Ka Nupepa Kuokoa, Volume XXXVI, Number 35, 27 August 1897 — Page 1
| This text was transcribed by: | Gloria Vlachos |
| This work is dedicated to: | Na Lei Hulu I Ka Wekiu |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXXXVI. HELU 35. HONOLULU. PO@LIMA, AUGATE 27, 1897 NA HELU APAU 2665
@oolaha @olo.
------
W. R. KAKELA.
Lono a he Kokua ma ke Kanauai
HE LUNA HOOIAIO PALAAPLA.
@@@
------
LYLE A . DICKEY.
Loio a he Kokua ma ke Kanawai.
Alanui Kaahumanu. Helu 14. Tel 682.
Iloko o ke Keena o ka Loio Kuhina mamua, a he Loio Hoopii mka Aha Apana o Honolulu.
-----
E hookoia na hana pili kanawai apau mai na Kokupuni mai.
O.A.F. Tavares, Kakauolelo. Maheleolelo a Notere no ka Lehulehu. 1 yr.
-----
@oolaha @umao.
-----
Theo. P. Severin
(KAPOLEMA MA)
He Mea Pa'i Kii Hooleleaka.
-----
E hana ana oia i na kii nani loa ma Honolulu nei no ka uku haahaa loa. E paiia ana na Kii Ahaaina, Mare, Hoolewa, na Hale Noho, a pela aku.
E hoonuiia ae ana na kii mai na kii liilii mai.
Alanui Nuuanu, ma keia aoao aku o ko Alanui Pauahi. Aia Iluna.
2664-12ms
-----
PAPA! PAPA
AIA MA @AHI O
Lewers & Cooke
(@UI MA)
Ma ke kah@@ hema o Alanui Papu me Moi.
E LOAANO NA
PAPA NOUAIKI
O kei a me keia ano.
Na Pani Puka, Na Puka Aniani,
na Olepelipe, na Pou, na O'a,
na Papa Hele, na Papu Ku,
me ua Papa @@ he nui I a
NV PILI HALE O NA ANO A PA
@@@@
WAI HOOHINUHINU NAN
o @@ ano a pau loa.
Na Balaki o na Ano he Nui W@@.
Ke hai la aku nei oukou e na makamaka a pau, ua makaukau keia mau makamaka o oukou e hoolawa aku ma na mea a pau @ll ana ma ka laua oihana no ka
Uku Haahaa Loa,
@ like me ka mea e holo ana ma@@@ o Luna a @@ ka Mea @@@@.
Hele Mai e Wae no Oukou iho
@@@@
Nu Hou o na Aina E.
-----
Kipakuia ke Kuhina Nui o Sepania.
-----
Lanakila Loa na Kipi o Cub@.
-----
Hoopaakiki Tureke ma Tesalia.
-----
SAPANIA.
Maderida, Sepania. Augate 8. - I keia la i pepehiia ai o Senor Canovas del Castillo, Kuhina Nui o Sepania, e kekahi kanaka anakia ma Santa Aguela. Ua ki aku ka limakoko he ekolu kani ana o ka pu, elua oia mau kani ana i ku aku ai ka poka mua ma ka lae o ke Kuhina Nui, a o ka lua o ka poka ua ku aku la ma ka umauma.
No elua hora i kawelewele ai kona ola me ka nele i ka ike ame ka lohe, a make iho la oia ma ka hora 3 o keia auina la. Ma ka wa i hina iho ai oia Halo. e ku ana kana wahine ma kahi i mamao ole aku iaia.
Ua hopu koke ia ka limakoko. He kanaka Nepolitana ia, a ua hoike ae ia o Rinaldi kona inoa, aka, ua manaoia nae o kona inoa maoli, oia o Mikaele Angino Goeli.
Ua hoike ae ua limakoko nei, ua pepehi oia ia Canovas i mea e hookoia ai kekahi "hoopai manao ino ku i ka pono." Ua manaoia, o kana hana ana iho la pela, noloko mai ia o kekahi hana ohumu ino. Ua manaoia, ua hiki aku oia i Santa Agueda ma ia la hookahi no i hoea ai ke Kuhina Nui no ia wahi. E ike pinepine ia ana oia e mi-aia mau ana ma na alahele o loko o ka hale auau oia wahi, make hoohuoiia.
