Ka Nupepa Kuokoa, Volume XXXVI, Number 37, 10 September 1897 — Kokua ka Nupepa Mikanele Advertiser i ka Halawai Makaainana a na Roialiti. [ARTICLE]

Kokua ka Nupepa Mikanele Advertiser i ka Halawai Makaainana a na Roialiti.

j Ma ka nupepa puka la P. C. Adverf tiser, o ke kakahiaka Poaha nei, Sept. | 9. i ike iho ai makou i kekahi manao ; alakai malalo o ke poo *The Natīve | Anti-Annexationist," oia hoi. "Ke Kaj naka Hawaii maoli Kue Hoohui Aupuni," e haawi ana i na mahalo ana. na kakoo ana ame na apono ana i na hana a kela "Halawai Makaainana kue Hoohui Aupuni," i malamaia ai e kekahi poe Roialiti ma ke Kuea Halealii ma ke ahiahi Poakahi nei, Sept. 6. l*a olelo ae keia manaopepa -'he mea ole no ina he umi kanaka maoli a he hookahi tausani paha oia poe i laulima pu ae ma ka halawai makaainana o ka auina la Poakahi nei, ke hoohalikeia aku me ka oiaio maoli, oia hoi, aole na ka hapa nui o na kanaka maoii i kakauinoa no ke koho balota ana." Mai ka mua a ka hope o keia manao, ua ike makou ua kokua maoli keia nupepa "mikanele" i noho lunahooponopono ia e Mr. W. N. Armstrong, kekahi o na welo "mikanele" i kela halawai makaainana, a i ka pono hoi o na kanaka Hawaii. Ma keia manao, ua kakooia ka pono 0 ke kanaka Hawaii maoli. Ua olelo ae nohoi ua manao la penei: "Aole paha he mea e haohao ai, ua apuepue maoli ka noonoo ana o ke kanaka Hawaii maoli no ka mea e pili ana i keia ninau (ka hoohui Aupuni me Amerika) 1 kona hoomaopopo ana i ke ano o ka hanaia ana o na lahui nawaliwali e ka poe Amerika. 0 ka negero haahaa haalele loa a naaupo hoi. ua aeia oia e haawi i kona balota no ka poe ana i makemake ai e noho ma na oihana Auouni kiekie iloko o ke Aupuni. O ka Ilikini naauao nae, ka mea hoi i puka mai noloko mai o ka lahui no lakou ka aina, mamua o ka hoea ana ae o ka poe Amenka a lawe ae la i ua aina la no lakon. ua hooneleia no i ka pono koho balota. He mea pono ke hoakaka moakaka lea loa ia ka like ole mawaena o keia mau mea hoike Hua. He hana paakiki no nae keia. oiai he pohihihi maoli ka hoakaka ana l-e kumu i maka-ewaewa ai na Amerika i na Ilikini i ka wa i hala. He mea pono hoi ke hoomaopopoia akn ke kanaka Hawaii maoli. oiai nohoi o ka mea oiaio maoli no ia. aole loa ia e hanaia elike me ka hanaia ana o na Ilikini. Aka. e hanaia aku no auanei ia elike me ka hanaia ana o na Amerika." Minamina makou i ka loaa ole ana ia makou he wa pono e unuhi holookoa ni i keia manao a hoonuka aku ma ko makou pepa o keia pule; aka, ke ole e lawe ae kekahi nupepa Hawaii e ae i ka unuhi ana f keia manao, mamua o ka puka hou ana aku o ka makou pepa i keia pule ae. alaila. e unuhi no makou no ka pomaikai o ka lahui.