Ka Nupepa Kuokoa, Volume XXXVI, Number 13, 26 March 1897 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

HAAWINA

KULA SABATI.

 

HAAWINA 1----APERILA 4.

Ka Paule mau hana mana. Oihana 9:32-44.

 

         22  A @ ko Petero kaahele ana ma na wahi a pau hiki ae la ia i ka poe haipule e noho ana ma Luda.

         23  Loaa aku la ia ia ilaila kekahi kanaka o Ainea kona inoa ua moe ma ka moe no na makahiki ewalu, i ke mai ioio.

         24  I mai la o Petero ia ia. E Ainea, ke hoola mai nei o Iesu Kristo ia oe: e ku a nau no e holahola i kou wahi moe. Ku koke ke ia ia.

         25 O ka poe a pau, noho ana ma Luda, a ma Sarona ike aku ia lakou ia ia a huli iho ia i ka Haku.

         26  Aia ma Iope kekahi haumana wahine o Tabita ka inoa, ma ka hoohalike ana hoi ua iia o Doreka, ua nui na hana maikai a me na manawalea ana i hana’i.

         27  Ia mau la, mai iho la ia a make. Holoi aku ia lakou ia ia, a waiho iho ia ma ke keena maluna.

         28  Ua kokoke no o Luda ma Iope, a lohe ae la na haumana i ko Petero hiki ana malaila hoouna aku la lakou i elua kanaka ia ia, nonoi aku la laua aole e hookaulua i kona hele ana io lakou la.

         29  Ku ae ia o Petero iluna, a hele pu me laua: a hiki aku la ia , alakai aku la lakou ia ia i ua keena la maluna a ku pu me ia na wahinekanemake a pau e uwe ana, a e hoike ana @ na palule, a me na kapa komo o Doreka i hana’i i kona wa i noho pu ai me lakou.

         40  Kipaku aku la o Petero ia lakou a pau mawaho, kukuli iho ia a pule aku alaila haliu ae ia ia ma ke kino, @ aku la. E Tabita, e ala mai oe; oaka ae ia kona mau maka, a ike ae la oia ia Petero ala ae ia ia iluna.

         41  Haawi aku la o Petero i ka lima ia ia  hooku ae la ia ia iluna; kii aku la ia i ka poe haipule, a me na wahinekanemake a hoike aku la ia ia e ola ana.

         42  A ikea ae la ia mea ma Iope a pau a nui na mea i manaoio aku i ka Haku.

         43  A noho iho la ia ma Iope i kekahi mau la me Simona ka hanaili.

         PAUKU GULA.  Oihana 9:34. Ke Hoola mai nei o Iesu Kristo ia oe.

         MANAO NUI.  E pono ke hoonui ae i na haawina manawalea i ka poe pilikia oia no na mea ano nui e hoolaio a hooholo ai i ka poe Karistiano.

         OLELO HOAKAKA. Mahope o ko Paulo lilo ana i mea manaoio, ua noho oia ma Arabia he mau makahiki ekolu. Gal 1:17.18. Ua hoi hou mai oia i Damaseko. Ua hookalakupua nae ka poe Iudaio iaia me ka manao e pepehi iaia. Ua mahuku aku oia mai laila a hiki i Ierusalema. Aka nae, ua huhu loa kona mau makamaka kahiko no kona hai euanelio ana me ka moakaka a me ka lanakila. Ua kokua nae ka poe hoahanau iaia e hele aku i Kaisareia, a mai laila aku i Taresa. Alaila, ua pau no ka manawa ka hoomaau ana i ka Ekalesia. Ua nui ko ka Emepera Roma hoonaukuaki ana i ka lahui Iudaio . Ia manaawa maluhia ua hoomahuahua ia ae na hana hooluhi. Ua kaahele o Petero i na Ekalesia a pani o Ierusalema.

