Ka Nupepa Kuokoa, Volume XXXV, Number 47, 20 November 1896 — Page 3
| This text was transcribed by: | Lynn Mangel |
| This work is dedicated to: | macKenzie and Kendall Mangel |
Ka Nupepa Kuokoa
KE KILOHANA POOKELA NO KA LAHUI HAWAII.
A HUI ALAHAO HE AINA O OAHU
MANWA HOLO.
@ a Mahope aku o lulai 5, 1895
W@ o EWA
Kaa Ukana
Na la a pau
Koo Sabati
Hiki i Waianao
na la a pau.
Hiki i W@ o
Ewa ua la apau.
Hiki i Waianao
Na Poaono mo
Sabati walo no.
A.M. A.M. P.M. P.M. P.M
@ @ Honolulu 6:40 9:15 1:45 1:45 5:10
@ @ Manana 7:40 9:58 2:28 2:28 5:53
@ @ W@ Ewa 8:10 10:19 2:49 2:49 6:14
@ @ Waianao - 10:54 - 3:24 6:49
Waianao na
la a pau.
W@ o Ewa
Kaa Ukaua
Na la a pau
Koo Sabati
Waianao na
la a pau.
W@ o Ewa
na la a pau.
Hiki i Waianao
na Poaono me Sabati
A.M A.M. P.M. P.M. P.M.
@ @ Waianae 6:44 - 1:32 - 4:16
@ @ Wili o Ewa 7:19 9:10 2:07 3:51 4:51
@ @ Manana 7:50 9:48 2:38 4:22 5:22
@ Honolulu 8:23 10:30 3:11 4:55 5:55
E lawe ana na kaa ahi hali ukana i na kaa ia o ka papa ekahi.
@ P. DENISON,
Luna, F. C. SMITH
Luna Kuai Palapala Holo.
NU HOU HAWAII
O keia Poaono ae, Nov. 28, oia ka @ koho ai ka Hui Aloha Aina i Peresidena no lakou, maloko oka Ariona H@ll.
Ua huli hoi aku nei o Hon. J. W. @ ame kana wahine ma ka moku@ Kulanakauhale o Pekina o ka po @lua nei.
K@ laulaha la ka ma'i i weliweli loa @ Hawaii nei, oia ke kolera, ma ia @pana i keia wa. Aohe hewa e maka@ aku ke Aupuni.
He anenane 300 poe Iapana paahana noho nei ma Honolulu nei i keia wa, i pau ko lakou mau manawa hana, a e huli hoi aku ana lakou no Iapana.
Ua hoopaneeia na moolelo o "Lubinana" ame "Hametona," mai ka pepa aku @ keia pule no ka hookuu ana i na keena manao o makou i pau ole i ka puka ma ka pepa o ka pule i hala. E hoomanawanui mai e na makamaka.
Ke ole e loaa na kuia, alaila, e haawi puhi ohe ana ka Bana Lahui ma ka Hotele Hawaii i keia po, no ka pomaikai o na ohua o ka mokuahi Australia e huli hoi aku an no Kalepono i ka la apopo.
He ahaaina manawalea ka ka Hui Hookuonoono o Kakaako i haawi ai ma ka Poakolu nei, me ka wehe hamamaia o na papaaina no na mea apau. Ua lohe wale ia mai he aneane $100 aia hui i hoolilo ai no na mea e pono ai ia ahaaina.
E malama ana ka Hui Opio Hawaii he anaina hoomanao la 28 o Novemaba nei, ma ke ahiahi oia la, maloko o ko lakou hale halawai ma Alanui Nuuanu. Ua kohoia ka Lunahooponopono o keia nupeapa i mea haiolelo no ia po, no ka hoomanao ana i ua ia @la.
Nui ka pioo o Honolulu nei ma ka po Poakahi nei, ma ka wa i ku mai ai ka mokuahi City of Peking mai Kina mai, no ka laulaha ana ae o ka lono e hoike ana o Bryan kai puka i Peresidena no Amerika Huiia. Hauoli ka poe hauole, a kukule ka poe kukule; aka, i ke ao ana ae, i ke ku ana mai a ka Australia, akahi no a maopopo loa ka aoao kupono e hauoli ai.
Ua hoopuka mai nei ka Aha Kiekie i ka olelo hooholo ma ka hihia palapala kuu kino e pili ana i kekahi o na Iapana i hoopaeia mai nei no ka loaa ole mia he $50 nona ponoi iho; aka, mamuli o na olelo hoike i waihoia ae imua @ ka Aha, ua ikeia ua loaa i ua Iapana @ he huina dala i oi aku mamua oia huina. Ua hoopau wale ka Loio Kuhina i kana koi kue ana no na Iapana @ ia ano hookahi.
