Ka Nupepa Kuokoa, Volume XXXVI, Number 13, 26 March 1897 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

BUKE XXXVI.  HELU 13 HONOLULU. POALIMA. MARAKI 1897 NA HELU APAU 2643

 

hoolaha Loio.

W. R  KAKELA

                                                                        Loio a he Kokua ma ke Kanawai.

 

                                                                        HE LUNA HOOIAIO PALAPALA.

                                                                                              @AKU

                                                                                    LYIE  A. DICKEY

                                                                        Loio a he Kokua ma ke Kanawai

                                                                        @Aiau i Kaahumana. Helu 14. Tel. 682

            Koke o ke Keena o ka Loio Kuhina mamua, a he Loio Hoopii ma ka Aha Apana o Honolulu.

           

            E hookoia na hana pili kanawai apau @e ai na Mokupuni mai.

            O. A. F. Tavares, Kakauolelo a @Makeʻeolelo.                                                         1 yr.

 

                                                                        HOOLAHA KUMAU.

 

                                                            WILDER & CO., (WAILA MA.

 

            Mea Kuai Papa a me na Lako Kukulu hale o na ano a pua, a me na mea e ae a pau e pono ai o ka hale.

            Kihi Alanui Moiwahine me Papu.

                        396 - 0

                                               

                                                                                    PAPA!    PAPA!

                                                                                AIA MA KAHI O

                                                                                    Lewers & Cooke

                                                                                          (LUI MA)

                                                            Ma ke kahua hema o Alanui Papu me Moi.

                       

                                                                                    E LOAA NO NA

                       

                                                                                    PAPA  NOUAIKE

                                                                                    O kei a me keia auo.

            Na pani Puka, na Puka Aniani, Na Olepelepe, na Pou, na Oʻa, na Papa Hele, na Papu Ku, me na papa Mea he nui I a

 

                                                                        NV  PILI  HALE  O NA ANO A PA

                                                                                                A me na

                                                                        WAI  HOOHINUHINU @NAN

                                                                                    O na ano a pau loa.

 

                                                                        Na Balaki o na Ano he Nui Wai.

            Ke hai ia aku nei oukou e na makamaka a pau, ua makaukau keia mau makamaka o oukou hoolawa aku ma na mea a pau ili ana ma ka laua oihana no ka

                                                            UKU HAAHAA LOA,

                        E like me ka mea a holo ana mawaena o Lana a me na Mea Kuai.

 

                                                                        Hele Mai e Wae no Oukou iho

                                                                                    2396 - 0

 

                                                                        KA MEA HUNA POHIHIHI

                        @Unuhuia o @Huouiumahiehie no "Ke @Kiiohulia @Pokela o ka Lahui Hawaii

 

                                                                              MOKUNA XIX

                        Alamira me ka Haku Tereveliana- Ka Elele a ke Aloha - Ka lono hauoli - Ka Lede Beatirisia.

 

            Ma ke helu i hana ae nei, e kuu hoa uhai-a-holo o keia mea huna pohihihi, ua ike kaua i ka halawai ana o Alamira me kona luaui makuahine, ike pu hoi kaua i na mea i kamailio ia mawaena o laua a pela hoi me ko Alamira huli hoi ana mai no ko laua @holele me ka Haku Tereveliana.

            Nolaila, e kamailio ana kaua, e kuu makamaka. no na maawe aku i koe o ka kaua nanea, ma keia wahi aku o keia mokuna.

            Mahope iho o ko Alamira haawi ana he manawa loihi ma ka noonoo nui ana no na mea ana i lohe ai mai kona makuahine mai, ua haule aku la ia hiamoe.

            I ka hoe ana mai o ke kakahiaka me kona may eheu opiopio o ka oluolu ame ka nani. ala ae la ua lede opio nei, a hookani ae la i ka bele kahea no kana kauwa wahine lawelawe. Komo iho la oia i kona mau aahu no ia kakahiaka. A me na helehelena e haiamuia ana e na aweawea o ke kaumaha ma kona mau papalina, iho aku la oia no ka rumi hookipa, kahi hoi a ka Haku Tereveliana e kali mai ana iaia.

