Hoahanau Johnson oia wahi; a he nui ka lakou mau laau no na mai o ka puu ame ke akemama i lawelawe ai. A mai waena mai o keia mau laau e wae ai ia, a pela nohoi na kauka lapaau akamai e makaukau mau ana e hooko i kana kauoha; aka nae, ua wae nae oia i keia laau no kona ohana ponoi iho, ma ka manawa hoi i kupilikii loa ai kona ola, nokamea, ua ike no oia ua oi ae keia laau mamua o na laau lapaau e ae apau, a ua kaulana loa nohoi keia laau a puni ka aina no ke ola o ka mai kunu ho. Olelo o Mr. Johnson o keia ka laau kunu holo loa o ka lakou kuai ana, a ua holo pono kana mau hoola ana ma na mai kunu apau. E kuaiia ana e na poe kawili laau apau, ame na poe kalepa laau lapaau. O Benson,Smith & Co. na Agena no ka Pae Aina o Hawaii nei.
HE MOOLELO NANI
-NO-
LUBIANA KASIMILA,
-KA NAITA O KA-
LIONA GULA O BOHEMIA
-A I OLE-
Ka Hui Naita Eleele o
ka Lima Ulaula.
"E kuu haku, mai hopohopo oe no ia mea. E hooia aku aui mua ou, ua palekana oia i keia wa. Aia na maka kiai hiaa o kona mau hoaloha ke kau la maluna ona me ka makaala loa, a no ia mea ua palekana oia a ua maalahi hoi. Aole e loihi loa na la mai keia wa akua e hui no oe me ia me ka hauoli."
I keia wa hoi i pane ae ai o Manafereda me ka piha hauoli:
"Ae; he oiaio keia. Nolaila, i keehina mua no kou hehi ana'ku ma ka papahele e hoea aku ai oe i keia haawina hauoli, e hele pu oe me makou i keia wa, mai loko aku o keia rumi pouli."
Aka, ua luliluli mai la ke poo o ua barona nei, a ninau ae la hoi o Manafereda me ka piha pahaohao:
"Pehea iho la keia?"
"E kuu makua maikai," wahi a Mamiona i pane mai ai, "ua kamailio pu au me Sir Ludowiga, a ua maopopo ko'u manao iaia. Aole pono oia e haalele koke i keia wahi, o lilo auanei ia i mea e puiwa loa ai o Rubereto, a lilo hoi ia i mea e hoohuoiia ai keia nalowale honua ana o olua ame Sir. Ludowiga nei maluna o ko kakou hoaloha, ka wiliki o na keena paahao o loko nei o keia hale-kakela. Nolaila, no keia wa, he mea pono i kuu haku nei ke hoomanawanui i ka noho ana no kekahi wa pokole maloko nei o ka halepaahao. E loaa ana no ka poe na lakou e kiai a e malama iaia. Ua loaa no ia'u he ki no ka puka o keia keena, a ua hoike aku hoi au ia Winifereda no keia keena huna. E kuu makua, aole e liuliu loa a hoea mai ka hora e hele lanakila aku ai o Sir Ludowiga mai keia wahi aku."
Ia wa pane mai la ua elemakule nei:
"E pono au e noho ma keia wahi, a ua loaa ia'u na manaolana hauoli e lilo ai keia noho ana i mea e oulolu ai au: nolaila, e Manafereda maikai, mai pihoihoi oe no'u. E haawi kaua i ka kaua mau paulele ana ia Mamiona. Aka, e Manafereda, owai keia kanaka opio ui? Aole anei hoi e loaa ia'u ka hauoli o ka hoolaunaia ana aku me ia?"
Alaila, lalau iho la o Mamiona i ka lima o Lubiana a alakai aku la iaia imua o ka Barona Ludowiga, a olelo aku la oia:
"E Sir Ludowiga o Dosendorf, o keia ke kanaka opio a'u i olelo aku ai ia oe."
Alaila, haawi aku la o Lubiana i kona lima i ka elemakule, a lalau mai la hoi oia me kona mau lima elua a paa iho la i ka lima o Lubiana, a pane mai la oia me na waimaka e haloiloi ana ma kona mau maka:
"E Lubiana, na ke Akua o kou mau kupuna e hoomaikai mai ia oe a e malama hoi ia oe me ka maalahi."
Alaila, hapai ae ia oia i ka lima o Lubiana iluna a honi iho la.