         22  Luda, i keia wa Lud. ma ke Kaneha Kahiko Lod, 1 Oihanalii 8:12, he mau mile 9 mai Jope aku ma ke alap@ mai laila aku i Ierusalema. I ka wa o Petero ua nui na mea waiwai, a kaulana aa kula kahunapule malaila. Ua oleloia he one hanau keia no Keoki, ka aumakua Enelani. Haipule, --- ma ka olelo Enelani “hemolele.” he inoa kupono no ka poe manaoio. O lakou no na Keoki ponoi o ke Akua Hemolele. 33  Ainea, he inoa Helene keia, he hoahanau malihini paha oia. Lolo. -- ke pilikia kono keia no ka nawaliwali o na aalolo hiki ole paha ke hoopau ma ke lapaau ana. O ka uwila kekahi lapaau ma keia mau la. Moe. -- o kona laau moe ma ka olelo Helene, he laau mo@ o ka poeilihune. Ewalu mau makahiki, he loihi kona wa i moe ai, a poho ka manao e ola hou ia. 34. Hoola. -- ua pili keia kauoha i kona kino, oiai ua pili ko Iesu oihana hoola i ke ano kanaka holookoa. Kristo. -- oia hoi ka Mesia, ka Mea Poniia, ke kokua mai ka lani mai, mamuli o na olelo wanana o ke Kauoha Kahiko. Ua manao paha o Petero e hoike aku ia Iesu ma ke ano he kahuna lapaau, no ke kino kekahi, aole no ka uhane wale no. Ua nui na moolelo  o na pilikia kino i hoopauia ma ka manaoio ana’ku ia Iesu, a me kona makaukau me kona mana e hoopau koke ai i na pilikia o kela a me keia ano. Koke. -- o keia ano hikiwawe he hoailona o ka mana Akua ma keia hoola, aole pela ke ano kumau o na laau lapaau. 35. Sarona. -- oia no ka papu nui ma ka aekai o ka Aina Hemolele. Pau. -- aole nae i manaoio keia a me keia kamaaina, aka hoi, ma ke ano makawalu. 36. Jope. -- ke awapae moku no Ierusalema ma ke Kaiwaenahonua. Ke mau nei kona kuleana a hiki i keia wa, mamuli o ke ano o kona inoa ludaio “nani,” pela no kona nanaina imua o ka poe holo moku. Tabita. -- he inoa Iudaio keia, nona ke ano “dia uuku.” Doreka, ma ka olelo Helene. Hana. -- aole lawa na olelo haipule a me na olelo hoomalimali. O na hana kokua me ke aloha manawalea oia no na mea e hooluolu ai a hoonani no hoi. Ua ku ke alana i ka mea manaoio aole ka aluau. 37. Mai. -- aole i hookaawaleia na pilikia a pau mai ka mea manaoio aku. Ina nae e mau ana kekahi pilikia he mea maikai keia mamuli o ka manao o ke Akua iokomaikai, “aole no kona makemake e hookaumaha mai a hoeha i na keiki a kanaka.” Waiho. -- aole kanu, aka nae, ua kali iki me ka manaolana e komo pu ana o Petero i ko lakou kaumaha i ka halawai hoolwa. 38. Kokoke -- eiwa mau mile wale no, hiki ke heie ma na hora elua. Hookaulua. -- o palahe e ke kino kupapau. 39. Wahinekanemake. -- no lakou na pilikia ano nui a me ka lehulehu ma na aina hikina. Hoke. -- ma ka olelo Helene ua hoikeia ka heluna nui, aole ma ke ano nani o na kapa komo. Ua mau no kona mau waiwai ma na kua o ka poe ilihune. 40. Kipaku. -- elike me ko Iesu hana ma ka hoola hou ana i ke kaikamahine o Jaero, Mareko 5:40. Aole moakaka paha iaia ka manao o ka Haku i ka wa mua, a imi oia i ka noho mehameha ana e maopopo loa ai ka hana kupono. Hoike. -- aole ma ke ano ola wale no, aka hoi me ke kino ikaika hou. 42. Ikea. -- aole hiki ke hoole i keia hana mana. Haku. -- aole nae i ko Petero ano kupua. 43. Noho. -- ua hoikeia ka hale i keia wa. Hanaili. -- he hanalima keia i hooheneheneia e ka poe Iudaio no kona ano haumia a me ka pilau. Aole i aeia keia hana maloko o na kulanakauhale. Ua noho nae o Petero me Simeona, nona keia hana i hoowahawahaia, me he mea la ua hoomakaia ma kona noonoo ana ka manao hoopili i na kanaka a pau loa. Pela paha ua hoomakaukauia oia e hai euanelio i ko na aina e a hookipa ia lakou iloko o ka Ekalesia o Iesu Kristo.

         I.  Ka hoola ana ia Ainea, 32-35. Heaha ke ano noho o ka Ekalesia ma Ierusalema i ka wa a Paulo i hele aku ai i Taresa? No keaha la ka hoomaau ole ia? No keaha la ko Petero kaahele ana? Owai ka inoa o kekahi kaulanakauhale ana i makaikai ai? Owai kekahi poe e noho ana malaila? Owai ke kanaka pilikia ana i loaa ai? He hoahanau anei o Ainea? Ua kii anei o Petero iaia, a i ole paha ua halawai hikiwale anei oia me Ainea? He kanaka hanohano anei ia? Heaha ke ano o kona pilikia kino? Ua loihi anei kona wa i moe ai pela? Heaha ko Petero hana ana’ku ia Ainea? Ua hoola anei o Petero i ka poe ma’i lolo a pau loa? Heaha ke kumu no ka hoola ana i keia kanaka hookahi?

