Ka Nupepa Kuokoa, Volume XXXVI, Number 30, 23 July 1897 — KA MEA HUNA POHIHIHI [ARTICLE]

KA MEA HUNA POHIHIHI

C*« »'*<"« e m "A> K.i>Jut*a ī*<x~ e t - LaS •> i Heimu "

MOKI'NA XXV. Ka Enemi ma ke Alahele —Ke Kupaa me ka Naueue ole —Ikea ka Mea Huna Pohihihi. Ma ka mokuna i hala, i ike ai kaua. e kuu makamaka heluhelu. i na mea apau e piii ana i ka huakai hololio a ka Ui opio o Tereveliana Pa, ka hopena hoi oia huakai, ame ka huli hoi ana 0 Alamira no ka hale: nolaila. e waiho ana kaua, e kuu hoa haihai olelo o keia nanea, i ke kamailio ana no Alamira 1 keia wa, a e huli aku ka kaua mau kamailio ana i keia wa no Adelo. ka mea a kaua i ike ai ka enemi nui o Geofere Tereveliana, a o ke kanaka hoi nona ka puuwai i hookaukolo hoohihihi aku, me ka eleele lipolipo o ke kuko, maluna o Beatirisia, ka Ui Hoopahaohao o Hametona Kakela. E kuu hoa hoinainau, ua ike kaua ma ka mokuna mamua aku o ka mokuna i hala aku la i ko Adelo holo ana me ka pupuahulu a komo iloko o kona rumi mahope iho o kona heluhelu ana i ka palapala a Alamira. Mamuli o kona ike ana i na mea i hoikeia maloko o keia palapala i hookupouli loa ia ai kona'noonoo, me ke kupilikii nui. A oiai oia e noho ana iloko o kona keena, ua like ka ikiiki pioloke e hana mao ole ana iloko o kona houpo me he mea la ua nele maoli o loko o ua keena la oha i na mapuna ea oluolu, nolaila, ua ku ae la 'oia iluna a haalele iho la i ua keena la ona. laia i iho aku ai ilalo, halawai aku la ia me Hasekina, kana kauwa, ma kekahi keena o ka hale o lalo. Ia wa peahi aku la oia iaia e hahai aku mahope ona, oiai hoi i kamoe aku ai kona mau kapuai noloko o ke kihapai. Hele aku la ia a hoea i ka hale aniani hooulu mea kanu, a malaila oia i noho iho ai. Aole hoi i liuliu mahope iho hoea mai la o Hasekina. I kona ike ana mai i ka helehelena ano e o kona haku, ua ninau koke mai la oia: "Heaha keia e kuu haku? Ua like maoli kou helehelena ine ko ka mea ua make, ka hele.a haikea pu?" "Ua like io no au me he mea la ua make i keia wa a'u e noho nei," i pane aku ai o Adelo, me ka olelo ana'ku, "E noho iho oe ilalo, a e hoolohe mai oe i ka'u mea e hoike aku ai ia oe. Ke ola nei no o Geofere Tereveliana i keia wa." Me ka puiwa launa ole, me ka helehelena hoi i haikea pu ia, lele ae la o Hasekina a ku iluna, a hooho ae la ia: "Pehea? Ke ola nei no oia? Aole ka oia i make? Ua hoi mai anei oia i Ladana nei? Eia anei oia ia nei? Pehea la, ua ikeia anei ka oiaio o ka mea huna pohihihi o kela po weliweli?" "Aole. E noho hou'iho oe ilalo. Ke ola nei oia i keia wa ma Enelani nei; aole hoi oia i hele mal ma Tereveliana Pa nei. Eia oia ke pee nei ma kekahi wahi, malalo o kekahi inoa okoa, oia hoi, he inoa kapakapa kona. O ke kumu o keia pee ana ona, oia kona maka'u o hopuia oia e ka Haku Tereveliana." I kela wa noho hou iho la kahi kauwa maluna o kona noho. a ninau mal la i kona haku: "Pehea oe I ike ai i keia mea, e kuu haku?" "Ua ikeia e a'u keia maloko o kekahi palapala i manao ole ia na ko'u mau maka e ike," wahi a Adelo, me ka hoomau ana'ku, "O keia kaikamahine e noho nel ia nei i keia wa, oia hoi 0 Miss Arevalo, ka naea hoi a kuu makuakane i hookama ai i moopuna hookama oia nana. a o ka mea hoi nana 1 hookahuli loa ae nei i ke ano o ka Haku Tereveliana mai kona kulana maa mau mai o na wa i hala ae nel a ke ano hou loa i keia wa, o ke kaikamahine no ia a Geofere Tereveliana." I keia wa i oili mai ai he mau kulu hou puanuanu ma ka lae o kahi kauwa, a ma ia manawa no hoi i hooho ae ai oia: "Oia io aaei ke kaikamahine a Geofere Tereveliana? Ae—pela no ko'u manao. Akahi no au a hoomaopopo i ka like loa o na onohimaka o keia kaikamahine me ko Geofere! Heaha kana hana o onei, e kuu haku?" "Ua hele mal nei oia ia nei no ka imi i ka mea huna pohihihi o kela po weiiweli au i olelo mal nei. i mea e holoiia ai ka eleele e poipu nei maluna o ka inoa o kona makuakane. A o kekahi nohoi, e imi ana oia i mea nona e alohaia aku al e ka Haku Tereveliana. a ma ia ano e loaa ai iaia ka haawina da!a taai keia e'emakule hupo akw. A mawaho ae o keia mau mea, aole o*u kanalua iki, eia ola la nei no ka hookolo ana ma na meheu o na enemi o kona makuakane, i hiki ai laia ke hookau mai I kekahi hoopai weliweli maluna oia poe!" Ua ikeia aku la ka haikea pu ana ae 0 na helehelena o ua wahi kauwa la. Ninau nai )a hoi oia ia Adelo me ka leo &no liaalulu: "E kuu haku. heaha la kau e hana ai? E heie ana anei oe imua o ka Haku Tereveli*na a. hoike aku imua ooa o keia iede opio oiano ke kaikamahine a Geofere Terevelian&? A i ole. e kipaku akn ana anei oe iaia maiioko aku o kela hale?" "Aole peJa r e Hasekina," wahi a Adelo i pane aku ai, "na kuhihewa loa kou noonoo. Aole loa au e hana i kakahi oia man ano: aka. e toare ana au 1 keia kalkamahine." "E roare ana oe iaia?" i ninau mai ai kahi kauwa me ka piha pahaohao.

