Ka Nupepa Kuokoa, Volume XXXVI, Number 29, 16 July 1897 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Hoolaha Mana Hooko

 

I keia la i hookohuia aku ai keia poe keonimanu mahope ae nei i poe hoa no ka Papa Manui no ka Apana Auhau o Kona Akau, Mokupuni o Hawaii, ola o George Clark, Lunahoomalu.

JNO. Leonhardt

J.K. Nahale

J. A. KING,

Kuhina Kalalaina

Keena Kalaiaina, Iulai 6, 1897.

2658-3ts

 

 

I kūlike ai me ke kuhikuhi o ka Mahele 4, o ka Pauku 103 o ke Kumu-kanawai:

 

MA KEIA KE HOOLAHAIA aku nei o ka hoololi I manaloa malalo nei I holoholoia ai kona heluhelu ekolu ia ana e ka Hale o na Lunamakaainana I ka la 12 o Mei, 1896, a iloko o ka Hale Senate I ka la 16 o Mei,1896, penei:

 

HE HOOLOLI I MANAOIA I KA PAUKU 63 O KA REPUBALIKA O HAWAII, E LIKE ME KA PAUKU 103 O IA KUMUKANAWAI.

 

O ka Pauku 63 o ke Kumukanawai o ka Repubalika o Hawaii, ma keia ke hoololiia nei i heluhelula ai elike me keia mahope iho nei:

 

PAUKU 63—NA POO O NA KANAWAI. “I hookahi no manao ma kela ame keia Kanawai, a e hoakakala ma kona poo.”

 

J.A. KING,

Kuhina Kalalaina.

Keena Kakaiaina, Iulai 1, 1897.

2657-12t

 

 

NA KOHO I SILAIA

 

 

E laweia mai no lākou e ke Keena o ke Kuhina Kalalaina a hiki I ka hora 12 o ke awakea Poakahi, Iulai 12, 1897, no ke kūkulu ana I ka Hale Hookolokolo ma Koloa, Kauai.

 

Aia ke kii ame no hoakaka ana ma ke Keena o ka Luna Nui o na Hana Hou, a ma ka Hale Leta aohoi ma Koloa.

 

Aole ke Kuhina i hoopaa iaia iho e ae ia o ke koho haahaa kana e lawe mai ai, a koho e ae paha.

J.A. KING,

Kuhina Kalaiaina

Keena Kaiaiaina, Iune 26, 1897.

2657-3t

 

 

HOOLAHA AINA AUPUNI

 

 

Ma ka Poaono, Iulai 17, ma ka hora 12 o ke awakea, ma ke Keena o J. Kaelemakule, Kailua, Kona Akau, e kuai kudala akea ia aku ai malalo o na hookaa dala ana i aelike maopopo ia a pela pu hoy me na hana hou, he elua mau apana ma Waiaha, Kona Akau, penei:

 

Apana Helu 4, 395 Eka. Kumukuai oi maluna o $375.

 

Apana Helu 5, 43 Eka. Kumukuai oi maluna o $344.

 

No ke kii o keia mau apana aina ae la, no ka mea e pili ana i na kumu aelike, e ninau ia J. Kaelemakule, ka Hope Agena o Kailua, a i ole ia, ma ke Keena o na Aina Aupuni ma Honolulu.

 

He mea pono i na poe e kuai ana ke loaa na mākaukau me ka waiho pu mai hoy i ka manao hoike i koiia ai na poe noi no ke Kuleana Kuai Hoolimalima ame na Aina Aladio Dala Kuike.

J.F BROWN,

Agena o na Aina Aupuni.

Keena Aina, Iune 14, 1897.     2655-td

 

 

HOOLAHA O NA AINA AUPUNI.

 

 

Ma ka Poakahi, Augate 9, ma ka hora 12 awakea, ma ke alo iho o ka Hale Hookolokolo, Honolulu, e kuai kudala akea ia aku ai:

 

Ka Hoolimalima o 744 eka o ka Aina ma Honokala, Hamakua e moe ana mai kahakai mai a hoea ma kahi aneane elua mile mauka aku oia wahi.

 

Eia keia aina i keia wa malalo o ka hoolimalima i ka Hui Mahiko o Honokaa, a e pau ana hoi ma ka la 1 o Okatoba, 1898.

 

Manawa Hoolimalima—21 makahiki mai ka la 1 aku Okatoba, 1898. Ka uku hoolaulima oi aku mamua o $2,776.00 no ka makahiki. e hookaa mua ia ana i kela ame keia hapalua makahiki.

 

No ke Kii o ka Aina, a no na mea aku i koe, e ninau ma ke Keena Aina Aupuni, Honolulu.