Ua hoopioo loa ia ko Lubiana noonoo no keia hana a ka elemakule, a oiai oia e ku ana me ka piha pahaohao, ike ae la ia i ka paaia ana mai o kona lima a lohe ae la ia i ka pane ana mai o Mamiona:
"Ina kakou-ke awiwi loa nei ka nee ana o ke au o ka manawa."
Ia wa i haawi ai o Manafereda ame Lubiana i ko laua mau aloha hope i ka elemakule Ludowiga, a pela nohoi o Mamiona, a huli hoi aku la lakou ma ke alahele a lakou i hele mai ai, a hiki i ko lakou hoea ana'ku ma kahi o ke alanui e hooku'i aku ana me kekahi alanui okoa aku e moe ano hoo-iho aku ana kona hele ana, a ma ia alanui lakou i hele aku ai.
A hala paha he hora okoa o ko lakou hele ana, aia hoi, puka aku la lakou iwaho me ka maalahi, ike ae la o Lubiana i ka ponaha lani e hoowehiwehiia ana e na hoku nani, a oiai hoi ka mahina e alii ana ma ia po me ka nani nui. Ike pu iho la nohoi ia, e ku ana lakou ma ke kumu ponoi o ka hale kakela o Mauna Eleele, ka mea hoi nona na paia e oili ana iloko o ka lewa me he mau paia la no kekahi kuahiwi nui.
Aia hoi mai kahi mamao iki mai ia lakou aku, e ku ana ko lakou mau lio a e kiaiia ana lakou e kekahi poe kanaka. Me ka hauoli nohoi i ike aku ai o Lubiana i kona lio aloha. E kau ana mamua iho o ka noho kana pahikaua nui ame kana pahi puhaka. Aole i liuliu ua kau ae la lakou apau maluna o na hokua o ko lakou mau lio, a mamua o ko lakou haalele ana iho ia wahi, ua kamailio aku la o Mamiona me ka leo hawanawana i na kanaka na lakou i kiai ko lakou mau lio.
Alaila, haalele iho la lakou ia wahi a nee aku la no loko o ka ululaau. I ko ko lakou hele ana a hiki i ke alahele holopapa, ike iho la o Lubiana o kahi no ia o laua i laweia mai ai. Aia hoi he poe kanaka e lawelawe ana ma ia wahi, a ma ka Lubiana hoomaopopo aku, me he mea la o na kanaka no ia ana i ike ai e kiai ana i na lio o lakou, a no ia mea i hoomanao ae ai oia i na olelo a Manafereda i hoike mai ai iaia, oiai laua maloko o kahi paa o ka hale kakela o Mauna Eleele, a pela noho na olelo ana i lohe ai mai a Mamiona mai, ma ke ano ia poe kanaka o ka hui kuwaho o na Naita Eleele o ka Lima Ulaula mawaena o na kanaka o Rubereto.
I ko lakou nei kau ana ma kekahi aoao, ua kamoe aku la ka lakoiu hele ana a hoea ponoi i kahi i halawai ai o Lubiana ma me Rubereto, maanei i olelo mai ai o Mamiona, he mea pono iaia ke haalele ia laua, "Oiai," wahi ana i olelo mai ai, "he mea pono iaʻu e hele aku no kekahi hana ano nui loa. Nlaila, e huli hoi aku olua no ko olua home mauna. Eia kaʻu kauoha ia oe, e Lubiana, i kou hiki ana i ka hale, e hoomakaukau oe ia oe iho, i kau mau mea kaua, kou aahu kaua ame kou lio, a e noho oe me ka makaukau mau. A mamua o ke ahiahi o ka ia apopo e hoea aku no au ilaila. E noho oe e Lubiana me ka makaukau mau. Aole oʻu manao e halawai aku ana olua me kekahi mau akeakea ma ke alahele."
Ma keia wahi i hookaawale ai lakou, a huli aku la o Mamona komo aku la iloko o ka ululaau, oiai hoi o Lubiana ame Manafereda i hoomau aku ai i ko laua hele ana ma ke alahele e hoea aku ai i ko laua home mauna. A i ko hoea ana i ka wehena kai-ao hoea aku la laua i ko laua wahi pupuhale noho waolaau.