HE KUMU KO KA PEPAHI ANA.
Maderida, Augate 9. - I keia la i ae ai o Goeli, ka anakia nana i pepehi ke Kuhina Nui Canovas del Castillo ma ka la i nehinei, ma ke kahua auau o Santa Agueda, i kona hewa, a olelo nae oia, ua pepehiia e ia o Senor Canovas i mea e hoomanaloia ai ka pepehiia ana o na peo anakia o Baracelona, ame ke alakai o na kipi o ka Mokupuni o Pilepine, oia hoi o Don Jose Rizal, ka mea i kipu ia ma Manila, Pae Aina o Pilepine, ma ka la 30 o Dekemaba i hala, ma ke ano oia ka mea nana i hoala i ke kipi kuloko ma ia mau mokupuni. Ua hoole o Dr. Rizal aole oia no ke alakai o na kipi, ua ae nae oia nana no i kakau i na kanawai o ka Hui Pilepine.
CUBA
Nu Ioka, Augate 12. - Ua hoike ae ka lono telegarama mai Havana mai: Ua loaa ia Kenerala Kaliko Garcia he lanakila nui maluna o na koa Sepania ma ke @aona o Santa Rosalia, kokoke i Gibara, ma ka Mahele Aina o Sanatiago de Cuba. Ua lele kimopo ia aku ke kulanakauhale e na koa kipi, oiai e malamaia ana kekahi aha hulahula, kahi i akoakoa ai ka hapanui o na aliikoa Sepania.
Ma ka wa i makolukolu loa ai na ohohia hauoli o ka ahaaina, oia ka wa i kipu ia mai ai na aoao apau o kahi e malamaia ana ka aha hulahula e ka peo koa Cuba. O na wahi aliikoa kakaikahi keia e ku kiai ana ma ka papu ame na wahi hooluolu koa mawaho, ua pau i ka haawi pio. He mau wahi koa kakaikahi kai holo mua mai a i ka hale hulahula a haawi mai la i ka lono hoolele hauli he mau minute mamua iho o ka hoea ana mai o na peo Cuba. Ua hoao na aliikoa e puhee aku ma na puka mailoko aku o ke keena hulahula i men e pakele ai, aka nae, ua hala ka wa pono. Nolaila, ua pau lakou apau i ka haawi pio, a ua lawe pio ia nohoi lakou imua o Kenerala Kaliko. Ua lilo holookoa ke kulanakauhale i na Cuba me ke kue ole ia.
Ua loaa mai nohoi ka lono i ke aumoe loa ana iho, ua make o Kenerala Molina ma kekahi hoouka kaua mawaena ona me kona poe koa, ame ka poe Cuba ma kahi kokoke i Cardenas.
AOLE AE O TUREKE E HAALELE IA TESALIA.
Konekakinopela, Augate 10. - Ua halawai hou ka Ahakuka Maluhia i keia la ma Tophaneh Kiosk, ame Tew@@ Pasha, a ua waiho aku ka Kuhina Tureke o ko na Aina E i na kumuhana e pili ana no ko na Tureke haalele ana iho la Tesalia, e komo pu ana me ia mau manao ke koi poho ame kakahi mau mea e ae. A ua lilo keia i kumu e houlolohiia ai na hana.
Me he mea la o ka ninau, aia la maluna o ka mea e pili ana i ka haalele ana o na Tureke ia Tesalia. Ua hoike mai na Mana Nui ia Helene, na nele o Tureke i ke dala e hiki ai ke nunhi hou i kona poe koa mai Tesalia mai, ke ole e hookaaia aku he $1,000,000 paona ($5,000,000) o ka uku poho ia Tureke. Ua ninau aku nohoi lakou i ke Aupuni o Helene ina paha e hiki ana iaia ke hookaa i keia kala, me ka aie @ala kuwaho ole ana.