J.F. BROWN,

Agena o na Aina Aupuni.

Honolulu, Iulai 12. 1897.

2569-td.

 

 

HOOLAHA NO NA AINA AUPUNI.

 

 

Ka hoolahaia aku nei ma kela, he 13 mau apana aina ma Awini, Apana o Hamakua, Hawaii, I hiki ke nonoila malalo o na kumu aelike kūikawā no ka hookaa dala ana a pela hoi no na hana hou, mahope aku o kēia la a hoea I ka Poaono, Iulai 24.

 

O ka apana aina o loko o keia poe apana ae la i nonoi ole la mai malalo o keia kau kumu kui kawa, mamua o Iulai 24, e weheia aku ana no ma ia ia a mahope aku no ke noila ana mai malalo o na noi no na pono kuai, hoolimalima a kuleana ma ke dala kuike.

 

No na mea i kee, e ninau ia CHAS.

 

WILLIAMS o Honokaa, Hamakua. a i ole, ma ke Keena o na Aina Aupuni ma Honolulu.

J.F. BROWN.

Agena no na Aina Aupuni

Iulai 19, 1897.    2659-td

 

 

HOOLAHA AINA AUPUNI.

 

 

Ma ka Poaono, Iulai 24, ma ka hora 12 awakea, ma ke Keena Oihana o E.D. Baldwin. Hilo. Hawaii, e kuai kudala akea ia aku ai, malala o na kumu aelike kūikawā ma ka hookaa dala ana ame na hana hou, he 5 apana aina ma Puna. Hawaii, penei:

 

 

KAMAILI.

 

 

Kumukuai

Apana.             Eka.                 oi aku.

11                    89.50               $492.25

12                    96.90               484.50

14                    99.20               548.90

 

 

KUPAHUA.

3                      28.00               $42.00

4                      24.00               72.00

 

He mea pono e loaa i na poe e noi mai ana na mākaukau ame na hoakaka i koiia e ke Kanawai Aina.

E loaa no na hoakaka piha o kela mau apana aina ae la ke noi mai ma ke Keena o E.D. BALDWIN, Hilo, a i ole, ma ke Keena Aina, Honolulu.

J.F. BROWN,

Agena o na Aina Aupuni.

Iulai 7, 1897.   2659-td

 

 

KA Nupepa Kuokoa

 

No ka Makahiki - - - $2.00

No Eono Mahina - - - 1.00

Kuike ka Rula

 

 

PUKA ANA.              1 Pule             2 Pule             3Pule   4 Pule             5 Pule              6 Pule

 

@iniha                  $1.50              $2.00          $2.50   $3.00        $3.50

2 Iniha                 2.00           2.75           3.50    4.00         4.50           5.00

3 Iniha               2.50           3.50           4.50    5.00         5.50           6.00

4 Iniha               3.00           4.00           5.00    6.00         6.75           7.50          

@ Iniha              3.50           4.75           6.00    7.00         8.00           9.00

   Iniha              4.00           5.50           7.00    8.00         9.00           10.00

 

O ua Olelo Hoolaha a pau e hoouna ia nai aua no ka Hoolaha maioko o keia Nupepe, e hoouna pu mai me ka auhau, a ina aole, aohe hookomo ia.

 

 

HOOPUKA@A E KA

 

 

HAWAIIAN GAZETTE CO.

 

 

C.G. BALLENTYNE, Luna Nui

JOSEPH M. POEPOE, Lunahoo.

Ponopono.

Honolulu, Oahu.

 

 

POALIMA……. IULAI 16, 1897.

 

 

I ke komo ana o ke kuikahi hoohui Aupuni a Hawaii iloko o ka Aha Senate. mai ka Mana Hooko aku o ke Aupuni o Amerika Huiia, o ke kani ana ia o ka moa kuakahi; o ka hooholo ana o ka Aha Senate e waihoia ke kuikahi i loko o ke Komite o ko na Aina E, o ke kani ana ia o ka moa kua-lua; a hoihoi ke Komite o ka na Aina E i ka hoike iloko o ka Hale, oia ke kani ana o ka moa kua-kolu; a ma ka wa e koho ai ke Senate no ka lanakila a no ka lanakila ole paha o ke kuikahi, o ke olowalu ana ia o ka moa. Aia no ke Kuokoa ma ke alahele pololei. Elua moa i loheaia na kani ana; o ka moa kua-kolu koe a hehi aku i ke olowalu ana, a o ka hoea no ia i ke ao Hoohui Aupuni.