         II.  Ke Kanaikau no Doreka, 36-39. Ehia mau mile mawaena o Luda a me Jope? Owai kekahi wahine haipule i noho ai ma Jope? Heaha kona mau hana maikai? Ua kupono anei keia mau hana no ka poe manaoio a pau loa? He kumu kupono anei ko ka uuku o keia mau hana ma keia kihapai? Ua hanaia anei kekahi mau hana maikai e kekahi hoahanau ma keia Ekalesia? Pehea e hoolaha aku ai i ke kumuhoohalike o Doreka? Oiai ua nui kona mau hana maikai i ka poe nele, no keaha la ua loaa iaia ka ma’i make? No keaha la ua kana ole ia oia i ka wa koke? Heaha ka hana o na hoahanau ma Jope i ka wa a Doreka i make ai?

         III.  Ke ala hou ana o Doreka, 40-43. Heaha ko Petero hana ano like me ko Iesu? No keaha la kona hookaawale ana i ka lehulehu? Ua hookomo anei ka Uhane Hemolele i ka manao e hoala hou i ka wahine make? Pehea i hanaia ai keia hana mana emoole? Ua hoola hou ia anei o Doreka no kona pono wale no, a i ole paha e hoomahuahua ae keia hana no ka pono o na lehulehu? Heaha kekahi mau haawina hoonaauao ia kakou ma keia moolelo?

         MANAO PILI.  1.  Ua pono anei ke hoouna aku i Komite Hoeueu i na Ekalesia o Hawaii nei?  2.  Pehea e hoolanakila nui ae ai i ka Euanelio ma Hawaii nei?  3.  Ua lawa anei na hana maikai o na Ekalesia Euanelio?  4.  Ua hiki anei i ka Euanelio ke lanakila ke ole ka mana o ka Uhane Hemolele?  5.  E ala hou anei ka poe manaoio i ka pomaikai pau ole, a me ka poe manaoio ole i ka noho nele mau?

 

NA EKALESIA HAWAII..

 

         [Malalo o keia poo e hoopukaia aku ai na moolelo Euanelio ame na nuhou pili Ekalesia a puni ka Pae Aina nei, e like me na mea e loaa mai ana ia makou i kela ame keia wa.]

 

MOOLELO O KA AHA EUANELIO O

KA MOKUPUNI O HAWAII.

 

         Ma ka la 12 o Maraki, 1897, hora 10 a. m.. halawai ka Aha Euanelio o ka Mokupuni o Hawaii, maloko o ka luakini o imiola, ma Waimea, Hawaii.

 

         O. Rev. S. W. Kekuewa ma ka Lunahoomalu no ka manawa. Weheia na hana me ka himeni ame ka hapalua hora haipule.

         Eia na iaia o ka Aha i hiki mai: Na Kahu Ekalesia -- Na Rev. S. L. Desha, D. Kahooio, C. M. Kamakawiwoole, M. C. Kealoha, S. W. Kekuewa, J. Kalino, S. C. Luhiau, C. A. Lazaro, W. M. Kalaiwaii, Z. M. Naahumakua, L. K. Kalawe, Na Lala Mau -- Rev. O. P. Emekona, J. N. Kamoku, Na Elele -- E. Kaeha, J. Waiohinu, J. W. Kumelelau, S. H. Mahuka, Keoloewa, T. S. K. Nakanelua, C. K. Kopa, S. W. Kawewehi, Kahoomanawanui, J. Keola, W. K. Kalaiwaa.

         Ma ke kapaeia ana o na rula, na kohola o Rev. S. Kekuewa i Lunahoomalu mau, a o Rev. W. M. Kalaiwaii i Kakauolelo.

         Kohoia o Emekona, Desha, Kawewehi i Komite imi Kumuhana. Kalino, Kamaka ame Kahooio i Komite imi Haawina. Kalino. Keaolha ame Lazaro i Komite Haipule.

         Ua lilo hoi na iaia o ka Aha Kula Sabati me na poe kupono e ae i poe hoa kuka no ka Aha, mamuli o ke noi a Kamaka.

