Ka Nupepa Kuokoa, Volume XXXVI, Number 26, 25 June 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

mamua, a e lawelawe koke ia elike me ka lawa piha e hooliloia ai ia Amerika Huipuia o na pono mana Aupuni apau @ na waiwai e hooliloia nei ia lakou. Hoko o hookahi malama mahope iho o ke kukai ia ana o ka hoolalo o ke kuikahi, e hoolako aku ke Aupuni Repubalika i na Komisina i papa helu waiwai piha o na waiwai Aupuni apau i haawi a i hooliloia maloko nei.

I hoike no keia, ke kakau pakahi nei na Elee Kuhina i ko lakou mau inoa malalo o na pauku maluna a ua hoopili i ko lakou mau sila.

Hana papalua ia ma ke Kulanakauhale o Wasinetona i keia la

 

HAWAII AME IAPANA

 

Aole o Iapana e Umi-a-puaa ana ia Hawaii.

 

No ka pomaikai o ko makou poe heluhelu mai Hawaii a Niihau, ke hoouai aku nei makou imua o lakou i na kukai olelo ana mawaena o ke Kuhina Iapana ame kekahi mea kakau nupepa o loko o ko makou nei Keena Oihana.

“Ua hiki no ia oe ke hoike aku, aohe olalo o ka lono no ko Iapana unuhi ana mai i kana koi mai ke Aupnui Hawaii mai, no ko ke Aupuni hoike ana mai na kumu o ka hooleia ana o na Iapana eemoku i hoea mai ai ia nei. E hoike aku oe he wahahee loa ia lono.

Aole loa i loaa iki na launa palapala ana mawaena o keia Keena Kuhina a me ke Kuhina o ko na Aina E, mai ka la 4 mai nei o Iune. Ia wa ua kakau aku au he palapala i ke Kuhina o ko na Aina E, a hoea mai nae i keia la, a he wa loihi nohoi keia, aole i loaa mai ia’u kekahi palapala.”

Ma keia wahi i olelo aku ai ka mea kakau nupepa i ke Kuhina Iapana, ua lawa loa na la he 14 no ke kakau ana i na palapala he lehulehu loa.

“Pela no,” I pane mai ai kekahi hoa o ka Oihana Kuhina Iapana, “he wa loihi loa keia e hiki ai ke kakauia a paa kekani buke okoa.”

“Eia ke kulana maoli,” wahi a ke Kuhina Iapana i pane mai ai. “Mamua o ka haalele ana iho o ka mokuahi i hookauia aki ai na poe Iapana i hoole ia e ke Aupuni ia Honolulu nei, ua waiho aku la au he palapala kue imua o ke Kuhina o ko na Aina E. O kana pane mai @ae , aole ia i lawa a apono ole ia nohoi e a’u. Ma ka wa pono mahope mai, loaa mai la ia’u na olelo alakai mai ko’u Aupuni mai, a hoouna aku la au he koi i ke Kuhina o ko na Aina E, e hoakaka mai i na kumu no ke kipakula ana o na paahana Iapana. O kahi mau olelo o ka’u palapala ame ka pane a keia Aupuni ua hoolahaia @a mau mea maloko o na nupepa o Honolulu nei. Manao au he pane moakaka ole loa kela. Ma ka la 4 o Iune nei, palapala hou aku la au, a no elua pule ae nei i hala, aole loa i loaa mai ka pane no ua palapala la. Ke kali nei au ka loaa mai o ka pane, he mau la lehulehu wale nohoi ko’u o ke kali ana, a ke manao nei nae au e loaa mai ana paha i keia la, a i ole la, i ka la apopo paha.