 

 

Ke Kanawai Auhau Loaa Makahiki

 

 

Ke pāhola nei ka loheia maloko nei o ke kūlanakauhale o Honolulu nei I kēia mau la, eia na poe kālepa ko’iko’I o loko nei o ke kūlanakauhale ame ko na wahi e ae o ka Pae Aina nei, a pela pu hoi me na poe mahiko ame kekahi poe ulakolako e ae, ke lulu a ke hoahu dala nei I kēia wa no ka uku ana I na uku loio ame na lilo aha hoʻokolokolo, no ka paio ana I ke Kanawai Auhau no no Loaa Makahiki. Ua lohe wale ia e hiki ana na lilo no keia hākōkō I ka ehiku tausani dala a oi.

 

He ninau ano nui no keia e hapaiia aku ana imua o ko kākou Mana Hookolokolo. He ninau pili loa keia i ka ekeeke ame ka waihona o ke kanaka waiwai. A o ko ke kānāwai nanao ana mai iloko o ka pakeke a o kahi wahi “kaele iki” paha I hoomoamoaia aikeia waiwai makamae, na mana e ka aoao kue aku I kēia hana Aupuni, he hana kue ia i ke Kumukanawai. Ua hoʻokahua nui ia keia kue a ka lehulehu I komo iloko o na apo ana a kēia kānāwai mamuli o kekahi olelo hooholo I hoopukaia e ka Aha Kiekie o Amerika Huiia no kekahi kanawai i like loa ke ano me keia akukalaia ai ia kānāwai na kue I ke Kumukanawai.

 

 

Ma ko mākou pepa o keia ia e ikeia ai ka manao kalai Aupuni o Kuhina Sherman o Amerika Huiia, no ka mea e pili ana i ke Kumuhana Hoohui Aupuni.

 

 

Ka Hana a ka Lahui Repubalika o Hawaii Heaha ia ia?

 

Oiai ua ikeia, mamuli o na lono hope i loaa mai nei ia kākou. ua hoopaneeia ka noonoo ana o ka Aha Senate o Amerika Huiia i ke Kuikahi Hoohui Aupuni mawaena o Hawaii nei ame Amerika Huiia o hoea i ke kau mau o ka Ahaolelo Nui. e noho ana ma ka malama o Dekemaba ae nei. nolaila, mai kei awa aku a hoea ia wa, he mea pono ia makou, ma ko makou ano he kiai no na pono lahui ma ka aoao o na Hawaii maoli apau i haawi i ka lakou mau pulama aua a makee ana hoy i ke kulana Aupuni o Hawaii e ku nei i keia la, ke ninau i keia ninau: “ Ka Hana a ka Lahui Repubalika o Hawaii—He aha la ia?” He kumu kūpono ko makou o ka hooulu ana ae i keia ninau i kei awa, oiai, mamuli o ke kakoo ana o ua poe la i keia Aupuni, nana e kiai a e hooponopono nei i ko lakou mau pono kivila, ame ko ka lahui “Roialiti” nohoi, ua ili iho ke koikoi maluna o lakou ma ka auamo pu ana, hana like ana, a hooikaika ana hoy me ka lōkahi me na alakai ame na hoaloha no apau o ke Aupuni i mea e hooholo mua ia ai ke kahi kumuhana pili Aupuni ana nui loa, elike la me ka ninau Hoohui Aupuni e ku nei i kei awa me ke ola iloko o ke Komite o ko na Aina E o ka Aha Senate o Amerika. A oiai nohoi, he kumuhana keia e lilo ana, ma kona wa e hooholoia ai, i alahele e kamoe ana ia kākou e hoea pono aku o Hawaii aloha ame kona lahuikanaka oiwi i mamina nui ia, ma ke kiekiena o kekahi kulana Aupuni, a makou e koho nei i kei awa me ka manaoio paa he Aupuni ia no ka lehulehu, a malalo o na koho balota ana a ka lehulehu, a malalo o na kaho lehulehu i loaa na pono koho balota e rulaia ai na hookeleia ana o ua Aupuni la, aole hoy elike me ko kei awa e ku nei, a me ko ka nohoi e ku ana ke Aupuni “Alii.” ko ka wa nohoi e ku ana ke Aupuni “Alii.” nolaila keia hoolale ana e ku kakou me ke kuia i kei awa.

 

He mau mamala olelo moakaka pono keia a makou e hoopuka aku nei, e hiki ole ai i kahi mea ke hoohuoi iho i kahi i ikeia ai “ka puana a ka moe.”

 

Ua maopopo loa, aia he hana ma ka aoao o na Repubalika o Hawaii nei e pono ai ia lakou ke aua mae i kei awa a hana aku, no ke kokua ana i ka hana a Hawaii Aupuni Repubalika i onou aku nei a ku ma ka papahela o ko Amerika Ahaolelo Lahui; a “Heaha la ia hana?”

