Ka Nupepa Kuokoa, Volume XXXVI, Number 38, 17 September 1897 — Page 3

Ka Nupepa Kuokoa

KE KILOHANA POOKELA NO KA LAHUI HAWAII. 

 

KA HUI ALAHAO ME AINA O OAHU

MANAWA HOLO

Mai a Mahope aku o lulai 5, 1895

 

@@@ (The schedule is difficult to read & transcribe).

 

NU HOU HAWAII

–

Mahalo John L. Kaulukou. Sure!

–

Annexation! Hoohui Aina!! Sure!!! Oiaio!!!!

–

Aloha Atkinson, Gear, Robertson, Waila me MiCandless. Sure!

–

I keia la e ku mai ai ke Kinau mai kona mau awa mai o Hawaii ame Maui.

–

Eia i Honolulu nei ka mokukaua Beretania "Comus" mai Esquimalt mai.

–

He la kulaia ka la apopo. E pahee ana i ka welowelo na waapa heihei a na keiki o ka wai ku-au-hoe.

–

Eia i Hawaii nei i keia wa o Luna Senate Mogana ame eha mau hoa o ka Hale Ahaolelo Makaainana o Amerika Hulia.

–

Ua loheia mai e hoao ana kekahi poe hoohalahala o ka Apana Koho Elima o Oahu nei e hooholo i kekahi Paa aBlota Kuokoa.

–

E komo ae ana kekahi poe luina kaeaea o ka mokukaua Beritania "Comus" ma ka heihei waapa o ka la apopo, la lakou ana o "Kanoelani." Sure!

–

O keia ka la e pau ai ka hookomola ana o na palapala noi holo lunamakaainana no Honolulu nei. Hora 4 o keia la, pau ke komo ana.

–

Ua manaoia e huli hoi mai ana ka Mea Hanohano Wilimana mai Kapalakiko mai maluna mai o ka mokuahi Mariposa e ku mai ana no onei nei ma ka la 23 ae nei.

–

Ke ole e hoopuukahuaia, alaila, he halawai makaainana nui ka na Ro@aliti e malama ana ma ke ahiahi o ka la apopo, ka la kiulaia o na "Repubalika." Sure.

–

Ma ka Poalua nei. Sept. 14, i ku mai ai ka mokuahi Australia no Honolulu nei, mai Kapalakiko mai, a ma ka Poakolu o kela pule ae, Sept 22, e haalele iho ai o@a @a nai no Kapalakiko.

–

He ku-a-ua maikai kai haule iho ma ka Apana o Ewa ae nei ma ka auina la Poalima o kela pule aku nei. He hoola pa-paa-la ia no ua aina kaulana nei i ka i'a hamau leo.

–

Mamuli o ke kaawale ana'ku o Lu@akanawai Wilikoki no Hilo, Hawaii, ma ka Poalima o kela pule aku nei, ua lilo ae la ka noho "kahu" ana no ka Aha Apana ia Mr. Peterson.

–

Ma kekahi la o kela pule aku nei i huli hoi mai ai o Mrs. Mary Ailau mai Ewa mai, maluna o ke kaa-ahi, me kekahi "akua-laau." He 4 a 5 paha kapuai ka loihi. Ua hoomanamanaia no hoi o luna o ke poo a kohu lepe moa. Ua oleloia he akua wahine keia. Aole maopopo.

–

Oiai ua makemake na lala apau o ke komi@e 15 o kela huakai hoopau koalaa@a i lawe ai i keia olelo hooholo kue hoohui aina i ka Peresidena e paila ko lakou mau aka-ku pahaohao ma kekahi kii nui hookahi, eia nae ua hoole na 'lil o lakou, oia o Mr. Kaulia ame Mr. Kalauokalani.

–

E ike@a ana ma ka aoao 1 o ko makou pepa o keia la ke kii o Luna Senate Mogana o ka Mokuaina o Alabama. O kekahi keia o na loea kalaiaina kaeaea o Amerika Hulia. Eia oia ke noho nei i keia wa ma ka hale noho o S. M. Ballou. kekahi hoa o ka Papa Lo@o o Hawaii nei. He kakoo ikaika loa oia nei no ka aoao "hoohui aina."