         Na Emekona i waiho mai i na kumuhana. Hapaiia ke kumuhana 3. oia na Hoike Kihapai. Mahope iho o ka pau ana o keia mau hana, ua hooppeeia ka halawai a noho hou ma ka hora 2 o ka auina ia.

         Akoakoa hou ka halawai a hapaiia ka hana heluhelu hoike kihapai. Aiaila, nonoi o Rev. Desha  e lilo ka Buke Lawe lima i buke rula no ka halawai. Aponoia.

         A heluhelu mai o Desha he olelo hooholo e kikoo aku ke kakauolelo o keia Aha i ka Puuku o keia Aha i mau dala e kuai ai i Buke Moolelo hou no keia Aha. Aponoia.

         Na Palapala Hoopii: Na ke kakauolelo i ka palapala hoopii mai a L. K. Kalawe mai, e noi ana e waiho ana oia i ka Ekalesia o Puula. Ua apono loa ia, a ua pau ko L. K. Kalawe noho kahu ana no ka Ekalesia o Puula.

         Hapaiia ka mahele (a) o ke kumuhana 6, Ola Kahu, a kamailioia no ke ola o Kalawe. Ua kohoia o Desha me Maluo e hele e hui pu me na hoahanau o Puula, a hui pu me ke kahu, a e noonoo i na mea e hoopauia ai ke koena hanai kahu, a na laua e imi a huli i na mea e pau ai ke koena hanai kahu oia Ekalesia. Na ke kakauolelo ka palapala a ka poe mai Kohala mai, a ua kohoia i Komite e hele a hui pu me lakou, oia o Desha, Kalino ame Lazaro.

         Hoopaneeia ka Aha a ka hora 9:30 o kekahi la ae, me ka pule a ka Lunahoomalu.

 

LA HANA 2. MARAKI 13.

 

         Akoakoa hou ka Aha ma ka hora 9:30 a. m. Malamaia ka hapalua hora haipule. Kaheaia na inoa a heluheluia ka moolelo o ka la hana i hala a aponoia. Ua apono ka Aha ia Manu, Zebekaio, Kaaekuahiwi i mau hoa kuka no keia Aha.

         Hapai hou ia ka hoike o na kihapai. Na Maluo i ka hoike o Kalapana ame Opihikao; na Kalaiwaa i ka hoike o Kaohe ame Milolii.

         Hapai hou ia ka hoike Komite. Na Kamaka i ka hoike a ke Komite hoonoho ia Kealoha ma Hamakua Huiia. Aponoia. Na Kamoku i ka hoike a ke Komite poni ia Maluo no na Ekalesia o Kalapana ame Opihikao. Aponoia. Na Kekuewa i ka hoike a ke Komite noi dala no ke ola o J. Kalino. Aponoia. Na Kawewehi i ka hoike a ke Komite noi dala no ka luakini o Mokuaikaua ma Kailua. Apono loa ia ka hoike. A e hanaia pela na Komite noi dala a pau a keia Aha. E lawe mai i ka lakou mau hoike imua o keia Aha. Na Maluo i ka hoike Komite hoopau aie o ka Ekalesia o Puula. Aohe mea i loaa. Na Kamaka he hoike waha i kana hana Komite no ka Ekalesia o Laupahoehoe.

         Kumuhana 5. Oihana Kuwaho. Ua hoihoi hou ia mai o Hapuku i misionari malalo o ka Papa Hawaii.

         Kumuhana 6. mahele (a). Ola o na Kahu. No Kahooio, ua ae mai oia imua o ka Aha e hoomaha ka Ekalesia i ka uku ana mai iaia ma ka malama, a e hoopau ke Ekalesia i ka lakou mau dala kahiko he $280 iloko o eono malama. Ua kohoia o Emekona i mea kakau ma ka olelo haole i ka palapala noi dala iwaena o na haole, i mea e hoopauia ai kela koena, a haawi aku ia Kamaka, ke Komite.

         No ka Ekalesia o Homakua Huiia. E hoi ka Elele ame Kaaekuahiwi e hooikaika e pau ke koena hanai kahu., a hoomauia o Kekuewa i Komite no Waimea. A hooholo ka Aha, e hoi aku na Elele a hooikaika i mea e pau ai na koena aie o na Ekalesia i ko lakou mau kahu iho. A e hoomauia na kokua a ka Papa i ka poe i hooholo mua ia Hoopanee ka Aha a noho hou ma ka Hale Hookolokolo ma ka hora 1:30 p. m. me ka pule a ka Lunahoomalu.

