Ka Nupepa Kuokoa, Volume XXXV, Number 46, 13 November 1896 — Page 4

I-IAAWINA

KULA SABATI

            IV 9 Nov. 29. Ko Solomona kauiana.

            1. Nalu 10.1-10.13.

            A lohe ae la ke alii wahine o Seba l ke kaulana o Solomonano, no ka inoa o lehova, hele mai la oia e hoao ia ia i na mea pohihihi.

            2. Hele mai ia hoi oia i Jerusalema me ka huakai nui loa, a me na kamelo e halihali ana i na mea ala, a me ke gula he nui loa, a me na pohaku makamae; a hiki mai la ia io Solomona la, kamailio mai la oia me ia i na mea a pau iloko o kona naau.

            3. Hoakaka aku la o Solomona i na mea a paa ana i ninau mai ai, aohe mea i hunala i ke alii. ana i hai ole aku ai ia ia.

            4. A ike ae la ke alii wahine o Seba, i ke akamai a pau a Solomona, a me ka hale ana i kukulu ai.

            5. A me ka ai o kona papaaina, a me ka noho ana o kana mau kauwa, a me ke ku ana mai o kona poe lawelawe, me ko lako@ kahiko ana, a me kona poe lawe kiaha, a me kona aiapii i pii ai oia i ka hale o lehova; aole ae la he hanu Hoko ona.

            6. A olelo ae la oia i ke alii. He olelo oialo ka'u i lohe ai ma ko'u aina no kau mau hana a me kou akamai:

            7. Aka, aole au i manaoio ia mau olelo, a hiki mai nei au, a ike ko'u mau maka. aia hoi, aole no ka hapalua l haiia mai la'u; ua kela aku kou akamai a me kou pomaikai mamua o ke kaulana au i lohe ai.

            8. Pomaikai kou kanaka, pomaikai kau pe kauwa, ka poe e ku mau ana ma kou alo, e hoolohe ana i kou akamai.

            9. E hoomaikaiia'ku o lehova kou Akua, ka mea l olioli mai ia oe e hoonoho iho ia oe ma ka nohoalii o ka Isceraela; no ko Iehova aloha mau ana i ka Iseraela, nolaila i hoolilo ai oia ia oe i alii e hooponopono, a e hana ma ka maikai.

            10. Haawi ae la hoi ia wahine i ke alii i hookahi haneri me ka iwakalua @alena gula, a me na mea ala he nui loa, a me na pohaku makamae; aole hiki hou mai ka nui loa o na mea ala me neia a ke alii wahine o Seba i haawi mai ai ia Solomona ke alii.

            13. A haawi aku la o Solomona ke alii i ke alii wahine o Seba i kona makemake a pau, i kela mea keia mea ana i noi mai ai; o kana ia i haawi aku ai ia ia elike mo ka lima o Solomona ke alii; alaila huli ia a hoi aku i kona aina iho. oia me kana mau kauwa.

            Pauku Gula.-Mat. 12:42 Eia hoi, maanei kekahi i oi aku mamua o Solomona.

            Manao Nui.-E pono i ka poe manaolo ke hoomanao mau no ke Akna mai ko lakou pomaikai uhane no ka pono o na kanaka lehuiehu.

            Olelo Hoakaka.-Ua kaulana loa ko Solomona naauao, waiwai, hiehie, ma ua aina hikina. Ua nui.na malihini i maikai i kona auponi. Aia ma ke kukulu hema o Arabia kekahi mokuaina o Seba. Mailaila mai ua kaahele huakai ka moiwahine e nana pono i ko Solomona nani, a imi i kokua mai kona naauao mai.  He mau 1500 mile kona kaahele ana a nui na haawina hookupu ana i halihali ai.  E hiki ia kakou ke holomoanai Kapalakiko ma na la eonon.  He mau mahina ekolu kona wa kaahele.  Aia no Solomona ma keia hana he oleloao nona e malama pono ai i kona mau waiwai no ka hoonani ana i kona Akua mai kona kuonoono a me kona naauao.

