Ka Nupepa Kuokoa, Volume XXXVI, Number 7, 12 February 1897 — Page 3
| This text was transcribed by: | Kenika Lorenzo |
| This work is dedicated to: | Awaiaulu |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINE O OAHU
MANAWA HOLO.
Mai a Mahope aku i Iulani 5, 1895
Will of Ewn, aka kana ua la apau, koe e sabati.
Hiki i waianae, ua la apau.
Hiki Will o Ewa, ua la apau.
Hiki Waianae, Poaono me Sabail wale no.
Hiki i Waianae, ua la apau.
AM. AM. PM. PM. PM.
Esalele ialManana 7:49 9:58 2:2@ 2:28 5:53
Esalele Wili o Ewa 8:10 10:19 2:49 6:14
@@@@ Waianae - 10:54 - 8:24 6:49
Waianae na
la'a pau.
Wili o Ewa
Kaa Ukana
Na la a pau
Koe Sabati
Waianae na
la a pau.
Wili o Ewa
na la a pau.
Hiki i Waia-
nae na Poao-
no me Sabati
A.M. A.M. P.M. P.M. P.M.
Esalele ia Waianae 6:44 - 1:32 - 4:16
Esalele Wili o Ewa 7:19 9:10 2:07 3:51 4:51
Esalele ia Manana 7:50 9:48 2:38: 4:22 5:22
Hiki i Honolulu 8:23 10:30 3:11 4:55 5:55
E lawe ana na kaa ahi hali ukana i na kaa @@@@ o ka papa ekahi
@@@ DENSION,
Luna. F.C. SMITH,
Luna Kuai Palapala Holo.
NU HOU HAWAI'I
----------------
Ua haalele aku o John D. Holt i kona noho lawelawe ana no ka Baneko Hale @@ta ma ka Poakahi aku nei.
----------------
Ua haalele aku o W. O. Kamkika i ke @@lana Peresidena no ka Papa Ola, a ua lilo ae nei ia wahi ia Kuhina Cooper
----------------
Nui ko makou mau manao i hoopa@@ ia mai ka pepa aku o keia pule, no @@ piha i na waiwai kuloko o ka pepa.
----------------
Ma ke ahiahi o ka la apopo, hora 7:30, @ haawiia ai ka helu elua o na haiolelo kanawai maloko o Foster Hall, ke ole @@@ e loaa he mea akeakea.
----------------
He moolelo loihi ka makou e hoo@@ka aku ana ma ko makou pepa o keia @@le ae, no ka mea e pili ana i ka @@akai a Liluuokalani i ko na aina e.
----------------
Mamuli o kekahi ulia, ua lilo loa mai @a o Mr. Noah Kepoikai ame Mr. Sam Nowlein i Honolulu nei i keia pule, maluna o ka oneki oni palua o ke Kinau moku.
----------------
Ma ka mokuahi Kinau i ku mai ai ma ka Poalua nei, no Honolulu nei, i huli hoi mai ai o Mr. Wallace R. Farrington, ka lunahooponopono o ka nupepa P.C. Advertiser.
----------------
Ua hoopaneeia ka moolelo o "Ka Mea Huna Pohihihi o Hametona" a keia pule ae; a pela pu me ka palapala a ko makou mea kakau e noho mai la i Santa Cruz.
----------------
Ua hala aku o Mrs. J.L. Kaulukou me Master Kaulukou ma luna o ka mokuahi Mauna Loa no Hawai'i. I holo aku nei oia e ike i kana kaikamahine, oia o Mrs. Noah Kauhane, e noho mai la i ka "Ua Haao."
----------------
E Mrs. Lucy Dickey, o Lihue, Kauahi, ke "o" ae nei kau leo kahea i ko pili koolua, ma ke Kilohana o keia la. E nana ae. Malia o hoi mai kela, pau ka "Eha ana o ko iwiaoao i ka moe hookahi." Kapaia "o" ae nei.
----------------
Ua haawi ka Aha kiekie i ka pono no Mr. J.D. Parisa o Kona, Hawaii, ma kana hihia hoopii hoohalahala no ka mea pili i kona hoopiliia ana malalo o ke Kanawai Helu Kanaka. Ma ka Mauna Loa o ka Poalua nei i huli hoi aku ai oia no "Kona kai opua i ka lai."
----------------
Ma ka huli hoi ana aku nei a ka mokuahi Australia ma ka Poakolu nei no Kapalakiko i huli hoi aku ai o Miss Richard Grace, kaikuahine o Mr. Richard o ke Kula Kamehameha, no na kaiaulu o Amerika. Hookahi paha makahiki ana e noho ai a hoi hou mai oia no Hawaii nei.