–

He mea pono i ke@a ame ke@a ohana ke loaa ona laau lapaau mama no na ma'i o ka opu. I laau lapaau puhili ole no ka "Moku ino loa o ka lepo" (Diarhea) Nahu, Um@@, Kolera ame na ma'i apau o ka opu, aole ha laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima, a ke hana mau @a nei i kela ame keia la, ma na aina apau o ka honua nei. O ka Hui Kuai Laau Lapaau o Hollister, ka Agena.

Aole liuliu a hoea hou mai he mokuahi no Waila Ma, mai Kapalakiko mai.

He mau la wale no koe a @ehi aku kakou i na la hoohiwahiwa nui o na halekuai o Honolulu nei.

–

Ua hala aku o Mr. P. C. Jones ame kona ohana no ka hooluolu ma Waikane. Koolaupoko ae nei.

–

Ua lono wale ia e huli hou mai ana ke Kamaliiwahine Kaiulani no Hawaii mei ma ka mahina ae nei o Okatoba.

–

He wahi pauahi uuku kai hoopuohoia ae ma ka auina la Poalua nei ma ke kihi o na Alanui Maunakea me Hotele. He mau wahi mea liilii wale no a o ka pau no ia.

–

Ke hauwawaia nei, ke hoohuiia o Hawaii nei me Amerika, alaila, e lilo ana o Hawaii nei i wahi hoolulu nui o na mokukaua Amerika o ka Pakipika nei.

–

Ua lono wale ia ae e hoomakaia aku ana e kukuluia ona Mahiko nui ma ka Mokupuni o Lanai e kekahi poe mea dala nunui mai Ladana mai.

–

Ua kokoke e pau loa i ke paiia ka Buke Kanawai Kivila hou, ma ka olelo Hawaii. A eia hoi ke hoomaka nei ke paiia ana o ke Kanawai Karaima ma ke olelo Hawaii.

–

Ua lono mai ka lono e makaukau pono loa ana ka mokukaua Baltimore ma ka la 1 ae nei o Oktoba. E lilo ana ia i mokukaua lawe hae no Adimarala Miller, a o  Hawaii nei kona oioina e ku kiai ai.

–

He heihei au kekahi e malamaia ana i ka la apopo. O na moho i komo ae ma ke aumeume ana ma keia heihei, oia o Arthur Harris, Dan Ranier, Ginger Mayne, John Marshall ame kekahi poe kanaka Hawaii.

–

I Kauai aku nei ka Loio Magoon a huli hoi mai nei. Ua lanakila kona aoao imua o ka Aha Kaapuni ma kekahi hihia kipaku aina, oiai e kueia ana ia e kekahi mau hoa e ae o ka Papa Loio Hawaii.

–

Ke noonoo nei ka Aha Kiekie i ka hihia o ka mokuahi Kina i keia wa.

Ma ka heihei waapa o kela Poaono aku nei ma Puuloa, ua lilo aihueia kekahi komo daimana mai ke Keikialii Kawananakoa aku. O ka pohaku daimana o ua komo la, ua manaoia he $500 kona waiwai io.

–

O na Lunamakaainana Amerika i hoea mai nei no onei, oia o J. G. Cannon o Illinoi; H. C. Laudenslayer o Nu Ierese; A. S. Berry o Kenetuke; ame J. A. Towney o Minesota. Ua hala aku lakou e ike ia Madame Pele i Hawaii.

Ma ke ku ana mai o ka mokuahi Mauna Loa ma ka Poalua nei i hoea hou mai ai o Hon. H.P. Baldwin no Honolulu nei.