            1. Alii-Ua nui na kaao i haku wale ia e ka poe hikina. no lakou mai ka inoa o Balekisa i haawi wale ia ia ia.  A nui na ui hoohuahualau i haku wale ia no ka poe hoakamai e kuailo ai.  Ua nui na mea no ka poe imi e huli mau ai i keia mau la, na daimana. ke gula. na momi, ka welau akau o ka honna.  Aka hoi, o na ninau ano nui loa oia no na ninau e pili ana i ko ke Akua manao hooholo no na kanaka a pehea e hooholo pu ai?  2. Kamailio,-ua makemake kekahi i ka naauao e oia mau ai, e hiki auanei i kela mea i keia mea imi ke hana pu me Iesu, a loaa ke aloha kaiahaia, ka pono kaulike, a me ka oiaio e hooikaika mau ai.  3. Hoakaka.-O lesu ka malamalama no ko ke ao holookoa; aole he ninau pohihihi hiki ole laia ke wehewehe a loaa i ka mea imi ka maluhia e pomaikai ai.  4. Akamai.-eia paha kekahi.  Ua waihoia he lei rose maoli, he lei rose i hanala me ka akamai:  heaha ke lei maoli?  Ua hoohemo o Solomona i ka puka makani a komo mai ka nalo meli a kau ma ka lei rose maoli, a moakaka ka olelo pane kupono i ka ninau o ke alii wahine.  5. Kahiko.-o kekahi hapa nui o na waiwai o ka poe hikina, elike me ko ka Hawaii i ka wa kahiko, oia no na aahu nani loa.  Ua Ua naui loa kona uapo i kukuluia mai kona hale aku i ka luakini maluna o ke awawa 100 mau kapuai ka hohonu.  Ua nui kona mau mea hoonanai a paupauaho ke alii wahine ma kona paonioni ana me Solomona.  6. Oiaio.-aole huna kona hoomaopopo aua i ko Solomona eo.  7. Manaolo.-aole hiki ke hoike aku i ko leau nani i ka poe noho kaawale. me ka hoole ana e launa pu me ia ma kona mau oihana kahuna. uwao, hoola. 

8. Pomaikai.-aole no na aahu. na mea ai. na haie lako loa; aka nae. no ka launa mau ana me ka moi naauao loa; pela no ko Iesu poe manaoio a me ko lakou pomaikai.  9. Hoomaikaila.-a loaa iaia ka naauao oi e pili ana i ke Akua Oiaio Hookahi, me ke aloha palena ole i na lahuikanaka a pau loa.  Gula.-nona ke ano waiwai o na $3,000,000 @ keia wa.  Ua lawe mai ka Emepera Rukini he mau haawina waiwai e puunaue aku ai me kona makaikai ana ia Enelani a me Farani.  13. Haawi.-mamuli o ke ano hana kuluma o na 'lii Hawaii ma ka haawi ana'ku i ka poe malihini i na waiwai a lakou i mahalo nui ai.  Ua like ka aua ana i kekahi waiwai me ka hoike ana'ku i ko lakou hoohaahaaia ana.

            I.  Ke Kaahele huakai a ka moiwahine. 1-3. Mahea o Seba?  Ioba 1:15. Owai ke alii i ke au o Solomona?  Heaha kona manao i hooholo ai ma ka makaikai ana i ko Solomona aupuni. Heaha ke ano o kona kaahole ana?  Ehia mau mahina no kona kaahele ana?  Heaha kona haua ana'ku ia Solomona?  Heaha ke ano o ko Solomona mau oleio pane?  Lunakanawai 14:13.

24.  Owai ko kakou moi no kakoo ehoolohe mau ai.  Halele @5:8@  No keaha la ua oleiola. p. 1. no ka inoa o Iehova?  Heaha ka pauku gula?  Pehea i oi aku ai ko Iesu inoa mamua o ko Solomona?

