Ka Nupepa Kuokoa, Volume XXXVI, Number 15, 9 April 1897 — Keia Kau Ahaolelo Kuikawa o Amerika Huila. [ARTICLE]

Keia Kau Ahaolelo Kuikawa o Amerika Huila.

O keia kau Ahaolelo e noho mai nei i keia wa ma Ameiika. he kau Ahaolelo Kuikawa ia. Ua manaoia. o na hana pili kuloko no ko Amerika pomaikai ponoi iho na hana e lawelaweia ana ma keia noho kuikawa ana o ka Ahaolelo. A o na ninau kuwaho pili Aupuni, elike me ka ninau hoohui Aup'uni o Hawaii nei e waihoia ana ia no ke kau Ahaolelo mau. Aka, mamuli o na lono i puapuai liilH mai nei io kakou nei, no ka mea e pili ana i ka ninau Hoohui Aupuni 0 Hawaii nei, me he mea la oia ninau kekahi e ala mal ana iloko o keia noho ana o ke'kau kuikawa. Na makou iho. ke manao nei makou. o kekahi ninau ano nui loa keia 1 pili i ko Amerika pomaikai, ma ke ano kalai waiwai a kalai aupuni hoi, e hiki ole ai iaia ke hooheniahema mai. Ua oi loa ka pono nona a ma kona aoao hoi e hoike maopopo mai oia i kana pane no keia kumuhana me ka maopopo loa. i loaa ai he kulana moakaka na Hawaii Repubalika e hana ai nona iho.