Ka Nupepa Kuokoa, Volume XXXVI, Number 31, 30 July 1897 — NA HUNAHUNA MEA HOU O KE KAHUA MA'I LEPERA. [ARTICLE]

NA HUNAHUNA MEA HOU O KE KAHUA MA'I LEPERA.

Mr. Lunahooponopono,— Aloha oe:—Ma-ka'pule i hala, ua loaa aku la ke kino make o kekahi kapaka i nalowale loihi i kekahi poe kamalii oki wahie oiai lakou e hooiho ana i ka lakou wahie ma ka hapalua paha o ka pali, a oiai kekahi o lakou i kaalo ae ai ma ka waha o kekahi ana, ma ke kua aku o na kauhale o Kalawao. ua ike aku la oia (David Moae) i keia kino kanaka e waiho mai ana. Ua kahea aku oia i na hoa, a ma ka nana pono ia ana, aia hoi. ua liuliu loa na la o ka make ana. 0 keia kanaka i loaa aku la, oia o Mr. Auau (he kokua), he makahiki a oi kona nalowale ana, eia ka auanei ke moe mai nei oia me na "kulu kehau o ka po." Ua huna ia no kona kino ma ia wahi i kekahl mau la mai. He mau la hookahakaha nui keia o na keiki hi-aku o ua aina kua makanl nei, e maalo mau ana i na la a pau, a e ole nae hoi ia, "puu ka lae kahi ke pohue" o ka poe noho hale i ua poe keiki la. Ola! Ma ke Sabati ta 18 nei, ua malama ae ka Ahahui Hooikaika Hana Kristiano o Kalaupapa nei i ko lakou anaina hoolaa kumau a me ke anaina hoolaulea piha makahiki o ka Ahahui ma ka Y. M. C. A. Hall. He mau manao paipai mai ke kahu D. Kaai, S. K. Kamakahiki a me iia Luna Nui o ka Ahahui. Ua paholaia mai he mau mea ai mama, ma ka lokomaikai o ka Puuku o ka Ahahul, Mr. Wm, Notley, oia na bola ti e paila ana, na meaono e mikoolohua ai, a me na ipuhaole e hoopuanuanu ana ia loko. Ua ai a lawa i ka lokomaikai o ua keiki puuwai hamama la o na pali kuninihi o Hamakua, Hawaii. Good-bye boys. R. M. K.