Ka Nupepa Kuokoa, Volume XXXVI, Number 30, 23 July 1897 — Ke Kumuhana Mawaena o Iapana ame Hawaii. [ARTICLE]

Ke Kumuhana Mawaena o Iapana ame Hawaii.

Maloko o na nupepa puka la Olelo Enelani o ka auina la Poakolu nei, i ike iho ai makou i ka hoakaka mai ke Kuhina mai o ko na Aina E, no ka mea e pili ana i ke kumuhana e paa nei he aumeume mawaena o Hawaii nei ame lapana; a oiai he manao nui loa keia i puka mai ai, nolaila, aole hiki ia makou ke hoopuka aku i ua manao la no ka pomaikai o ko makou poe heluhelu, a no ka lahui nohoi, ma ko makou pepa o keia la, oiai aole i lawa ka manawa ia makou no ka unuhi ana ae a loaa kona kino olelo Hawaii, nolaila, ua hookaulua makou i ka hoopuka ana'ku i ua manao la a hoea i keia puka hou ana'ku o ke Kuokoa i keia

pule ae. Ma ko makou nana ka-holo ana i keia mau manao hoakaka a ke Kuhina e pili ana no kana mau pane ma ka aoao o ke Aupuni Hawaii, imua o ke Kuhina lapana maanei a pela nohoi ka ia Kuhina i ke Kuhina Hawaii, ua ike makou he mau mahalo manao ano nui loa kekahi e hoike moakaka ana i ke kulana oiaio maoii i ku ai ke Aupuni Hawaii ma o kona Kuhina Nui la, oia ke Kuhina no ko na Aina E, a pela hoi me ke Aupuni o lapana, ma o kona Kuhina la maanei. 0 ka mea ano nui loa ma ko makou hoomaopopo ana ma keia hoakaka a ke Kuhina, oia ka ae ole ana o ke Aupuni 0 lapana, ma o kona Kuhina la maanei, e komo kino maoli na noii ame na huli ana a na aoao hoopaapaa eiua ma ka io maoll o ke kumuhana, oia ho\, ka nana maoli ana i ke ano i komo mai ai na lapana i hoihoi hou ia aku ai e ke Aupuni Hawaii no kahi a lakou 1 iaweia mai ai, a pela pu hoi me ke kanawai kuloko o ke Aupuni nei e hooponopono ana i ke ano e aeia al na poe malihini o ko na aina e e komo mai iloko nei o Hawaii, pela nohoi me na mea e ae e pili ana i na keehina hana i lawelaweia e ke Aupuni Hawaii e kona mau iuna Aupuni—ma ka Mana Hooko ame ka Mana Hookolokolo —aka, ua mau ka pipili ana o na koi ana a lapana ma o na pono ia i loaa iaia ma o ke kuikahi la o 1871. O kekahi manao ano nui o keia hoakaka ana & ke Kuhlna Nui o ke Aupuni Hawaii, oia kona hoike ana'ku imua o ke Kuhina lapana ua ae ke Aupuni Hawaii e waiho i keia kumuhana no ka noonooia ana iloko o kekahi Aha Uwao e aelikeia ana e na

aoao elua. Ma ko makou hooniaopopo ana, ma ka wa e puka aku ai kela mau hoakaka apau, ma ko makou pepa o keia pule ae. e ike iho ana ko makou poe lieluhelu ua kullke ioa na kumu hoakaka ma ka aoao o ke Kuhina Hawaii me kek&hl mau manao alakai o keia pepa i na wa i hala ae nei.