Ka Nupepa Kuokoa, Volume XXXVI, Number 3, 15 January 1897 — HOOKUUIA O REV. J. WAIAMAU. [ARTICLE]

HOOKUUIA O REV. J. WAIAMAU.

Mamuli o ka olelo hooholo o ka Ahahui o Oahu ua malamaia he halawai Eka!esia ma ka luakini o Kaumakapili ma ke kakahiaka o ke Sabati. Jan. y. 0 Rev. O. H. Gulick ka Lunahoemalu. I a hoike o Huakai, ka elele 0 ka Ekalesia. i na hana o ka Aha e pili ana i ka palapala noi o Rev. J. Waiamau. a ninau o S. H. Oni 1 ka manao o ka Ekalesia e pili ana i ka hookuu ana i ko lakou kahu. Ua ae mai ka Ekalesia. alaila. ua hoike mai ke Komite Hooko, mamuli o ka olelo hooholo o ka Aha. ua hookuuia o Rev. J. Waiamau mai kona oihana kahu aku. Ua heluhelu no hoi ke komite i keia mau olelo hooholo. Oiai ua lohe keia Aha me ke kaumaha nui i ka ulia poino i loaa i ko kakōu hoahanau i aloha nui ia, Rev. J. Waiamau, a oia ke kumu no kona noi ana e hookuuia oia mai kona oihana kahu aku, nolaila, Hooholoia, Ua komo pu keia Aha i na haawina kulipolipo o ka ehaeha me ko kakou hoahana. Ke hoomanao nei kakou me ka hoohanohano i kona mau hana kuio ma ka hooholo ana i k-i pomaikai o na Ekalesia Euanelio o Hawaii nei, a me ka holopono o na haaa ma na Aha Kuka ona ano okoa. Ma kona nawaliwali i keia mau la ke hoomaopopo nei kakou i na hemahema nui no ka pau ana o kana mau hana. Ke lana nei ka manao aole i pau kana lawelawe ana no ka pomaikai o ka lehulehu, nana e kokua nui me ka leo a me na manao kupono ma ka hoonolo mua ana i ke Aupuni o ko kakou Haku lesu Kristo. Hooholoia, Ua nui ko kakou aloha 1 ka Ekalesia o Kaumakapili i hooneleia me ka emoole, e like me ka ohana makua ole. Ke pule nei kakou e nooholo ia lakou i ka launa pu ana o ka Uhane Hemolele me kona alakai ina.i ana ia lakou e hoomau i ka hana a ka Haku. Hooholoia, E lioounaia aku keia mau olelo hooholo i ko kakou hoalawehana. a e heluheluia imua o ka Ekalesia o Kaumakapili. a pau ia ma ka nupea Kuokoa.