Ia laua i hoea aku ai, ua hoolilo aku la laua ia wa ma ka lawelawe ana i na mea e pono ai ko laua paina kakahiaka. I ka pau ana o ka laua paina ana, aia hoi, hoomaka aku la o Lubiana e hana pono i kona mau pono kaua o kela ame keia ano.
(Aole i pau.)
Hoolaha Mana Hookolokolo.
AHA KAAPUNI O KA APANA Hookolokolo Kaapui Elua. Ko Hawaii Pae Aina. Ma ke Keena. Ma ka Hooponopono Waiwai. Ma ka hana o ka waiwai o W.A. Kukamana o Pukoo. Molokai mamua, a i make kauoha ole. Imua o Lunakanawai J.W. Kalua.
Ma ka heluhelu ana ame ka waihoia ana mai o ke Noi a J. Keoki o Pukoo, Molokai, e olelo ana ua make kauoha ole o W.A. Kukamana o Pukoo, Molokai, ma Kalaupapa, ma ka la 14 o Iulai, A.K. 1896, me ka waiho ana iho he waiwai ma ko Hawaii Pae Aina nei i kupono e hooponoponoia, a e nonoi ana hoi e hoopukaia na Palapala Luna Hooponopono Waiwai ia J. Keoki.
Ua kauohaia o ka Poakahi, la 30 o Novemaba, A.D 1896, ma ka hora 10 A.M. oia ka manawa i hookohuia ma keia no ka hoolohe ana i ua Noi la ma ke Keena Hookolokolo o keia Aha ma Lahaina, a ma ia manawa a ma ia wahi e hele mai ai na poe apau a hoike mai i kumu, ina he kumu ka lakou, nokeaha la e ae ole ia ai la Noi.
Hanaia, Wailuku, H.I., Okatoba 21, A.D. 1896.
G. ARMSTRONG,
Kakauolelo Aha Kaapuni Elua.
2622-3ts
ILOKO O KA AHA KAAPUNI APAna Hookolokolo Ekahi o ko Hawaii Pae Aina. Ma ka hana o ka waiwai o Kamai (w), Makakoa (w) a me Kahulikaa (k), he poe keiki oo ole.
No ka mea ua waihoia mai he palapala hoopii e ke Kahu Malama Waiwai, Makanui (k), e nonoi ana e kuai kudala ia ka mahele hookahi-kanaha (1-40) kuleana o Makakoa (w) i make, ka makuahine o na keiki oo ole i oleloia, iloko o ka waiwai o J.W. Kahuiia, e waiho la ma Kaneohe, Koolaupoko, Oahu. Nolaila, ma keia ke haiia aku nei ka lono i na poe apau i kuleana o ka Poalima, la 4 o Dekemaba, 1896, hora 10 kakahiaka, ma Aliiolani Hale, Honolulu, Oahu, oia kahi a me ka manawa e hooloheia ai o ua palapala hoopii la, a e hoike mai lakou no ke aha la e ae ole ia ai ke noi a ke Kahu Malama Waiwai.
Honolulu, Novemaba 2, 1896.
Na ka Aha:
P.D. KELLET, JR.,
2623-3ts Kakauolelo.
Kela ame Keia.
OLELO HOOLAHA.
E malamaia ana ka Halawai Makahiki o ka Hui Telepone o Kauai ma ka hora 11 a.m. (kakahiaka) ma ka Poaono, Novemaba 28, 1896, ma ke Keena o ka Hui Grove Farm o Lihue.
R.W.T. PURVIS,
Kakauolelo H. Tel. o Kauai,
Lihue, Kauai, Nov. 7, 1896.
2624-2t
OLELO HOOLAHA A KA LUNAHOOPONOPONO WAIWAI
Oiai, ua hookohuia ka mea nona ka inoa malalo iho nei i Lunahooponopono Waiwai no ka Waiwai o Alekanedero Gordon Hutcheon, o Wainaku mamua, Hilo, Hawaii, i make, nolaila, ke hoie aku nei oia i ka lohe i na kanaka apau he mau koi ka lakou i ua waiwai la, e waiho mai i ua mau koi la me na bila i hooiaio pono ia, imua ona ma kona wahi noho ma Wainaku, Hilo, Hawaii, iloko o eono mahina mai keia la aku, a-i-ole, e hoole mau loa ia aku no ia mau koi.
O na poe hoi apau i aie i ua waiwai la, ke hoolahaia aku nei nohoi a kauohaia e uku mai i ua mau aie la i ka lunahooponopono wale no.