----------------
O ka Poaha nei (Feb.11), he la "kiulala" ia no ka poe Iapana, no ka hoomanao ana i ka poniia ana o Jimmu Tenno, ka Emepera mua loa o Iapana ma ka B.C. 660, a o keia nohoi ka la i kukalaia ai ke Kumukanawai ma Iapana ma ka makahiki 1889, e ka Emepera e noho nei.
----------------
Ua loaa mai nei ia William L.Wini, kekahi haumana o ke Kulanui o Punahou i puka pono, ke kulana hanohano maloko o ke Kulanui o Oberlin, ma ke ano oia ka mea haiolelo akea no keia kau hoomaka hou o ke kula. Ua lilo iaia keia hanohano mailiko mai o ka huina o 100 a oi haumana e loko o ko lakou papa kula.
----------------
O ka põe i kuleana i na aina Manoa. Kona, Oahu, i ikeia o Haukulu ame Aihualama, he kahea ka no Kamisina Pa i keia la no ka makaala ae oia poe ma ka la 27 o nei malama, no ka hooholo ana i pa mahele aina. E nana ae ma ka hoolaha e puka aku nei ma ka pepa o keia la, malalo o ke poo Ma ke Kauoha."
----------------
He mea Pono i kela ame keia ohana ke loaa on a laau lapaau mama no na ma'i o ka opu. I laau lapaau puhili ole no ka "Moku ino loa o ke lepo" (Diarhea) Nahu, Umili Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau ia nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.
----------------
He nui ka makou mau mea hou o na aina e i hoopaneeia a keia pule ae
----------------
E haalele aku ana ka luna nui o ka mahiko o Waianae ia laila, a e hoi ae ana oia i luna nui no ka hui mahiko o Oahu nei, a e lilo aku ana kona wahi ia Mr. David Center, i noho ai ma ka hui mahiko o ke Kula-o-ka-Maomao.
----------------
Ua lauaheaia ae, e holo aku ana he umi poe keiki Hawaii maamaalea i ka himeni no Kapalakiko, ma keia mua kokoke iho no ko lakou hoowalea himeni aha maloko o kekahi o na halekeaka o ko Kapalakiko mau kaiaulu.
----------------
Ua waiho mai o Mr.W.W. Chamberlain (Kamalena Opio) i kona noho lawelawe ana no ka hale oihana pa'i a makou e noho hana nei i keia wa, a ua oaa iaia he kulana hou maloko o ka halekuai o W.W. Dimond. Ua lohihi loa na makahiki o kona lawelawe ana iloko o keia keena pa'i a he kana opio i hilinai nui ia e na haku. Ua paniia kono wahi e Charles Crance, o ka Hui Telepone Mutual.
----------------
Ua hoao pono maoli au i ka LAAU KUNU a KAMALENA, a ua hoomaopopo au, oia kekahi o na laau maikai loa no ke kunu-ho a'u i ike ai. Hookahi no inu ana, ua lawa, eia nae ua inu pinepine nae au. E ola ana ke anu e loohia iho ana i ka'u poe keiki ke inu i keia laau. Ke hoike kanalua ole aku nei au, he laau maikai loa keia no ke kunu-ho ame ke anu iloko o na kaiki. Geo. E. Wolfe, Kakauolelo o ka Aha Kaapuni, Fernandina, Fla. E kuai ia ana e na poe kuai laau lapaau apau. Benson, Smith & Co., na Agena no ko Hawaii Pae Aina.
--------------------------------
Na Make o Honolulu
----------------
O ka nui o na poe make o Honolulu nei, ma ka malama o Ianuari aku nei, he 52. Na kane, 35; na wahine, 17. He 25 poe Hawaii maoli, he 8 Pake, 2 Pakiki, 9 Iapana, 1 Bertiania, 7 Amerika. Apana 1, 14; apana 2, 13; apana 3,12; apana 4,6; apana 5,7. O ka nui o na make ma Ianuari, 1893, he 38; Ianuari, 1894, he 48; Ianuari, 1895, he 49; Ianuari, 1896, he 51.
--------------------------------
Hoolaha Mana Hooklokoolo.
--------------------------------
AHA KAAPUNI O KA MAHELE KA-apuni Elima o ko Hawaii Pae Aina. Ma ke Keena. Hooponopono Waiwai. Ma ka Hana o ka Waiwai o S. Kaiu (k) o Waipouli, Kauahi, imua o Lunakanawai Hardy. Kauoha Hoolaha no ke Noi Hooponopono Waiwai.