Ma ka po Poakahi a ao ae Poalua nei, holo aku la kekahi kaiaiwa kaa, nona ka inoa o Daniel Awaawa, no uka o Paowaina, maluna o kona kaa pio, me kekahi wahine haole a noho ma kekahi hale. A oiai laua malaila ma ia po, a i ke ao ana ae o ka Poalua ia, ikeia iho la ua make loa ua o Dani-@ Awaawa. Ua manaoia o ke kumu @ kona make, he ma'i ma ka puuwai. Ma ka noho ana a ka Aha Koronero ina ka Poakolu nei, ua hoopuka lakou @ ka olelo hooholo, ua make keia ka@, mamuli o ka ma'i ma ka puuwai. O na kiure, oia o A. Kaulia, Mahoe, @pikane. J. Kuaana, S. H. Meekapu @me Manuel Espinda.
KA HUI A NA POE MAHIKO O HAWAII NEI.
Ma ka hapalua hora 9 o ke kakahiaka @eajkahi nei i malamaia ai ka halawai a na poe mahiko o ka Pae Aina nei, maloko o ko lakou keena halawai maloko o ka halepohaku ma ke kihi o na Manui Nuuanu ame Moi, aoao ma Ewa, kahi makai. He 30 a oi na hoa i hoea ae ma keia halawai ana.
Weheia na hana ma ka noho Peresidena ana a Swan@y. Hoike mai ke kakauolelo o ka Hui, Mr. Bolte, ma kona manao o na lilo i manaoia no na hana a ka Hui iloko o keia makhiki e nee aku nei,he $18,239.11. Hoike mai no oia ma ka aoao o ke Komite Paahana i keia mau huahelu e pili ana i na limahana Asia i komo mai iloko nei o ka alna mai ka la 1 mai o Okatoba, 1805, a hoea i ka la 30 o Sepetemaba, 1896. Na Pake: 3536 - na kane 3445, na wahine111. Na Iapana: 4948 - na kane 4113, na wahine 835. He huina o 8509. Na poe limahana i haalele iho ia Hawaii nei mai Okatoba 1, 1895 a i Sepetemaba 30, 1896, he 3817 ka nui. Na pake: 1190 - na kane 1133, na wahine 57. Na Iapana: 2627 - na kane 2088, na wahine 539.
Ua haawi nui keia poe i na noonoo ana no na hana e hooholomua loa ia ai ka oihana mahiko ma Hawaii nei.
MAKE MAINOINO KEKAHI IAPANA.
Ma ka Poaono, Okatoba 21 i ka wa a ka wiliki o ka wiliko o Hamakuapoko, Maui, i lohe ai i ke koekoele o kekahi mea maloko o ka rumi enegini mahu, oiai hoi ia e hana ana ma kekahi rumi e pili kokoke ana ma ia wahi, a i kona hele ana aku e nana ma ua rumi enegini la no ka mea koekoele ana i lohe ai, aia hoi, ike aku la ia i kekahi mea keokeo e pulelo ana ma ka huila e kaa ana me ka ikaika. I ka hoopaaia ana o ka mahu, ikeia iho la ke kino manaonao o kekahi Iapana ma ua huila la.
Me he mea la, ua kiei paha keia Iapana ma kahi a keia huila e kaa a@ a ua pulelo paha kahi wahi o kona l@ a paa i kekahi o na manamana o @ huila, a na ia mea i huki pu aku iaia, a loaa ai iaia keia hopena weliweli. He manaonao ka hoomaopopo ana aku i ke kino poino o keia Iapana.
HOALOHALOHA.
I kuu makamaka iloko o ka Haku Iesu Kristo,
Aloha kaua, me ko kaua mau ohana me na manao luuluu pilihua no ka haalele ana mai o ko kaua kaikuahine aloha: nolaila, e holo aku kakou i ko kakou Haku a Nana no e hoomaha mai i na manao kaumaha. Nolaila, e hauoli kaua ma kona inoa, ka ohana pu hoi. Amene.
Kou hoa iloko o ka Haku Iesu Kristo, S. KAIU.
Waipouli, Aug. 16, 1896.
HOALOHALOHA.
I ka makua iloko o ka luuluu.
Rev. Jno. M. Kealoha,
Me ka naau mokumokuahua au ame ko'u ohana e kakau aku nei i keia, ma ka loaa ana mai o ka lono hoolele hauli mai a Kekua mai mamuli o ka oluolu ana i ka Mea Mana Loa e lawe aku i ke ola makamae o kau lede i aloha nui ia Mrs. Julia Kealoha, ka makuahine oluolu hoi o ka home, ke kipa aku i olelo iho ai na hookaau ana: "Naha ke kanaka ka makamaka o ka moe e kipa aku ai." Aloha wale.