ONI NA PU KUIKELE O AUSETURIA
Spfia. Augate 12. - Ua haalele aku ke Kanikela Auseturia, oia o Barona Cailvon Kulmbach-Rosenburg ia Bulegaria, ma kekahi huakai hele maopopo ole o kona wa e hoi hou aku ai no laila. Ua oleloia o ke kumu o kona haalele ana aku i ke aloalii o Bulegaria, mamuli ia o ka hoole ana o ke Kuhina Nui oia Aupuni. oia hoi o M. Stoiloff, i ka ae ana i ke noi a ke Aupuni o Auseturia e hoole oia i kakahi kuka olelo ana i manaoia ua panaiia me ua Kuhina Nui la. a i hoolahaia hoi maloko o ka nupepa Lokal Anzeiger o Berelina i ka mahina i hala. maloko oia manao e hoike ana i ko Auseturia koi hoopaakiki ana e hoopaiia o Kapena George Boitcheff, ke aliikoa ukali pilikino mua o ke Keikialii Ferdinana o Bulegaria. i hoahewaia mai nei no ka pepehi ana a make kana "ipo aloha," oia o Anna S. Szimon, he wahine a he makaainana Auseturia. Ua hoike ae ua Kuhina Nui la i na kee o loko o na poai aliikoa o na aloalii a Auseturia. a pela nohoi me ko Bulegaria.
Ladana, Augate 12. - Ua loaa mai nei na lono ia nei e hoike ana i ka piha inaina loa o ke Aupuni o Auseturia Hunegaria no na olelo a M. Stoiloff. ke Kuhina Nui o Bulegaria. no kona hoole ana aole oia e hoihoi hou i kana mau olelo.
Ua olelo ae ka nupepa Pesther Lloyd maloko o kekahi manao pepa ano pili Aupuni penei: "Ina aole i hoomaopopo na kanaka kalaiaina o Bulegaria, kahi i hoomana pono ia ai ma ke kanawai na hana pepehikanaka. i ka waiwai nui o ka hookoia ana o na launa pili Aupuni ana mawaena o na Aupuni elua, alaila. he mea pono ke haawiia aku iaia na keehina oolea e ao kanaka ae ai oia. a ua makaukau loa kakou me na mea paahana oia ano. Aole me M. Stoiloff kakou e hana ai ma keia mea. Na ke Keikialii Feredinana e imi mai i mea e huikalaia ai ke kulana hoopailua o kona Kuhina Nui.
NA PANE A KUHINA SHERMANN.
Wasinetona, Augate 7. - Ua hoomaopopoia. o ka pane aku ana a Kuhina Shermann no ka olelo kue hope mai nei a Iapana i ka hoohuiia ana mai o Hawaii, e panaiki iho ana ia i ko na palapala mua ae nei. a ma na manao hoaloha nohWoi ia pane ana. Ua hlu mai keia hana ana a ke Kuhina pela mamuli o na manao akea i hoopuka kuikawa ia e kekahi mau luna Aupuni kiikoi o Iapana, ma ke hoike ana, aole makemake o Iapana e lilo o Hawaii i panalaau nona.
-----
HE PALAPALA MAI NA AINA E MAI
-----
My dear papa: Aloha kaua a nui loa. Oiai ua loaa mai i kau kaikamahine aloha nei he wa kupono e kau wahi leta ak nau. Ua hai aku au ia olua e haalele ana au ia Santa Cruz nei no San Jose, a ma keia wahi ke hai aku nei au ia oe i ke ano o ka makou huakai, a oia keia:
Haalele makou ia Santa Cruz i ka la 14 o kela mahina aku nei i hala, oia ka Poakolu, hora 8 o ke kakahiaka o ua la nei. Maluna makou o ke kaa ka holo ana mai. Holo mai makou he maikai wale no ia, he oluolu a hiki wale i Scott Valley, oia ka hora 11 ponoi. Kiekie ka wela ame ka lepo, aohe wahi koaniani makani, aohe nohoi he wahi ululaau hoomaha iho ai, he kuanea wale no. me he ia 3 a 4 paha mile i holo mai ai makou iloko o ka wela. Kiekie nohoi ko makou ono i ka wai. Inu aku la i ka wai o keia wahi. aohe ano wai, ua like me ka wai wela. a ua hoomanawanui ko makou ono wai a hiki i kekahi wahi i kapaia o Dead Valley. akahi no makou a komo oloko o ka uluaau. Hoomaha makou, o ka hora 12 ia o ke awakea, a hoomakaukau iho la i ko makou aina awakea.