 

Eia: E kukulu paa hou ia na Ahahui Kalaiaina Hoohui Aupuni i waiho hoopalalehaia iho nnei i keia mau wa i kaa hope ae nei, ma na apana i hoala mua ia ai ua mau Ahahui la. Pela no hoy, e hoalaia he mau Ahahui la oia ano ma na wahi i nele. E lawelawe pu na Hawaii, na hapa Hawaii me na hoaloha “haole” e kakoo nui ana i keia kumuhana. Ma na wahi i loaa ai he poe Hawaii maoli i lawa na mākaukau no ke alakai ana I na Ahahui ma ke ano naauao, ua hiki no ia lākou ke hooliloia i mau alakai no na Ahahui, ke kohoia a aponoia e ka hapanui o loko o kela ame keia Ahahui. A ma na wahi hoi i ikeia ai ua ku na Ahahui hoohui Aupuni malalo o ke alakai ana a na “haole,” he mea pono loa, a oia maoli no ka hana oi aku o ka maikai, no na Hawaii maoli, e hui lōkahi aku me ia mau Ahahui, a lilo i poe lala no ia mau Ahahui. Ma ka wa e paa ai a e ku ai keia mau Ahahui, a makaukau pono no ka hana, oia ka wa e hoala mai ai i na ninau ame na hana i kūpono ke noonooia e kela ame keia Ahahui. A ma ia wa hookahi. hoi e hoomanao pu ia he mau Ahahui Lala wale no na Ahahui apau oia ano i kukuluia mawaho aku o Honolulu nei, no ka Ahahui Nui a Kuwaena ma Honolulu nei.

 

I mea hoi e maopopo ai ke ano nui o ke Kumukanawai e kukuluia ai na Ahahui Lala, ke hoolaha hou aku nei makou i ke Kumukanawai o ka Ahahui Nui o Honolulu nei, elike me ka mea i hoopukaia aku e makou ma ka Helu 50 o keia pepa, la 11 o Dekemaba, 1896:

KE KUMUKANAWAI O KA AHAHUI HOOHUI AUPUNI O KA REPUBLIKA O HAWAII..

 

1. Ka Hana:-- O ka hana hookahi a ka Hui oia no ka hooholomua ana ame ke kakoo ana i ka hoohui ana ia Hawaii ia Amerika Huiia, no keia hopena, e kakauinoa ai na kane kanakamakua apau e noho ana ma ka Republika o Hawaii i poe lala, me ka nana ole i ke ano o ka hui kalaiaina a lakou i noho ai, ka poe hoy i manao he mea i makemake nui ia ua hoohui Aupuni la, a he poe oiwi paha lakou no Hawaii, poe Amerika, Pelekane a Europa paha ma ka hanau ana, a o ko lakou mau makua paha.
2. Lala:-- Ua hiki no i kela ame keia mea i hoikeia ma ka Pauku 1 ke lilo i lala, ma o ke kakauinoa ana ma ke Kumukanawai.
3. Na Luna:-- E kohoia no na Luna o keia Hui ma ka wa e aponoia ai kela Kumukanawai, a a na poe luna @la, he Peresiden no ia ame eha hope Peresidena, he Kakauolelo hoopaa moolelo a he Puuku, he Kanaolelo Waiwai, a he Komite Kananinoa o ehiku lala, a o keia poe luna apau he poe lala lakou no ka Hui, e kohoia no lakou i keia ame keia makahiki no ka paa ana i ka lakou mau Oihana a hiki i ka wa e koho ia ia ko lakou mau panihakahaka a lawe hoy i ka Oihana. E hoopihaia no kela ame keia hakahaka e na Luna, ma kela ame keia halawai ana a lakou- E lilo no na Luna apau i Komite mawaena o lakou iho.
4. Na Halawai:-- E halawai no ka Hui ma Honolulu ma ka Poalua mua o kela ame keia malama. ame ka Polua mua o Iune, i kela ame keia makahiki no ke koho ana i na luna ame ka hana ana i na hana e ae, e hoea pono mai ana imua o ka Hui, a ma na manawa e ae hoy e hooholoia ana e ka Papa o na Luna, a i ole ia, ma o ke noi la i kakauia e na lala i emi ole iho malalo o ka 20.
5. Ka Huina e Paa ai ka Halawai (Quorum):--- O ka huina e paa ai kekahi halawai ana (ola hoy ke Koramu) a ka Hui, oia no na luna o ka Hui, na lakou i kahea ia halawai ana, ame na hoa i emi ole iho malalo o ke 30. O ke koramu hoy o ka halawai a na luna, oia no ka luna nana i kahea i ka halawai ame na luna e ae, e loaa ai he heluna oi aku  ko na luna apau.
6. Na Hui Lala: --- E hiki no ke kukuluia na Hui Lala maloko o na Apana koho balota lehulehu, e kekahi poe kanaka, i emi ole iho o ko lakou heluna malalo o ka 25 i kupono e lilo i lala, a o kela ame keia oia mau ano hui e hiki o kela ame keia oia mau ano hui e hiki no ke koho mai loko mai o kona mau lala ponoi iho i Peresidena. elua hope Peresidena, i Kakauolelo, a i Komite kakauinoa o ekolu lala. E hoike koke mai ke kakauolelo o ua hui la i na inoa o kona mau luna ame kona mau hoa i ke kakauolelo o keia hui, a nana hoi e hoike aku i ka lohe i ke kakauolelo o ua hui lala’la ka he luna oia hui i ku ai ame na hana a keia Hui ame kona mau luna ma Honolulu nei.
7. Na Hoololi:--- E hiki no ke hoololiia keia Kumukanawai e ke koho ana a ka poe lala i haule ole ko lakou heluna nui mahalo o ka elua hapakolu o na hoa apau i akoakoa mai ma kekahi halawai ana a keia Hui i kaheaia no ka noonoo ana i kahi hoololi Kumukanawai ii manaoia, ua haawi mua ia aku nae he hoolaha no ia halawai ana i na lala, a i ole; ma ka hoolaha ana paha maloko o kekahi nūpepa puka la ma Honolulu, e emi ole ana malalo o ekolu la.
8.  Na Olelo Hooholo:--- Aole e apono ia kekahi olelo hooholo i kue i keia Kumukanawai, aole nohoi e aponoia kekahi olelo hooholo e pili ana i ke kahua a o ke ku ana paha o keia Hui, aia wale no a aponoia maloko o kekahi halawai ana a ka Hui i kahea ia no ia hana, me ka hoolaha, ana nohoi imua o na lala elike me ka mea i hoikeia maloko o ka Pauku 7 no na Hoololi.