A ke noi aku nei au i kou oluolu e ae mai ia'u ame ko'u ohana nei e komo pu aku me oe iloko o kou kumakena ana, a mawaho ae olaila, ke nonoi ae nei ia Iehova o na Lehulehu, e hoomama mai i kou mau kaumaha ame na luuluu apau a Nana no e aloha mai ia oe ame na keiki apau. A aole oia e hoi hou mai io kakou nei, aka o kakou ke hele aku i ona la. Aloha ino a luuluu wale.
Me ka walohia a lihaliha, na'u no.
JOSEPH APUKAI AKINA.
Waimea, Kauai, Aug. 22. 1896.
NOUHU KUWAHO
HOOLE O BRYAN I KEKAHI UKU MAKAHIKI.
Omaha, Neb., Nov. 6. - Ua hoouna aku o Mr. Bryan i keia la, i ka pane telegarama i ka Hui o Seigel, Cooper & Co., o Nu Ioka, no ka lakou noi iaia e lilo i loio no lakouy ma ka uku makahiki o $25,000. Eia ka pane: "Hoko o na makahiki eha e hele aku nei, ua manao loa au e hoolilo i ka nui o ko'u manawa elike me ka hiki no ke kekoo akea ana i ka ninau hookaulike i ka waiwai io o na dala elua - ke gula ame ke dala keokeo - a nolaila, ua hiki ole ia'u ke ae i ke noi i waihoia mai e oukou. Ke mahalo nei nae au i ka hilinai i hoikeia mai e ka oukou noi imua o@u.
W. J. BRYAN.
NA LONO HUIKAU O KE KAUA MA CUBA.
Havana, Cuba, Nov. 4. - Aia o Maceo ke nee mai la no Havana nei. Aohe kanalua iki ua puhalahiu mai la oia mai ke paniku ana aku a na koa Sepania. Ua hooia ae na poe Kupa i maopopo pono i na nee ana a Maceo, ua makemake loa oia e lele kaua mai maluna o ke kulanakauhale o Havana, a he nui na hiohiona e ikeia aku nei no ka oiaio oia mau manao ana. No aneane eha la okoa i koouka mau ia ai kekahi mau hooili haua ma keia mahele aina. Ua lehulehu loa na wahi i hookahua iho ai na pualikoa kipi, o kekahi poe o lakou ua kokoke loa i ke kulanakauhale, a ua hoopioloke loa ia na poo Aupuni me ka hopohopo nui no ka lele kaua ana aku maluna o na poe kipi, oiai. ua maka'u loa lakou o nele ke kulanakauhale i ka poe ole na lakou e kiai, ke nee lakou iwaho.
Havana.. Nov. 9. - Ua lawe ae nei o Kapena Kenerala Weyler i ke kahua kaua no ka paio ana aku ia Antonio Maceo, ma ka mahele aina o Pinar del Rio. Ua loaa mai na lono oiaio mai ke kahua hakoko mai e hoike ana, ke hookokoke aku la na koa Sepania i kahi o na enemi.
I kela kakahiaka i haalele aku ai o Kenerala Weyler ia Havana maluna o ka mokukaua Lega@py no Mariel. Ua hoomaopopoia, mai Mariel mai e holo aku ai oia ma uka o ka aina a hoea i Artemisia a ma ka lihi o ke owawa i nohoia ai e na kipi. Ua hoouna pu ia aku he poe koa hoopuipui ikaika loa no keia kulana hoonee kaua ana a Kenerala Weyler imua o na kipi.
Ua kaa malalo o Makuisa de Ahumada ka malama ana i ke keena oihana o Kapena Kenerala Weyler, a o Konela Ramon Dominguez kona alilkoa ukali. Ua hooholo ke Komite Pale Lahui he olelo hooholo e nonoi ana i ke Aupuni e kinai koke ia ke kipi kuloko ma o ka hana 'la a na koa, aole hoi ke Aupuni e maua'e wale aku i ka lakou hana.
Ua pioloke loa na luna Aupuni Sepania ma Havana, no ke komo ana aema ka mahele aina o Matanzas he mau tausani poe kipi mai na pualikoa mai o Gomez. No ko Weyler ike ana i keia kulana kupilikii, ua unuhi hou oia he 6000 poe koa mai Pinar del Rio mai a hoouna aku la ia lakou i Matanzas, no ke akeakea ana i ka nee mua ana mai o na poe kipi.
Ua ka hoouka kaua i lilo pio ai ke @ kulanakauhale o Guayamara i na poe @ ua make a ua hoehaia he 260 poe Sepania. He ekolu haneri ame kanahiku na poe Sepania i haawi pio ia lakou iho ia Calixto Garcia, ka alihikaua kipi nana e alakai ana i na koa kipi. Ua hoouna olelo aku o Garcia ia Kenerala Castellanos o na Sepania, e aeia no keia poe Sepania i pio iho la e panai ia aku no na poe Cuba i paa pio.