            II.  Ke kahaha ana o ka moiwahine. 4-7.  Heaha na mea a ka moiwahine i n@na pono ai?  Ua aeia anei ia e komo iloko o ka luakini, aole paha?  (Ua manao kekahu ua ikemaka oia i na mohai kuni.  a pela ko lakou unuhi ana, :kona alapii i pii ai."  Heaha ka olelo hoohaahaa a ka moiwahine?  Heaha kona manao mua e pili ana i ko Solomona nani pookeia. p. 7?  Uaa hoike akua anei oe, e ke kumu Kula Sabati, i ka nani o Iesu i kona mau haumana?  III. Ha olelo hoomaikai a ka moiwahine, 8-10.  Ia wai, wahi ana, e pone i ka moiwahine e haawi aku i ka olelo hoomaikai?  Heaha ke kumu o ka pomaikai o ke aupuni Beretania mamuli o ka olelo hoike o ke alii Vitoria?  Heaha ka waiwai ano nui e hki ana ia oe ke haawi aku ia Iesu?  Heaha na waiwai a ke aliiwahine o Seba i haawi aku ai ia Solomona?  Ua huhu anei o Solomona i kona mau ui, elike me kekahi mau makua no ka nui o na ninau o na keiki?  Ua malama pono anei oe, e ke kumu, i kou mau olelo pane i na ninau o na haumana ma ke Kula Sabati?  Ua ike pono anei keia moiwahine o Seba i ka nani maoli o ke Akua oiaio?  Heaha ko ke Akua nani maoli, kona mana paha, kona akamai paha, kona kuonoono paha, a i ole paha kona aloha?  E pon anei ia oe ke kaahele malihini a loihi ka manawa a niu ka maloeloe i mea e imi ai ia Iesu?  Pehea e hiki ana anei ia oe ke launa pu me Iesu i ka wa ano?  Heaha kou hookupu kupono i kou alii lani, Na Solomona 23-:26.

            Manao Pili.-1. Heaha kau mea e imi loa ai?  2. Heaha ko ke Akua olelo paa i ka pie makaala ma ka imi ana iaia?  3. E hiki anei i kekahi kanaka ke loaa ka pomai kai a lawa loa mawaho o Iesu Kristo?  4. E hiki ana anei ia oe ke lawe mai i pomaikai a oi aku mamua o kou makaukau e lawelawe pono ai i ua pomaikai la?  5. Ua hana aku anei oe i kou mau waiwai, kou wa, kou akamai, ma ke ano he mau haawina mai ke Akua mai.

 

 

MEA HUNA POHIHIHI

 

MOKUNA X.

 

Ka aha hulahula o Hametona Kakela.

            Ua huli ho'i aku la o Adelo ame kana kauwa o Negewina no Ladana.  Oiai nae laua ma ke alahele, ua lilo o Alamira i mea na laua e kamailio ai.  He mea oiaio no hoi ua lilo na helehelena ui o ua kaikamahine opio nei i mea hoopioloke aku i na noonoo ana o ka Haku Adelo, a o ka like loa o na onohimaka o ua kaikamahine la me ko Geofere Tereveliana.

            No ia mea ua ulu mai la ka noonoo ana iloko ona, he mea pono iaia ke h'i hou mai i Tereveliana Pa mai Ladana mai.