"0 ko'u manao maoli no ia, oiai, ke ike nei au me ka oiaio i na mea apau e pili ana i ka waiwai nui a'u e upu mau nei e loaa ia'u. Ke manao nei o Geofere, mamuli o kela lono oiaio oie i loaa mai ai ia kakou no kona make ana ma Berazila, eia au i ka poeleele i keia wa no ka mea e pili ana iaia. Nolaila, eia oia ke kali nei a make ae ka Haku Tereveliana, oia kona wa e oili mai ai mailoko mai o kona wahi e pee nei a kaili aku oia i ka waiwai apau o ka ohana Tereveliana. Ke ike mai la oe, o keia ka hoomaka ana o keia alahele o na hana pohihihi apau a kaua i hana ai, na hana hoi au ame a'u i ike ai, o kaua wale iho nei, aole hoi o kahi mea e ae kekahi. Ua ike nohoi oe, e Hasekina, o ka loaa ana ia'u o keia waiwai oia wale no ka mea e hoopauia ai ko'u mau pilikia, a lilo nohoi au i kanaka waiwai a kuonoono no Pelekane nei; a no ia mea, ua paa kuu manao e uhai-a-holo mahope o keia waiwai, me ko'u waele ana ae i na mea hoohihia apau o kela ame keia ano e alailai mai ana ia'u, a hiki i ka wa e paa pono ai keia waiwai iloko o ko'u lima." "Aka, e kuu haku," wahi a kahi kauwa i pane mai ai, "ina ua loaa ia Geofere he kaikamahine, alaila. ua loaa nohoi iaia he poe keikikane?" "He elua ana mau keikikane i keia wa?" "Alaila, heaha ka mea e loaa mai ana ia oe, e kuu haku, mamuli o keia mare ana ou me ke kaikuahine o kela mau keiki?" "A e hoolohe mai oe i ka'u mea e hoike aku ana ia oe, oiai o oe ka mea i komohia pu me a'u ma keia hana. Ke ike nei au i ka nui hewahewa o na waiwai o ka ohana alii Tereveliana e waiho nei i keia wa. o ka loaa o keia mau waiwai apau ia'u oia wale no ka iini nui o ko'u manao. Aka, i keia wa ke ike nei au aia mawaena o'u ame ua waiwai Ia he ekolu mau mea e hookaulua mai ana ia'u mai ka loaa koke ana aku o keia waiwai ia'u, oia o Geofere ame kana mau keikikane elua. Nolaila, i mea e hoea koke aku ai au i kahi o ka waiwai e hoao no au ma na ano pau e hana i na hana e hooneeia aku ai keia poe ekolu a kaawale mai na kihi eha aku o Enelani nei. Ke ike mai la anei oe i ke ano o ka'u mau olelo?"