            I ka ike ana mai o ua Haku nei i ko Alamira komo ana aku, ua olino ae la ka nanaina hauoli ma kona mau papalina ame kona mau maka. a haawi mai la hoi oia i kona aloha mahiehie o ia kakahiaka, a pane mai I hoi:

            "Ano na-nanakea maoli kou mau helehelena e Miss Arevalo i keia kakahiaka. He mea maopopo loa, aole i loaa iki ia kaua na haawina maikai o ka hauoli ma ka po nei. O ka mea i loaa mai iaʻu. oia ka eha hou ana  o kuu wawae a oi i ko ka wa mamau. E Miss Arevalo, makemake loa au e hoi kaua i Tereveliana Pa. Aohe oʻu makemake iki i keia wahi."

            No keia mau hauolelo hope a ua Haku Tereveliana nei i pane mai ai imua o Alamira. ia lele koke ae ia ka hauoli iloko ona. oiai ua ike iho la ia. ua hookoia mai kana mea i kukakuka pu ai me kona luaui makuahine. nolaila, pane aku la ia:

            "owau nohoi kekahi makemake e hoi aku kaua no Tereveliana Pa. Maikai loa. ina no i keia la kaua e hoi aku ai?"

            Ua nalohia ae la ka hiohiona ano e a ua Haku Tereveliana nei i ike mai ai maluna o na helehelena a Alamira. a ma ia wahi e mohala mai ana na hoikena o ka ui mahiehie maikai.

            Alaila, pane mai la oia:

            "Ae - ua makemake loa no au e hoi kaua i keia la; aka, o ka pilikia wale no. oia ka nui maoli o ka eha o kuu wawae i keia wa: aole i kana mai ka eha o kuu wawae. O kekahi kumu hoi o keia pilikia. o ka iki ole maoli o kela wahi kanaka i ka opeope maikai ana i ka owili lole hoopumehana e paa nei ma kuu wawae. e eha ana no."

            Ma ke kauoha a ua Haku nei, ua kaheaia aku la o Wigby, kahi kauwa. a i kona hiki ana mai. ua lawelaweia iho la na mea e oluolu ai ua Haku Tereveiana ia. a mahope iho ua hookuuia aku ia o Wigby.

            Aole hoi i liuliu mahope iho, ua laweia mai la na mea ai no ka aina kakahiaka o ka Haku Tereveliana.

            Ma ka wa e ai ana ua Haku nei. a e lawelawe ana hoi o Alamira nona. ua kamailio mai la ua Haku la ia Alamira no kona makemake loa e ike i kona makuahine. a hoomau mai la oia i ka olelo ana:

            "Ua @ilio keia i mea naʻu e noonoo nui. Manao au e hoolaha ma ka nupepa: a o kaʻu nupepa i makemake ai no keia hana. oia ka nupepa Thunderer (Kahekili): aka, manao nae au. aole paha e puka koke ana ia hoolaha. a hala no la ekolu. Aole hoi oʻu makemake e noho kaua ia nei noke kali ana o ka hiki mai o ka wa pomaikai no kaua e hui ai me kou makuahine. A ina hoi e hoopuka keia olelo hoolaha aʻu e makemake nei ma na nupepa e ae. e waiwai ole ana no. Nolaila, e Miss Arevalo. pehea la kou manao, ina kaua e telegarapa aku ana i kou  makuakane e hele mai oia e ike ia kaua i Ladana nei? Malia hoi. mamuli o ko kaua halawai pu ana me ia. nana no auanei e hoike mai ia kaua i ka inoa o kou makuahine i kamaaina mawaena o ka poe keaka a aha mele hoi."

            I kela wa i nana aku ai o Alamira i ua Haku Tereveliana la, me na onohi maka ku i ke aloha, me he mea la e noi okoa aku ana no ia i ua Haku la aole e pono iaia ke telegarapa aku no kona luaui makuakane, elike me kana i makemake ai, oiai mamuli oia hana ana. e komo maopopo mai ai ua luaui la ona iloko oka poai e hiki ai oia ke ikeia, a loaa hoi he poino maluna ona.