            Ua puana ae la hoi oia i keia mau mamala-olelo ma ke ano hookanaaho iaia iho:

            "Ka! heaha hoi ko'u ano?  Kupanaha maoli.  No ka like loa anei o na onohimaka o kela kaikamahine me ko na onohi-maka o kuu enemi maka-welawela, ka mea hoi i make kahiko mamua o ka hanau ana o keia kaikamahine, oia ko'u mea e pihoihoi wale ai, a ano like loa au i keia wa me ke kanaka e ku ana ma ka papahele o ka halawai ana'ku me kekahi pilikia nui e hoea mai ana?  He noonoo lalau wale no keia.  O ka mea maopopo owau aku ana ka mea nana e lei haaheo i ka inoa hanohano o ka ohana alii o Tereveliana-ae-owau aku ana ka mea nona ka waiwai apau o keia ohana, a ke hoea aku au ia anuu o ko'u kau no ia i ka hano haweo, a pau ko'u  noho ana iloko o ka pilikia ame ka hune.  He mea oiaio loa, aole loa hookahi mea ola uhane i keia wa e komo ae mawaena o'u ame ka waiwai o kuu makuakane Tereveliana.  Hookahi waie no mea nana e kaili aku i keia waiwai mai a'u aku, oia ke ala hou ana mai o ka mea i make mai loko mai o kona luakupapau.  Aka, ua make o Geofere Tereveliana.  He Pupule paha au' ke kauaina au i ka oiaio o kona make ana ma ka Hapa Poepoe Komohana?  Ea, e na lani!  Ina aole oia i make, a he wahahee wale hohoi na paiapaia ame na olelo nupepa i hoikeia mai ai kona make ana, alaila, na'u ponoi no auanei e pepehi iaia-ae-me kuu lima ponoi nei no e kau aku ai ka make maluna ona me ka hooka'ulua ole.  Aka, he mau manao hehena wale no keia e hoopoluluhi nei i ko'u noonoo, oiai ina eia o Geofere Pereveliana ke ola nei i keia wa, a he umikumamawalu hoi ia makahiki., alaila, aole auanei e ole kona hoike ana'ku iaia iho imua o ka Lede Beatirisia o Hametona, ka wahine ana i aloha ai me kona naau apau?  Aka, aole anei hoi o ke kumu keia o kela wahine i noho kane ole ai i keia wa, ke kulana hoi i hoopahaohao nui ia ai na noonoo ana o ko Ladana poe ko'iko'i a maka-hanohano hoi?  Alaila, ua mare anei keia Lede Beatirsia me Geofere Tereveliana, kuu enemi?  O keia anei ka mea huna pohihi o Hamerona Kakela-ae-ka mea huna pohihihi anei keia a ka Lede Beatirisia?"

            I ka wa i pau ai keia mau mapuna olelo i ka hookuuia ae e ua Haku Adelo nei, oia ka wa i ninau mai ai kahi kauwa iaia:

            "Heaha kau e noonoo nuinei, a ano e maoli kou helehelena?"

            "Mai kamailio mai oe ia'u e Negewina," wahi a Adelo, "oiai, he makemake loa au e noonoo."

            "Ae-ua makemake oe, e kuu haku, e noonoo no kela wahi kaikamahine onohi maka uliuli a kaua i ike aku nei i Tereveliana Pa?  Oia hoi, kela lede opio i lilo i kakauolelo na ka Haku Tereveliana, a o kahi kaikamahine hoi nona na maka i like loa me ko Geofere Tereveliana?"

            Ua hoopuiwa loa ia ae la o Adelo ia wa, a ninau ae ia oia ia Negewina:

            "Alaila, ua ike anei oe i ua kaikamahine la?  Ua hoomaopopo io anei oe i ka like loa o na maka o kela kaikamahine me ko Geofere?"

            "Ae, e kuu haku," i pane mai ai ua wahi Negewina nei, "E hai aku au ia oe, ina he kaikamahine kekahi na Geofere, alaila, aole auanei e nele ka like loa o na onohi maka oia kaikamahine me kona.  O kekahi me hohoi a'u i hoomaopopo ai maluna o kela kaikamahine, oia ka like loa o kona helehelena me ko na helehelena maa mau loa i ikeia iwaena o ka ohana Tereveliana."

            "He mea oiaio ia au, e Negewina, i ike ai.  Owau no kekahi i hoomaopopo ia mea." 