Ma keia wahi i ike ai au i ke ano o ke kuke ana o ka pipi. O ka kakou ano he koala i ka pipi maluna o ka lanahu, a o ka lakou nei aohe like me ka kakou. O ka lakou nei, ho-a i ke ahi a nui, kii oe i kekahi laau loihi, koii oe a winiwini o mua, alaila, hou i ka apana pipi, alaila, kau iluna o ke ahi, a pela keia ame keia e kuke ai. Eia nae, ke ai aku oe he hohono uwahi wale no. aohe nohoi he ano io pipi. Aka, owau, aole au i kuke i ka'u io pipi me ia ke ano; koala no au i ka'u maluna o ka lanahu. I ko lakou ike ana i ke ano o ka'u kuke ana, ua olelo mai lakou ia'u mahope ka papaa aole hiki ke ai, ua hoole aku au: ua i aku au. ma ko'u aina peia makou e kuke ai i ka makou pipi ke makemake e kuke me ia.
I ka mo'a ana o ka'u pipi ua makemake loa lakou. Nolaila, ua hoomaka hou lakou e kuke eiike me ka'u. Ia lakou i ai ai, makemake loa lakou, a olelo mai lakou he maikai loa ka ke kuke elike me ia aohe hohono uwahi.
E papa. ma keia wahi. hu wale mai la no ko'u aloha ia oukou. aole hiki ia'u ke paa iho i ko'u mau waimaka. Hoomanao wale ae ia no au i na wahi apau a'u i hele ai oiai au i kuu aina aloha. a ua like iho la me keia.
Hora 3 a oi haalele makou i keia wahi. He oluolu keia wahi. aohe lepo nui wale elike aku la me Scott Valley. Holo mai makou a hiki i Grand Valley, he 11 mile mai kahi mai a makou i haalele aku ai, a o ka hora 7 ia o ke ahiahi. aole nae makou i hoomaha ma ia wahi. Mahalo nohoi au i keia wahi. He nui nohoi na hua ai. O ka piki (peach) ka'u mea mahalo loa o keia wahi. kiekie nohoi ka mumui. Ma keia wahi e ai aku oe i na ano hua ai like ole a pau kou makemake. He mauna keia wahi a makou e holo nei. a he ululaau wale no. a he kakaikahi loa nohoi na wahi kauhale o keia wahi. Hoomau aku makou i ka holo ana a hiki makou i Alma. o ka hora 9 ia o ka po. Hoomaha makou i keia wahi, @ kukulu na hale pe'a.
Ma keia wahi, e papa, nui palena ole mai ko'u aloha ame ka helelei pu nohoi o ko'u mau waimaka. Hu wale mai la no ko'u aloha. oiai hoi aole hoi o ko'u nana ae o olua kekahi. Hoomanao wale ae la no au ua like paha keia mau wahi a'u e hele nei me ka olua wahi i hele ai iloko o na ululaau o Kohala. a halialia wale mai la no na mea apau imua o'u.
Eia makou i ke kuahiwi, iloko o na ululaau, e hoomaha nei. Mahalo no au i ka maikai ame ka oluolu o keia wahi. Maikai nohoi ka mahina, ua like ke aiai o ka mahina me kekahi lole keokeo, a he @u maoli nohoi i ka nani. Hoaumoe makou a ao ae kakahiaka nui, hoomakaukau ko makou paina kakahiaka. Hele makou e auau i ke kahawai, kiekie nohoi ka huihui launa ole ma o ka wai, ua like loa no me ka hau. Hoi mai makou, hele makou i ke kapili manu. Aohe loaa o ka'u manu, a o kuu aikane, Miss Scribner. loaa kana manu hookahi. he blue bird.
Hoi mai makou i ka home pe'a o makou, ua noiia mai au e kekahi keonimana o keia wahi e himeni ma ka himeni Hawaii, a ua himeni no au; a o ka'u himeni i himeni ai, oia no o "Aloha Oe." Nui ko lakou mahalo.