Ma ka heluhelu âme ka waihoia ana mai o ke Noi a Wahine Kaiu (w), wahine kanemake a ka mea i make i olelo ia ae nei, e olelo ana ua make kauoha ole o S.Kaiu, o Waipouli, ma Waipouli, ma ka la 24 o Ianuari, A.D. 1897. me ka waiho iho he waiwai maloko nei o ko Hawaii Pae Aina i kupono ke hooponoponoia, a e nonoi ana e hoopukaia na Palapala Hookohu Lunahooponopono Waiwai iaia (Wahine Kaiu w).
Ua kauohaia, o ka POAHA, la 18 o Maraki, A.D. 1897, hora 10 A.M. (kakahiaka), ka manawa e hooloheia ai ua Noi la ma ke Keena Hookolokolo o keia Aha ma Lihue, a ma ia manawa. a ma ia wahi e hele mai ai na poe apau i kuleana ma ia hana, a e hoike mai i kumu, in a paha he kumu ka lakou, nokeaha la e ae ole ia ai ia Noi, a w hoolahaia aku keia kauoha ma ka Olelo Hawaii no ekolu pule kai-like, maloko o ke Kuokoa, he nupepa ma Honolulu.
Hanai, Lihue, K.H.P.A., Febernari 4, 1897
Na ka Aha:
R.W.T. PURVIS
2637-3t. Kakauolelo.
--------------------------------
AHA KAAPUNI O KA MAHELE
Kaapuni Ekolu o ko Hawaii Pae Aina. Ma ke Keena. Hooponopono Waiwai. Ma ka hana hoonoho Kahu Hanai no Hattie Hulani Jones. Oliver Kealoohalani Jones, John Meddles Jones, ame Violet Launa Jones. Kauoha hoolaha no ke Noi no ka hoonoho kahu hanai
Ma ke heluhelu âme ka waihoia ana mai o ke Noi a Thomas N. Haae o Kona Hema, Hawaii, e olelo ana, ua make kauoha ole o Meleaka Jones o Kona Hema, Hawaii, ma Kona Hema, Hawaii, ma ka la 16 o Dekemaba, A.D. 1894, me ka waiho ole ana iho i waiwai maloko nei o ko Hawaii Pae Aina i ke hooponoponoia, a e nonoi ana e hoopukaia na Palapala Hoonoho Kahu Hanai ia Mr.J.W. Kuaimoku ame Mrs. Luaika Kuaimoku. Ua kauohaia, o ka POAKOLU, Aperila la 7, 1897, ma ka hora 10 A.M. (kakahiaka), ka manawa i kauohaia no ka hoolohe ana i ua Noi la, ma ke Keena Hookolokolo o keia Aha ma Kailua, Kona Akau, Hawaii, a ma ia manawa a ma ia wahi e hele mai ai na poe apau a hoike mai i kumu, in a he kumu ka lakou, nokeaha la e ae ole ia ai ua Noi la.
Hanaia, Hilo, K.H.P.A., Ianuari 27, A.D. 1897.
E.G. HITCHCOCKLunakanawai o ka Aha Kaapuni o ka Mahele Kaapuni Ekolu.
Hooiaioia:
DANIEL PORTER,
Kakauolelo o ka Aha Kaapuni, Mahele Kaapuni Ekolu.
2637-3t.
--------------------------------
Hela âme Keia.
----------------
HOOLAHA KOMISINA PA, APANA O KONA MOKUPUNI O OAHU.
----------------
Mamuli o ke Noi a John Ena e hooholoia ka ninau no ka pa mahele mawaena o na aina e nohoia nei a e paa ia nei e ia ma Manoa, Apana o Kona, Mokupuni o Oahu, ame na aina i onaia a e paaia nei e Frank Sylva ma ua Apana la, a i ikeia o Haukulu ame Aihualama.
Ke haawiia aku nei ka hoolaha akea i na poe apau i kuleana., a i ko lakou mau Agena e hele mai imua o makou ma ua mau aina la ma ka la 27 o Feberuari, 1897, ma ka hora 9:30 a.m.
i hoomoeia ai ka laina oki e ku ai ua pa la a e hooholo i ke ano o ka pa e kukulu ai ame ka manawa e hanaia ai ia pa a paa.
JAMES H. BOYD, Lunahoomalu;
ARTHUR B. WOOD
S.M. KAAUKAI
Honolulu, Feb. 9, 1897.
2657-3t.
--------------------------------
OLELO HOOLAHA.