Me ka leo hawanawana, pane mai la kahi kauwa me ka helehelena hu-hu-lu-pii a kunahihi: "Ae; e kuu haku." "Ea;" wahi a Adelo i pane aku ai. "ano e maoli hoi kou helehelena e nana mai nei ia'u; ua hele oe a okala kunahihi, me ka piha maka'u a hopohopo o kou nanaina. Auhea oe. aole paha i hoomaopopo keia mau keiki i ko laua tnau kulana maoli i keia wa. Aole paha laua i moeuhane iki, o 1-iua na hooilina kokoke loa o ka ohana Ter*3veliana. Aole anei ou manao he hana hiki wale no ka hooili ana i keia mau wahi keiki maluna o kekahi moku e holo ana i kekahi aina m&mao loa, mai Elnelani aku nei, a malaila laua e kiola ia aku ai. A no ko laua makuakane hol oia o Geofere, aole anei he hana maalahi wale no na kaua e hana ai i mea nona e lohe hou ole ia aku ai ma keia hope aku. Nolaila, ke holopono keia mau mea apau, aole auanei e nele ka maalahi o na hana e ae mahope aku oia wa no ka mea e pili ana i ka waiwai a'u e kau nul loa nei. I keia wa i mohala hou ae ai he hiohiona hauoli ma na helehelena o kahi kauwa, a ia wa oia i pane mai ai: "He hoolala maikai loa ana keia au. e kuu haku. E komo pu ana au me oe, e kuu haku. ma na hana apau e ko ai kou makemake, ke ole nae he hana kekahi e komohia aku ai au iloko o ka Ulo ana he puuwai eleele maoli." Aka, o na huaolelo hope a ua wahi kauwa la i pane mai ai imua o Adelo. ua lilo ia i mau mea nana e akaaka malu ai iloko iho ona. oia! ua ike no ia ina oia e hoikeike aku ana i man apana gula hulalilnli irr>ua o ua wahi kauwa nei ana, aole e nele kona hana aku I na hana apau e kauohaia aku ana iaia, ina paha he keokeo a he eleele paha ia hana; a oial hoi-he lehulehu wale no na hana eleele i komo pu ai laua a kuilima pu. I kela wa pane aku la ua Adelo nei: "Alaila, ua holo ka'kaua aelike, e kokua mai ana oe la'u ma ua hana apau e pulumila aku al na mea alalai ma ke alahele e loaa aku al ia'u ka waiwai? No la mea, ke ike oe ua Iflo au 1 haku alil no fceia wahi, e hai m&i oe ia'u i ka nui o ka uku a'u e haawi aku ai ia oe no kou kokua ana ia*u. a na'u no e haawl aku ia oe me ka hakalia ole." T?a lilo kela mau olelo a Adelo i mea no na wahi kauwa la e hauoll loa ai. a haawi mal la ola I kana mau hooia ana no kona haawi ana iaia iho» kona kino ame ko&a uhane a liio mal&lo o na hoounaana ana a Ade!o. Ikeala kwis me& huna—halawal o Adelo me Alamljra—ke kupaa me ka oaueue ole. I keia puie ae. (Aole I pau.)