Haalele makou ia Alma Mountain o ka hora 8 ia me ka hapa o ke kakahiaka Poha. Holo mai makou a hiki i ke taona o Alma, a he kiekie nohoi ka lepo. Aohe nohoi he maikai loa o keia wahi, aohe nui o na wahi kauhale; he 3 a 4 paha mau wahi halekuai. Holo mai makou a hiki i Gro Gatres. Mahalo au i keia wahi, he nui na kauhale maikai, a he nani nohoi ke nana aku. Ianei au i ike ai i kekahi hale kahiko loa ua kukuluia iluna o kekahi puu. Ma ka'u nana aku me he la he mau haneri rumi o loko o ua hale nei. he hale pohaku nae. He maikai maoli no keia hale, koe nae ko'u maopopo ana i ka mea nona ua hale nei. Holo mai makou a hiki i ke taona o Gro Gatres. Maikai maoli no ke taona. He nui na hale nunui, nui nohoi na halekuai, a he maikai maoli no keia taona. a ua oi aku ka nui mamua o ko Santa Cruz taona.
Haalele makou ia Gro Gatres ma ka hora 1 me ka hapa o ka auina la. Holo mai makou i Gro Gatres Country. Kiekie nohoi ka wela; nui nohoi na hua ai. Aohe wai o keia wahi, hoi iho nohoi aohe kauhale. Ono makou i ka wai, eia nae aohe wahi e loaa ai o ka wai, i ahona ika ai i na hua ai a pale ia ae la ka ono wai. He ulu wale mai no na hua ai ma kela ame keia aoao o ke alanui. O ka waina he ulu nahele ia no keia wahi. Me he mea la he eiwa paha mile a majou i holo mai ai aohe loaa iki o ka wai ia makou. Holo mai makou a loaa ia makou he wahi hale e ku ana i ke alanui, akahi no a loaa he wai ia makou. Hoomaha iki makou no hookahi hora, a hoomaka hou ka makou huakai.
Holo mai makou a hiki i San Jise. me he mea ia he ewalu paha mile ka loihi mai kahi a makou i hoomaha hope ai. Aohe maopopo la'u ka inoa o keia wahi a makou i hono ai. O ka hora 5 keia o ke ahiahi. Kukulu hou makou i ka home lole pe'a o makou, a hoaumoe ma keia wahi a ao ae kekahi la, oia ka Poalima, hora 4 me ka hapa o ke ahiahi holo loa mai makou no ke kulanakauhale. Hiki mai makou i ke taona i ka hora 7 ponoi.
Ma ke ahiahi Sabati ua hele au ame kuu aikane, Miss Scribner, ame kekahi lede Miss McCarthy, ke kumukula nui o Sacramento, i ka holo kaa. A i ka Poakahi ae, hele hou makou i ka makaikai i ke kulanakauhale. I ko'u ike ana nohoi, nui palena ole ko'u mahalo i ka maikai maoli o na kauhale, a he ku maoli no i ka nani ie ke nana aku. He mau hale pohaku wale no ka hapanui o ke taona o San Jose nei. Hele makou i ka Park o St. James, a mahalo nohoi au i ka nani o keia park. a he k@u maoli nohoi ka nui, he maikai ke alanui aohe lepo.
Ua oi aku ko'u mahalo ia San Jose nei mamua o na wahi e ae apau a'u i ike ai. He nui nohoi na halepule maikai o keia wahi. me he mea ia o ka halepule kahiko eia ka halepule nui hookahi o San Jose nei. a o St. Joseph ka inoa o ua halepule nei. He nani a maikai keia halepule. aole nae au i ike ia loko.