–

Aloha A@o (opio). Ma ka holo ana'ku o ka mokuahi "Kulanakauhale o Pekina" mai Honolulu aku nei, ma ke ahiahi Poalua iho nei, i kau aku ai o Master Anthony Lee Ahlo, keiki a Mr. L . Ahlo, kekahi o na kanaka koikoi o Honolulu nei, a holo aku la no na aina e. Ua lohe mai makou e holo loa ana oia no ke Kulanui o Cambridge. Ua hoohanohano aku kona mau hoa kula iaia me na mea kani, a ua ulumahiehie launa ole na hoohiwahiwa i papahiia aku maluna ona e kona mau hoa. He Hawaii oiaio oia. Imua e Hawaii opio.

–

Ua kaawe ae kekahi luina o luna o ka mokukaua Piledelepia aia iho ma ka hora kakahiaka o ka Poakolu nei, maluna o ua moku la. He pio oia na kekahi hoopai i kau iho maluna ona, ma kona wa i lawe ai i kona ola.

Mamuli o ka ano o ka olelo hooholo a ka Aha Kiekie e pili ana i ka waiho ana aku o ka Mea Hanohano S. M. Damon i kona kulana hoa o ka Papa Kahu Waiwai no ka waiwai o Pauahi, me he mea ia, e aeia ana kana noi, ke pau pono nae kekahi mau hooponopono uuku a ka Aha Kaapuni kahi i lawelawe mua ia ai ke noi.

–

Ma Kahuku, Koolauloa ae nei, i malamaia ai ma ke ahiahi o ka Poaono o kela pule aku nei, he hukihuki kaula mawaena o ka Hui "Na U o Lewa" ame ka Hui "Laieikawai," oiai o ka hui mua no Kahuku ponoi iho ia, a o ka hui hope hoi no Laie aku nei. A ua lilo ka eo i ka Hui "Laieikawai." He $50 ka pili a kela ame keia aoao. Aneane $500 i hoopaheeia i ka welowelo mawaena o na poe pili kaka lalo.

–

Ma keia Poakahi ae, Sept. 20, ma ke ahiahi, e hoomaka ai na papa kula o ka Y.M.C.A. o Honolulu nei. O na haawina e aoia ana ola keia: Heluhelu me pe-la ana, Prof. Edgar Wood ke kumu: arimatika me ka ao-piliolelo, Prof. Edgar Wood ke kumu: palapala aina, Prof. Edgar Wood ke kumu: @uke malama waiwai, W. E. Beckwith: kakau pokole, M. P. Bluxome; kakau mikini, M.P. Bluxome, ke kumu: olelo Hawaii, J. M. Poepoe; kaha-kii mekakina, Prof A. A. Colstein: Aupuni K@vilia, J. Q. Wood ke kumu: Kanawai Oihana Kalepa, J. Q. Wood ke kumu.

–

KAU KUIKAWA  OKA  AHA SENATE, 1897.

–

LA HANA 2. –– SEPT. 9.

Ma ka hora 10 a.m. o keia la (Poaha, Sept. 9) ua noho hou ka Aha Senate, a ua weheia na hana o ka la ma ka oule a Rev. A.J. Beli o ka Ekalesia Metodita. Heluheluia ka moolelo o ka la i hala a aponoia. Ua hooka'ulua iki ka hana a ka Hale, mamuli o ka loaa ole ana mai o ka hoike a ke Komite o ko na Aina E, no ka me e pili ana i ke kuikahi. Hala kekahi mau minute o ke kali ana, aia hoi ua komo mai ke Komite me ka hoike, a na Luna Senate Balauwina, ka Lunahoomalu o ke Komite, i heluhelu mai i ka hoike.

O ke ano nui o keia hoike e apono ana no ia i ke kuikah, elike me kona kulana i waihoia mai ai e ka Peresidena iloko o ka Hale.