         Akoakoa hou ka Aha. Mahele (e) o ke Kumuhana 6. Kihapai kahu ole. O Kahooio no Onomea ame Hakalau: o Kekuewa no Waimea: Luhiau no S. Kohala: Lono no Kealakekua ame Kona-waena: Kalaiwaa no Kaohe ame Milolii: Maluo no Puula: Kamoku no Olaa. Mahele (i). Na luakini ame na hale halawai. Ua kohoia o Luhiau. Mahuka. Nakanelua i Komite kukulu a hana hou i ka halepule o Kawai hae kai. Mahele (o). Na kula hanai. Na Kekuewa i ko Kohala, na Desha i ko Hilo. Mahele (u). Na keiki a ka Aha. Ua heluheluia mai ka plapala mai ke kumu mai o ke Kula Kahunapule e noi mai ana i na kahu e komo pu aku i ke kula o ke kau makalii. I ka wa mahope iho o ka Aha nui ma Honolulu. Ua koho ka Aha ia Emekona i Komite pane aku i ka mahalo o keia Aha, me ka hai pu aku i ka ae ana o na kahu ia manao. Ua hoomauia na keiki a ka Aha a hui hou ma Hilo. Ua waiho mai o Kalino i kana pane, ua ae oia i ka palapala kahea a ka Ekalesia o Paia. Maui, a waiho iho la ia Waimea. Ua ae aku ka Aha i kana noi, a na ka lunahoomalu ame ke kakauolelo e haawi aku ka palapala hookuu a keia Aha e hui me ka Aha o Maui, a na ke Komite Kekuewa e hui pu me ko Waimea e hoopau i ke koena hanai kahu, a e lilo kekahi manawa o ke Sabati i manawa lulu no ka hoopau ana i kekahi mau koena dala o ka Ekalesia o Waimea.

         Mahele (h). Ka hana iwaena o na lahui e. Hooholoia e noi aku i ka Papa Hawaii e kukulu i misiona Pake ma Hilo, a ne ke kakanolelo o ka Aha e pane aku i ka Papa. Mahele (k). Na mea kinai pono. Nui na mea kinai pono i hoi keia e na hoa, a o ke hiki pu i ka la Sabati kekahi. Maheli (l) . Na hoopnopono Ekalesia. Aohe. Mahele (m). Na haawina no ka Papa Hawaii.

         Kumuhana 7. Hoike a ka Puuku. Na Kamaka ka puuku o ka Aha, i hoike mai no ke koena, a lulu ka Aha $2.20.

         Kumuhana 8. Helehelu haawina. Na Kamoku i heluhelu i ka haawina ma Mareko 8:36-37.

         Kumuhana 9. Koho ana i na Elele ma Honolulu. Kohoia o W. K. Kalaiwaa. E. Kaeha, J. Waiohinu, Keoloewa, Kawewehi ame Keala.

         Kumuhana 10. Kahi ame ka manawa e noho hou ai ka Aha. Hooholoia ma Hilo i ka malama o Sepatemaba, 1897.

         He olelo hooholo mai a Desha mai. Hooholoia: Ke haawi aku nei na lala o keia Aha i ka Ekalesia o Waimea, ame na makamaka, i ko lakou malama maikai ana i na lala o keia Aha. Hooholoia: E hoonaia ka moolelo i ka Nupepa Kuokoa ame ke Aloha Aina.

         Hoopaneeia ka Aha me ka himeni ame ka pule mai a Emekona mai.

         W. M. KAL’AIWAA.

         Kakauolelo o ka Aha.

         (Ua hooponopono iki ia kekahi mau wahi mahele manao liilii o ka moolelo maluna ae. L. H.)

 

MOOLELO O KA AHAHUI KULA

SABATI O KA MOKUPUNI O

HAWAII.

 

         Ua noho keia Ahahui maluna ae ma ka Hale Hookolokolo o Waimea. Kohala, Hema, i March 14, A. D. 1897, hora 3:21 p.m., o Rev. W. M. Kalaiwaa ka Lunahoomalu. Weheia na hana me ka himeni ame ka pule a Rev. M. C. Kealoha.

         Na lala o ka Aha i hiki mai: Na Kahu Kula Sabati Nui--- No Hawaii akau, Thos. S. K. Nakanelua: no Hawaii Komohana, David Alawa. Na Kahu Kula Sabati Apana ame na Elele --- No Haili, o E. Kaeha ke kahu: Hamakua Hikina, o John A-i ka elele: Waimea., o John Kalino ke kahu, a o Z. Paakiki ka elele: Kohala Akau, o J. M. Kawelo ka elele; no Kohala Hema, o F. K. Kihei ke kahu; Kekaha, S. W. Kaumuloa ke kahu, C. K. Kapa ka elele: Kailua, J. Kaaeamoku ka elele: Helani. S. W. Kawewehi ka elele: Kona-waena, Hoomanawanui ka elele; Kealakekua, M. Moku ka elele: Pukaana. John Keala ke elele.