 

E na Hawaii Republika oiaio o ka aina aloha! E hoomanao, o ka kākou i paio ai i ka wa i hala ae nei, malalo o keia ninau, a e paio nei nohoi i keia la, a e paio mau mua aku, a hoea i ka lanakila loa ana o keia kumuhana, he hakoko ia, aole no ko kākou pono wale iho no, oiai ka kākou mau la e ola nei, me ka noonoo ole no na pono o ka kakou mau pua ame na mamo aloha a kakou mahope aku nei o kakou; aka, ke hoopaa nei kakou i keia wa i ka pōhaku kihi o ka “halau hale Aupuni” e hiki ai i ka kakou mau pua ma keia hope aku ke kua e maloko o na paia o ua “heiau hoano” nei a kakou i hookumu ai, a huli mai i hope nei, a puana ae me ka haaheo: “Eia makou ano ke noho nei iloko o ka home a ko makou mau kupuna ame ko makou mau makua i kukulu ai, ka home o ke kanaka kuokoa, kahi a makou e heihei ai me ko ke ao nei apau ma ka paio ana no ka pono o ka noho lanakila ana ma ka mana o ke koho balota laulaha ma na hana ko’iko’i apau o loko o keia home. Oiai e loaa ana i na keiki i ka ili aiai mai na aina mai o ka Olelo Beritania i kuleana pu me makou ma na noho ana o keia home, e olelo ae—Ma o ae ke ku ana o kela pākaukau—pela nohoi ke kulana like i loaa ia makou ma o ka mana la o ke koho balota ana, e olelo ae ma ia wa hookahi—O ka haku aunei o ka papa ahaaina a kakou, he keiki ia no ko makou one hanau. A o na pono keia i loaa mai ia makou i keia la mai ko makou mau kupuna mai.”