Ma ka hora 6 o keia kakahiaka hoea aku la o Kenerala Weyler ma Mariel, a holo loa aku la ma ke alahele o Guanajay, ma haki hoomoana o na koa, a he wahi ia e kokoke aku ana i Artemisa. Ua loaa mai na lono mai Pinar del Rio mai e hoike ana i ka haawi pio ana mai o kekahi mau alakai o na poe kipi, oia o Filomeno Cimino, Domingo Parra ame Alejandro Rubio ame ewalu poe koa.
Ua lele kaua ae na poe kipi maluna o na kulanakauhale o San Vincente a me Dos Bocas, ma ke alahao mawaena o Cristo ame Santiago de Cuba, a he ano kokoke loa no keia mau wahi. Ua okiia na uwea telegarapa e moe ana mai Cristo mai a hoea i Santiago de Cuba. Ua lohe ia aku na kipu oolea ana ma ke kukulu mai Zayorro ame Maya mai.
Maderida, Nov. 9. - Aohe oiaio o na lono e hoike ana e hoopauia ana ko Kenerala Weyler noho Alihikaua nui ana ma Cuba.
KAHEAWAI HOU KE DALA GULA.
Nu Ioka, Nov. 9. - Ke noonoo nei na hui Banako i ka lawe hou ana ae i ke kulana hookaa aie ma ke dala maoli, ka hana i hookauluaia ai mai Feberuari, 1892 mai, mamuli o ko lakou hoole ana aole e hoolako aku i ke dala gula no ka hoopuka ana i waho ame ka hookaa ana i na loaa Aupuni. Mamuli o keia hana a na Banako, ua kaa ke koikoi o ka hoolako ana i ke dala gula maluna o ka waihona Aupuni, a hoea loa i ko ke Aupuni hoopuka ana i na bona dala aie, a ulu nui mai ai na hoohalahala.
Mahope koke mai nei o ke koho balota ana, ua kaheawai mai la ke gula iloko o na banako, a ua hiki lea ia lakou ke ike i ka pono o ka hoala hou ana i ke kulana hookaa dala mua i hoomaloloia ai. Mamuli o keia hana a na banako, e hoolaulahaia aku ai ka hele ana o ke dala gula iloko o ka aina, aole hoi he kumu e hiki ai ke au'a ia na dala gula iloko o na pahu hao e muu mokaki ai. E lawe ae ana keia mau banoko i ka hana o ka hoolako ana aku ia waho me ke dala gula, a pela auanei e mama ai ka waihona waiwai o ke Aupuni mai keia kaumaha mai.
MARE KE KEIKIALII LUI PILIPO
ROBATA, DUKE O OLINA.
Vienna. Nov. 5. - I keia kakahiaka @ mare ai maloko o ka luakini o Hofburg, o Louis Phillippe Robert, Duke o Orleans, ka mea koi nohoalii o Farani, a o ke poo hoi o ka ohana alii o Farani, me ke Aki-Duke wahine maria Dorothea, ka mea hoi i hookuu aku i kona mau kuleana apau i ka nohoalii o Auseturia ma ka la inehinei.
AOLE I KOHO BALOTA O PRESIDENA KALIVALANA.
Wasinetona. D. C., Nov. 3. - He nui loa maoli na poe luna Aupuni koikoi ma Wasinetona i koho balota ole. Mawaena o keia poe o Peresidena Kalivalana keahi ame Kuhina Thurber, ame na Kuhina Olney ame Carlisle.
APANA O HILO AKAU.
MAKE KEKAHI PUKIKI.
Ma ka la 8 o Oct. nei, oiai na lima hana o ka Hui o Papaaloa e eli ana i ka pali i loaa ka pohaku e hana hou ai no ko laila hale wili, ua loaa iho la he poino iwaena o keia eli ana, oia hoi ua pau ke ola o kekahi Pukiki, ma o ka hanee ana o ka lepo a ua pepe kona kino holookoa. O kona poo kahi nui o ka poino. Mawaena o ka hora 3 ame 4 paha ka loaa ana o keia poino. Ua kauoha koke ia ka makai nui, a ua hiki ae malaila me na makai, a ua noho ke koronero a hooholo he make ulia.
PUKA KE POO I KA POHAKU.
Oiai kekahi Kepani wahine e kamoe ana kona alahele no Honokaa, ma ke ano mahuka mai kona kokoolua aku, ua imi aku kana kane a kahawai loaa aku nei. Mamua o ka halawai pu ana o laua. Ua ike mai nei ua wahine nei, a hoomaka e lele naaupo ilalo o kahawai, @a ua ku ke poo i ka pohaku, a oia oia ke noho nei me ka eha, no ka Hui o Papaaloa, Oct. 17.