         Kohoia na Komite malalo iho nei: 1 -- Komite o na Hookohu, T. S. K Nakanelua, Jno. Keala ame Jno. A-i. 2 -- Komite o na Plapala, C. M. Kamakawioole, S. W. Kaumuloa ame E. Kaeha. 3 -- Komite o na Hana Hou, C. A. Lazara, L K. Kalawe ame S. W. Kawewehi. 4 -- Komite Pa’i, D. Alawa.

         Hapaiia ka hoike a na Kahu Kula Sabati Nui. Na ke Kakauolelo i ko Puna : na Thos. S. K. Nakanelua i ko Hawaii Akau : na David Alawa i ko Hawaii Komohana. Noi mai o S. W. Kaumuloa e lilo na Elele Ekalesia ame na hoa maikai e ae i mau hoa kuka no keia Aha. Hooholoia. Hapaiia ka Hoike Papa Helu a na Kahu Kula Sabati Apana. Na E. Kaeha i kana ; na ke Kakauolelo i ko Hamakua Hikina ame Kohalo Akau : na F. K. Kihei ame S. W. Kaumuloa i ka laua : na ke Kakauolelo i ko Kailua, Helani, Kona-waena, Kealakekua ame Waiohinu.

         Hoike a ne Elele : Ma ke noi e hoopanee a hoea mai ka hoike a ke Komite o na Hookohu. Aponoia. Hoike a ka Puuku, ua aponoia. Hoike a ke Komite o na Hookohu : “Ua apono kou Komite i na hookohu elele mai Hawaii Akau mai ame Komohana, a koe wale no ka elele mai Hamakua Huiia mai, aole i apono kou Komite. T. S. K. Nakanelua, Jno. Keala, Jno. A-i, Komite. Ua aponoia ka hoike a ke Komite.

         Koha ana i na Luna Nui o ka Aha ame elua hoa o ka Papa Hooko. Ma ka balota ana, ua kohoia na Luna Nui malalo iho nei: Revs. W. M. Kalaiwaa i Peresidena ; S. W. Kekuewa i Hope Peresidena ; C. M. Kamakawiwoole i Puuku ; d. Alawa i Kakauolelo ame Rev. C. A. Lazaro. T. S. K. Nakanelua na hoa elua o ka Papa Hooko.

         Hoike a na Elele: Na J. Keala, M. Moku, Hoomanawanui, S. W. Kawewehi, J. Kaaeamoku. C. K. Kapa i ka lakou mau hoike pakahi. Ma ke noi e kapaeia ka rula 22, ihiki ai ia J. M. Kawelo ke hoopau loa mai i kana hoike elele. Aponoia. Na J. M. Kawelo ame Jno A-i i ka laua.

         Hoike a ke Komite o na Hana Hou : 1 -- Ka pono o ka olelo hooholo e pili ana i na lulu Kula Sabati o na Hoike Hapaha. 2 -- Ke Koho ana i na Kahu Kula Sabati Nui. 3 -- Ke Koho ana i na Eleei i ka Ahahui Nui o ka Pae Aina. 4 -- Ka hoomaopopo ana i na dala no “Ka Hoahana... C. A. Lazaro. L. K. Kalawe, S. W. Kawewehi, Komite.

         HOike a ke Komite o na Palapala: “Ma ka nana ana a kou Komite no na palapala apau imua ona ua lawa ka apono ana a kou Komite, ua ku malalo o na Rula ame ke Kumukanawai o keia Aha.” C. M. Kamaawiwoole, S. W. Kaumuloa, eli Kaeha Kaiwa, Komite. Aponoia ka hoik e kae Komite.

         Hapaiia ke kumuhana akahi o na hana hou. Hooholoia elike no me mamua. 2 -- Koho ana i na Kahu Kula Sabati Nui. No Hilo. E. Kaeha, Hawaii Akau. T. S. K. Nakanelua : Hawaii Komohana. D. Alawa : Puna. L. K. Kalawe. 3 -- Ke koho ana i na elele i ka Ahahui Nui o ka Pae Aina. E. Kaeha. Jno. A-i. T. S. K. Nakanelua. D. Alawa, S. W. Kawewehi ame Jno. Keala. 4 -- Ka hoomaopopo ana i na dala o “Ka Hoahana.” No Hawaii Komohana na pau mua, aohe koena i koe : no na apana e ae, he mau koena no ko lakou.

