Ka Nupepa Kuokoa, Volume XXXVI, Number 27, 2 July 1897 — KA MEA HUNA POHIHIHI [ARTICLE]

KA MEA HUNA POHIHIHI

(~nvhiia * l{>7ftulvrmah i ' x -'i r ' r > " f>t A iiOhHKŪ Pooi/Ja * c: •- s //atraii-' MOKI'NA XXIV. Ka Le<le Aiarnira—Ka Hoopakeie i ka Wa Popilikia. "Me he mea la o ka hapalua Jike paha keia wahi a kaua e ku nei mai Tereveliana Pa. mai a hoea i kahakai." wahi a Alamira i pane ae ai iaia i huli hope ae ai a nana aku ia Tereveliana Pa. He mau sekona kona o ba nana ana aku i ka home aloha a kona luaul makuakane i noho ai. alaila. huli ae la ia a hoeu ae la i kona lio. Iho aku la ia ma kela aoao o ke kiekiena ana i ku iho al. Aia ma ke kumu o keia wahi kiekiena hoo-ihona, e moali ana he wahi kahawai, nona hoi na wai e amio ikaika ana me ke kupiKipikio ahiu, a e hoike ana hoi he waikahe ikaika ke ko ia ana ma ua wahi kahawai nei.

E moe ana hoi mamua ponoi aku o ke kumu o keia hoo-ihona. a hoea ma kela kapa mai o ua wahi kahawai la, he wahi uapo ano kahiko. A mai keia wahi uwapo aku, nona paha ka mamao he mau haneri anana e ku ana he wahi puu, a na ia wahi puu i alai mai i ka hiki ana i ka ike o na maka 0 ke kanaka e nana aku ana mai kahi uwapo aku, i ka mea e maalo mai ana ma kela huli mai o iia puu la. 1.-ka hoea ana'ku o Alamira ame ke kauwa ma ua wahi uwapo nei. ua ike akti la o Alamira i na lala o kekahi kumulaau nui i hoohinaia e ka wai, e pili ana i ua wahi uwapo la. a ia wa i olelo ae ai oia: "Ea, aole paha i lawa ka ikaika o keia wahi uwapo kahiko e paa aku 1 na onou ana a na lala o kela kumulaau, oiai hoi ka waikahe e koia ana me ka ikaika? Aole paha auanēi au e palekana ke hele aku maluna o keia wahi uwapo? Eia nae hoi, ke ike n,ei au i na kapuai 110 makamaka hou loa e moali nei maluna ona f me he mea la ano wale iho nei no ka hele ana aku nei o keia lio a kau ma kela aoao." Ta wa huli ae la ua Ui Opio nei o Tereveliana Pa a kamailio ae la i ke kanaka lawelawe: "E Toma. e kali oe a kau au ma kiela aoao, alaila, o kou wa ia e hele ae ai." O ka manawa no ia ana i hoeu ae ai i kona lio, eia nae ua ano hoololohe iho la ua wahi lio nei, me ka hoike ana ap'o kona mau ano apau i kona makemake ole e hooko aku i ke kauoha a kona haku wahine; aka, mamuli o ka pakela hookikina o kona haku opio. ua lele aku la oia no mua. He mea oiaio, mamuli o keia lele ana a ua wahi !io nei a haule hou iho kona mau kapuai a kau maluna o ka uwapo mc ka ikaika loa, ua loheia ae la kekahi uuina nui ana mai o a o o ka uwapo, a hiolo iho la ia me ka pokopoko liilii iloko o ka wai e hele uluulu ana me ka ikaika launa ole, a haule pu aku la o Alamira ame kona lio iloko o ka wal. Auwe! I"a lilo anei o Alamira i ka hee-pue-wai? Ma keia wahi i haule aku ai o Alamira ilalo, ua kahuli mai la na lala o ke kumulaau i pili ai ma kahl uftapo, a halao'a ae la ma o a maanei o Alamira, a he laki nui kela i loaa iaia.

Oiai, me ka noonoo hikiwawe i ulu ae iloko ona iloko oia hora o ke kupiiikii. aia hoi. apakau koke ae la kona mau lima me ka eleu nui e paa kekahi lala o ua kumulaau la. He mea oiaio. ua paa ae la iaia kekahi lala o ua kumulaau la. a malaila ola i paa iho ai. O kona lio hoi keia ua koia aku la e ka wai. a oi&i nae he ano maikai aku la wahi o ka hele ana o ka wai, nolalla, aole no I hele inoino loa ke koia !a ana'ku o ua wahl Uo nei. No keia poino i loohia iho maluna o Alaraira, ua hoopilikia loa ia o Toma kahi kauwa, a ua hoioke ae la oia ma o a maanei o kapa o ke kahawai me ke pihoihoi nui. oiai hoi kona mau llma e puiii ana ma ke alo i kahi wa. a e noke ana hoi i ke ka ma o a maanei me he pupule ta. Me ka hoomanawanui. hooikaika ae la o Alamira e hoolana iaia iho tnailoko ae o ka wai. mamuli o kona pii ana'ku maluna o kekahi lala o ke kumulaau. Ua hooikaika ia me ke aumeume nui ana i keia wa a hiki i kona kau pono ana iluna o ua lala nei a noho iho la. Aia ho! kahi kauwa o Toma ke ninau pihoihoi la: "E kuu haku opio, heaha la auanei ka'u hana pono? Auwe no ka hol €J Aole paha e hiki ana 1 kena kumulaau ke mau loa iho ma kona wahl au e noho mal la? Eia hoi au. he elemakuie, a hiki ole nohoi ke au." "Mal pihoihoi oe, e Toma," wahi a Alamira i pane mai ai. "O kau hana mua e hana mai ai. ola keia. e nana mai oe ina paha ua paa pono ke kumu o keia kumulaau i kekahi pohaku ma ka piii kae kahawai. a i ole ia, malia paha he kumulaau nohoi keia aia ma ia wahi kahi i paa ai kona mau aa." Ua hooko aku la o Toma i keia kauoha a kona haku oplo, ua nee mai la ia a ma kahi e moe ana ke kumula&u a