JEMINA HUTCHEON GIBB.
Hilo, Hawaii, Nov. 5, 1896.
2624-4t
KUAI WAIWAI PAA A KA LUNAHOOPONOPONO WAIWAI.
Na Apana Pa-Hale ame na Aina Ka-
nu Kope ma Kona Hema, Moku-
puni o Hawaii.
Ua kauohaia mai au e C. Bosse, ka lunahooponopono waiwai o ka waiwai o D.H. NAHINU, i make, e hana ana malalo o ka mana mai ka Aha Kaapuni mai o ka Apana Kaapuni Ekahi, ma ka hana o ka waiwai o D.H. Nahinu, o Hookena mamua, ma ka Mokupuni o Hawaii, e kuai aku ma ke kuai kudala akea, ma koʻu keena kudala maloko nei o ke kulanakauhale o Honolulu, Mokupuni o Oahu, ma ka Poanono, Nov. 14, 1896, ma ka hora 12 awakea o ua la ʻla, i keia mau aina apau i hoikeia, a i komo hoi iloko o ua waiwai la o D.H. Nahinu i oleloia.
Ka Mua-Apana 2 o ka Palapala Sila Nui 5106, Kuleana 7066 e waiho ana ma Hookena, Kona Hema, Hawaii, a he aina mahiai ia a i hoikeia na palena penei:
E hoomaka ma ka kihi Hikina a e holo Ak. 36 deg. 15 min. Kom. 0.94 Kh. ma ka aina konohiki, Hem. 72 deg. 30 min. Kom. 4.06 Kh. ma ka aina o Kailuna. Hem. 76 deg. Kom. 13.50 Kh. ma ka aina o Kailuna. Hem 80 deg. Kom. 6.20 Kh. ma ka aina o Kailuna Hem. 22 deg. 30 min Hik. 1.43 Kh. ma ka aina o Konohiki, Ak. 80 deg. 38 min. Hik. 6.10 Kh. ma ka aina o konohiki, Ak. 77 deg. 30 min. Hik. 7.95 Kh. ma ka aina o konohiki, Ak. 70 Hik. 10 Kh. ma ka aina o Konohiki a hiki i kahi i hoomakaʻi nona ka ili 3 15-100 eka.
Elua-Apana Pahale ame aina mahiai e waiho ana ma Kealia 2, Kona Hema, Hawaii, a he kuleana akahi hapalua ia maloko o ka Palapala Sila Nui 5234, Kuleana 6984, a i hoikeia na palena penei:
E hoomaka ana ma ke kihi Kom. a holo Hem. 40 deg. Hik. 2.70 Kh. ma Konohiki. Ak. 53 deg. 15 min. Hik. 2.80 Kh. ma Nuuanu, Ak. 70 deg. Hik. 2.78 Kh. ma Nuuanu, Ak. 80 deg. Hik. 5.10 Kh. ma Nuuanu, Ak. 78 deg. 45 min. Hik. 5.88 Kh. ma Nuuanu Ak. 17 deg. 30 min. Kom. 2.80 Kh. ma Konohiki. Hem. 77 deg. 38 min. Kom. 10.50 Kh. ma Konohiki, Hem. 65 deg. Kom. 6.80 Kh ma Konohiki, nona ka ili 4 1-3 mau eka.
Ekolu-Apana Pahale ame aina mahiai ma Hookena, Kona Hema, Hawaii, Palapala Sila Nui 5108, Kuleana 7006, a i hoikeia penei:
Apana 1. Pahale, hoomaka ana ma ke kihi Hik. a e holo Akau 20 deg. Kom. 1.07 Kh. ma ka alanui Hem. 64 deg. 30 min. Kom. 1.96 Kh ma Kahuia, Hem. 24 deg. 30 min. Hik. 1 Kh. ma ka alanui, Ak. 66 deg. 15 min. Hik. 1.85 Kh. ma ka alanui nona ka ili 20-100 eka.
