Ka Nupepa Kuokoa, Volume XXXVI, Number 16, 16 April 1897 — Na Lono Kuwaho no ka Hoohui Aupuni. [ARTICLE]

Na Lono Kuwaho no ka Hoohui Aupuni.

O na lono e loaa mai nei ia kakou mai waho maī no na mea e pili ana i kumnhaan koiKoi a aiio nui a Hawaii Repubalika e auamo nei i keia wa, he mau punohu omamalu wale no ia e lele poai ana ma na huina aouli o ka ponaha lani o na hoonee kalai Aupuni ana mawaena o Hawaii Repuhalika ame Amerika Repubalika, i hiki ole ke kaleleia iho, ma ke ano he mau paepae oolea ia e ku ai na kulana manao maopopo maoli no ka hiki hololea e hoike ae eia ka mea oiaio e hoea mai ana maluna o Hawaii nei ma keia mua koke iho. 0 ka mea i maopopo ia makou, aia na hoaloha oiaio o ke kumuhana a Hawaii Repubalika e hooikaika nei. ma Ameiika ke haawi la i ka lakou mau kiai makaala loa ana no ka pono ame ka palekana o keia kumuhana. Aia lakou ke hoonee la i k£ lakou mau hooikaika mawaena o ko lakou mau hoaloha maloko a mawaho o ka Ahaolelo Nui'o Amei'ika Huiia i mea e pono ai keia kumuhana. Elike me ka ikaika ame ka makaala o ka aoao kalaiaina ma ka hakilo ana i ka holopono ana o keia hana iloko o ka Ahaolelo Nui o Amerika Hniia. elike nolioi me na hana ana ma na ninau kalai Aupuni apau iloko o ka Hale Ahaolelo, pela no ka ikaika ame ka makaala o na hoaloha o Hawaii Repubalika. ame Lalnii Hawaii Repubalika ma ka ninau Hoollui Aupuni. O ka lono i loaa mai ia kakou no ka hoounaia ana mai o ka mokukaua lāwehae Piledelepia o ka Pakipika no Hawaii nei, ina he mea oiaio ia, e hiki io mai ana ia ia nei. alaila, ua ma-

nao makou he hana ano nu no kana o ka hoea ana mai; a ke ole makou e kuhihewa, e hoea mai ana oia ia nei no ka haawi ana i na hoike ana imua o ko ke ao nei apau, ke kiai nei kekahi o na aliimoku kiekie loa o na Aiimokukaua o Anaerika Huiiā i ke Aupuni o Hawaii, i hoopaa iaia iho ma kona Kumukanawai, e hoohui ae me Amerika, ma ka wa pono mua loa e loaa ai ke ko ana oia hana. Ua like keia rue ke kahoauoa aku imua o na mana Aupun} e ae o ke ao nei. eia o Hawaii Repubalik*a malalo o na hoomalu ana a Amerika oiai e noonooia ana ke kuinuhana hoohui Aupuni mawaena o na Aupuni elua. nolaila, o ke Aupuni o oukou e maua'e mai ana maluna o Hawaii i keia wa, e hoomaopopo iho ia he enemi ia no Amerika Huiia.