“Hookahi mahele mano iloko o ka manao pepa o kau nupepa i keia la, ua kuhihewa loa ia manao. Manao anei kau nupepa ua hopu mai nei o Iapana ma ka pu-ana-i a olelo mai: ‘E, e haawi mai oe i kau dala?’ He lapuwale ka manao ana pela. Ina olelo au he eleele kekahi mea, a hoopaakiki hoi oe he keokeo ua mea kino la aole au e lalau aku ana @a oe ma ka a-ikala, a hooluliluli ia oe, no ka like ole o ko kaua mau manao: aka, e nonoi aku ana nae au ia oe i ke kumu o kou olelo ana pela. O kekahi manao alakai hewa o ua pepa la, oia ke mea e pili ana i ke koi pohe. Aole loa he koi i waihoia aku i ke Aupuni, a oia noao o ka ninau aole loa ia e kamailioa i keia wa, koe wale no ko’u olelo ana e hoomaopopo ke Aupuni i na loina alakai Aupuni e pili ana no ka koi poho o ke@a ano elike me ka mea i rulaia e na kanawai lahui. Aole loa o Iapana i hoike mai i kona manao hoomaku-koae i keia Aupuni ma keia nianu. O ka makou nonoi wale no, e hanaia ka mea pono ina e @ ana ua hewa o Hawaii. O ka uku poho no na eemoku Iapana. oia wale no ka mea e koiia aku ana ma keia hana. Ina e holopono keia hooponopono ana, alaila, e hoomaula no ke komo ana mai o na eemoku Iapana elike me mamua, aole no nae ma ke ano e ae.

“Ua haalele aku kela poe Iapana i ko lakou mau home malalo o na kanawai o ko lakou Aupuni, a na hala ole loa hoi lakou ma ke komo ana @loko o lakou iho o kekahi manao hewa no ka holo ana mai ia nei. Ina o na Iapana o na hui hoopae @@mahana ma Honolulu nei kai hana hewa ma ka lawe ana mai ia lakou ia nei me ke kue i na kanawai o Hawaii. alaila, ma ko’u manao, he hana pono i ke Aupuni e hoopai aku ia lakou, aole ho@ o ka poe i hoopilikia@a e lakou. O na kanaka nae i pili i keia mau ahahui, ua hookolokoloia lakou imua o na aha hookolokolo a ua pau nui i ka hookuuia. Ina aohe hewa ma ko lakou mau hana, alaila, ma ke kumu hea la i hoihoila aku ai kela poe Iapana eemoku? O keia ka ninau a’u e hooikaika nei e loaa mai ona pane mai ke Kuhina mai o ko na Aina E.

“E manaoia ana mamuli o kela manao pepa, ua koi aku nei makou he ko@ kakauha maluna o ke@a Aupuni, aka, aole nae ia o ka mea olalo. Ua haawi aku makou he manawa pono i ke Kuhina o ko na Aina E no ka hoakaka ana mai i ke kumu i ae ole ia ai na Iapana e lele mai i uka nei o ka aina; o keia ka ninau nui iloko o ka’u palapala i ke Kuhina o ko na Aina E, ola o Kupa, a ola hou no ma ka lua o ka palapala. I hoounala ma ka eke-leta. Iune 4, e@a nae aole i loaa mai ia’u he pane. Ua alakai hewa ia oe, ina ua manao oe, aole au i haawi i ke Aupuni he manawa lawa pono no ka hoolako ana mai ia’u me na kumu no ka hoihoi hou ia ana’ku o na eemoku Iapana”

Ma keia manawa e kamailio nei ka mea kakau nupepa o ko makou hale oihana nei me ke Kuhina Iapana, malaila no ka Hoa ‘Aha Kukamalu o Iapana ame ke Kakauolelo o ka Oihana Kuhina Iapana ma ma Hawaii nei Koya, a ua kokua like mai laua i na mea a pau i ho@keia mai e Kuhina Shimmamura, ame ka hoole ana mai hoi o ua

 

Kuhina la aole oia i unuhi mai i kana koi waiho aku ai imua o ke Aupuni.

Ma keia wahi @ei, pane mai la o Hoa Aha Kukamalu Akiyama, penei:

“He lehulehu wale na hauwawa olelo e lana hele nei ma o a maanei. Hookahi nae lono @upo ioa, oia ka lono e olelo ana, e lele mai ana i uka nei o ka aina na poe luina o ka mokukaua Naniwa a lawe koke aw i ka Hale Dute. A’o kekahi hoi, oia ka haalele ana iho o ka Naniwa ia anei ma ka Pakolu ae nei (Iune 23, L.H.) E olelo aku oe no ka mea e pili ana ia lono, a pela pu nohoi me ka lele ana mai o na Iapana i uka nei o ka aina a lawe ae i ka Hale Dute, aohe oiaio. He elua paha malama mai keia wa aku e hoea mai ai no onei he moku-manu-a hou, a nolaila, aole paha ka Naniwai e haalele iho ana ia anei mamua ae oia manawa.”

