Ka Nupepa Kuokoa, Volume XXXV, Number 48, 27 November 1896 — Page 4
| This text was transcribed by: | Kesha Miller |
| This work is dedicated to: | Annette Leilani |
Ka Nupepa Kuokoa
KE KILOHANA POOKELA NO KA LAHUI HAWAII.
I- IA A WINA
KULA SABATI
IV. 11. @DEK 13. Ka olelo ao aku i na waioka. Na Sol. 23: 13-25
15. E kuu keiki e ina e naauao kou naau. E hauoli io no ka naau oʻu:
16. E olioli io koʻu mau puhaka. Ke hai aku kou mau lehlehe i na mea pololei.
17. Mai huahua kou naau i ka poe hewa: Aka, e noho mau oe me ka makau ia Iehova a po ka la.
18. No ka mea, e hiki io mai no ka hope. A e @pio ole ana no kou manaolana.
19. E hoolohe mai oe, e kaʻu keiki. e hoonauao iho. E hoopololei i kou naau ma ke ala.
20. Mai noho pu oe me ka poe inu waina: Me ka poe hoopalupalu i ko lakou kino iho.
21. No ka mea, o ka mea ona a me ka mea palela ai, e ilihune auanei oia: A no ka palaualelo e komo kekahi i na weluwelu.
22. E hoolohe i kou makuakane ka mea nana mai oe: Mai hoowahawaha oe i ka luwahine o kou makuwahine.
23. E kuai lilo mai i ka oiaio, mai kuai lilo aku; I ka naauao hoi a me @Ae aoia mai a me ka ike.
24. E hauoli no kou makuakane o ka mea pono: O ka mea i hanau mai nana ke keiki naauao, he olioli no kona.
25. E hauoli no kou makuakane a me kou makuwahine. E olioli hoi ka mea nana oe i hanau mai.
Pauku Gula. Na Sol. 23:21. No ka mea, o ka mea ona ame ka mea pakela ai. e ilihune auanei oia.
Manao Nui - E pono ke noonoo pono i na hua ino o na waiona.
Olelo Hoakaka - Aole keia mau olelo ao no ko Solomona keiki wale no. Oia no na olelo ao o ka makua noonoo pono i ka poe opiopio. Ke mau nei na kuko ino o na kanaka mai ka wa mua mai a Ewa i nana aku ai i ka hua maikai, aole i ae ia. Ua manao ka poe opio ua makau wale na makua. Ua ake nui lakou i ka hoeueu nui ana i na mea kino e ikaika loa, me he mea la ua pili ka oluolu i ke kapae ana i na palena o ka naauao. Aole mahalo lakou i ka hoopaa ana i ko lakou moku me ka heleuma. Ua oi aku ka maikai. i mai ia lakou, o ka ika ana me ka aumoana. Aka @nae i ka wa mahope e nalo loa ke awapae moku, aole maikai ka ika ana me ka wai ole, me ka ai ole, a nui ae na pilikia.
15. Naauao. - he olelo hoohalike i hookukuia me ka naaupo. e like me na ano okoa o ka malamalama a me ka pouli. Me keia ano kamailio. ua manaoia o ka naau oia no ke kiko waena konu o ka ike, ke aloha, ka manao hooholo. Aole mauli o ke ano hanau ke ano naauao: no kela keiki keia keiki e koho ai nona iho: a mamuli o ke ano koho e hoomahuahua ana ka naauao paha, ka naaupo paha. Ua kapa ia ke koho hewa ka naaupo ma ka Baibala. 16. Puhaka. - na ake mimi, ma ka olelo Hebera. ko loko loa o na mea maloko o ke kino. I keia mau la ua manaoia o ka lolo poo oia no ke kiko waenkonu o ke ano ike o ke kanaka. 17. Huahua.- me ka iini e loaa ko ka poe hewa. Ua nui loa keia manao e ino ai. Mkau- aole keia ka manao o ka mea auhee wale, aka nae ka manao o ka mea aialo me ka eehia. 18. Hope. - me ka manao he uku hana no hoi. Aole kaupaona o ka wa ola mamua o ka manao ana i kekahi kanaka oia no he mea pomaikai. 19. Hoolohe, o kekahi pilikia ano nui o na kanaka oia no ka hoole ana i na olelo no o hai. 20. Noho- o kekahi poino ano nui no ka poe opio oia no ka launa pu ana me ka poe hewa. Ua ikeia ke ano o ke kanaka ma ka ike ana i ke kulana o kona mau hoalauna. 21. Ilihune, - e pau koke ana na waiwai. He mea maalahi ka hoouhauha ana i na $20,000,000 e like me ka hoouhauha ana i na $20. Aole lilo ka poe waiwai i poe kuonoono ma ka hoolilo wale ana i ko lakou mau dala, aka nae ma ka ana ana i na dala i mea e ilio aku ai no na hana hoopukapuka. Makua, O kekahi kumu no ke ano nui o ka lahui pake oia no ka hana kuluma e hoolohe mau i na makua. Pehea ka lahui Hawaii: 23. Kuai, - aole hiki ke loaa ka pomaikai maoli ke ole ka hookaa ana aku i ke kumukuai kupono no ka pomaikai mamuli o kona kulana. 24. Makua - o na kanaka oo pomaikai loa oia no na mea keiki maikai: o ka poe opio pomaikai oia no na keiki no lakou he mau makua naauao. 25. Hauoli - a nui loa na makua ma ka nana ana i ka pomaikai oi o ko lakou mau keiki. Ua pau ka pomaikai o na makua no lakou na keiki lalau, auawana, hewa.