         Hooholoia. O na Elele i loaa na kokua ia ana mai mai na Kula Sabati mai, no ka holo ana i Honolulu i ka Ahahui Pae Aina, ia mau Kula Sabati wale no lakou e hoike ai i na mea hou o ka Ahahui Pae Aina.

         Na S. K. Nakanelua he olelo hooholo. Ole hooholo, hooholoia: O makou o na lala o ka Ahahui Kula Sabati o ka Mokupuni o Hawaii, ke haawi aku nei makou i na hoomaikai nui ana me ka mahalo, i na makamaka, na hoaloha o ka aina mauna nei i ko lakou haawi ana mai i na kokua ana e pono ai ke ola kino o n lala e keia Aha. Aponoia.

         Ma ke noi a Jno. Kalino e kapaeia na rula, ua hooholoia, a noi hou mai la oia e hookuuia keia Aha me ka heluhelu ole ia o ka moolelo a ma ka nupepa e ike ai na lala o ka Aha i ka moolelo. Aponoia. Ma ke noi, e hoopukaia ka moolelo maloko o ka Nupepa Kuokoa. Aponoia.

         He mau manao paipai pokole mai ka Lunahoomaly mai. Hoopanee ka halawai a noho hou ma Haili, Hilo, i ka malama o Sepatemaba e hiki mai ana, Hooholoia.

         Hookuuia na hana me ka himeni ame ka pule a ka Lunahoomalu.

         DAVID ALAWA.

         Kakauolelo.

         Holualoa, N. Kona, Hawaii. March 18, 1897.

 

HOIKE KULA SABATI O KA MOKUPUNI O KAUAI.

 

         E malalmaia ana ka Hoike Hui o na Kula Sabati o ka Mokupuni o Kauai ma ka Luakini o Waioli ma Hanalei, ke hiki aku i ke Sabati la 11 o Aperila, 1897, hora 9 a. m. A penei na haawina a kela ame keia Kula Sabati pakahi:

         Kula Sabati o Lihue, Haawina o Aperila, 1896.

         Kula Sabati o Koloa, Haawina o Mei, 1896.

         Kula Sabati o Hanapepe, Haawina o Iune, 1896.

         Kula Sabati o Waimea, haawina o Iulai, Augate ame Sepatemaba, 1896.

         Kula Sabati o Kapaa, Haawina o Okatoba, 1896.

         Kula Sabati o Anehola, Haawina o Novemaba, 1896.

         Kula Sabati o Koolau, Haawina o Dekemaba, 1896.

         Kula Sabati o Kilauea, Haawina o Ianuari, 1897.

         Kula Sabati o Haneli, Haawina o Feberuari ame Maraki, 1897.

         Eia na Himeni Hui: Aoao 17 Hoku Ao,  aoao 196 Hoku Ao, aoaoa 251 Hoku Ao, aoao 104 Euanelio.

         Ke konoia aku nei na Kula Sabati pakahi a pau e hooikaika no lakou iho, no ka mea, ma ia la ikeia ai ke Kula Sabati nana e kaili ka hano hano o ka lawe ana i ka Inoa Helu Ekahi no ka Mokupuni o Kauai. Nolaila, o ka manawa keia e ikeia ai ke aliali o ka Waiulailiahi o Waimea, i hui pu ia me ka Waikea o Makaweli ke hookui ae me ke Kani Uina o ka Wai o Namolokama i ka pali.

         A ke kono pu aku nei ka lehulehu e naue mai e ike i na hana uhaiaholo no ka pomaikai o na uhane ma kela ao. E naue mai i ike maka, o lohe pepeiao auanei, hamama hewa ka waha i ka makani.

         Ma ke kauoha a ke Kahu Kula Sabati Nui o Kauai Hikina.

         GEO. W. MAHIKOA,

         Kakauolelo.

         Kilauea, Kauai, Maraki, 19, 1897.

 

KOMO LUAKINI O WAINEE, LAHAINA, MAUI.

        

         Ua hoopaneeia ke komo ame ka hoolaaia ana o ka Luakini o Wainee hou mai ka la 11 a i ka la 18 o Aperila ae nei.

         Ma ke kauoha a ka Papa Kahu Waiwai o ka Ekalesia.