            Ua pahola ae la ka nanaina haikea maluna o na helehelena o Alamira, a ua ike mai loa hoi ka Haku Tereveliana ia mea.

            Nolaila, pane mai la ua Haku nei ia Alamira, aole oia e telegarapa aku no kona makuakane, aka, ua manao oia e kakau i kekahi mau palapala na ke Kauna-wahine Arevalo, a haawi i keia mau palapala i na luna nui o na hale keaka, a na lakou ia e haawi aku i ka mea nona ka inoa i kakauia mawaho.

            "Malia." wahi a ua Haku Tereveiana nei i pane aku ai. "i ka wa e akoakoa mai ai na lala apau o kela ame keia puali keaka, ma kela ame keia hale hoikeike. e kamailioia ana ka mea nana ka leta aʻu i hoouna aku ai ma ka inoa o koʻu makuahine. a ina oia kekahi malaila, alaila, e lohe ana oia ia mea. a e kii ana oia i ua leta la. Manaoio au, o ke alahele maalahi loa keia e hui pu ai kaua me kou makuahine."

            Aole nohoi o Alamira i kue aku i keia manao o ka Haku Tereveliana. I ka wa i pau ai ka ai ana a ua Haku la, ua kaheaia aku la o Wigby e lawe mai i ka pahu palapala kakau a ka Haku Tereveliana. Alaila, kakau iho la ua Haku nei i na palapala ana i manao ai e hoouna aku i na luna nui o hale keaka ame na hale opera, ma ka inoa o kauna-wahine Arevalo.

            I ka pau ana o keia mau palapala i ke kalauia, ua kahea hou ia aku la o Wigby no ka lawe ana aku i ua mau palapala la a oiai hoi ka Haku Tereveliana e haawi ana i na kauoha ia Wigby. no ka hana e hana aku ai me na palapala ma ka inoa o Kaunawahine Arevalo, ia wa i haalee palanehe iho ai o Alamira ia loko o ka rumi hookipa a hele awiwi aku la no kona rumi. Malailaoia i kakau iho ai i palapala nana na kona makuahine. e hoike aku ana oia iaia no ka makemake loa o ka Haku Tereveliana e ike iaia. oiai he makemake loa ua Haku la e hui pu me ia a kamailio hoi no na mea e pili ana i kona hookamaia ana e ia. I ka paa ana o keia palapala, ua hookomo iho la oia ia mea iloko o ka wa-hi a hoouna aku la i kahi kauwa wahine e lawe i ua palapala la i ka hale leta.

            oiai hoi. he wahi wahine ia i ike ole i ka heluhelu ame ke kakaulima, nolaila, aole hiki iaia ke heluhelu iho i na huaolelo i kakauia mawaho o ka wa-hi leta. oia hoi, Lede Beatirisia o Hametona, ma Hametona Hale.

            Ua hooko aku nohoi kahi kauwa Wigby i kana misiona. Ua hele oia ma na hele keaka kulana hanohano apau o Ladana, a i kona huli hoi ana mai, hoike mai la oia imua o ka Haku Tereveliana, ua haʻi mai na luna nui o ia mau hale keaka apau iaia. aole loa lakou i ike i kekahi wahine ma ka inoa o Kauna-wahine Arevalo, aka, elike nae me ka kauoha. ua waiho aku no oia i na palapala ana i lawe ai ma na lima o ua poe luna nui la.