 

KA HUI ALAHAO ME AINA O OAHU

MANAWA HOLO.

Mai a Mahope aku o Iulai 5, 1895

 

HOOLAHA NO KE “KUOKOA”

 

Ma keia hope aku e hoouna pololei mai i na uku nupepa apau o keia pepa ma ka inoa.

 

HAWAIIAN GAZETTE COMPANY,

HONOLULU,

OAHU.

 

Aole e hoouna mai ma ka inoa o ka Lunahooponopono o ka pepa.

Pela nohoi me na kauoha nupepa,e hoouna mai no ma keia inoa.

He mea pono ke hookoia keia leo hoakaka i ole ai e hihia a pilikia paha na hana..

Me ka mahalo,

JOSEPH M. POEPOE,

Lunahooponopono o ke Kuokoa.

 

@U HOU HAWAII

 

Ma ka Poaha nei, Iune 24, @ hoomaka ai na hana hoike o ke Kulanui o Sana Lui, a i keia la e pau ai na hana.

 

Ua malamaia na lealea heihei waapa ma ke awa ae nei ma ka Poakolu nei, a pela nohoi me na lealea e ae i kukuluia no ia la.

 

Aia ke keena loio o J. L. Kaulukou ame J. M. Kaneakua ma ke kihi Waikiki, aoao makai, o na Alanui Alakea ame Moi.

 

Ma ka Poakahi nei i laweia mai ai i Honolulu nei he eha poe Pake mai ka mahiko mai o Kahuku no ka hewa hoeha i kekahi luna hana oia mahiko.

 

E hookahakaha ae ana na kaikamahine o ke Kula Kaikamahine o Kamehameha maloko o ka luakini o Kaumakapili, ma ka hora S o ke ahiahi Poalua ae nei, Iune 29.

 

Ma ke ku ana mai o ka mokuahi Australia ma ka Poalua nei i hoea mai a@ o Hon. Wm. Haywood, ke Kanikeia Amerika hou maanei, a pe@a pu nohoi me kana wahine.

 

Ua loaa mai nei no ia makou he palapala mai a Cecilia Kealoha Poepoe mai. Aole ana mau mea hou ano nui i hoike mai nei. E manao ana nae ia e haalele ia Santa Cruz a e hoi ae i Kapalakiko e noho ai.

 

Ma ka hora 12 o ke awakea Poakolu nei i haawi like ae ai na mokukaua ekolu e ku nei ma ke awa i na kipu aloha ana no ka la hoomanao Iubile Daimana o ka Moiwahine Vitoria, a pela nohoi ke kahua kipu Aupuni ma Kakaako ae nei.

 

Ua hookohuia ae nei o E. R. Stackable i Hope Luna Hoola Buke Helu, a o@a ke lawelawe ana ma ia oihana o@a@ na la i kaawa@e aku ai ka Luna Hoo@a Nui ma Amerika; a o ko Mr. Stackable wahi ua lilo aw la ia Me. Henry Hapai no ka manawa.

 

He mau ta@sani poe i konoia e hoao i ka Laau Kunu a Kamalena, ma ka heluhelu ana i na hana ana a ua laau la i kekahi poe e ae, a mamuli ho@ o ko lakou hoao paka maoli ana no lakou iho, ua lilo lakou i poe hoaloha pumehana loa no keia laau lapaau apau. O BENSON, SMITH & CO., n@ @ ma Ko Hawaii Pae Aina.

 

MOOLELO KUIKAWA O KA AHAHUI KULA SABATI O KA MOKUPUNI O HAWAII

 

Ua malamaia ka halawai o ka Ahahui maluna ae ma ka luakini o Kawaiahao, Honolulu, Oahu, Iune 4, 1897, hora 4 p.m., i noho Lunahoomalu ia e Rev. W. M. Kalaiwaa.

Na hoa i hiki mai: Na Revs. S. W. Kekuewa, C. A. Lazaro, W. M. Kalaiwaa, Z. M. Naahumakua ame M. C. Kealoha; D. Alawa, T. S. K. Nakanelua, E. K. Kaiwa, Jno. Keala ame S. W. Kawewehi, O. P. Emesona, @a@a mau; J. W. K. Kalaiwaa, Jr., hoa kuka.

Na ka Luna Hoomalu i hoakaka mai i ke kumu o keia halawai ana, oia hoi: E noonoo hou kēia Aha i Kahu Kula Sabati Nui hou no Puna, a e hoopau aku ia L. K. Kalawe.