1. Ka iini o na makua naauao, 15-19. Heaha ka iini hohonu loa o na makua naauao? Heaha ka naauao? Ina aole i loa ka naauao? Heaha ka naauao? Ina aole i loa ka naauao ma ke ano hanau, pehea e loaa ai? Heaha ke kumu no na huaolelo @naau @puhaka. He @hewa @ana @a @huahua i ka poe hewa. Aka hoi aole anei lakou ka poe nona ka pomaikai nui loa? Ina paha ua @kapillia ke kuoonoono i ka hana pono, pehea e maopopo okoa ai ka poe imi pono. ame ka poe imi pomaikai? Heaha ka manao kumu o ka pono? He naauao anei ka mea e nana ole ana i na hopena o kona mau hana? I kela manawa keia manawa e pono anei ke hana i ka pono me ka makau ole i kekahi poino e pili ai paha i ka pono? Heaha na ano okoa o ka pomaikai a me ka lealea? Pehea e pale aku ai i ka ino o na huaolelo hoopunipuni? Ua kuhihewa nui anei ka poe opiopio ma ka noonoo ana i ko waho wale no? Heaha ka uku hana no ka mea huahua? no ka mea hoopunipuni? no ka mea puni lealea? Heaha ke alahele i ka pomaikai maoli, Halelu 92:7?
11. Na ino o na mea puni lealea, 20, 21? Heaha kekahi hewa ano nui o ka lahui Hawaii i keia mau la? Heaha ke kumu no na ino o na wai one? Ua kupono anei e hoopai i ka poe inu waiona? Heaha ke kumu no ka hoopai ana i ka poe kura rama? Ua maikai anei ka hoolilo ana aku i na dala no na ahaaina pinepine? Hiki anei i ka lahui palaualelo ke lilo i poe waiwai? Pehea e pili ai na poino i na waiona? Heaha ka olelo ao o ka Baibala e pili ana i na mea ona, 1 Korineto 6:10? Pehea i kue mau na waiona i ka maluhia o ka ohana? Heaha na hana kupono no ka poe imi pono i mea e pau ai na ino o na waiona? Heaha na kumu no ka hoole waiona?
111. Ka hauoli nui o na mea keiki, 22-25 - Pehea e hiki loa ai i na opio ke hoohauoli i ko lakou mau makua a me ko lakou mau kumu ao? Heaha ke kanawai elima? Hiki anei i ka mea hewa ke hooino io ia iho wale no? Heaha na kumu no ka hauoli o na makua i na hana pono o ko lakou mau keiki? E pono anei ke hoolohe like i ka makuakane a me ka makuahine? Heaha ka manao ma ka olelo paipai, "E kuai lilo mai i ka oiaio?" E hiki anei ke lanakila maluna o na ino o na waiona koe nae me ka hooholo loa ana i ka oiaio? Ma ka iini ana i ka pomaikai maoli e mau pu ana anei na puni lealea? E pono anei ke paipai i ka poe imi pono e kakauinoa i na palapala hoohiki hoole waiona?
