Ka Nupepa Kuokoa, Volume XXXVI, Number 23, 4 June 1897 — Kela ame keia Lono no na Iapana. [ARTICLE]

Kela ame keia Lono no na Iapana.

Ua ikeia maloko o na nupepa hope loa mai lapana mai he mau olelo hoakaka e pili ana i ka hihia pili Aupuni mawaena o Hawaii nei ame lapana. e hoike ana. e waihoia aku ana keia ninau e noonooia ma ke ano Aha Uwao e na.Aupuni o Norewai ame Kueilena. Ma ka wa i haalele aku ai ka mokukaua Naniwa ia lokohama, ua manao ia e hooponopono koke ia ana keia ninau me ka hikiwawe loa, a e pau ana keia pilikia mawaena o na Aupuni elua, iloko o ka wa pokole. He manao kahiko loa no ke Aupuni o lapana, mai ka makahiki 1593 mai, e hoonoho mau ma Hawaii nei i hookahi a i elua paha mau mokukaua no ka malama ana i na pono o na makaainana lapana ma Hawaii nei. aka. aole nae i hooko iki ia kela manao mamuli o ke komohia ana o lapana iloko o ke kaua me Kina. Aka, i keia wa nae, ua hoopuipui hou ia ke aumokukaua o lapana, a ua nui loa hoi na lapana ma Hawaii nei, he mea maopopo e hoonohoia ana i hookahi mokukaua oia Aupuni ma ke awa ae nei o Kou ma keia mua aku. Ua lauaheaia ae ma keia mau la iho la, ma na pipa alanui o Honolulu nei. e huli hoi aku ana ka ke Kuliina lapana no kona Aupuni makua, ke ole e loaa aku iaia he pane maikai mai ke Aupuni Hawaii aku.