Lilo i kumuhana a noonooia. Hooholoia e hoopau ia L. K. Kalawe. Hooholo hou ia no, e lilo o Jos. M. Kauila i kahu Kula Sabati Nui o Puna.

Waiho mai o O. P. Emesona i keia kumuhana: E hoopauia ka uku ana i na Kahu Kula Sabati Nui o Hawaii, a e hana wale no lakou me ka uku ole ia.

Lilo i kumuhana a noonooia. Ma ka noonooia ana e na hoa no keia kumuhana, ua haule loa aku la.

Ma ke noi a O. P. Emesona e hoopanee i keia Aha a noho hou ma Haili, Hilo, Hawaii, Hooholoia.

Hoopaneeia me ka pule ana a ka Luna Hoomalu.

 

DAVID ALAWA, Kakauolelo.

Holualoa, N. Kona, Hawaii, Iune 21.

 

NA ANOAI O NA PALI HAULIULI O KE KOOLAU.

 

No Kahana, ka aina nona ke kaulana, ka makani wiliahiu. Ua hooponopono hou ia ke Alanui Aupuni maluna ae o ka loko i’a o Kuilua ma Puuomahia, a ua hoaluia iho ilalo ma ka lihi o ua loko la a hui hou no ma ka iho ana ilalo e hiki aku ai i ka muliwai. Nani ke@a, hulali ka hao o na kamaa lio me na huila kaa i ka wa a Muliwaa e nonoho ana ma ke ano kalaiwa.

No Kaluapuleho: He pa lio me ka pipi e hele ana mamua ma Punaluu, a i keia wa ua lilo aw la ia wahi he wahi kanu raiki na na keiki o ka Aina Pua, ka poe noelo da@a me ke gula iloko o na apana lepo o ka honua. No kuahiwi mai ka wai.

No Kaluanui: O keia kekahi o na aina i hele a paa pono i akaakai, a i kei awa ke hele nei lakou ma na wahi neoneo; he waho koena iki koe a lele loa ke aho. He hua raiki ka kamahele e ike aku nei; na na keiki no o Kina, ka lauoho wiliokai i ka piko poo. No kuahiwi mai ka wai.

Ka lihi o Hauula me Kalpapau: He kula lio keia me ka pili i na @a mua aku nei, aka, i keia wa he mahi raiki hou ia. Ua olepeia ae na kuawa me na mikinolia, a ua hoopunila @ ka pa. Na na keiki kaeaea no i ke kanu raiki o ka Aina Pua. He wai aniani ka wai.

No ka Laie: Ua hoopuniia keia aina i ka pa uwea ma na aoao 3. Ma ka lihi manae nei, pili me Kaipapau, holo i kuahiwi; ma ke Alanui Aupuni holo ilalo a aneane e hiki aku i Waiapuka; @ a oi a emi mai paha kanalahao ke akea mai laila mai, a holo no kuahiwi. He 6 mau pa liilii maloko o keia pa nui aw la, o mea hoolimalima me na kanaka o ka aina; no na holoholona, $3 o lalo, a he $6 o luna no ke poo hookahi o ka lio no ka makahiki, a e elike me ka pa hoi au e makemake ai e hookomo malaila, elike me ka olua aelike ana me ke konohiki. Hookahi pa mahi ko me raiki. Pela no na loi kalo, me ka hoolimalima wale no ia e nohoia nei. Nui no ka uku hoolimalima, uuku mai no ke dala, uuku mai no ka loi, a uuku nohoi ke dala hoolimalima elike me ka aelike mawaena ou ame ke konohiki.

 

No Keana: Ke mahuahua mau nei keia mahiko, ke mahiia nei na wahi makai o ke Alanui Aupuni, ma kahi uuku o ke one, a peia nohoi na puu. Ke holoia nei e na @ima palau; na wahi aa na na hoki ka palau ana. He wai aniani kekahi wai, no Punahoolapa kekahi wai. Na ka mahu e hoopii nei i ka wai o Punahoolapa a holo i ka loa ame ka laula o ka mahiko; a pela pu nohoi me ka wai aniani, na ka mahu ka hoopii ana a holo i ka  loa ame ka laula o ka aina.