----------------
E ike auanei na kanaka a pau ma keia, owau o Mrs. Lucy Dickey no Hanalei, Kauai, ke kahea aku nei au ia William Dicket (America) ka'u kane mare, e hoi mai maua e noho pu iloko o ka berita maemae o ka mare.
No ka mea, ua haalele mai oia ia'u ame ka bela o maua, a o ka piha keia o na makahiki ehiku a oi, o kona nalowale ana, aia la oia mahea kahi i hoolalao ai? Ina aole oia e pane mai ana iau, iloko o na mahina eono mai keia la aku, alaila, e manao no au, ua make oia, a i ole, aia paha ma na aina e, o ko'u imi hou aku no ia i makua no'u. "Eha ka iwi-aoao i ka moe hookahi."
Oway iho no me ke aloha,
MRS. LUCEY DICKEY
Kapaia "o" ae nei.
Lihue, Kauai, Feb. 6, 1897.
2637-3t.
--------------------------------
OLELO HOOLAHA HOOPAU HUI.
----------------
O ka hui i ku ai mamua aku nei mawaena o Peter High ame John S. B. Pratt, no Honolulu kela ame keia o laua, ma ka Mokupuni o Oahu, ma ka inoa o "Peter High & company," ma ka oihana hoopaa aelike, kukulu hale a hana wili, ua hoopauia ma ka la 30 o Ianuari, A.D. 1897, koe wale no nae ka mau ana o ua hui nei no ka hana e pili ana i ka ohi ana mai ame ka hooko ana'ku i ka hookaaia mai o na 'aie ame no koi i hookaa ole ia mai, ame ka uku ana i na koi maluna o ua hui la i kona mau waiwai apau, koe wale no na helu aie ame na koi i oleloia ae la, i ka Enterprice Mill Company, i kaupalena ia, he hui Hawaii i hoohuiia, a na ia hui e hoomau aku i na hana o ua hui nei.
Hanaia, Honolulu. H.I., Ianuari 30, A.D. 1897.
PETER HIGH,
JOHN S. B. PRATT.
2636-2t.
--------------------------------
OLELO HOOLAHA HUI.
----------------
Ke hoolahaia aku nei ma keia:
1. Ua hoohui ae nei o J. Coerper o Kona Akau, Mokupuni o Hawaii, ame J.E. Gomes, o Honolulu i keia wa, Mokupuni o Oahu.
2. O ka hana a ia hui e hana ai, oia ka lawelawe ana i ka oihana mahiai ko ame na mea kanu e ae ma Kona i oleloia, a e malama a e lawelawe i halekuai kuai liilii ma Kona i oleloia.
3. O ka inoa o ua hui la oia o "Coerper & Gomes."
4. O kahi e lawelaweia ai ia oihana, aia no ia ma Kona Akau.
Ikeaia:
J. COERPER âme J.E. GOMES.
Honolulu, Feb. 2, 1897. 2636-2t.
--------------------------------
E PANIIA ANA
----------------
E hoomaka ana ma ka Poakahi, Feb. 1, e kuaiia aku ana kuu mau Waiwai
Daimana
A ME NA MEA
Gula,
Mamua ae o ka La 1 o Maraki, 1897.
E kuaiia aku ana keia mau mea apau me ka nana ole ia o ko lakou mau Kumukuai mua.
He kuai MANAO MAIKAI maoli keia, a he wa maikai loa keia no ke kuai ana i na waiwai no ka hapakolu o ko lakou mau waiwai-io, aohe manawa hou aku elike me keia. He mea pono ke loaa na pomaikai e haawiia aku nei ma keia kuai lua ole o ka makepono.
O ka poe apau he mau waiwai ko lakou ma ko'u keena hana, e kii mai ia mau mea mamua ae o ka la 1 o Maraki ae nei.
J. E. Gomes
Halepohaku o McInerny, 409 Alanui
Papu. 2636-1m
--------------------------------
Hoolaha Moraki
--------------------------------
HOOLAHA MAKEMAKE HOOKO MORAKI AME KUAI A KA MEA MORAKI
----------------
Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la 24 o Septatemaba, 1895, i hanaia e M.S. Levy, o Honolulu, Mokupuni o Oahu, ia Theo. H. Davis & Co., Kaupalenaia. no Honolulu i oleloia, i kopeia ma ke Keena o ka Luna Kakau Kope o na Palapala Hoolilo, maloko o ka Buke 157, aoao 144, 145 ame 146, ke makemake nei ka mea moraki i oleloia ae nei e hooko aku i ua moraki la no ka uhakiia ana o na kumu maloko o ua moraki la, oia hoi: ka uku ole ia ana o ke kumupaa ame ka ukupanee i ka wa e oo ai.