Apana 2. Hoomaka ma ke kihi Ak. a e holo Hem. 10 deg. 30 min. Hik. 1.09 Kh. ma Konohiki Hem. 75 deg. Kom. 7.60 Kh. ma Kanekoa, Hem. 74 deg. 40 min. Kom. 5.50 Kh ma Kanekoa, Ak. 85 deg. Kom. 1.33 Kh. ma Kanekoa, Hem. 59 deg. 15 min. Kom. 3.30 Kh ma Kanekoa, Ak. 51 deg. 30 min. Kom. 2.20 Kh. ma Konohiki, Ak. 75 deg. Hik. 11.50 Kh. ma Konohiki, Ak. 79 deg. Hik. 9.80 Kh. ma Konohiki nona ka ili 2 50-100 mau eka.
Kuike ke dala, ma ke Dala Gula o Amerika Huiia.
O na lilo palapala i ka mea kuai mai.
Aia ka paa o ke kuai ana a apono ka Aha Kaapuni.
No na mea i koe e ninau ia.
CECIL BROWN,
a-i-ole, ia J.F. MORGAN,
Luna Kudala.
2619-6ts
HOOLAHA A KA LUNAHOOPONOPONO WAIWAI.
Mamuli o ka mana i loaa iaʻu, ma o koʻu hookohuia ana i Lunahooponopono no ka Waiwai o Jno. P. Kuia o Makawao, Mokupuni o Maui, i make kauoha ole, imua o Lunakanawai Antone Perry, Esq. o ka Apana Hookolokolo Ekahi, ma ka Hooponopono Waiwai, nolaila, ke hoolaha ia aku nei na poe kanaka apau, he mau koi ka lakou i ka waiwai o ka mea i make, e waiho mai i ka lakou mau bila i hooiaio kupono ia i ka mea nona ka inoa malalo ae nei, a i ole, e waiho aku i na bila ma ke keena loio o J.K. Kahookano, Kaahumanu St., Helu 115, iloko o eono mahina mai keia manawa aku, a i ole pela, e hoole mau loa ia aku no. A o na poe kanaka hoi apau i aie i ka waiwai o ka mea make i oleloia, e uku koke mai i ka mea nona ka inoa malalo ae, a i ole ia J.K. Kaahookano, ka loio o ka waiwai o ka mea i make i oleloia.
S. BENJAMIN KANEIHALAU.
Lunahooponopono Waiwai o
J.P. Kuia, i make,
Honolulu, Nov. 5, A.D. 1896.
2623-4t
Hoolaha Moraki.
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaena o J.K. PAELE ame J.K. LUKA, o Honolulu, Oahu, o ka aoao mua, ame William R. Castle, Kahu, o Honolulu i oleloia, o ka aoao elua, ma ka la 13 o Iune, 1892, i kakau kope ia ma ka buke 138, aoao 157, a mamuli o ka uhaiia ana o na kumu aelike o kela moraki, oia hoi, no ka uku ole ia o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
E ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ma ke keena kudala o Jas. F. Morgan, ma Honolulu, ma ka la 7 o Dec., 1896, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 6 o Nov., 1896.
WILLIAM R. CASTLE, Kahu,
Mea Moraki mai.
Penei na aina i morakiia:
Kela apana aina a apana pa-hale paha ma Iwilei, Honolulu, Oahu, oia nohoi ka aina i hooliloia aku i ka Mea Moraki i oleloia, ma o ka Palapala Kuai Hooko Moraki la a S.S. Robikana, i hanaia Iune 13, 1892, a i kopeia ma ka Buke 141, aoao 285, maloko o laila he 11-100 o ka eka, a oia kahi hapa o ka aina i hoakakaia maloko o ka Palapala Sila Nui 2848 ia Koi, a pela nohoi me na hale apau ame na mea i kukuluia maluna iho oia wahi.
2624-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o CHARLES LIND, o ka aoao mua ame A. Feek, o ka aoao elua, ma ka la 28 o Iune, 1893, i kakau kope ia ma ka buke 145, aoao 35, a mamuli o na palapala hoolilo lehulehu i hooliloia kau ia William R. Castle, Kahu, a i kopeia ma ka Buke 153, aoao 359, a mamuli o ka uhaiia ana o na kumu aelike o kela moraki, oia hoi, no ka uku ole ia ana o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
E ke hoolaha hou ia aku nei, aia mahope aku ona pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke keena kudala o Seaborn Luce, ma Honolulu, ma ka la 7 o Dec., 1896, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 6 o Nov., 1896.
WILLIAM R. CASTLE, Kahu,
Mea Moraki mai.