HALA KE KANE KA HOAPILI.
Ma na hora ahiahi o ka la 19 o Okatoba nei, ua lele loa ae la ka hanu ola o Mr. Kumali. Ua loohia ia oia e ka mai pehu no ka wa loihi, a ua hoi mai lakou no keia apana. he mau la pokole wale no i hanu iho ai oia i na ea oluolu o keia aina a hala aku la ma kela aoao. Ua waiho iho oia mahope nei, he wahine me na keiki lehulehu e paiauma aku nona. Aia ma Hamakua kekahi o kona ohana.
@NA HANA O KE AUPUNI LANI.
He mau makahiki loihi ka noho ana o keia apana iloko o ka pouli konoele a ka palaka ame ka hoomaloka, a iloko o keia mau mahina ke ike ia aku nei na opio ame na makua. na pokii, e luana ana maloko o ka luakini e hoolilo ana i kekahi mau hora i wa no lakou e imi, e huli e ninau, na ka pono o ko Karisto Aupuni, e hoonaauao ana no na pono lani, hauoli ka manao no na hana e ike ia nei. E ala, e na hoahanau, na haumana Kula Sabati, e huki i ka hae o ka lanakila, e imi i ka pono i loaa ka pomaikai kino ame ka uhane.
Welina i ka Lunahooponopono ame na keiki hoonoho hua metala kou anoai.
Owau iho no,
MASETULIANA.
Hilo Akau, Hawaii.
Hoolaha Mana @ookolokolo.
ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka hana o ka waiwai o Paele (k) o Waikele, Ewa, Oahu, i make.
No ka mea ua waihoia mai ka palapala hoopii e ka Luna Hooponopono Waiwai, Kanui Paele, (w), e nonoi ana e kuai kudala ia ka aina o ka mea i make e waiho la ma Pauhala, Waikele, Ewa, Oahu, i mea e hookaa ai i ka aie o ka mea i make.
Nolaila, ma keia ke haiia aku nei ka lono i na poe apau i kuleana o ka Poalima, la 18 o Dekemaba, 1896, hora 10 kakahiaka, ma Aliiolani Hale, Honolulu, Oahu, oia kahi a me ka manawa e hooloheia ai o ua palapala hoopii la, a e hoike mai lakou no ke aha la e ae ole ia ai ke noi a ka Luna Hooponopono Waiwai.
Honolulu, Novemaba 16, 1896.
Na ka Aha:
P. D. KELLETT, JR.,
2615-3t Kakauolelo.
AHA KAAPUNI O KA APANA HOOKOLOKOLO Kaapuni Elua. Ko Hawaii Pae Aina. Ma ke Keena. Ma ka Hooponopono Waiwai. Ma ka hana o ka waiwai o D. Kanoho, o Kamaloo, Molokai mamua, a i make kauoha ole. Imua o Lunakanawai J. W. Kalua.
Ma ka heluhelu ana ame ka waihoia ana mai o ke Noi a Kalalike (wahine kane-make o Kamaloo, Molokai, e olelo ana ua make kauoha ole o D. Kanoho (k) ma Kamaloo, Molokai, ma ka la 25 o Mei, A. D. 1896, me ka waiho ana he waiwai maloko nei o ko Hawaii Pae Aina i kupono e hooponoponoia, a e nonoi mai ana e hoopukaia na Palapala Lunahooponopono Waiwai ia Kalalike (w).
Ua kauohaia o ka Poalua, la 29 o Dekemaba, A. D. 1896, ma ka hora 10 A. M. (kakahiaka) ka wa i hoanaokoaia no ka hoolohe ana i ua Noi la maloko o ke Keena Hookolokolo o keia Aha Hookolokolo ma Wailuku, Maui, a ma ia manawa a ma ia wahi e hele mai ai na poe apau i kuleana ma ia hana, a hoike mai i kumu, ina he kumu ka lakou, no keaha la e ae ole ia ai ua Noi la.
Hanaia ma Wailuku, K. H. P. A., Novemaba, A. D. 1896.
G. ARMSTRONG,
Kakauolelo, Aha Kaapuni Apana 2.
2625-3t
ILOKO O KA AHA KAAPUNI APANA Hookolokolo Ekahi o ko Hawaii Pae Aina. Ma ka hana o ka waiwai o Kamai (w), Makakoa (w) a me Kahulikaa (k), he poe keiki oo ole.