Manao Pili. - Ua hooholo anei oe i ka manao e waiho aku a haalele loa i na waiona? 2. Ua manao anei oe o ka puni lealea oia no ka ala o ka pomaikai? 3. Ua noho anei oe ma ke ano he keiki hoolohe no ka Makua ma ka Lani? $. Ua lili anei oe i ka poe hoomaloka no ko lakou pokeokeo? 5. Ua haawi aku anei oe i kou aloha piha pono i ke Akua?
Moolelo o JULIUSA KAISARA @kakauia e Hoonaueueihe -- ka haku Moolelo Kauiana loa o Enelani.
(@Unuhiia & Jas. N. K. Keola.)
MOKUNA I.
Barutusa. E kohu lima kakuha loa auanei ka kakou hana e Kasiusa, Ke oki i ke poo a poke pu ae no i na lala, me he make inaina ala a hoomaiuolino aku; no ka mea he wahi lala wale iho no o Auatonio no Kaisara. E lilo ka kou i poe alana mohai. aole hoi i poe lole pipi e kasiusa. Ke ku lokahi nei kakou apau e kue i ka uhane o Kaisara, a iloko o ka uhane o na kanaka aole he koko; nolaila e kii pololei kakou i ka uhane o Kaisara, aole hoi e poke i na lala o Kaisara. Aka nae hoi e kahe ana no ke koko o Kaisara no ia mea! A e oʻu poe hoa akahai, e pepehi haaheo kakou iaia. aole e hoomainonio; e kaha kakou iaia i io kupono na na ilio hae: e lilo ko kakou mau puuwai, e like me na haku maalea, e hoouluku a inaina kupouli na kauwa, a mahope ano hoomalielie aku. Pela auanei e manaoia ai ua kupono loa ka kakou hana aole hoi no ka lili pilikino; a imua hoi o na maka o na poe noonoo ole, e kapaia auanei kakou he poe kalahala, aole he poe oeoehi-kanaka. A no maka Anatonio hoi. mai noonoo nona; no ka mea, aole hiki iaia ke onioni ae e likeno me ka lima o Kaisara ke moku ke poo o Kaisara.
Barutusa. Auwe no hoi oe e Kasiusa maikai e mai noonoo iaia: Ina he aloha kona no Kaisara, iaia ponoi wale iho no oia e u wale ai, - hilahila wale iho no a moepuu aku no Kaisara: a o kahi hana hiki wale iho la no ia iaia, oiai he puni lealea oia, he ahiu, a he ulaia hoi.
Terehoniusa. Aohe makau ana iaia, mai pepehi iaia: e ola auanei oia a kani wale no kana aka mahope aku.
Barutusa. Hamau! e helu i ke kani a ka @uwatl.
Kasiusa. He ekolu kani ana mai la.
Tereboniusa. O ka wa kupono keia e hookaawale ai.
Kasiusa. Aka he mea kanalua ka hele mai o Kaisara i keia la; Oiai ua ano @pai @hoomanao ana @oia i keia wa, @ano @keia @like @kekuna @ana @mau @no @ mea @he @hoowahaa @i @na @wehewehe @hipio. na @meauhana @a me na hana hoomanamana. Malia auanei paha, ma @mail o na @ouil pahaohao. na waeli kamahao o keiea po a me ke kaohi mai a na kilokilo e hiki kino ole ae ai oia i ke Kapitola i keia la.
Barutusa. Mai hopohopo ia mea. Ina oia e manaopaa pela. naʻu oia e hoomalimali aku; no ka mea he waipahe wale no oia ke olelo ia aku he puni wale a hou hewa na iae-hao i na kumu laau. na bea i na aniani, an elepani i na lua-meki, na liona i na welu. na kanaka hoi i ka pai wale ia aku no: aka, iaʻu e olelo aku ai iaia he hoopailua oia i ka poe olelo pai wale aku no. ae mai no oia, a ia wa oia i puni loa ai. Me nei au e hana ai: oiai ua hiki oa iaʻu ke hanai aku iaia i na olelo e hai-malule ao oia, a naʻu oia e lawe ae i ke Kapitola.
Kasiusa. Ae, o kakou no apau ke kii aku iaia ilaila.
Barutusa. I ka walu o ka hora; oia anei ka wa kupono loa?
@Cina. Oia paha ka polena, a mai haule hope nae.