            Ua huli ae la ua Haku nei a kamailio aku la ia Alamira:

            "E kuu keiki, aohe a kaua mea e ae e hana ai. o ke kali wale no me ka hoomanawanui o ka loaa mai o ka pane no keia puulu palapala aʻu i kakau aku nei. Manaoio loa no nae au e loaa ana no ia kaua he pane mai iaia mai. O koʻu makemake loa, aole oia e pono e hoole mai i kaʻu mea i makemake ai e hana aku nou, oia hoi, o koʻu @hookama ana mai ia oe i moopuna oe naʻu, a i hoilina nohoi no koʻu mau waiwai, oiai, ua pili aloha maoli koʻu naau ia oe i keia wa. Ua kaumaha nohoi au no ke ano e loa ana mai nei o koʻu eha i keia wa. Ua hopohopo loa au, aole paha e hiki ana iaʻu ke lawe hoomaikai aku ia oe maloko nei o Ladana oiai ko kaua wa e noho ana maanei. No ke kali ana no kou makuahine."

            Pane mai la hoi o AlamiraL

            "E kuu Haku, ua oi aku koʻu makemake ia Tereveliana Pa mamua o Ladana nei. Makemake loa au e hoi aku kaua no Tereveliana Pa, ina no hoi ia o kou makemake."

            "Makemake loa au e huli hoi  aku kaua no Tereveliana Pa. aka, makemake loa nae au e ike i kou makuahine; a o kekahi nohoi i ano oluolu iki ae kuu wawae, a maikai ka kaua hoi ana aku. E pau ana kaʻu ma hana ponoi i keia ahiahi. Aka, e Miss Arevalo, eia koʻu manaʻo, i kekahi wa a kaua e hoea hou mai ai i Ladana nei, alaila. e hiki ana iaʻu ke lawe hoomakaikai aku ia oe maloko nei o Ladana; aka nae, ina nohoi e makemake ana oe e hele makaikai aku ia Ladana nei i keia wa, ua hiki no ia oe ke hana pela. O kaʻu hana wale no, oia ka hoouna palapala ana aku i ka Lede Beatirisia o Hametona, kela lede kaulana loa o Ladana nei, a nana no auanei e hoomakaikai aku ia oe ma na wahi kaulana o ke kulanakauhale nei."

            Ma ka leo haalulu a pihoihoi, pane mai la o Alamira:

            "Aole- aole. Aole oʻu makemake e hele makaikai aku ia Ladana nei. Ua oi loa aku koʻu makemake e hoi aku no kaua i kuaaina. Ae - o koʻu makemake loa ia i keia wa."

            Ua lilo keia pane a Alamira i mea no ka Haku Tereveliana e oluolu loa ai, a nalu wale iho la no oia iloko ona, me ka olelo ana:

            "Ae - ke ike nei au, eia kona uhane opiopio a hala ole, ke nana mai nei oia maluna oʻu me ka hialaai nui. He mea oiaio nohoi, oia ka mea mua loa ma ka honua nei i haawi mai i na mano aloha maemae noʻu nei; a nolaila, ma koʻu manao ana, e hiki mai ana paha na la e hiolani maikai ai kaʻu mau hilinai ana ame kaʻu mau paulele ana iloko o na kipona mahiehie o na pulama aloha ana a keia lede opio. Ke hoomaka nei koʻu aloha nona, elike me koʻu aloha ana no Geofere; aka, aole paha keia lede opio e haawi mai iaʻu i uku panai awahia no kaʻu mau hana aloha iaia, elike me ka Geofere i hana mai ai iaʻu."

            E kuu makamaka heluhelu, hala loa ae la he mau hora, ke aui aku la ka ia ma ka ponaha huli komohana o ka lani. ke kaomi malie mai la na eheu o ke ano ahiahi, a aia hoi ka Haku Tereveliana ke hoohaliu ia i kana mau hoolono ana no kela ame keia mau keehina wawae e loheia aku ana. E komo mau ana nohoi iloko ona na manao hoohuoi, ina paha ua loaa aku i ke kauna-wahine Arevalo kekahi o kana mau palapala i kakau ai ma ia kakahiaka.

            O Alamira hoi kekahi i piha pihoihoi i keia wa, nokamea, ina e hoea io mai ana kona makuahine, a halawai pu oia meka Haku Tereveliana, alaila, e ikeia ana oia e ua Haku la, a e komohia pu aku ana oia iloko oia ike ia ana o kona ano oiaio maoli.