Ke loheia aku nei hoy na keonimana ame na lede o ka Ua Maakua o Hauuia e puka-amaka ae ana lakou ma ke ano hookuonoono halekuai. He kanaha inoa i loaa o na @a@a. Ke o@ohia mai nei na alo kuaaina ma keia hana maikai. I nui ke aho e na hoa Hawaii a kau i kaupoku o Hanalei, ka aina i kaulana ma ke mele. “Hanohano Hanalei i ka ua nui,” a “Maikai Kauai Hemolele i ka maile.”

Ua lawa au maanei. Me ka Lunahooponopono ko’u welina hoomau, ame na keiki o kou keena ko’u anoai mau. Ke huli hoy nei ke keiki o ka aina a ke eueu Laieikawai i haaheo ai i ka eheu o na manu.

Owau no me kahi hoalu iki.

J. L. K. KEALAKU@ILIMA

Laie-maloo, Iune 18, 1897

 

NA HUNAHUNA MEA HOU O KAU, KUA MAKANI.

 

He nui ka la ma Kau nei, he kohu moena pawehe no Mokuleia o ua mea he ula o ke kula; aohe wahi mea a haule paka ua iki, aia ka ua ma ke kauhiwi e nuhele ae ai, aka, ke hana maoli nei nae e ka wili ana o ke ko o Pahala nei e paina ana a po a e nau ana ke ao, a o na ipu kukui keia o ka uila e anapu ana i ke ao malamalama.

He mau la inu bia iho nei keia o makou, a ua kapiia me na hunahuna paakai o Makaweli, he eha aia i Hilo, a he eono i ka ua haao i ka nauke uku i ka ha.

Ma ka la 16 iho nei he Pili-waiwai he 10 ko lakou nui, aka, ua noi@ noelo ia e ka makai kiu, na Hale Niwela, a ua pau i ke kapaiia na ke keiki Lawaia manu o ke Kaha i kapi iho, ua okiia la e lai ana, hao mai ia hoi ka mana o na Haku hana i ka pe, he neo ia la, a hoi alaala i ke kula o ka neoneo kau a mea he hoomau i ka hana ino.

Ke aneane aku nei i ka wi ai ole ana, iwaena o ka poe i lawe i na Home Hookuleana o Ninole ame Wailau, Kau, o Keoni, Kupa, John C. Searle, ka helu ekahi, oia hoi ke kanu ia ana o kona Home me ke kope, he nui ke kope a he maikai no ka ulu ana. A e ohi ana oia i na hua ohaha a kona lima nani kela.

He paa male ko ke kaikauhaa i ke ahiahi nei, oia hoi o Rebeta Kapua me Kome Poonahoahoaka, malihini no o mai nei @a @a, mai ka ua janilehua mai oia i hele mai ai. He mau wahi mea hou ia, me ke aloha,

Owau no

HALE NIWELA

Pahala, Kau, June 20, 1897.

 

Ua hoolumahiehie ae o Rev. Stephen L. Desha (Kivini) o ka Ekalesia Hawaii o Hilo i ka awai @a@olelo o ka Ekalesia o Kawaiahao ma kela kakahiaka Sabati aku nei. Ua pili kana haiolelo no ka moolelo o ka Moiwahine Victoria o Ene@ani. He haiolelo keia i mahalo nui ia e na poe apau i lohe i ua haiolelo la. Hookahi hora a oi o ka haiolelo ana o ua “Levi” nei o Ka-ua-Kanilehua me ke o@ohia nui la.

 

Mahope iho o ka hala ana o na makahiki ekolu o ka loohia ehaeha ana @ Mr. Isaaka Horner, ka ona o ka Hale Burton, ma Burton. W. V., a he kanaka hoi i kamaaina nui ia ma keia maokuaina me ka ma’i @ aia hoi ua hoolaia oia. Olelo oia: “Aohe i lawa ia’u na huaolelo e hiki ai ia’u ke hoike aku i ke nui o ko’u ehaeha, ua hai mai ko’u mau @, aohe @ no he mea kupono e loaa ai ia’u ka ma@a, aka, o ka make wale no, @ o Iune, 1894, ua olelo aku @ o Mr. Evans, e noho lawelawe kuai ana ma ka Hui Kuai Laau Lapaau o @, e hoao au i ka LAAU HAMO A KAMALENA. I keia wa, @a pehu ae @a kuu wawae ame kuu lima a kohu opeope nunui, me he mea @a i ka’u hoomaopopo iho e pahu maoli ae ana kuu wawae, aka, mahope koke iho o kuu hamo ana me ka Laau Hamo, @ iho la ka pehu, pau ka eha ame ka hu’i, a i keia wa ke manaoi@ loa nei au ua o@a au. E kuaiia ana e na poe kuai laau lapaau apau. O BENSON, SMITH & CO., na Agena no Ko Hawaii Pae Aina.