No ka mea ua waihoia mai he palapala hoopii e ke Kahu Malama Waiwai, Makanui (k), e nonoi ana e kuai kudala ia ka mahele hookahi-kanaha (1-40) kuleana o Makakoa (w) i make, ka makuahine o na keiki oo ole i oleloia, iloko o ka waiwai o J. W. Kahuila, e waiho la ma Kaneohe, Koolaupoko, Oahu. Nolaila, ma keia ke haiia aku nei ka Iono i na poe apau i kuleana o ka Poalima, la 4 o Dekemaba, 1896, hora 10 kakahiaka, ma Aliiolani Hale, Honolulu, Oahu, oia kahi a me ka manawa e hooloheia ai o ua palapala hoopii la, a e hoike mai lakou no ke aha la e ae ole ia ai ke noi a ke Kahu Malama Waiwai.
Honolulu, Novemaba 2, 1986.
Na ka Aha:
P. D. KELLETT, JR.,
2623-3ts Kakauolelo.
Hela ame Keia.
HOOLAHA A KE KOMISINA PALENA AINA.
Oiai he palapala noi kupono ka i hanaia mai ia'u e Robert Rycroft no ka hooponopono hope loa ana i na palena aina o ka Ahupuaa o Keahialaka, e waiho la ma ka Apana o Puna, Mokupuni o Hawaii. Apana Hookolokolo Eha, nolaila, ke kauohaia aku nei ma keia, i kulike ai me na olelo o ke Kanawai 14 o na Aha Hooko a me Kuka o ka Repubalika o Hawaii i aponoia Okatoba 27, 1894, o na poe apau i kuleana i na palena o ka aina i oleloia o Keahialaka, e hele mai imua o'u ma ka Hale Hookolokolo ma Hilo Hema, Hawaii, ma ka hora 10 o ke kakaiaka. Dekemaba 14, 1896, a e hoike ina he kumu kekahi e hooko ole ia ai ka palapala noi i oleloia.
(Signed) RUFUS A. LYMAN.
Komisina Palena Aina, Mokupuni o Hawaii. Apana Hookolokolo Eha a me Ekolu.
Hilo, Hawaii, Nov. 10, 1896
2625-3ts
KUAI A KE KAHU I KA WAIWAI PAA.
Mamuli o ke kauoha a Lunakanawai Hardy o ka Apana Hookolokolo Elima, ua hoomanaia ka mea nona ka inoa malalo iho e kuai aku ma ke akea ia 5 kuleana (shares) iloko o ka Hui Aina o Papaa ame Aliomanu no Pauole (k) i make i ka mea koho kiekie ma ka ia 15 o Dekemaba, 1896, ma Kealia, Apana o Kawaihau, Mokupuni o Kauai.
Kuike ke dala. I ka mea e lilo ai na lilo palapala.
KALUA (w). Kahu.
Anahola, Nov. 16, 1986. 2625-37
OLELO HOOLAHA.
E Malamaia ana ka Halawai Makahiki o ka Hui Telepone o Kauai ma ka hora 11 a. m. (kakahiaka) ma ka Poaono. Novemaba 28, 1986, ma ke Keena o ka Hui Grove Farm o Lihue.
R. W. T. PURVIS.
Kakauolelo H. Tel. o Kauai.
Lihue, Kauai, Nov. 7, 1896.
2624-2t
OLELO HOOLAHA A KA LUNAHOOPONOPONO WAIWAI.
Oiai, ua hookohuia ka mea nona ka inoa malalo iho nei i Lunahooponopono Waiwai no ka Waiwai o Alekanedero Gordon Hutcheon, o Wainaku manua, Hilo, Hawaii, i make, nolaila, ke hoike aku nei oia i ka lohe i na kanaka apau he mau loi ka lakou i ua waiwai la, e waiho mai i ua mau koi la me na bila i hooiaio pono ia, imua ona ma kona wahi noho ma Wainaku. Hilo, Hawaii, iloko o eono mahina mai keia la aku, a-i-ole, e hoole mau loa ia aku no ia mau koi.
O na poe hoi apau i aie i ua waiwai la, ke hoolahaia aku ne nohoi a kauohaia e uku mai i ua mau aie la i ka lunahooponopono wale no.
JEMIMA HUTCHEON GIBB.
Hilo, Hawaii, Nov. 5. 1896.
2624-4t
HOOLAHA A KA LUNAHOOPONOPONO WAIWAI.
Mamuli o ka mana i loaa ia'u, ma o ko'u hookohuia ana i Lunahooponopono no ka Waiwai o Jno. P. Kula o Makawao, Mokupuni o Maui, i make kauoha ole, imua o Lunakanawai Antone Perry, Esq. o ka Apana Hookolokolo Ekahi, ma ka Hooponopono Waiwai, nolaila, ke hoolaha ia aku nei na poe kanaka apau, he mau koi ka lakou i ka waiwai o ka mea i make, e waiho mai i ka lakou mau bila i hooiaio kupono ia i ka mea nona ka inoa malalo ae nei, a i ole, e waiho aku i na bila ma ke keena loio o J. K. Kahookano, Kaahumanu St., Helu 115, iloko o eono mahina mai keia manawa aku, a i ole pela, e hoole mau loa ia aku no. A o na poe kanaka hoi apau i aie i ka waiwai o ka mea make i oleloia, e uku koke mai i ka mea nona ka inoa malalo ae, a i ole ia J. K. Kaahookano, ka loio o ka waiwai o ka mea i make i oleloia.