        

         O kekahi haole, nona ka inoa o Frank Henick, no ka pualikoa Aupuni o Hawaii nei mamua , a i kaiehuia mailoko aku nei o ka aina no  ka hoohuoi ia ana ua komo iloko o kela oehuehu o Kaimana Hila, 1893, he wahi luina oia i keia wa no ka mokukaua Mariona.

 

         Ke makemake nei au e hooia i ka waiwai io o ka LAAU KUNU a KAMALENA, ma ke ano oia kekahi o na laau waiwai loa a hololea hoi ma ka makeke. Ma o keia laau la, ua lilo i mea ole kekahi kunu ikaika loa i loohia ai au iloko o na hora he 24, a no ka hoike ana ae i ko’u manao mahalo, ke makemake nei au e hoike aku ia oe, aole loa au e hoonele ana ia’u iho me ia laau, a e haaheo nohoi oe no ka makahehi nui ia o kau mau Laau Lapaau e na kanaka apau. O keia wale no ka Laau mawaena o umi tausani. E holomua no auanei ia. O. R. DOWNEY. Lunahooponopono Demokarata, Albion, Ind. E kuaila ana e na poe kuai laau lapaau apau. BENSON, SMITH & CO., na Agena ma ko Hawaii Pae Aina.

 

Hoo’aha Kumau.

 

         Aole loa e maikai a alouolu ke ola ana o kekahi mea kino uhana ola ina he aaiole kona akepaa a hiki ole ke lawlawe i kana mau hana me ka hololea. E hahai ana ka nalulu a me na nawaliwali e ae ma ka moali o ke ake ponalo. He mea oiaio keia i hooiaio ia ma na wah@ na poai oluolu akau iloko o ka kapaha keneturia, o na

 

HUALE A AYERS

oia wale no ka LAAU HOOLA AKE maikai loa i ikeia. E hoola ana i ka lepopaa, ka nalulu eha, na ma’i oloko o ka opu, a ma ke ano LAAU OHANA aohe ena lua e like ai.

 

         O ka Ayers Sasaparila, oia ka laau Hoomaemae Koko kilakiia, e haawi ai i ka ikaika a me ka hooponopono ana ia loko o ke kino oke o ka ili, e hoopau ana i na maluhilu@ kanaka. E pepehi a ulupa ana i na PUHA, e hoola ana i na pohapoha hi o ke ola ana a e kipaku loa ai i na ano ma’i a pau. O ka poe ma’ no ka wali pono ole o ka ai, ka nawaliwali mau a ano ma’i e ae i ulu ae mai ke koko ino mai, he mea pono e inu i ka laau

 

SASAPARILA A AYERS

 

He laau e hooikaika ai i ka nawaliwali, a e hoopuipui mai ai i ke kino. Ma ka inu ana i keia laau, e hoonoono ia ai ka ai ana, oluolu ka moe ana a maikai ke ola ana.

 

         O ka Ayers Cherry Pectoral laau, aohe lua ma ka hoola awiwi ana i na KUNU, ANU  a me na PUUEHA.  E hoola ia na KUNU KALEA a me na ma’i pili i ke ake me ka hikiwawe loa.

         O na Huaale a Ayers, na Sasaparila a me ka Ayers Cherry Pectoral, aia kahi e loaa ai ma ka Halekuai o ka

 

Hollister Drug Co. Lt.

 

Na Agena ma ke Paeaina Hawaii.

2514

 

KAKELA

ME

KUKE

 

Ka Halekuai Nui

 

O NA

 

WAIWAI LIKE OLE

NA MEA

HANA KAMANA A PAU

Na lako pili hao kukulu hale,

         Na kepa,

         Na lei ilio,

         Na kaulahao ilio.

         Na Pahi,

         Na Upa,

         Na kope hulu,

         Na Pulupuia.

 

PALAU LIO

Na mea mahiai,

         Na au @

         Na au koi

         Na kua bipi,

         Na lei bipi,

         Na kaulahao bipi,

         Na uwea pa,

         Na kaa palala,

         Na mea piula,

         Na ipuhao.

 

Makau me Aho Lawaia

Na Iliwai

         Na kaula,

         Na bulu pena,

         Na pulumi,

         Na pena, me ka aila.

         Na kopa,

         Na aila mahu

         Na pakeke

Na pakeke hao,

         Na kapu hao,

         Na panda,

         Na kukaepele,

         Na uwiki, a , me

         Na ipukukui.

 

Mikini Humuhumu aulana

 

Wilcox, & Gibbs Hookhi Lopa

ka Remington, Elua Lopi.

 

         A me na ukana he nui loa o keia au a@ keia ano.

 

Kakela me Kuke