Ke hoolahaia nei hoi ma keia, e kuaiia aku no ma ke kudala na kumu waiwai kalepa apau o kela ame keia ano, na mea i paa ma ia waiwai, na lako paahana kuai ame na pono apau, i paa mloko o ua palapala moraki la a i hoakakaia hoi ma ke Keena Kudala o James F. Morgan, e ku ana ma Alanui Moiwahine, ma Honolulu i oleloia, ma ka Poakolu, la 10 o Maraki, A.D. 1897, ma ka hora 10 A.M. o ua la 'la.
----------------
O na waiwai i paa a i hoakakaia maloko o ua moraki la, oia na Lole, na Kihei, na Huluhulu, na Libine ame na Lole apau o kela ame keia ano, na Pono Halekuai, na Pahu aniani, pakaukau, a pela aku.
Oia na lole na waiwai kalepa apau o ka oihana halekuai i lawelaweia iho nei e M.S. Levy ma Honolulu.
THEO. H. DAVIES & CO.,
(Kaupalenaia),
Mea Moraki.
Kuike ke Dala.
No na mea i koe aku, e ninau ia
Thurston & Stanley. 2637-@t
--------------------------------
HOOLAHA HOOKO MORAKI AME KE KUAI A KA MEA MORAKI.
----------------
Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la 10 o Septatemba, 1894. i hanaia e S.W. Mahelona ame Emela Mahelona, kana wahine, no Kalihi-kai, Oahu, ia John Hind o Kohala, Mokupuni o Hawaii, i kopeia ma ke Keena Kakau Kope, Oahu, ma ka 151, aoao 49, 50, 51, ke makemake nei o John Hind i oleloia, mea moraki, e hooko aku i ua moraki nei no ka uhakiia ana o na kumu i paa maloko o ua moraki la, oia hoi ka uku ole ia ana o ke kumupaa ame ka ukupanee i ka wa i oo ai.
Ke hoolahaia aku nei ma keia, e kuaiia aku no ma ke kudala na aina apau, na pono apau maluna iho a i pili i ua mau aina la i paa maloko o ua moraki la, a i hoakakaia ma ke Keena Kudala o JAmes F. Morgan, ma Alanui Moiwahine, ma Honolulu, ma ka POALUA, la 9 o Maraki, 1897, hora 12 o ke awakea.
----------------
O ka waiwai i paa ma ua moraki la penei i hoakakaia ai: O kela mau apana aina lehulehu e waiho ana, e moe ana a maloko hoi o ka Apana o Kona, Mokupuni o Oahu, i hoakakaia na palena maloko o ka Palapala Sila Nui Helu 732 ia Kelulou, a maloko nohoi o ka Palapala Sila Nui Helu 1506 ia Nawai.
Kuike ke Dala, ma ke Dala Gula o Amerika Huiia.
O na lilo palapala kuai i na mea e kuai mai ana.
JOHN HIND,
Mea Moraki.
Hanaia, Honolulu, Feb. 5, 1897.
No na mea aku i koe e ninau ia
J. ALFRED MAGOON,
Loio no ka Mea Moraki.
2637-4t.
--------------------------------
HOOLAHA MAKEMAKE HOOKO MORAKI AME KE KUAI A KA MEA MORAKI.
Ke hoolahaia aku nei ma keia, mamuli o kekahi mana kuai i paa maloko o kekahi moraki i hanaia ma ka la 5 o Okatoba, 1894, i hanaia e Sing Mai (oia hoi o Lai Sin Mac) no Honolulu) Mokupuni o Oahu ia John Hind o ka Apana o Kohala, Mokupuni o Hawaii, i kopeia ma ke keena Kakahu Kope, Oahu, maloko o ka Buke 151, aoao 211, 212, 213, ke makemake nei o John Hind i oleloia, mea moraki, e hooko aku i ua moraki nei no ka uhakiia ana o na kumu i paa maloko o ua moraki la, oia hoi: ka uku ole ia ana o ke kumupaa ame ka ukupanee i ka wa i oo ai.
Ke hoolahaia aku nei ma keia, e kuaiia aku no ma ke kudala na aina apau, na pono apau maluna iho a i pili i ua mau aina la, i paa maloko o ua moraki la a i hoakakaia, ma ke Keena Kudala o W.S. Luce, ma Alanui Moiwahine ma Honolulu i oleloia, ma ka Poakahi, la 8 o Maraki, 1897, ma ka hora 12 awakea.