            "Nolaila, e kuu haku, e ae mai oe e lawe aku i wahi oleloa'o mai ia'u aku, a oia keia, he mea pono ia oe ke makaaia loa elike me ke tiga e makaala ana no kona enemi, a e hookolo aku oe ma ka meheu e loaa ai ka oiaio e pili ana i keia lede opio."

            "Pela oi ka oiaio," i pane aku ai o Adelo imua o kana wahi kauwa, me ka hoomau ana'ku, "O ko'u manao maoli no ia.  E noke aku ana au i ka hookolo me ka makaala ioa ma na moali e ike maopopo ai au i keia mea huna pohihihi hou e hoea mai nei imua o ko'u alahele."

            Ma keia wahi, aole laua i kamaillo hou a hiki wale i ko laua hoea ana i Ladana.

            I ko laua hoea ana i ko lana keena ma ka hotele, ua haule iho la o Adelo maluna o kekahi noho, a olelo aku la i kana kauwa e hookani aku i ka bele no ka laweia ana mai o kana wahi mea paina oia ahiahi, oiai, ua napoo ka ia ma ko laua wa i hoea ai i Ladana.

            Oiai hoi o Adelo e paina ana i kona aina ahiahi, e homakaukau ana hoi o Negewina i na aahu o kona haku e hele aku ai i ka hulahula I Hametona Kakela.

                                    (Aole i pau.)

 

            He mau po lealea iho nei keia o Honolulu nei.

 

            KEAO PILLOLELO ENELANI.

 

            IV.-KE KINA MA NA HAIINOA.

            O ke Kino ma na Haiinoa, oia ka mea hoike mai i ke kulana i ku ai ka mea nana ka olelo, a o ke kamailio ana paha, ka mea hoi kamailioia aku, a oleloia ana hoi. 

            He ekolu mau Kino ma na Haiinoa:  Kino mua, Kino lua, ame ke Kino kolu.  O ke Kino mua, oia ka mea nana ke olelo a kamailioia paha; o ke Kino lua, oia ka mea i kamailioia aku, a o ke Kiao kolu, oia ka mea nona ke kamailioia ana.

            E ikeia ana keia mau kulana o na Kino o na Haiinoa mamuli o ke ano o ko lakou ku ana maioko o ka hopunaolelo.  O ka oi loa aku nae o ka mea e loaa ai ka moakaka lea ana o keia mau hoa kaka i hoikeia ae la, aia ma na "Kino" o na "Paniinoa."

            O ka haiinoa i huiia aku me ke "Paniinoa Pilikino," ma ke "Kino mua," he Haiinoa ia, ma ke "Kino mua."  Penei:  I. Paul-Owau, o Paulo.

            O ka Haiinoa i huiia aku me ke "Paniinoa Pilikino," ma ke "Kino lua," he Haiinoa ia ma ke :Kino lua."  Penei:  Thou, God seest me-Ke ike mai nei Oe e ke Akua ia'u.

            O ka Haiinoa, i lilo i kumu e kamailio ia ai, a e oleloia ai paha, he haiinoa ia ma ke Kino kolu.

            Aia mau na haiinoa ma ke Kino kolu, ma ka hapa nui loa o ke kamailioia ana, a oleloia ana hoi, koe wale no ko lakou ku ana ma ke kulana kaulike i kahi ame kahi, me ka huipu ana hoi me ke paniinoa ma ke kino mua ame ka lua paha.  Ma keia kulaua nae o ke ku ana o na haiinoa, ua lilo kekahi haiinoa i mea hoike i ke ano o kekahi haiinoa.  Penei:  Paul, the Apostle-O Paulo, ka Lunaolelo (Aposetolo).