            Mahope iho o kapau ana o ka paina ahiahi, komo mai la kekahi kauwa me ka lawe ana mai i kekahi mau palapala ekolu a haawi mai ia i ka Haku Tereveliana, a ia wa i oni pioo ae ai ko Alamira manao.

            Nana iho la hoi ka Haku Tereveliana i ua mau palapala la, a olelo ae la ia:

            "Hookahi palapala mai kuu agena mai: a o keia palapala huinaha mai ka Haku Adela mai nei ia. Auwe!!" wahi a ua Hake Tereveliana nei hooho ae ai, me ka olelo ana mai. "Eia kau palapala e Miss Arevalo. Ma koʻu manao, mai kou mama mai nei ia palapala.

                                                                                                                                                (Aole i pau.)

 

            He mea pono i keia ame keia ohana ke loaa ona laau lapaau mama no na maʻi o ka opu. I laʻau lapaau puhili ole no ka "Moku ino loa o ka lepa" (Diarhea) Nahu, Umil, Kolera ame na maʻi apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer.) Ua lawelaweia keia laau no na makahiki he kanailima, a ke hana mau ia nei i keia ame keia la. ma na aina apau o ka honua nei. O ka Hiu Kuai Laau Lapaau o Hollister. ka Agena.

 

 

                                                            HE  MOOLELO  NO

                                                            KEONIMANA KEO

KA EUEU PUUWAI WIWO OLE - KA HOOPAKELE O KA MEA NA WALIWALI - A O KA WELI HOI A KA POE HAIHAI KANAWAI- A O KA MOI O NA LUA ELI GULA.

 

                                                            MOKUNA 1

 

            " ʻUa maopopo mua iaʻu ia mea, a aole oʻu kanalua ma ia mea, a pela pu no hoi me Helena. Aole o ka waiwai ame ka hanohano kaʻu i makemake ai, aka, o kou naauao ame kou kulana maoli, no kaʻu mea i ake nui ai. oiai ua maopopo iaʻu o kou naauao ka mea nana e hapai ae a pa-umi hoi ae ka nui o keia waiwai, a maluna o na mea apau. o kou ahonui ame kou noeau ma ka hoopakele ana iaʻu mai ka luakupapau mai kekahi o na kumu nui o koʻu ame ko Helena aku nui ana e lilo oe i kane nana, a mamuli no hoi o kona luana ana iho nei me oe, ua olelo mai oia iaʻu, o oe ke kane mua a kona puuwai i aloha loa ai. a ua hakilo oia ia oe a ua maopopo iaia he keonimana oe ma na ano apau. Nolaila, mai kanalua oe no ia mea, koe wale no ina paha ua hoopalalu mua oe me kekahi wahine e aku, alaila, ke ao aku nei au ia oe mai ae mai oe i keia nonoi aʻu, aka e hooko oe ia mea au i hoohiki mua ai; a ina hoi aole, alaila, ke nonoi aku nei au ia oe e mare ia oe me kaʻu kaikamahine mahope o kou puka ana mai mai ke kula mai. Pehea, ua hoopalau mua no anei oe me kekahi wahine? wahi a ua kanaka ʻia.  Ua like keia mau olelo a ua kanaka ʻia me he pahi ʻia  e hou ia mai ana i koʻu puuwai, oiai i kela mau la, a hoea wale i keia wa a maua e kamailio ana, ua palaka loa au no kela wahi kaikamahine aʻu i aloha ai mai koʻu mau ia kamalii i mai ka mea hoi aʻu i hoohiki ai imua ona, a imua o ke Akua kiekie loa, oia kaʻu wahine e mare ai, aka, iloko nae o keia mau la ua poina haalele loa ua nona. Nolaila, i keia ninau a ua kanaka ʻ@la, ua like au me he aihue la i loaa pono i ka mea nana ka waiwai aʻu i aihua ai. Nolaila, me ke kuoo apau i loaa iaʻu, ame na kokua ana apau a ka manao Satana, ua pane aku la au, aole nae i hoomaopopo mai ua kanaka la ma ke ano o koʻu helehelena, oiai ua kuhi paha oia no koʻu pihoihoi maoli no ke kumu o koʻu haikea. Ia wa ua kamailio aku la au:

            " ʻHe oiaio, imua ou a imua o ke Akua kiekie loa, o ka mua loa keia o koʻu hoolaunaia ana ma ke ano oia mea he hoopalau ana me ka wahine. Mai koʻu mau la opio mai, aole loa ia mea i komo iki mai iloko o koʻu noonoo."