----------------
O ka waiwai i paa ma ua moraki la, penei i hoakakaia ai:
O kela mau apana aina apau e waiho ana, e moe ana a maloko hoi o Kalihiwai, Hanalei, Mokupuni o Kauai, Ko Hawaii Pae Aina, i hoakakaia ma ka Palapala Sila Nui Helu 7431, Kuleana Helu 9285 ia Beki Kekaululu.
Kuike ke Dala, ma ke Dala Gula o Amerika Huiia.
O na lilo palapala kuai i na mea e kuai mai ana.
JOHN HIND,
Mea Moraki.
Hanaia Honolulu, Feb. 5, 1897.
No na mea aku i koe e ninau ia
J. ALFRED MAGOON,
Loio no ka Mea Moraki.
2637-4t.
--------------------------------
HOOLAHA HOOKO O KA MORAKI.
----------------
Mamuli o kekahi mana kuai i hoike ia maloko o kekahi palapala moraki i hana ia mawaena o Sam Wo Company o Kamoiliili, Honolulu, Oahu, o ka aoao mua, a me Ah In o Honolulu i oleloia, o ka aoao elua, ma ka la 10 o Maraki, 1889, i kakau kopa ia ma ka huke 123, aoao 71 i hooliloia mai ia W.R. Castle, a mamuli o ka uhai ia ana o na kumu aelike o kela moraki, oia hoi no ka hookaa ole ia ana o ka ukuoanee ame ke kumupaa, nolaila, ke hoolaha ia aku nei e ka mea nona ka aoao elua o ua moraki nei e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honoulu, ma ka la 13 o Feberuari, 1897, hora 12 o ia la.
Aia ma kahi o W.R. Kakela na olelo hoakaka no keia mea. Hana ia i keia la 15 o Ianuari, 1897.
WILLIAM R. CASTLE,
Mea Moraki Mai.
Penei na aina i moraki ia:
Kela Mahi RAiki e waiho la ma Waikiki, Oahu. komo pu ana hoi na pono hoolimalima apau i hoikeia maloko o ka Papa Hoike i hoopili pu ia me ua moraki la, me na hale. na mea i kukuluia, na kahua kaula'i raiki ame na holoholona hana apau, na lako paahana o kela ame keia ano i pili i ua moraki la.
2634-4w.
--------------------------------
HOOLAHA HOOKO O KA MORAKI.
----------------
Mamuli o kekahi mana kuai i hoike ia maloko o kekahi palapala moraki i hana ia mawaena o Anuhea o Punaluu ame Hauula, Koolauloa, Oahu, o ka aoao mua, a me William R. Castle, Kahu, o Honolulu, o ka aoao elua, ma ka la 3 o Novemaba, 1892. i kakau kope ia ma ka buke 139, aoao 274, a mamuli o ka uhai ia ana o na kumu aelike o kela moraki, oia hoi, no ka hookaa ole ia ana o ka upupanee ame ke kumupaa ma ka wa e hookaa ai, nolaila, ke hoolaha ia kau nei e ka mea nona ka aoao elua o ua moraki nei, e hooko ana oia ia mau kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W.R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE, Kahu.
Mea Moraki Mai.
Penei na aina moraki ia:
O kela apana aina e waiho la ma Punaluu i oleloia, a i hoikeia ma ka Palapala Sila Nui 3924, Kuleana 3950 ia Nakolo, maloko o laila he 9 1/4 eka, i hoikeia maloko o ua Palapala Sila la, a he 16 loi maloko o laila a he Pahale, e waiho ana ma kahi kokoke i ka Hale Wili Raiki ma Punaluu i oleloia, a ua kuleana ka mea moraki mai ma ua aina la, ma ke ano alodio oiai oia ke keiki hookahi a hooilina hookahi e ola nei o Wahenaea (w) ka mea i kuai mai i ua aina la mai a Nakolo mai, ma ka Palapala Kuai i hanaia i Aug. 1, 1864, i kopeia ma ka Buke 19, aoao 40, a pela hoi na hale apau, ame na mea apau i kukuluia maluna iho a i pili i ua apana aina la.
2634-4w
--------------------------------
HOOLAHA HOOKO O KA MORAKI
----------------
Mamuli o kekahi mana kuai i hoike ia maloko o kekahi palapala moraki i hana ia mawaena o Lin Tai Wai Sing Cee Co. o Kamoiliili, Honolulu, Oahu, o ka aoao mua, a me William R. Castle o Honolulu i oleloia, o ka aoao elua, ma ka la 4 o Sepetemaba, 1890, i kakau kope ia ma ka buke 126, aoao 241, a mamuli o ka uhai ia ana o na kumu aelike o kela moraki, oia hoi, mamuli o ka hookaa ole ia ana o ka ukupanee ame ke kumupaa, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W.R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE, Kahu.