Ma ka la 26 o kela mahina aku nei. ua kiiia mai la au e kekahi ahanui himeni. oia ka hui Odd Fellows, ina he mea hiki ia'u ke kokua ia lakou ma ka himeni. Makemake lakou ia'u e himeni solo, eia nae ua hoole aku au, no ka mea, aole au i hoomakaukau i mau himeni na'u. nolaila. ua kalaia mai ai. A ua noi hou ia mai au no ka himeni ana iloko ae nei o Novemaba. e haawi hou ana keia hui he aha mele nui, a e malamaia ana ke concert iloko o ka opera house. a owau kekahi i kiiia mai, a ua haawi aku au i ko'u ae. a ke a'o nei kuu kumu music i kekahi himeni solo ana i himeni ai oiai oia he 24 makahiki. i Parisa kona himeni ana i keia himeni. a ua haawi mai oia i ua himeni nei ia'u, a o kekahi keia o na himeni a'u i mahalo loa ai.
I ka Poakahi aku nei o kela pule i hala. konoia mai la au e hele i ka paina la hanau no kekahi lede opio. Miss Callico, a ua hele no au. Noiia mai au e himeni. a ua himeni no au. Nui no na kaikamahine hanohano i akoakoa mai. Ua haawi mai lakou i ko lakou mahalo nui i ka maikai o ka Baba Hawaii. me ko lakou olelo mai o kekahi paha keia o na bana helu ekahi o ke ao nei. Nui loa ko lakou mahalo. E hele ana makou i aka makaikai ia almarock. He maikai ka noho ana o San Jose nei. alohe anuanu, a aohe nohoi he wela nui loa. he oluolu maikai ka hono ana. O ka'u mau wahi mea hou wale ae la no keia. a nau no hoi e hooponopono iho.
Ua hai aku au ia oe ma kekahi leta a'u, aole paha e loaa ana kau mau wahi mea hou, aka, ua hoomanawanui au e kakau i mau wahi mea hou nau. E kakau i mau wahi mea hou nau. He maikai no ko'u noho ana me keia ohana. aohe a'u pilikia ma na ano apau. Ua lawa hapa au maanei, me ke aloha pau ole. Owau iho no.
CECILIA KEALOHA POEPOE.
San Jose. Aug. 18, 1897.
------
@oolaha Mana @ooko
-----
I keia la i hookohuia aku ai o JOHN BUSH, ESQ. i Agena Hooiaio Aelike Paahana no ka Apana o Hanalei, Mokupuni o Kauai.
J.A. KING,
Kuhina Kalaiaina.
Keena Kalaiaina, Aug. 24, 1897.
2665-3@
-----
I keia la i hookohuia aku ai o William J. Richard i Notere no ka Lehulehu no ka Mahele LKaapuni Eha o Ko Hawaii Pae Aina.
J.A. KING,
Kuhina Kalaiaina.
Keena Kalaiaina, Aug. 29, 1897.
2665-3@
-----
KUAI O KA HOOLIMALIMA O KA APANA AINA MA KE KIHI HIKINA O NA
ALANUI VINEYARD AME EMMA, HONOLULU
-----
Ma ka Poakolu, Sepatemaba 2, 1897, ma ke alo iho o ka Hale Oihana Hooko, ma ka hora 12 awakea, e kuai kudala ia aku ai ka Hoolimalima o ka Apana Aina e waiho la ma ke Kihi Hikina o na Alanui Vineyard ame Emma, Honolulu, Oahu, nona ka laula ma ke alo, ma ke Alanui Emma, he 16.9 kapuai. a ma ke Alanui Vineyard he 53.0 kapuai.
Manawa: - I makahiki.
Uku Hoolimalima ai aku - $60 no ka makahiki, e hookaa mua ia ana i keia ame keia mahina.
E aelikeia ana nae, e pau no ua hoolimalima la ma ka make ana o Keaweamahi, ka mea nona ke kuleana wa oia i hooiiioia mai e kae Aupuni.
J.A. KING,
Kuhina Kalaiaina.
Keena Kalaiaina, Augate 21, 1897.
2665-3@
KOHO I SILAIA.
E laweia mai no ia ma ke Keena o ke Kuhina Kalaiaina a hoea i ka hora 12 awakea o ka Poakahi. Sepatemaba 20, 1897, no ka hana ana i ke alanui mai Mahukona a hoea i ke alanui o Waimea, Hawaii.
Aia no na Kii ame na Hoakaka ma ke Keena o ka Luna Nui o na Hana Aupuni. ma ka Hale Leta o Kohala.