 

Hoolaha Mana @ook@okoolo.

 

AHA KAAPUNI EHA O KO HAWAII Pae Aina. Ma ka Hooponopono Waiwai. Ma ka Hana o ka Waiwai o Kea (w), he keiki oo oie, no Hamakua, Hawaii.

Ma ka heluhelu ana ame ka waihoia ana mai o ke Noi ame ka hoike helu waiwai a T. K. La@akea, ke kahu o ka waiwai ame ke kino o Kea iwi, he keiki oo ole, a ua nonoi mai oia e aeia aku oia i ka huina o $279.47, a e kakila oia me $300.00, a nonoi mai hoi e nana ia a e aponoia ua hoike la, a e hoopuka ia ke kauoha hope loa no ka mahelehele ana i ka waiwai e paa ana ma kona lima i na poe i kuleana ia waiwai, a e hookuu ana iaia ame kona poe hope mai na koikoi mai apau o ka noho kahu ana.

Ua Kauohaia, o ka POALIMA, la 30 o Iulai, M. H. 1897, ma k ahora 9 A. M. (kakahiaka), imua o ua Lunakanawai la, ma ke Keena, ma ka Haie Hookolokolo ma Hilo, oia kahi i hookaawaleia ame ka manawa no ka hoolohe ana i ua Noi la ame ka Hoike Waiwai, a ma ia wa e hele mai ai na poe apau i kuleana ma ia hana a hoike mai i kumu, ina he kumu ka lakpu, a hoike mai hoi i ka poe i kuleana i ua waiwai la.

Hanaia, Hilo, Ko Hawaii Pae Aina, i keia la 15 o Iune, M. H. 1897.

Na ka Aha:

DANIEL PORTER

2656-@t Kakauolelo

 

@ela ame Keia.

 

HOOLAHA LUNA HOOPONOPONO.

 

Ua hookohuia mai ka mea nona ka inoa malalo iho nei e Hon. E. G. Hitchcock, Lunakanawai Kaapuni Ap. 3, H. P., i Luna Hooponopono no ka waiwai o Honokoa (k) i make kauoha ole, ma Moaula, Kau, Hawaii, Ianuari, 1897. Nolaila, ke hoolaha aku nei i na poe apau he mau koi ka lakou i ka waiwai o Honokoa (k) i oleoia, e waiho mai iloko o eono malama mai keia la aku, a i ole, e hoole mau loa ia aku no. A o ka poe i aie mai ia Honokoa (k) e hookaa koke mai i ka Luna Hooponopono Waiwai.

J. IKAAKA,

Luna Hooponopono Waiwai o Honokoa.

Pahala, Kau. Hawaii, Iune 21, 1897.

2656-4ts

 

OLELO HOOLAHA

 

E ike auanei na kanaka apau i keia, owau o L. Y. Aiona Pake, e noho ana ma Makaalae, Hana, ke papa aku nei au i na mea halekuai o kela ame keia ano, aole e hoaie i ka’u wahine mare, ia L. Wainee, ina oukou e hoaie iaia, alaila, maluna no o oukou ko oukou poho, no ka mea, ua haalele kumu ole mai oia ia’u ame ko maua wahi moe, a ua hoi aku oia i ka poli o na makua, a ke noho mai nei oia ma na Pali Koolau o Maui.

Owau iho no,

2653-4t L. Y. AIONA.

 

Makemake Makou

I ka Oukou Hana

 

Pa’i ana ame

Ka Humu ana

I na Buke

 

E HANAIA ME KA NOIAU LOA.

 

Na Papa Keleaw@ Inoa me na Hua K@ni

Wai Gula.

 

E hanaia no ia ma ko makou nei Keena a kulike me ka mea i makemake@a.

 

KA HUI HAWAIIAN GAZETTE

Na Poe Hoolaha.

 

Hale Pohaku o Von Holt, Alanui Moi, Honolulu.