            Hoakaka-He haiinoa o :Paulo," a he haiinoa nohoi o "Lunaolelo," ke kulike nei laua i kahi ame kahi, a ua lilo o "Aposetolo" i mea hoike i ke ano ilio ana, oia hoi o "Paulo ka Lunaolelo."  Ma keia e maopopo ai, ua ku o "Paulo" i manaoia ma keia kamalike keia mau haiinoa elua, ma ke kino kaulike hookahi.  Ina he kino kolu ko "Paulo" wahi i ku ai, alaila, e ku ana no o "Lunaolelo" ma ia wahi.

 

(Mai ka aoao 1 mai.)

 

            E ike ana ko makou poe heluhelu i ke kii o ka Hale Mele Hou e ku nei i keia wa, elike me ka mea i hoikeia ma kekahi wahi e ae o ka pepa o keia la.

            Ma ka hora 8 ponoi i weheia ai na hana o keia po, a ua ku i ka nani ame ka maikai na hana.  Ua piha na wahi apau o ka Hale Mele i na poe makaikai ohohia.

            O ke kii helu 1, e ikeia ana ma keia moolelo, oia na kii o kekahi poe i lawe ae i na haawina hana koikoi o keia Aha Mele.  Penei:  O ke kii wahine mawaena, oia o "Mere Kuke," a ua lawe ae ia i ka mahele hana e pili ana i ka Ui Leonora.  O ke kii ma kona aoao akau ae, oia o Mrs. W. W. Dimond, a oia ka wahine gipsy "Azucena, ka luaui hanai o Manrico.  O ke kii ma ka hema ae o "Mere Kuke" o Miss Bertha Young ia, a iaia ka mahele e pili ana ia Ineza, he ukali a he hoahele pili paa no Leonora.

            Ma ka aoao hoi o na kane, o Mr. R. C. M

            Kauna de Luna, oia R. C. Monteagle, he leo Baritona kona, leo kane nui.  Ferenado,  he kauwa lawelawe no ka halealii o Kauna de Luna, oia o Mr. Ross, he leo kane nunula kon a, i kapaia he Baso.  Ka Ui Leonora, oia hoi o "Mere Kuke," he leo Soparano kona.  O Ineza, ia Miss Bertha Young; he leo Mezzo Soparano kona.  O Azucena, ka wahine gipsy, ia Mrs. Dimond ia, he leo Aleto kona.  Manrico, oia hoi, ka "Il Trovatore," ia Mr. William Lewers, he leo tenora kona.  O Ruiz, he kauwa iaweiawe na Manrico, ia Geortge Smithies (keoki Kamila) he leo Baritone kona.

            O kekahi mea mahalo nui ia ma keia po, e na poe makaikai oia na kii pena o kahi hoikeike elike me ka mea i hoikeia ma ke kii Helu 3, ma kekahi wahi o keia pepa.  E ikeia aku ana ka uluwehiwehi o na uluiaau, ka lele maopu mai o ka wai-lele i ke alo mahiehie o na kuahiwi, ke ku mai a ke kulanakauhale, ka moe lai malie a ka muliwai ame na nani e ae, e hai malule ai ka noonoo i ka ua mea he mahalo i ka nani, o ka maiauia ana oia mau kii.

            He nui aku na mea nani, aka, o na oi pookela ae la no nae keia a makou e koike aku nei no ka pomaikai o ko makou poe heluhelu.

 

Hoolaha Loio.

 

            W. R, KAKELA,

Loio a he Kokua ma ke Kanawai,

HE LUNA HOO@AIO PALAPALA.

2370

 

Hoolaha Humau.

 

            WILDER & CO., (WAILA MA.

 

Hea Kuai Papa a me na Lako kukulu hale o na ano a pau, a me na mea e ae a pau e pono ai o ka hale.

Kihi o Alanui Moiwahine me Papu.

396-o

 

PAPA!   PAPA

 

AI MA KAHI O

 

LEWERS & COOKE

 

(LUI MA)

 

Ma ke kahua hema o Alanui Pap@ me Moi.

 

E LOAANO NA

 

PAPA NOUAIKI

 

O kela a me kela ano.

