Ka Nupepa Kuokoa, Volume XXXVI, Number 12, 19 March 1897 — LAWE I KONA OLA IHO. [ARTICLE]

LAWE I KONA OLA IHO.

Ma ka po Poaha o kela pule aku nei. maloko o ka hale-lio o loko o ka pahale noho o William Aulel, luna nui mua o ka halema'i pupule, i loaa aku ai ke kino make o Alexander Gray. He kanaka opio keia nona na makahiki he 26. l'a lawe oia i kona ola iho mamuli o kona lioomailo loihi ia ana e kekahi ma'i kau. Ma keia po i loaa aku la kona "kino-wailua" maloko o ka hale-lio. ua loaa pu aku la he pu raifela ma kona aoao. Ua nakiikii oia i kekahi kaula ma ke Kiko kula'i o ka pn. me ka hooku pololei ana i ka waha o ka pu iloko o kona waha. a na kona wawae i luiki ma ke kaula i hoopaaia ai ma ke "klkō," a kaiii ka pu. a lilo kona ola. Ua haalele iho oia ia loko o ka hale moe o kona ohana a hele aku lu maloko o ka haie-lio e hooko ai i keia haiia manaonao. l.'a hanauia oia ma ka Mokupuni o Maui, a malaila no oia i lawelawe hana ai no kekahi wa loihi. pela nohoi ma Honokaa. Hamakua.