Metelusa. Inaina loa a Ligariusa ia Kaisara no ka nukuia ana ona no ka mahalo ia ponape; pehea la oukou a pau i noonoo ole ai iaia.
Barutusa. E hele oe e Metelusa e kii iaia: he aloha oia iaʻu, a ua ike no oia i ke kumu: e hoouna wale mai no iaia ia nei, a naʻu oia e kalai aku.
Kasiusa. Ke uhi mai nei na kukuna o ke kakahiaka maluna o kakou; e haalele ana makou ia oe e Barutusa. A e na hoa, e hookaawale ia oukou; aka e hoomanao no mea apau i ka oukou olelo paa, a e hoike piha ia oukou he poe Roma Oiaio.
REV. DR. TEMPLE, ENGLANDʻS NEW PRIMATE.
The Right Rev. Fredrick Temple. bishop of London, recently appointed archbishop of Canterbury and Primate of all England is 74 years old and the son of an army officer. Gladstone made him bishop of Exeter years ago
O keia ae ke kii o kekahi o na Kahunapule kaulana loa o ka Ekalesia "Enelani." O Right Rev. Fredrick Temple kona inoa. He bihopa oia no Ladana, a i keia wa ua lilo oia i Akibihopa no Canterbury a o ka luna kiekie paha keia o na bihopa apau o Enelani. He 74 ka nui o kona may makahiki. a he keiki oia na kekahi aliikoa. Na pohakuhauoli oia i hoolilo i bihopa no Exeter i kahi mau makahiki i hala a nei.
Barutusa. E na keonimana maikai, e nana me ke ohohia ame ka nanaina hauoli. Mai noho a hoike wale mai ka nanaina i ka kakou hana; aka e hookuoo e like me na poe hana keaka Roma, me na nhane hauoli a me ka manao kupaa oni ole: a nolaila aloha pakahi oukou apau. (Puka iwaho na mea apau a koe o Barutusa.)
E Luciusa! E hiamoe loa nei? ua hiki no nae hou; e hooipo ia na kipona kekahu pua wai meli o ka hiolani: aole au mau hana ano nui, aole hoi he mau moeuhane pahaohao me na inea e hoouluku ai i ka noonoo o na kanaka; nolaila lea ku hiolani. (Komo mai o Poretia.)
Poretia. E Barutusa kuu haku!
Barutusa. E Portetia no hoi, heaha keia ou? Pehea oe i aia koke mai nei? Aole he mea kupono no kou oia kino ka mauna ana i kou kino nawaliwali i na ea huihui o ke kakahiaka.
Poretia. Aole no he kupono nou. Ua haalele ano e ae oe e Barutusa i kuu wahi moe; a i ke ahiahi nei, i ka wa paina, ua ku hikilele ae oe a holokei i o a ia nei, e nune a e kukule wale ana no me ka puili o na lima: a iaʻu i ninau aku ai i ke kumu, ua leha mai oe iaʻu me na nanaina piena. Ninau hou aku au: ia wa wauwau oe i kou poo. a keehi ino me kou wawae. A hele no hoi au; no koʻu makau i ka hoouluhua loa aku i kou mau manao uluku ua hele a pii ka ena, a no koʻu manao no hoi he mau kipona enaena wale iho no ia e like no me ka mau o na kane i kahi wa. Aole ono o ka ai, aole hoihoi e kamailio, aole hoi e hiamoe. a ina e maumaua loa aku ana keia kulana maluna o ue like me ia e haili nei maluna o kou kino, e hoohewahewa ana au ia oe, e Barutusa. E kuu haku aloha, e hoolawa mai iaʻu i ke kumu o kou kaumaha.
Barutusa. Aole maikai o koʻu oia kino, a oia wale iho la no.
Poretia. Nui ko Barutusa naauao, a ina aole he ikaika pono o kona kino, e pono @ oia imi i @kona @a @paa @ana
@Barutusa. Oia no hoi kaʻu e imi nei. E @Poretia @maihahi @e @hoi @hana
Poretia. Hele mai anei o Barutusa? a he mea kupono anei no ke ola kino ka hele kohana a e @mana aku i na ea puanuanu o ke kakahiaka? Auwe! he mai anei o Barutusa? a pela auanei oia a nihi malu ai mai kona wahi moe oluolu mai e aa aku e hui me na mai lele inoino o ka po. a e komo aku i na ea huihui-i-ka-iwihilo a maemae ole e hoonui ae i kona mai? Aole, e kuu haku: he kupono loa hoi noʻu ame koʻu kulana ilihia e ike au: a me ke pelu o kuu kuli. Ke hoohonehone aku nei au ia oe, ma o kuu nani mae ole o na la kinohi, ma o kau mau ole o kaili puuwai a mekeia hoohiki paa i hoohuiia ai kaua a lilo i hookahi. e hoike hookamani ole mai oe iaʻu ia oe iho, kou hapa kou mea i kaumaha ai. ame ke kumu i hiki mai ai i ou nei kela poe i keia po; no ka mea he eono a ehiku iho nei paha poe ia nei i keia po. i huna i ko lakou mau helehelena iloko no oia pouli.