Penei na aina i morakiia:
Kela mau apana aina apau e waiho ana maloko o ka Apana o Honolulu, Oahu, i hoakakaia penei:
1-Kela apana aina ma Kalihi i hoakakaia ma ke ano oia ka Apana 23 iloko o ka Palapala Sila Nui Helu 3498 ia Pablo A. Jimeniz, maloko o laila he 817-1000 o ka eka, i hooliloia aku i ka Mea Moraki mai, ma o ka Palapala Kuai la o Pablo A. Jimeniz i kopeia maloko o ka Buke 130, aoao 311.
2-O kela mau apana aina apau ma "Kulanakauhale Momi," ma Manana, Ewa, Oahu, i hoikeia o na Apana 8 ame 10, Mahele (Block) 4, ma ke kii-aina o ua "Kulanakauhale Momi" la, i apono ia e ka Hui Kaa Ahi me Aina o Oahu, i kakau kope ia maloko ka Buke 121, aoao 207, o ua mau apana la he 150 kapuai ke akea ma ke alo, ma Alanui Ekolu, a o ka loa e holo ana iloko he 150 kapuai.
2624-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o J.NAONE ame MALIA, kana wahine, o Kaluanui, Koolauloa, Oahu, o ka aoao mua, ame Juliette M. Cooke, o Honolulu, Oahu, o ka aoao elua, ma ka la 25 o Maraki, 1896, i kakau kope ia ma ka buke 121, aoao 18, a hoolilo pono ia aku ia W.R. Castle, Kahu, ma o kekahi palapala hoolilo a C.M. Cooke, Kahu, i kopeia ma ka buke 121, aoao 18 a mamuli o ka uhaiia ana o na kumu aelike o kela moraki, oia hoi ka uku ole ia ana o ka ukupanee ame ke kumupaa, nolaila, ke hoolahaia aku nei e ka mea @oaa ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke keena kudala o Seaborn Luce, ma Honolulu, ma ka la 7 o Dec., 1896, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 6 o Nov., 1896.
WILLIAM R. CASTLE, Kahu,
Mea Moraki mai.
Penie na aina i morakiia:
Kela mau apana aina apau e waiho ana ma Kaluanui, a i hoakakaia penei:
1-Palapala Sila Nui 2916 ½ ma o ka Palapala Hoona Kuleana la 8164 ia Kamaia, maloko o laila he 4 36-100 eka, oi aku a emi mai paha.
2-Kela aina apau i hoakakaia ma ka Palapala Sila Nui 2909 ia Kaukaliu, maloko o laila he 9 38-100 eka (e koe ana nae he 3 eka i kuaiia aku ia Kauaihilo) i hooliloia mai i ka Mea Moraki mai.
3-Eha (4) hoi mahele maloko o ka Ahupuaa o ka Hui o Kaluanui.
2624-4t
HOOLAHA HOOKO O KA MORAKI AME KE KUAI.
Ke hoolahaia aku nei ka lohe i kulike ai me ka mana o ke kuai i hookomoia iloko o kekahi moraki i hanaia ma ka la 4 o Iune, A.D. 1894, e Joseph Kaanaana o Honolulu, Mokupuni o Oahu, ia James M. Monsarrat o Honolulu i oleloia, kopeia ma ke Keena Kakau Kope o ke Aupuni, Buke 147 a ma na aoao 339, 340 ame 341, ke makemake nei ua James M. Monsarrat la, ka mea e paa nei i ka moraki, e hooko aku i ua moraki la no ka uhaʻiia o ka aelike iloko o ua moraki la, oia ka hookaa ole ia o ke kumupaa ame ka ukupanee i ka wa e hookaa ai.
Ke hoolaha hou ia aku nei ka lohe i na mea apau, o kela mau aina apau, na pono hoaaina a me na pilikana iloko o ua moraki la a i kuhikuhi ia, e kuai ia kau no ma ke kudala akea ma ka hale kudala o W.S. Luce ma ke kihi o na alanui Moiwahine ame Papu ma Honolulu i oleloia ma ka Poakahi, la 23 o Novemaba, A.D. 1896, hora 12 awakea o ia la.
O ka waiwai i paa maloko o ua moraki la, oia keia:
1. O kela apana aina e waiho la iloko o ka ili o Nelu iloko o Waihee, Mokupuni o Maui, nona ka ili, he 48-100 o ka eka, a oia no ka aina i kuhikuhiia iloko o ka Palapala Sila nui helu 5402. Kuleana hoona aina helu 4405FF ia Ku.