 

Ae--- ke haaheo nei na mamo a na kanaka Amerika i hakoko no ka pono o ka noho kuokoa ana maloko o na paia o ka Hale Aupuni Koho Balota Laulaha, no na Oihana Aupuni a pau o ka Aina, a ke kaena ku nei ia poe aia lakou ma ka Aina o ke Kuokoa Aka, e ninaula: Heaha la ka hana a ko lakou mau kupuna i hana ai i kela mau la okikilo loa i hala e aku, i hiki ai la lakou ke keha i kei awa no ko lakou noho ana iloko o na haawina oikelakela o ka nohona pono koho balota laulaha.” O ka hana no a kakou, e na Hawaii Repubalika, e hana nei i keia la: aka, me ke koko i hookaheia o na kapuna o na mamo Amerika i keia la i hoonohola ai ka pōhaku kihi o ko lakou hale Aupuni kuokoa; a o ko kakou hoy, ko na oiwi ponoi o ka aina nei, ke hoonoho nei kakou i ka pōhaku kihi o ko kako “halau hale Aupuni” iloko o na hoohenehenela mai a hoinola mai e ko kakou poe hoahānau ponoi. Aka, e hiki mai ana no nae ka la e awaiaulu pu ia ai kakou iloko o ka lokahi.

 

 

Ke Koho a ka Elua Hapakolu a na Senate

 

Ma ke Kumukanawai o Amerika Huiia o ke koho lōkahi ana a ka elua hapakolu o na Senate I hiki iloko o ka Hale, ma ka wa oia koho ana, oia ke koho ana e lanakila ai a e lanakila ole ai paha kekahi kuikahi Aupuni i waihola aku e ka Peresidena.

 

Nolaila, ina he 90 ka nui o na hoa o ka Aha Senate, alaila, o ka heluna elua hapakoulu oia poe āpau, ua like ia me 60, a oia huina ka mea i manaoia ka mea e lanakila ai a e lanikila ole ai paha ke Kuikahi Hoohui Aupuni O keia huina o 60 ka mea maa mau paha e oleloia nei, mawaena o ko kākou poai iho nei, a ma Amerika no paha. ma ke ano oia ka heluna a ke Kumukanawai (o Amerika Huiia) I koi mai ai. No mākou iho nae, he wahi kakanalua iki ko mākou, a no ia kumu kānalua I ulu ae ai he manao nūhou paha iloko o mākou, a he manao hoi I kaokoa loa ae mai ka mea maa mau mai I oikeia ae la, no ka mea e pili ana I kēia koho ana a ka elua hapakolu o na Senate, a o kēia manao a mākou e hoohuoi nei, ua hookahuaia no ia maluna o kekahi mau olelo o ka Pauku II. o ka Mahele2 o ke Kumukanawai o Amerika Huiia, oia hoi keia: “He (the President) shall have power, by and with the advice and consent of the Senate to make teaties, provided two-thirds of the Senators present concur.” Penei ka mākou unuhina Hawaii: “He mana auanei kona (ka Peresidena) ma ame ke a’o ana ame ka ae ana mai o ke Senate, e hana i na kuikahi, ina nae e ae lōkahi ana ka elua-hapakolu o na Senate e noho ana (present). “ Aia ko makou manao alakai maluna o ka huaolelo “present.” Ke ole makou e kuhihewa, mamuli o ke komo ana o keia huaolelo ma keia wahi ua hookaokoa loa ia ke kino Aha Senate i loaa ka mana e hoopuka i kekahi olelo hooholo hope loa, no ka holo ame ka holo ole o kekahi kuikahi i waihoia aku iloko o ka Hale mai ke kino Aha Senate mai i kapaia “na hoa i koia” (elected members). Penei hou makou e kukulu ai i keia mahele o ke Kumukanawai a makou i kuikahi ae la, mamuli o ka hookomo ana i na mamala olelo “elected members,” a i ole ia, o kahi hopunnaolelo a mamalaolelo paha i like me ia ka manao: “He shall have power, by and with the advice and consent of the Senate, to make treaties, provided two-thirds of the Senators elected concur.” A penei ka unuhina Hawaii: “E loaa auanei ka mana iaia, ma ame ke a’o ana mai o ke Senate, e hana i na kuikahi ina nae e ae lōkahi ana ka elua hapakolu o na Senate i kohoia.”

 

Ma kēia mau mahele elua e ikeia ai, ua ku kaawale loa na kino Aha Senate I kahi ame kahi. Ma ka mua, “o ka elua-hapakolu o na Senate e noho maoli ana iloko o ka Hale, ma ka wa o ke koho ana, ke kino Aha Senate i hiki ke haawi i olelo hooholo hope no ka holo ame ka holo ole o ke kuikahi a ka Presidena i hookomo aku ai iloko o ka Hale. Ma ka mahele elua hoi, aia ke kino mana o na Senate I ka loaa ana he huina o elua-hapakolu mailoko mai o na hoa āpau o ka Aha Senate e noho ana iloko o ka Hale, ma ka wa o ke koho ana: oiai o na Senate e noho ana iloko o ka Hale, a pela nohoi me na Senate i hiki ole aku iloko o ka Hale, aia no paha ma ko lākou mau home iho a ma na wahi e ae paha; he poe Senate lākou āpau I kohoia, a I koma hoi iloko o ke apo ana o ka hualolelo “elected.”