Barutusa. Mai kukuli oe e Poretia akahai.
Poretia. Aole au e hana pela ina o Barutusa akahai oe. Iloko o ka berita maemae o ka mare, e pane mai e Barutusa, e koe anei au aole e ike i na mea huna e pili ana ia oe? He wahi mea apana a hoopili wale aku no anei au. e ai pu i kau papaaina, e hooluolui kou wahi moe, a e kamailio ia oe i kahi wa? Ke noho anei au ma ka lihilihi wale no o kou lokomaikai? Ina oia wale iho la no, alaila he wahine manuahi o Poretia na Barutusa, aole hoi he wahine mare.
Barutusa. O oe kaʻu wahine kupaa oiaio a hanohano, e like kou aloha imua oʻu me na kulu koko e kapalili nei i kuu puuwai pilihua.
Poretia. Ina o ka oiaio ia, alaila, e pono e ike au i keia mea huna. He oiaio he wahine au, aka he wahine a Haku Barutusa i berita ai; he oiaio he wahine au, aka he wahine inoa no, ke kaikamahine a Kato. Manao anei oe aole au i oi ae maluna o na wahine, ina o koʻu makuakane ae la ia me kaʻu kane mare? E hoike mai iaʻu i kou mau manao, aole au e kamilio wale aku; oia ka hoike o koʻu manao kupaa. ua hou kumu ole iho au a moku koʻu uhane; e hiki anei iaʻu ke auamo hoomanawanui i keia eha, aole hoi o na mea huna a kaʻu kane?
Barutusa. E na akua, e hooaokanaka mai iaʻu i kupono na keia wahine kupaa! ( He mea kieke.) Hamau, hamau! he mea kikeke. E hoi iki aku iloko o Poretia; a mahope e lohe no kou umauma i na mea huna o nei puuwai. E huaipau aku ana au ia oe i kau mau hana apau, na kumu apau i kaumaha ai koʻu nanaina. E haalele koke mai iaʻu. ( Puka o Poretia).
E Luciusa, owai kela mea kikeke?
Luciusa, Eia he kanaka homali, e ake e kamailio iho nei. E nee ae ma kahi a e ke keiki. Pehea oe e Ligariusa?
Ligariusa. He manao ilihia kakahiaka keia mai ka waha @omail mai.
Barutusa. Ua hoonahoa no hoi oe i aa mai neii e hele mai e Ligariusa hopo ole, me ke kahei i ka hainaka! Ina no hoi aole ou nawaliwali!
Ligariusa. Aole oʻu nawaliwali ina he hana ano nui ka Barutusa e kohu pono ai ka inoa hanohano
Barutusa. He hana kaʻu Oia ana e Ligariusa, ina he ikaika pono kou pepeiao e hoolohe mai.
Ligariusa. Ma o na akua apau a na Roma e pelu nei na kuli, ke kuehu nei au maanei koʻu mai. E ka uhane Roma? E ke keiki wiwo ole, i haakohua mai e na puhaka maemae! Ua like oe me ke kahuna nana i hoola ae nei kuu uhane @omaimai. Ano e kauoha mai iaʻu, e holo a e hookuku no au me na mea pohihihi @ina a e eo no lakouʻiau. Heaha ka hana?
Barutusa. He wahi apana hana keia e pau ai ka mai o na kanaka homali.
Ligariusa. Aka, aole anei he loaa i ka mai kekahi poe kino ikaika?
Barutusa. He mea nele ole ia. E hoike aku ana au ia oe e Ligariusa i ka hana. oiai e hele aku ana kakou e hooko.