Mea Moraki Mai.
Penei na aina i moraki ia:
O kela Mahi Raiki e waiho la ma Moiliili, e kokoke ana i Kanewai, Oahu, e komo pu ana na kuleana hoolimalima apau i hoikeia ma ka papa hoike i hoopili pua ia me ka moraki, me na hale, na kahua kaula'i raiki, wili raiki ame na mikini malaila, pela hoi na holoholona hana apau, e komo pu ana na puaa ame na manu, na mea paahana apau, ame na lako hale ame na mea paa o kela ame keia ano i pili ma ia wahi.
2634-4w.
--------------------------------
HOOLAHA HOOKO O KA MORAKI.
----------------
Mamuli o kekahi mana kuai i hoike ia maloko o kekahi palapala moraki i hana ia mawaena o Lukela Kaaimanu a me Julia L. Kaaimanu o Punaluu, Koolauloa, Oahu, o ka aoao elua, ma ka la 10 o Iune, 1893; i kakau hope ia ma ka buke 145, aoao 14, a mamuli o ka uhai ia ana o na kumu aelike o kela moraki, oia hoi no na hookaa ole ia ana o ka ukupanee a me ke kumupaa ma ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka laa 13 o Feberuari, 1897, hora 12 o ia la.
Aia ma kahi o W.R. Kakela na olelo hoakaka no keia mea.
Hana ia i keia la 15 o Ianuari, 1897.
WILLIAM R. CASTLE.
Mea Moraki Mai.
Penei na aina i moraki ia:
O kela mau apana aina apau i hoikeia, penei:
1. Apana aina ma Waiono, Koolauloa Oahu, i hoikeia maloko o ke Kuleana 4347 ia Kuaewa, no 1 44-100 Eka.
2. Apana aina ma Waialee, Koolauloa, Oahu, i hoikeia ma ka Palapala Sila Nui 3512 ia Namohala 96-100 Eka, Kuleana 3808 ia Laipo, 75-100 eka, Kuleana 3889 ia Pukoloheu, 55-100 eka, Kuleana 4367 ia Kaahamoa 2 6-10 eka, ame Kuleana 4381 ia Kalaiku 67-100 eka.
2634-4w.
--------------------------------
HOOLAHA HOOKO O KA MORAKI
----------------
Mamuli o kekahi mana kuai i hoike ia maloko o kekahi palapala oraki i hana ia mawaena o Solomon Hale o Waihee, Mokupuni o Maui, o ka aoao mua, a me Robert R. Hind o Kohala, Mokupuni o Hawaii, o ka aoao elua, ma ka la 2 o Maraki, 1886, i kakau kope ia ma ka buke 98, aoao 144, a mamuli o ka uhai ia ana o na kumu aelike o kela moraki, oia hoi no ka hookaa ole ia ana o ka ukupanee ame ke kumupaa, no laila, ke hoolaha ia akui nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Mordan, ma Honolulu ma ka la 13 o Feberuary, 1897, hora 12 o ia la.
Aia ma kahi o W.R. Kakela na olelo hoakaka no keia mea.
Hana ia i keia la 15 o Ianuari, 1897.
ROBERT R. HIND.
Mea Moraki Mai.
Penei na aina i moraki ia:
O kela mau apana aina apau e waiho la ma Kula, Maui, penei:
1. A.O na apana aina apau ma ka P. Sila 4592 ia Kaahanui 1 70-100 eka.
1. O na apana aina apau ma ka P. Sila 2897 ia John Miller 71.80 eka.
2. O na apana aina apau ma ka P. Sila ia J. C. White 100 eka.
3. O na apana aina apau ma ka P. Sila 2043 ia M. H. Reuter 100 eka.
4. O na apana aina apau ma ka P Sila 3017 ia Peter Genet 104 eka.
5. O na apana aina apau ma ka P Sila 2044 ia J. Pierson 100 eka.
6. O na apana aina apau ma ka P Sila 2626 ia Wm. Freemont 100 eka.
7. O na apana aina apau ma ka P Sila 1204 ia J.C. White 122.45 eka.
Huina nui o na eka 689.25, oia na apana aina i hooliloia aku e ka mea moraki mai ma ka palapala kuai a ka Hui Mahiko o Waihee, i kopeia ma ka Buke 100 aoao 47.