S. BENJAMIN KANEIHALAU,
Lunahooponopono Waiwai o
J. P. Kuia, i make.
Honolulu, Nov. 5, A. D. 1896.
2623-4t
Hoolaha Moraki.
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o J. K. PAELE ame J. K. LUKA, o Honolulu, Oahu, o ka aoao mua, ame William R. Castle, Kahu, o Honolulu i oleloia, o ka aoao elua, ma ka la 13 o Iune, 1892, i kakau kope ia ma ka buke 138, aoao 157, a mamuli o ka uhaiia ana o na kumu aelike o kela moraki, oia hoi, no ka uku ole ia o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ma ke keena kudala o Jas. F. Morgan, ma Honolulu, ma ka la 7 o Dec., 1896, hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i kela la 6 o Nov., 1896.
WILLIAM R. CASTLE, Kahu, Mea Moraki mai.
Penei na aina i morakiia:
Kela apana aina @a apana pa-hale paha ma Iwilei. Honolulu, Oahu. oia nohoi ka aina i hooliloia aku i ka Mea Moraki i oleloia. ma o ka Palapala Kuai Hooko Moraki la a S. S. Robikana, i hanaia Iune 13, 1892, a i kopeia ma ka Buke 141, aoao 285, maloko o laila he 11-100 o ka eka, a oia kahi hapa o ka aina i hoakakaia maloko o ka Palapala Sila Nui 2848 ia Koi, a pela nohoi me na hale apau ame na mea i kukuluia maluna iho oia wahi.
2624-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hanaia mawaena o CHARLES LIND. o ka aoao mua ame A. Feek, o ka aoao elua, ma ka la 28 o Iune, 1893, i kakau kope ia ma ka buke 145, aoao 35, a mamuli o na palapala hoolilo lehulehu i hooliloia aku ia William R. Castle, Kahu, a i kopeia ma ka Buke 153, aoao 359. a mamuli o ka uhaiia ana o na kumu aelike o kela moraki, oia hoi, no ka uku ole ia ana o ka ukupanee ame ke kumupaa, nolaila, ke hoolahaia aku nei e ka mea nona ka aoao elua o ua moraki nei e hooko ana oia la mana kuai.
A k@ hoolaha hou ia aku nei ala mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke keena kudala o Seaborn Luce, ma Honolulu, ma ka la 7 o Dec., 1896, hora 12 o ia la.
Aia ma kahi o W. R. Kakele na olelo hoakaka no keia mea.
Hanaia i keia la 6 o Nov., 1896.
WILLIAM R. CASTLE, Kahu Mea Moraki mai.
Penei ua aina i morakiia:
Kela mau apana aina apau e waiho ana maloko o ka Apana o Honolulu, Oahu, i hoakakaia penei:
1 - Kela apana aina ma kalihi i hoakakaia ma ke ano oia ka Apana @ iloko o ka Palapala Sila Nui Helu 349@ ia Pablo A. Jimeniz, maloko a laila he $17-1000 o ka eka, i hooliloia aku i ka Mea Moraki mai, ma o ka Palapala Kuai la a Pablo A. Jimeniz i kopeia maloko o ka Buke 130, aoao 311.
2 - O kela mau apana aina apau ma "Kulanakauhale Momi." ma Manana, Ewa, Oahu, i hoikeia o na Apana @ ame 10, Mahele (Block) @ ma ke kil-aina o ua "Kulanakauhale Momi" la i apono ia e ka Hui Kaa Ahi me Aina o Oahu @ i kakau kope ia maloko o ka Buke 121 @ aoao 207, o ua mau apana la he 150 kapuai ke akea ma ke alo, ma Alanui Ekolu, a o ka loa e holo ana iloko he 150 kapuai.
2634-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki @ hanaia mawaena o J. NAONE ame MALIA, kana wahine, o Kaluanui, Koolauloa, Oahu, o ka aoao mua, ame Juliette M. Cooke. o Honolulu, Oahu, o ka aoao elua, ma ka la 25 o Maraki, 1896, i kakau kope ia ma ka buke 121, aoao 18, a hoolilo pono ia aku ia W. R. Castle, Kahu, ma o kekahi palapala hoolilo @ C. M. Cooke, Kahu, i kopeia ma ka buke 121, aoao 18, a mamuli o ka uhaiia ana o na kumu aelike o kela moraki, oia hoi, ka uku ole ia ana o ka ukupanee ame ke kumupaa, nolaila, ke hoolahaia aku nei e ka nea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana, ma ke keena kudala o Seaborn Luce, ma Honolulu, ma ka la 7 o Dec., 1896, hora 12 o ia la.