2. O kela mau apana aina ekolu e waiho la iloko o na ili o Pupouulu ame Kapoho ma ua Waihee la, nona ka ili he 1 ½ mau eka, oia na aina i kuhikuhiia iloko o ka Palapala Sila Nui Helu 5357 a Kuleana Hoona Aina Helu 4296 ia Mahoe 3.
O na apana aina i hoakakaia maluna ae nei, oia no na apana aina i hooliloia aku ia Joseph Kanaana e J.M. Monsarrat, Kahu, ma o ka palapala kuai i hanaia, Mei 21, 1894, a i kope ia maloko o ke Keena o ka Luna Kakau Kope, ma Honolulu i oleloia, maloko o ka Buke 146, ma na aoao 486, 487 ame 488.
JAMES M. MONSARRAT.
Mea e paa nei i ka Moraki.
Kuike ke dala. Na uku hana palapala i ka mea e lilo ai. No na mea i koe e ninau ia.
Honolulu, October 30, 1896.
2622-4ts
HOOLAHA HOOKO O KA MORAKI AME KE KUAI.
Ke hoolahaia aku nei ma keia, mamuli o ka mana kuai maloko o kekahi moraki i hanaia ma ka la 1 o Okatoba, A.D. 1888, i hanaia e Elizabeth Kealoha ame John Kaniaupio, kana kane mare, no Kailua, Mokupuni o Oahu, ia J.M. Monsarrat, o Honolulu, Mokupuni o Oahu, i oleloia, Kahu, i kopeia maloko o ke Keena o ka Luna Kakau Kope o na Palapala Hoolilo, maloko o ka Buke 114 ma na aoao 44, 45 ame 46, ke makemake nei o J.M. Monsarrat, ke Kahu, mea paa moraki i oleloia, e hooko i ua moraki la, no ka uhaʻiia ana o na kumu aelike i paa maloko o ua moraki la, oia hoi, ka uku ole ia ana o ke kumupaa ame ka ukupanee ma ka wa e hookaaia ai.
Ke hoolahaia aku nei ma keia e kuai kudala akea ia aku no kela ame keia aina, na pono maluna iho a i pili i ua mau aina la, i paa maloko a i hoakakaia maloko o ua morak la, ma ke keena kudala o W.S. Luce mai ke kihi o na alanui Moiwahine ame Papu, ma Honolulu i oleloia, no ka uhaʻiia ana o na kumu aelike i hoikeia ae nei mamua.
Penei i hoakakaia ai ka waiwai maloko o ua moraki la: Kela apana aina apau e waiho ana ma Kailua i oleloia, maloko o laila he 1 eka ame 3 57-100 kaulahao, a oia ka Apana 3 o ka Palapala Sila Nui Helu 2035, Kuleana Hoona Helu 5882 ame 8798 i hoopukaia ia Kekuku, a i hooliloia aku ai hoi ia Elizabeth Kealoha i oleloia, e Kekuku i oleloia, ma ka palapala kuai i hanaia ma Feberuari 21, 1888, a i kopeia ma ke Keena o ka Luna Kakau Kope o na Palapala Hoolilo ma Honolulu i oleloia, maloko o ka Buke 106, ma na aoao 386-7.
J.M. MONSARRAT, Kahu.
Mea Paa Moraki.
He kuike ke Dala. O na lilo palapala i ka mea e lilo ai ka aina. No na mea i koe e ninau i ka Mea Paa Moraki.
Hanaia, Honolulu, Okatoba 30, 1896.
2622-4ts
Vapo-Cresolene, He Laau Hoola Oiai no Oe e Hiamoe ana no ke
Kunu Kalea, ka Hano, Kunu Ho, ka Nalulu Kau, ke Anu
Ma ka wa e hoopunohuia ai ka uwahi o ke CRESOLENE maloko o ke keena o ka mea maʻi, e loaa koke no ka oluolu. He kamahao kona ikaika hoola, a ma ia wa hookahi nohoi e kaohiia aku no ka pohola ana mai o na maʻi lele, ma o kona lilo ana he laau kinai maʻi a he laau pilikia ole nohoi no na keiki. E kuaiia ana e na poe hana laau. E haawi wale la no ka buke hoakaka.
HOLLISTER DRUG CO. Honolulu, H.I. na Agena.