nana iho la. a ike iho la ia he kumula&u Io no ia raa ia wahi kahi i ula ai mamua, a e mau ana nohoi ka paa o kona mau aa, aka, ma keia wa na6, kē , hoomaka mai la ua mau aa nei e heino mailoko mai o ko lakoa maa wahi i koio- aku ai, a no ia mea, ua hooho hou ae ia ua wahi kauwa nei: "Aole liuiiu a Lemo holookoa aku keia mau aa! Aia la! Ke hoomaka nei iakou e mokumoku i keia wa! Auwe no ka hoi ka poino o kaua e! Xa kou kaumaha e kaomi la maluna o kahi au ? e noho la i ikaika i ke ko ana a ; ka wai, a me he mea la iloko o eiima : minuie e lilo holookoa aku anakeia ku- ; mulaau mai keia wahi aku, a o oe ka hoi ka mea aloha. e kuu haku opio." "Pela io no! Nolaila, e Toma, e holo ! koke aku oe ine ka awiwi nui no ke kii ana'ku i kokua!" ; "Kahaha! I hea la ka'u kokua e k»i | aku ai! Ina paha e holo loa ana au no ■ kauhale, aole paha au e hoea aku iluna | 0 keia puu a kaua i iho mai nei a o ; kou lilo no ia i ka wai, e kuu haku ; opio!" wahi a ke kauwa. ; "Pehea; aole nae paha he hale ko- j koke mai ma keia wahi aku nei? Me j he la, he puka-uwahi hoi ka'u e ike nei ; 1 uka o ke kahawai." i

"Ae—ae! He oiaio ka hoi ia f " wahi a Toma, "He kanaka io no ka hoi ko uka aku nei o keia wahi, a " Aole i pau pono loa aku na mamala huaolelo hope a ua wahi Toma nei i manao ai e hoopuka mai, aia hoi, alawa ae la kona mau maka maluna o ka puu, mauka aku o kahi a Alamira e noho ana iluna o ka lala laau, ia wa oia i ike aku ai i kekahi hololio e oili mai ana maluna o ua wahi puu nei, a iho mai la ma keia aoao me ka holo hoomaha ole ana o kona lio. Ua ike pu aku la nohoi o Alamira i ua hololio nei. Aka, aole nae i liuliu, ua nalowale mai la ua hololio nei iloko o kekahi oawa, a i keia wa i hooho kohu pupule ae ai-o Toma: "E kuu haku! Ua pomaikai kaua, ua loaa ko kaua kokua! 0 kela kanaka a kaua i ike aku nei, aole ia he kanaka e ae, aka, o ka Haku Opio no ia o Rosevena, a'u i kamailio aku nei ia oe. Nolaila, e kuu haku, e hoomanawanui! Na ke Akua lokomaikai keia ola o kaua." "Pela io no paha; aka, aole nae au i ike pehea la auanei e hiki ai iaia ke hoopakele ia'u, oiai ke ike nei au, aole e hala he mau sekona hou aku e noho ai au penei, a lilo aku au i ka wai. Ina e hoea koke mai ana i keia wa, e aho paha ia. Aka, e Toma. e hele aku oe e kokua i kahi lio e hoao la e pae ma kapa oka muliwai. E hooikaika oe e huki aku iaia a kau iluna." Hele aku la o Toma, elike me ke kauoha a kona haku, e kokua i ka huki ana mai i ka lio a kau i kula, a ma ia wa hoi, aia o Alamira ke noho la me ka noonoo nui ana nona iho. Ike lea iho la ia, ma ka wa e ahai aku ai ka waikahe i ke kumulaau ana e kau ana, oia kona wa e ka-liio loa ia aku ai e ka wai a hoea i ka moana. Ike pu iho la ia, ke hoomaka mai la ke anu e hoomaeele hui i kona kino.

A ia wa i huli ae ai kona mau noonoo walohia no kona mau makua ame kona mau pokii kaikunane—ike iho la ia e apahu pu ia ana ka hoi ka hana ana i hoohiki ai, oia hoi kona hookolo ana ma ka meheu pohihihi e ikea ai ka mea huna nana i hoopilikia i kona luaui makuakane. Ma ia wa hanini iho la na waimaka ma kona mau papalina, a iaia i huli aku ai a nana i uka o ke kahawai ike powehiwehi aku la ia i kekahl waapa me ke kanaka maluna iho e holo mai ana, a lohe koliuliu aku la nohoi oia i keia mau huaolelo: "E paa me ka hoomanawanui i ke kumulaau! Mai haalele oe i ka paa ana i ke kumulaau ma kona wa e lilo ai i ka wai! Mai makau a hopohopo! Aole e liuliu a pili aku au ma ka aoao." Ka Ume Magenetl ma ke ala o ka hoopakele—Ka waapa i na ale apiipii o ka waikahe ahiu. Hookahi oe, hookahi au, alo kaua i ka ehuehu. (A keia pule ae.)