Aia ma kahi o W. R. Kakela na olelo hoakaka no keia mea.
Hanaia i keia la 6 o Nov., 1896.
WILLIAM R. CASTLE. Kahu, Mea Moraki mai.
Penei na aina i morakiia:
Kela mau apana aina apau e waiho ana ma Kaluanui, a i hoakakaia penei:
1 - Palapala Sila Nui 2916 1/2 ma o ka Palapala Hoona Kuleana la 8164 ia Kamala, maloko o laila he 4 36-100 eka, oi aku a emi mai paha.
2 - Kela aina apau i hoakakaia ma ka Palapala Sila Nui 2909 ia Kaukaliu, maloko o laila he 9 58-100 eka (e koe ana nae he 3 eka i kuaiia aku ia Kauaihilo) i hooliloia mai i ka Mea Moraki mai.
3 - Eha (4) hoi mahele maloko o ka Ahupuaa o ka Hui o Kaluanui.
2624-4t
HOOLAHA HOOKO O KA MORAKI AME KE KUAI.
Ke hoolahaia aku nei ka lohe i @ulike ai me ka mana o ke kuai i hookomoia iloko o kekahi moraki i hanala ma ka la 4 o Iune, A. D. 1894, e Joseph Kaanaana o Honolulu, Mokupuni o Oahu, ia James M. Monsarrat o Honolulu i oleloia, kopeia ma ke Keena Kakau Kope o ke Aupuni, Buke 147 a ma na aoao 339, 340 ame 341, ke makemake nei ua James M. Monsarrat ia, ka mea e paa nei i ka moraki, e hooko aku i ua moraki la no ka uha'iia o ka aelike iloko o ua moraki la, oia ka hookaa ole ia o ke kumupaa ame ka ukupanee i ka wa e hookaa ai.
Ke hoolaha hou ia aku nei ka lohe i na mea apau o kela mau aina apau, na pono hoaaina a me na pilikana iloko o ua moraki la a i kuhikuhi ia, e kuai ia aku no ma ke kudala akea ma ka hale kudala o W. S. Luce ma ke kihi o na alanui Moiwahine ame Papu ma Honolulu i oleloia ma ka Poakahi, la 23 o Novemaba. A. D. 1896. hora 12 awakea o ia la.
O ka waiwai i paa maloko o ua moraki ia. oia kela:
1. O kela apana aina e waiho ia iloko o ka ili o Nelu iloko o Waihee. Mokupuni o Maui, nona ka ili, he 48-100 o ka eka, a oia po ka aina i kuhikuhiia iloko o ka Palapala Sila nui helu 5402. Kuleana hoona aina helu 4403FF ia Ku.
2. O kela mau apana aina ekolu e waiho la iloko o na lii o Pupouulu ame Kapoho ma na Waihee la, nona ka ili he 1 1/2 mau aka, ola na aina i kuhikuhiia iloko o ka Palapala Sila Nui Helu 5357 a Kuleana Hoona Aina Helu 4296 ia Mahoe 3.
O na apana aina i hoakakaia maluna ae nei, oia no na apana aina i hooliloia aku ia Joseph Kanaana e J. M. Monsarrat, Kahu, ma o ka palapala kuai i n@. Mei 2@, 1894, a i kope la maloko o ke Keena o ka Luna Kakau Kope, ma Honolulu i oleloia maloko o ka Buke 146, ma na aoao 486, 487 ame 488.
JAMES M. MONSARRAT.
Mea e paa nei i ka Moraki.
Kuike ke dala. Na uku hana palapala i ka mea e lilo ai. No na mea i koe e ninau ia.
Honolulu, October 30, 1896.
2622-4ts
Vapo-@resolene He Laau Hoola Oiai no Oe e Hiamoe ana no ke
Kunu Kalea, ka Hano, Kunu Ho, ka @alulu Kau, ke Ann
Ma ka wa e hoopunohuia ai ka uwahi o ke CRESOLENE @a loko o ke keena o ka mea ma'i, e loaa koke no ka oluolu. He ka mahao kona ikaika hooia, a ma ia wa hookahi nohoi e kaohiia aku no ka pahola ana mai o na ma'i lele, ma o kona lilo ana he laau kinai ma'i, a he laau pilikia ole nohoi no na keiki. E kuaiia ana e na poe hana laau. E haawi wale ia no ka buke hoakak@.
HOLLISTER DRUG CO, Honolulu, H. I. @ Agena