            "Ua maopopo no iaʻu he hoopunipuni ino loa kela aʻu i hoopuka aku ai a ua like nohoi ka hahana o ka wela o koʻu kino me he ahi la, a ua ano hiki ole iaʻu ke noho hoomanawanui aku imua o kela kanaka maikai, ka mea hoi aʻu i hoopunipuni ino loa ai. Nolaila, me na huaolelo pokole, ua nonoi aku la au i kono lokomaikai e hookuu mai iaʻu e hoi ma koʻu keena, me ka hoopunipuni hou ana aku ua loaa ia au me ka nalulu ano e, oiai, wahi hou aʻu, ua hoea mai mamuli o koʻu pihoihoi no keia mau mea hoohauoli nui loa i hoikeia mai iaʻu.

            "Ua hookuu mai ia ua kanaka ia  iaʻu me na manao hoolana maikai, me kona hoohuoi ole paha he kepolo maopopo au e hana ana me kona maalea nui i wahi e loaa mai ai keia waiwai nui iaʻu, ame kela ui nohea a koʻu mau maka i ike mua ole ai i kona lua. He oiaio, he uo oi no kaʻu wahi Ida o na la kamlii, aka, aole kona o ka ui e hiki ai ke aihue koke ia ka naau o ke kanaka iloko o ka wa pokole. O ka ui o Helena, aole loa e hiki i kekahi kanaka ke ku imua o kona alo no na minute elima me ka lilo ole o kona uhane ame kona puuwai i kauwa nana. O kona leo i kona wa e kamailio mai ai, ua like loa me ke kani ana a ka leo o kekahi mau hele dala ke ku i ka nanahe mailie ke hoolohe aku. He mea oiaio, o ka wahine ui hookahi no paha ia i hanauia mai e keia mea he wahine, a hui pu hoi me kona waiwai palena ole, ua oi pakela aku oia imua o na momi.

            "Iaʻu i noho iho ai maloko o koʻu keena, ua akakuu mai ia koʻu mau @manao pihoihoi aka, ua @kona hou @ma ka la nae he mau manao nana i hooulu. I koʻu noonoo a hiki ole iaʻu ke hiamoe no ia @ko iho. oia hoi, ua hoea mai la ke aka- ku o Ida imua oʻu a me he la e i maoli mai ana no. Ua poina koke no ka oe iaʻu. Eia au ke noho nei me ka paulele maluna ou. aka, ke ike nei nae au ua poina oe iaʻu a ua lilo oe i ka mea e. Aole anei oe hoomanao i keia hoohiki paa a kaua imua o ke Akua Kahikolu."

            "Iloko nae o na walea ana ma keia home i haiamuai e na nani apau. ua hoopalaka loa ia koʻu naau haakoi. Ua hoike koke ia aku la koʻu hoopalau me ua lede waiwai nui nei i na poe apau e noho ana maluna o na aina o ua kanaka ia. a i ko lakou ma ke ano he haku opio maluna o lakou. He nui na makana i haawila mai iaʻu. a ua hoohalikeia au me he Moi nui ia.

            "Mamua o koʻu hoi hou ana no  ke kula. ua haawiia he ahaaina nui me ka anaina hulahula. Ua hookipaia na poe apau o ka aina, a iwaena o lakou ua hoea mai la ma ua ahaaina la kekahi keoniman opiopio kanaka ui. i oi ae ka ui imua oʻu. a i koʻu ike mua loa ana iaia ua piha koke koʻu naau i ka inaina nona, a pela nohoi oia noʻu. Oiai ua hiki loa iaʻu ke hoomaopopo aku aole loa ona lealea noʻu.