Ligariusa. E keehi i kou kapuai, a e like me ka puuwai i hoenaena hou ia e ukali no au ia oe e hana i ka mea aʻu i maopopo ole ai: aka ua lawa oiai o Barutusa koʻu alakaʻi.
Hoolaha Loio
W. R. KAKELA,
Loio a he Kokua ma ke Kanawai
HE LUNA HOOIAIO PALAPALA.
Hoolaha @Humau
Wilder & Co., (WAILA MA.
Mea kuai papa a me na Lako kukulu hale o na ano a pau, a me na mea e ae a pau e pono ai o ka hale.
PAPA! PAPA!
AIA MA KAHI O
LEWERS & COOKE
(LUI MA)
Ma ke kahua hema o Alanui Papu me Moi.
E LOAA NO NA
PAPA NOUAIK
O kela a me keia ano,
Na Pani Puka, na Puka Aniani, na Olepelepe, na Pou, na Oʻa, na Papa Hele, na Papu Ku, me na Papa Moe he nui i a
@NV PILI HALE O NA ANO A @PAU
a me na
WAI HOOHINUHINU NAN.
O na ano a pau loa.
Na Balaki o na Ano he Nui Wai
Ke hai ia aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau e ili ana maka laua oihana no ka
UKU HAAHAA LOA,
E like me ka mea e holo ana mawaena o Laua a me ka Mea Kuai.
Hele Mai e Wae no Oukou Iho.
2396 0
HOOʻAHA KUMAU.
Aole loa e maikai a oluolu ke ola ana o kekahi mea @kino @ ua @....... ina he aaiole kona @akepeia a @nui.... ke lawelawe i kana mau @hana @me ka hoololea. E hahai ana ka mea @ano a me ana nawaliwali e ae @ua @kuai ali o ke ake @ponalo. He mea oiaio keia o hooiaio ia na @ia @na @mea na @poai oluolu akau iloko o ka @kaha keneturia, o na
HUAE A AYRES
Oia wale no ka LAAU HOOLAAKE maikai looa i @ikela. E hoola ana i ka lepopaa, ka @paau eha, na maʻi oloko o ka opu, a na ke ano LAAU OHANA aohe @ona @koho like ai.
O ka Ayers Sasaparila, oia
ka Laau Hoomaemae koke kilakila e haawi ai i ka ikaika a me ka hooponopono ana ia loko o ke kino ke o ka ili, e hoopau ana i na malumalu kanaka. E pepehi a ulupa ana i na PUHA, e hoola ana i na @pohapahahi o ke ola ana a e kipaku loa a na ano maʻi a pau. O ka poe mea no ka wali pono ole ka @ai, ka nawaliwali mau a ano maʻi e ae i ulu ae mai ke koko ino mai, he nee pono e inu i ka laau
SASAPARILA A AYERS
He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.
O ka Ayers Cherry Pectoral
laau, aohe lua ma ka hoola awiwi ana i na KUNU, ANU a me na PUU EHA, E hoola ia na KUNU KALEA a me na maʻi pili i ke ake me ka hikiwawae loa.
O na huaale a Ayers, na Sasaparila a me ka Ayers Cherry Pectoral aia kahi e loaa ai ma ka @Halo kuai o ka
HOLLISTER DRUG CO, LT.
Na Agenda ma ka @Paeaina Hawaiʻi
2514
KAKELA ME KUKE
Ka Halekuai Nui
o na
WAIWAI LIKE OLE
NA MEA
HANA KAMANA APAU
Na lakou pili hao kukulu hale. Na kepa, na lei ilio, Na kaulahao ilio, Na Pahi, Na Upa, Na kope hale, Na @Palaia ao
PALAU LIO
Na mea @......, Na @ano, Na @auke, Na @kua bipa, Na lei bipi, Na kaulahao bipi, Na uwea pa, Na kaa palala, Na mea pinia, Na ipuhau
MAKAU ME AHO LAWAIA
Na Iliwai, Na kaula, Na hulu pena, Na pulumi, Na pena, me ka aila. Na kopa, Na aila maha, Na pakeke, Na pakeke hao, Na Kapu hau, Na pauda, Na kukaepele, Na uwiki a me Na ipukukui.
MIKINI HUMUUMU AULANA
WILCOX, & GIBBS HOOKAHI LOP
Ka Remington, Elua Lopi
me na ukana he @ nu @ela a no me @keia @mea
KAKELA ME KUKE
@18 6