 

Aka, o ka huaolelo o ke Kumukana wai e ku nei, oia keia, “present,” aole he “elected.” O ka huaolelo mua, ma ko makou manao ana—a malia hoy paha he manao kuhihewa ia—ua pili ia i na hoa Senate e noho kino ana a i hiki ae iloko o ka Hale ma ka wa o ke koho ana, me ka helu ole ia o na Senate i hiki ole aku iloko o ka Hale ma ia wa, ka poe hoi i oleloia, he poe i “absent” mai ia wa mai o ka akoakoa ana o ka Hale.

 

Nolaila, mamuli o keia mau mea a makou i hoike ae la i ulu mai ai keia manao peni: Ina na loaa i ka Hale he heluna o na Senate i oi aku i ke koramu (quorum), oia paha he 60 ko lakou nui, alaila, o ke koho ana a ka elua-hapakolu o keia heluna 60, ke koho lanakila i ku i ke Kumukanawai, me ka nana ole aku i na Senate he 30 i koe mawaho o ka Hale, a i hiki kino ole aku hoy iloko o ka Hale Ina no he 40 oia poe i hiki iloko o ka Hale ia wa, alaila, o ke koho ana a ka elua-hapa-kolu a ia poe ke koho e lanakila ai, me ke ka@kai ole i ka elua-hapakolu o na hoa apau i kohoia.

 

Malia paha ua kuhihewa makou ma keia hoakaka ana, no la mea e hauoli ananei makou ke loo mai ia makou he mau hooponopono maemae ana mai na hoaloha mai i kuliu ma keia mahela hana Ahaolelo i pau ai ko makou kuhihewa.

 

 

Ma keia ku ana mai nei o ka mokuahi “Gaelic” no Honolulu nei, a holo aku la no ke komohana ma ka po Poakolu nei, i kau aku ai o Mr. Akiyama, kela “Komisina Iapana “ i hoea mai ai ia nei ma ka wa i ku mai ka mokukana Naniwa, a huli hoy aku ia no kona home ma Iapana.

 

 

 

KE KUE A IAPANA NO KA HOOHUI AUPUNI

 

 

 

Na Kukai Palapala Mawaena o Kuhina Sherman ame ke Kuhina Iapana.

 

 

 

No ka pomaikai o ko makou @ @  luhelu, ke hoolaha aku nei makou @ @ palapala i hoolaunaia mawaena @ @ Kuhina Noho o Iapana ma @ me ke Kuhina Nui Sherman o Amerika Huiia, no ka mea e pili ana i ka Iapana olelo kue no ke kumuhana hoohui Aupuni mawaena o Hawaii nei @ Amerika Huiia. A penei na mea i @ mai ia makou:

Wasinetona. Iulai 5.—I keia la i ike ia ai ka olelo kue a Iapana no ka hoohui ana mai ia Hawaii me Amerika Huiia. A eia iho na palapala piha.

 

KA PALAPALA A KE KUHINA @ PANA IA KUHINA SHERMAN

Oihana Kuhina o Iapana

 

Aloha oe:-- E ae mai ia’u e @ hou aku i kou noonoo no ke kumuhana a kaua i kamaʻilio ai I keia la @ hoy ka lono lauāhea e pili ana no @ na Aupuni o Amerika Huiia ame @ Hawaii aneane ana e hooholo he kuikahi e hoohui ana i ko Hawaii @ Aina i keia aina, ma ke ano he Aupuni panalaau ia nona. A oiai ua loaa ia’a ka hanahano o ka hoike ana’ku ia oe, ua wawa pinepine ia mai keia loaa iloko o na la kakaikahi i kaa hope ae nei, me na mea ano nui e pili ana ia hana, a he mau mea hoi e hoike ana i ka oiaio oia lono. Aole wale no keia lono i loaa mai e hooiaio maopopo mai ana e hooko koke ia aku ana ka hana hoohui Aupuni, aka, ua hoike pu mai ia me ka maopopo loa i kekahi mau mahele oia hana, a he mea hoy e hoopilikia maoli ana i na pono i loaa i ke Aupuni o Iapana ame na makaainna Iapana ma o na kuikahi la me Hawaii a malalo hoy o ke Kumukanawai oia Aupuni.