            "Ua hoolaunaia aku la au e ka ona hale, Mr. Ward, i ua kanaka opio la a ia wa ua ike iho la au he opio waiwai nui oia no kekahi wahi e pili mai ana me na aina o ua Mr. Ward la, he ona miliona nohoi oia i ano like me ko Mr. Ward waiwai, nolaila, ua paluaia ka @iili i loko o koʻu naau, aka, he kuleana ole noʻu ka hiipoi wale ana i kela manao, oiai ua maopopo np iaʻu, naʻu ka ui nohea o ua @home la, aka, ma kekahi kumu no nae ua hiki ole i koʻu naau ke hoopau ae i kela manao lili. O kekahi kumu nui o koʻu @iili  nona, o kona kulana waiwai, a ano like me Helena, a ma na ano apau ua kupono maoli no o Helena a mare me kela opio, oiai ua like a like ko laua kulana ma ko keia noho ana. a ua lohe pu ae no hoi au mai ka waha ae o na kauwa o ka hale, ua ake nui ua keiki la e lilo i kane na Helena Ward. Eia nae he mea kekahi i maopopo ole i ua poe kauwa ia, oia hoi ka emi pu wale ana o ko laua launa ana. I koʻu hoomaopopo aku iloko o ka wa ahaaina, he ake mau ua keiki ia e kokoke mau oia ma kahi o Helena e noho ai, nolaila, ua ho-a ia ka inaina iloko oʻu me he ahi la, aka, ua uumi, au i koʻu inaina, oiai he hoike ana ia i koʻu kulana lapuwale o ka hoike ae i koʻu @iili iloko o keia anaina hanohano.

            "Mai koʻu hanau ia ana mai aole loa au i ike iki i kekahi anaina hanohano a nani elike la me keia. Ua papahila mai ia na hoohiwahiwa ana apau maluna oʻu e ka haku hale ame Helena. He oi a ka oluolu ame e ui ae ai ma ka hooko ole ia me ka hikiwawe a me ka eleu. Ua haawila na kauoha i na @kauwa apau e hana mai lakou noʻu me he la owau maoli no ka haku o na mea apau. Na kela mau hana a Helelna ame kona makukane i @hoomaaiili iki ae i ka @iili iloko o koʻu naau no kela opio.

            "Iaʻu e ku ana maloko o ke keena hooulu pua, kekahi hoi o na keena nani loa a ua hale ia, ua hoohikileleia au ma ka hoopa ana mai a kekahi mea ma koʻu kipoohiwi, a i koʻu huli ana ae, aia hoi e ki koke ana kekahi mea ma koʻu kua, a me ka leo hawanawana, ua pane mai ia oia:

            " ʻE ae mai oe iaʻu, e Mr. Kole, e pahola aku i kaʻu mau hoomaikai maluna ou. Ua loaa ia oe ke laki, i oi loa ae mamua oʻu. oiai me koʻu waiwai ame koʻu inooa hanohano mai koʻu mau kupuna mai. Ua hoohokaia au, aka, ke ole au e kuhihewa he kanaka oe o ke kulana haahaa loa, eia nae, ma ke kumu hea la i hoohihi ai ko Helena naau ia oe?"

                                                                                                                                                (Aole i pau)

 

            Ma ke kakahiaka o ka la 20 o Feberari, 1895, ua loohia au i ka rumatika a waiho aku a ma kahi moe a hoea i ka la 21 o Mei, ia wa i  loaa mai ai iaʻu he omole okoa LAAU HOOLA A KAMAKENA. I ka hamo mua ana, o ke ola no ia. Iloko o ka manawa pokole, ua hiki iaʻu ke ala a hele i o a ia nei. - A.T. Moreaux. Luverne. Minn. E kuaila ana e na poe kuai laau lapaau. @BENSON, SMITH & CO., na Agena ma ko Hawaii Pae Aina.