Aole i hoopaa ke Kuhina iaia iho e lawe mai i ke koho haahaa loa. a o kahi kono e ae paha.
J.A. KING,
Kuhina Kalaiaina.
Keena Kalaiaina, Aug. 25, 1897.
2665-3@
-----
I kulike ai me ke kuhikuhi o ka Mahele 4, o ka Pauku 103 o ke Kumukanawai:
MA KEIA KE HOOLAHAIA aku nei o ka hoololi i manaoia malalo nei i hooholoia ai kona heluhelu ekolu ia ana e ka Hale o na Lunamakaainana i ka la 12 o Mei, 1896, a iloko o ka Hale Senate i ka la 16 o Mei, 1896. penei:
HE HOOLOLI I MANAOIA I KA PAUKU 63 O KA REPUBALIKA O HAWAII, E LIKE ME KA PAUKU 103 O IA KUMUKANAWAI.
O ka Pauku 63 o ke Kumukanawai o ka Repubalika o Hawaii, ma keia ke hoololiia nei i heluheluia ai elike me keia mahope iho nei:
PAUKU 63 - NA POO O NA KANAWAI. "I hookahi no manao ma keia ame keia Kanawai, a e hoakakaia me kona poo."
J.A. KING,
Kuhina Kalaiaina.
Keena Kalaiaina, Iulai 1, 1897.
2657-12@
-----
OLELO HOOLAHA AINA AUPUNI.
HOOLIMALIMA AME KUAI I NA AINA AUPUNI MA PUNA AME IKONA HEMA, HAWII.
-----
Ma ka Poakahi, Sepatemaba, 20, 1897, ma ke alo iho o ka Hale Oihana Hookolokolo, hora 12 awakea, e kuai kudala ia aku ai Elua Apana Aina ma Keheua, Puna, maloko o laila he 64 3-10 Eka ame 6 9 -10 Eka o kekahi ame kekahi. Kumukuai oi aku maluna o $192.90 ame $20.70. Na Dala Kuike maloko o ke Dala Gula o Amerika Huiia.
A ma ia manawa a ma ia wahi e kuaiia aku ai ka hoolimalima o ke Ahupuaa o Kaulanamauna, Konoa Hema, maloko o laila 3,400 eka, oi a emi mai paha.
Manawa: - 21 makahiki.
Uku hoolimalima oi aku: - Maluna o $50 no ka makahiki, hookaa mua ia ana i kela ame keia makahiki.
E hookoeia ana no no ke Aupuni ke kuleana o ka lawe hou ana ae i kekahi mau wahi o keia aina no ka hooko ana i ke Kanawai Aina, me ka homemi ole ia o ka uku hoolimalima.
No na mea i koe, e ninau ma ke Keena Aina Aupuni, a i ole, ia E. D. Baldwin, Hilo.
J.F. BROWN
Agena o na Aina Aupuni.
Hanaia Augate 23, 1897.
2665-@@
Ma ka Poaono, Sepatemaba 11, 1897. ma ka Hale Hookolokolo, Kohala Akau, e kuaiia aku ai malalo o na kumu aelike kuikawa no ka mahi ana ame ka hana hou ana, he umi mau apana aina ma Awini, Kohala Akau, mai ka iwakalua a kanaiwa eka ka nui o keia ame keia apana.
A ma ia manawa a wahi hookahi no hoi e kuaiia aku ai no ke Dala Kuike ka Apana Helu 80, no Puukapu, Waimea.
Kumukuai oi aku maluna o $20.
No na mea i koe, e ninau ia Cha@. Williams, Honokaa, Hamakua, a i ole, ma ke Keena o na Aina Aupuni, Honolulu.
J.F. BROWN
Agena o na Aina Aupuni.
Augate 9, 1897. 2665-@@
-----
He mea pono i keia ame keia ohana ke loaa ona laau lapaau mama no na ma'i o ka opu. I laau lapaau pu@@@@ ole no ka "Moku ino loa o ka lepo" (Diarh@@) Nahu, Um@@, Kolera ame na ma'i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima , a ke hana mau ia nei i keia ame keia la. ma na aina apau o ka honua nei. O ka Hui Kuai Laau Lapaau o Hollister, ka Agena.