2634-4w.
--------------------------------
HOOLAHA HOOKO O KA MORAKI.
----------------
Mamuli o kekahi mana kuai i hoike ia maloko o kekahi palapala moraki i hana ia mawaena o Baniamina o Waikapu, Mokupuni o Maui, o ka aoao mua, a me Samuel W. Wilcox o Lihue, Mokupuni o Kauai, o ka aoao elua, ma ka la 31 o Ianuari, 1889, i kakau kope ia ma ka buke 111, aoao 335 a mamuli o ka uhai ia ana o na kumu aelike o kela moraki, oia hoi, no ka hookaa ole ia ana o ka ukupanee ame ke kumupaa i ka wa e hookaa ai, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 13 o Feberuari, 1897, hora 12 o ia la.
Aia ma kahi o W.R. Kakela na olelo hoakaka no keia mea.
Hana ia i keia la 15 o Ianuari, 1897.
SAMUEL W. WILCOX.
Mea Moraki Mai.
Penei na aina i moraki ia:
1. Kela apana aina e waiho la ma Manono, Kau, Hawaii, maloko o laila he 228 eka, a nona ka Palapala Sila Nui 2658, a i hoikeia ma ka Buke 113, aoao 334.
2. Kela apana aina e waiho la ma Papahaku, Kau, Hawaii, maloko o laila he 105 6-10 Eka, a nona ka Palapala Sila Nui 2409, a i hoikeia ma ka Buke 113, aoao 334.
2634-4w.
--------------------------------
Mamuli o kekahi mana kuai i hoike ia maloko o kekahi palapala moraki i hana ia mawaena o Kalepa Pupu ame Paleia kana wahine o Kaliu, Honolulu, Oahu, o ka aoao mua, ame William R. Castle, Kahu i oleloia, Honolulu, o ka aoao elua, ma ka la 26 o Iulai, 1892, i kakau kopeia ma ka buke 139, aoao 154, a mamuli o ka uhai ia ana o na kumu aelike o kela moraki, oia hoi ka uku ole ia o ka ukupanee ame ke kumupaa i ka wa i pau ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoike ia ma ia moraki no ke kudala ana, ma ke keena kudala o Jas. F. Morgan, ma Honolulu, ma ka la 1 o Feberuari, 1897, hora 12 o ia la.
Aia ma kahi o W.R. Kakela na olelo hoakaka no keia mea.
Hanaia i keia la 6 o Ianuari, 1897.
WILLIAM R. CASTLE, Kahu.
Mea Moraki Mai.
O kela mau apana aina a pa-hale elua, ma ka aoao mauka o ke Alanui Kuakini ma Kaliu, Honolulu, i hoakaka ia: (1) Apana 22 o ka aina o Kaliu no S.E. Bishop, nona ka palapala kuai i haawiia aku iaia e ka Papa Hoonaauao i kopeia ma ka Buke 103, aoao 232, a i hooliloia aku ia Paleia (w) ma ka palapala kuai a S.E. Bishop, i hanaia i Iulai 26, 1892, i kopeia ma ka Buke 136, aoao 287; a (2) oia ka Apana 23 o ua mau apana la, i kuaila aku ia Kalepa Pupu, ma ka palapalakuai a ua S.E. Bihopa nei, i hanaia ma Iune 15, 1892. i kopeia ma ka Buke 136, aoao 259; a pela pu hoi me na hale ame na mea i kukuluia a i hanaia maluna iho a i pili paha me kekahi o ua mau apana la. no laua ka huina nui o 6500 kapuai. 2632-4t.
----------------
Ma keia, ua hoopaneeia ke kuai maluna ae nei aia ma ka la 13 o Feberuari 1897, ma ia hora a ma ia wa hookahi no.
2636-2t.
------------------------------------------------------------------------------------------------
VAPO-CRESOLENE
He Laau Hoola Oiai no Oe e Hiamoe ana no ke
K@nuKal@, ka Hano, Kunu Ho, ka NaluluKau, ke Anu
Ma ka wa e hoopunohuia ai ka uwahi o ke CRESOLENE maloko o ke keena o ka mea ma'i e loaa koke no ka oluolu. He ka@@@ ao kona ikaika ho@la, a ma ia wa hookahi nohoi e kaohiia aku no ka pahola au mai o na ma'i lele, ma o kona lilo ana he laau kinaimu@. a he laau pilikia ole nohoi no na keiki Ekualia ana e na poe hana laau. E laawi wale ia no ka buke hoakaka.
HOLLISTER DRUG CO., Honolulu, H.I. na Agena