 

Mamuli o keia kumu i makemake ai au e hoike hou aku i ka mea i loaa ai ia’u ka hanohano o ka hoike ana’ku ma ko kaua kamailio pu ana i keia la, oia hoy, aole hiki i ko’u Aupuni ke nana mai me ke komohia ole ana iho o kekahi manao hoohui no na hopena e hoea mai ana mamuli o keia loli hikiwawae ana me ke koena ole ma ke kulana Aupuni (status) o Hawaii, ka loli ana hoy e hoopilikiaia ai ka luna Aupuni o Iapana ame na makaainana Iapana malaila, Nolaila hoi, oiai lakou e paulele ana maluna o Amerika Huiia ma ka pahola ana mai imua o lakou i ke kulana kaulike a hoaloha ma keia mahele hana, elike nohoi me na hana e ae, ua manao lakou, mamuli o na kumuhana i pili loa i keia ninau. aole pono lakou e manaoia aku he poe makaikai wale mai no lakou i nei hana, me he mea la he poe lakou i nele i na pono e komohia ana iloko o keia hoololi Aupuni ano nui i hooiaio maopopo ia mai e hookoia aku ana ma na mea e pili ana i na launa ana mawaena o Amerika Huiia ame ko Hawaii Pae Aina. No keia kumu, ke manao nei au, ua loaa, ia’u ka aponoia ana ma ka ninau ana’ku ia oe, e Mr. Kuhina, he aha la na olelo i hookomoia maloko oia kuikahi no ka pulama ana ame ka malamaia ana o@na pono i loaa a e  kaanaia nei hoy e Iapana, ma kona launa ana me Hawaii, mamuli o na apono maoli ana a ke kanawai ame ke kuikahi.

 

E apo aku oe, e Mr. Kuhina, i na hooia hou ana o ko’u manao mahaio kiekie.     TORU HOSHI.

Ia Hon. John Sherman. Kuhina Nui o ke Aupuni.

 

Ua pane aku hoi o Kuhina Sherman I kēia palapala penei:

 

PALAPALA A KUHINA SHERMAN I KE KUHINA IAPANA

 

 

Oihana Kuhina Nui.

Wasinetona, Iunne 16,1897.

Aloha oe:-- No ka pane ana’ku I kau palapala o ka la 15 nei, I loaa mai la, e olelo aku au, ua kakauinoa iho nei na Aupuni o Hawaii ame Amerika Huiia, ma o ko lāua mau luna Aupuni la, I kekahi kuikahi hoohui mai I ko Hawaii Pae Aina I kēia aina. Ua hanaia kēia mea elike me ke keehina kālai Aupuni I lawelaweia ai e Amerika Huiia no ka wa loihi, a o ua kuikahi la, pela ko’u hoʻomaopopo, e waihoia aku no imua o ka Aha Senate o Amerika Huiia e ka Peresidena no ke aponoia ana. No ka mea hoi e pili ana I kau nīnau no ka mahele maloko o laila, e pili ana I na kui kahi e paa nei mawaena o Iapana ame ke Aupuni Hawaii e ku nei I kēia wa, o ka’u I hoʻomaopopo ai, aole ke aupuni o Amerika Huiia I lawe ae malama iho ona I na ko’iko’I I hanaia e ke Aupuni Hawaii I hoea mai hoi mailoko mai o na kūkahi a aelike I hanaia e la me na Aupuni e ae.

 

Ua manaoia, aohe mea maloko o kēia kuikahi I hanaia iho la e kue ana i na pono o Iapana, a he mea oiaio nohoi aohe manao o Amerika Huiia e hoonioni I na launa makamaka ana I ku no ka wa loihi mawaena o ke Aupuni o Iapana ame keia Aupuni. E apo aku oe, e Mr. Kuhina, i na hooia hou ana o ko’u mau manao mahalo kiekie.

            JOHN SHERMAN.

Ia Mr. Toru Hoshi. A pela’ku.

 

Mahope iho o ke kakauinoaia ana o ke Kuikahi Hoohui Aupuni ma ka ia 15 o Iune, a me ka hoounaia ana aku o ua kuikahi la e ka Peresidena iloko o ka Hale o na Senate, ma ka la 16, na hoouna aku ia ke Kuhina Iapana ma ka la 19 o Iune i ka palapala kue kuikahi hoohui Aupuni a Iapana.

 

 

KA PALAPALA KUE A IAPANA I KE KUIKAHI HOOHUI AUPUNI HAWAII.

            Oihana Kuhina Iapana,

            Wasinetona, Iune 19, 1897.

 

Aloha oe:-- Me ke kuhikuhi ana’ku i na palapala i panaiia mawaena o kaua no ka mea e pili ana i ka hoohui Aupuni i manaoia mawaena o ko Hawaii Pae Aina ame Amerika Huiia, ua loaa ia’u ka hanohano o ka hoike ana aku