Na Pani Puka, na Puka Aniani,

na Olepelepe, na Pou, na O'a,

na Papa Hele, na Papu Ku,

me na Papa M@e he nui l a

 

NV PIL@ HALE O NA ANO A PA

a me na

WAI HOOHINUHINU NAN

O na ano a @@@ ioa.

 

Na Balaki o na Ano he Nui Wai.

            Ke hai ia aku nei oukou e na makamaka a pau, ua makaukau Ui ana ma ka laua oihana no ka

 

Uku Haahaa Loa,

@ @ka me ka mea @ hole ana maw@ o Laua a me ka Mea Kuai.

 

Hele Mai e Wao no Oukou iho

2396-o

 

Hoo'aha Kumau.

 

            Aoie loa e makai a oluolu ke ola ana o kekahi mea kino uh@  ina he aaiole kona akepaa a hik@  ke lawelawe i kana mau hana me ka hololea.  E hahai ana ka n@ul@  a me na nawaliwali e ae ma ka m@ali o ke ake ponalo.  He mea oiaio keia i hooiaio ia ma na w@hi@ na poai oluolu akau iloko o kai apa ha keneturia, o na

HUAE A AYERS.

oia wale no ka LAAU HOOLA AKE maikai loa i ike@.  H  hoola ana i ka lepopaa, ka@  eha, na ma'i olokookaopu, a u@  ano LAAU OHANA aohe on@  @  like ai.

            O ka Ayers Sasaparila, oia ka Laau Hoomaemae Koko Kiiakila, e haawi ai i ka ikaika a me ka @  ponopono ana ia loko o ke kin@ @ke o ka ili, e hoopau ana i na maluhilu, kanaka.  E pepehi a ulupa ana i na PUHA, e hooia ana i na pohapoha hi o ke oia ana a e kipaku loa ai i na ano ma'i a pau.  O ka poe ma' no ka wali pono ole o ka ai, ka n@ waliwali mau a ano ma'i e ae @ u@  ae mai ke koko ino mai, he @  pono e inu i ka laau

SASAPARILA A AYERS

            He laau e hooikaika ai i ka nawa@wali, a e hoopuipui mai ai i ke kin@.  Ma ka inu ana i keia laau, e hoon@ono ia ai ka ai aua, oluolu ka moe ana a maikai ke ola ana.

            O ka Ayers Cherry Pectoral laau, aohe lua ma ka hoola awiwi ana i na KUNU, ANU a me na PUU EHA.  E hoola ia na KUNU KALEA a me na ma'i pili l ke ake me ka hikiwawe loa.

            O na Huaale a Ayers, na Sasaparila a me ka Ayers Cherry Pectoral aia kahi e loaa ai ma ka Hale kuai o ka  HOLLISTER DRUG CO. LT.    Na Ag@ua @pa Paaaina Hawaii

2514

 

KAKELA ME KUKE

Ka Halekuai Nui

WAIWAI LIKE OLE NA MEA HANA KAMANAA PAI

Na Iako pili hao kuku@u hale, Na kepa, Na lei ilio, Na kauiahao ilio, Na Pahi, Na Upa.  Na kope hu@.  Na Pulu; @

PALAU LIO

Na mea @ Na au h@  Na au k@, Na kua bipi, Na lei bipi, Na kauiahao bipi.  Na uwea pa, Na kaa palaia, Na mea pi@ia, Na ipuhao.   

Makau me Aho Lawaia

Na Iliwai, Na kaula, Na h@lu pena, Na palumi, Na pena, me ka a@   Na kopa, Na aila mah@  Na pake'@     Na pakeke hau, Na kapu hao, Na p@,  Na kuka@pele,  Na uwiki, a me  Na ipukuku@                     Mikini Humuhumu aulana              Wilcox, & Gibbs Hookahi Lo@  ka Remington, Elua Lopi.   @ me keia ano.          Kakela me Kuke

39@