Ka Nupepa Kuokoa, Volume XXXVI, Number 30, 23 July 1897 — MAKE MA KE ALANUI PALI HOU O NUUANU. [ARTICLE]

MAKE MA KE ALANUI PALI HOU O NUUANU.

Ma ka auina la o ka Poalua aku nei o kela pule, oia paha ka hora 2 a oi, ua loohia iho la he make weliweli ame ka manaonao maluna o kekahi kanaka paahana o ke alanui pali hou o Nuuanu, nona ka inoa o Kilauea, mamuli o ke pahu ia ana e ke giana pauda i hoopihaia iloko o kekahi lua eli no ka hoopahu ana i ka pohaku. O ka moolelo i loaa mai ia makou no keia make mainoino oia keia: He kanaka hana keia, ma ke ano he hope no J. Puni, ka mea i hoopaa aelike pu me na mea i lilo ai ka aelike Aupuni no ka hana ana i ke alanui O ka hana maa mau a keia kanaka ame kekahi poe e ae, he umi paha ko lakou nui, oia no ka hoopahu ana i na pohaku. Ma keia la hoi, ua hoonoho aku la o J. Puni i keia kanaka e nana i ka hana ana a kekahi poe kanaka, oiai he hana okoa ka Puni e hele ai e nana ma ia wa. Nolaila, ua hana aku la keia Kilauea me kona poe kanaka me ka maikai wale no a hoea i ka hora 2, ua hohonu iho la kekahi lua a lakou i noke ai i ke pao. He 6 kapuai ka hohonu a he 4 iniha ke anawaena. Ua hahaoia iho la ka pauda a hoopaaia ka uwiki. Mamuli o kana kauoha, ua lilo ae la ia Piikuahiwi ke kuni ana i ka uwiki nui, a nana ponoi nohoi e kuni na uwiki o na "pao" e ae elua. He mea oiaio, o kana mau "pao M i kukuni ai ua pahu ae la laua a koe ka Piikuahiwi, a oia kona wa i huli aku ai a olelQ ia Piikuahiwi no ka apiki loa o kana ku'i ana i ka pauda, me he mea la, ua aeae loa kana ku'i ana ia mea, oia ke kumu o ke ulolohi loa o ke pahu ana. Nolaila, ua holo aku la oia (Kilauea) no ke "pao" i ho-a ia ai kona uwiki e Pii- ! kuahiwi, oiai oia i oleloia aku ai e I kali iki no kekahi manawa, eia nae aole ona hoolohe mai. laia i holo aku j ai a ku iho maluna pono o ua "pao" la, | me ka nana pono ana iho hoi iialo, o ka wa no ia i pahu ae ai ua wahi la i eliia ai. O kona wa no ia i kiolaia ae ai iluna he 40 kapuai paha ke kiekie a pa aku la oia i kekahi aoao o ka pali, a mai ia wahl aku hōi i kakaa aku ai oia ilalo o ka pali no aneane 170 kapuai. Na Makaokalani i kii aku kona kino poino i hele a manaonao. Ua hai koke ia ka lohe 1 ka Halewai a ua holo koke aku o Mr. W r aipa, ke kapena nul o na makai, no k:e kahua poino. Ua haalele iho ke kanaka i hala aku la ma o he wahine a he keiki. Aloha wale! Ma ka hora 8 o ke kakahiaka Poalima ae, ua hoolewaia kona kino make. Ua kokua ae hoi na haku hana o kahi i kailiia ai kona ola he $50 i kana wahine. Ma ka Poalua nei i ku mai ai ka moku&hi Australia no Honolulu nei mai Kapalakiko mai iloko o 6 la me 17 hora i holoia e ia.