Alaila, waiho pu mai hoi oia he hoike na ia Komite hookahi no he palapala hoopii kue a kekahi Komite o na kanaka Hawaii he 15, no ka hoohui Aupuni mawaena o Hawaii nei ame Amerika Huiia. Ma ia hoike, ia hoomaopopo mai ke Komite, aole ia he palapala hoopii maoli i ka Aha Senate, aka he palapala kue maoli ia i waihoia ae i ka Peresidena ame ka Aha Kuhina, e ninoi ana e noonoo pono lakou i ua kue la mamua o ke noi ana mai i keia Aha e apono i ke kuikahi. Aka, mamuli o ke apono ana o ka Peresidena ame ka Aha Kuhina i ke kuikahi, oia ke kumu o ka hoea ana mai nei oia mea iloko o keia Hale. Ua maopopo hoi, ina hoole kakou i ke apono ana i keia kuikahi, aole kakou e hana no ka pomaikai o keia Pae Aina, a no ka pono hoi o na kanaka Hawaii ka oi loa aku; oiai, o ka hoohuiia ana'ku o keia Pae Aina me Amerika Huiia oia kekahi kahua nui i ku ai keia Aupuni: nolaila, waihoia ka olelo hooholo ma ka papa.

Ma ke noi a Kuhina Kamika, ua waihoia ka hoike ma ka papa.

Ua hapaiia ka noonoo o ke Senate no ke apono ana i na hookohu oihana a ka Peresidena.

Robert H. Bruce, Kanikela Hawaii ma Amoy, Kina.

Stuart Eldredge, Kanikela Hawaii ma Iokohama, Iapana.

William A. DeGress, Kanikela Hawaii ma Sana Lui, Misouri, Amerika.

George L. Allen, Kanikela Kenerala ma Sidane, Nu Wale Hema.

Henry Hunpel, Kanikela ma ka mokupuni o Madeira.

William B. Colville, Kanikela, ma Kalekuta, Inia.

Samual Mills Damon, Kuhina Waiwai no ke Aupuni Hawaii.

Edward G. Hikikoki, Lunakanawai no na Apana Hookolokolo Kaapuni 3 ame 4.

Hapaiia ka noonooia ana o ka Palapala a ka Peresidena e pili ana i ke kuikahi.

Ua lehulehu lia na pie e hoike i ko lakou mau manao maluna o keia palapala––na Kuhina ame Senate––e apono ana keia mau haiolelo i ka pono o ko Hawaii nei hoihuiia ana'ku me Amerika Huiia, a o ke Kuhina Waiwai ka  mea hookahi i manao, aole oia i ike iki i ke kumi i maikai ole ai ke Aupuni e ku nei, a ua ulu mai keia manao ona, mamuli o ke kula o loko i ka hoike a ke Komite o ko na Aina E.

I kapau ana o na haiolelo ame ka hoike ana a na hoa i ko lakou mau manao, ua lawelawe ka Hale no ke apono ana i ke kuikahi. A ua aponoia ke kuikahi me ka lokahi. A no ka paa ole ana o ke kuikahi i ke kakau poepoe ia, ua hoopanee ka Hale a noho hou ma ka hora 9 a.m. o ka Poalima.

––

LA HANA 3.––SEPT. 10.

Ma ka hora 9:05 o keia kakahiaka i noho hou ai ka Aha Senate, me ka hoopiha pu ia ana hoi o ka Hale e na makaikai he nui.

Weheia na hana ma ka pule a Rev. J. Kauhane o Hawaii. 

Mahope iho komo mai ana ka Peresilena ma ka wa e heluheluia ana ka moolelo o ka halawai i hala, a noho iho la ma kekahi noho ma ke poo o ke pakaukau a na hoa o ka Aha Kuhina e noho ana.

Hoike mai i Peresidena Waila, o ka hana wale no imua o ka Hale, oia ke kakauinoa ana i ka Olelo Hooholo e apono ana i ke kuikahi. Alaila, ku ae la o Luna Senate Rice, lunahoomalu o ke Komite Oleo Hooholo, a hawi aku la i ke kakauolelo i na kope i kakau poepoe ia o ka Olelo Hooholo ma na olelo Enelani me Hawaii. Hora 10 me 1 minute kakauinoa iho @a ka Peresidena o ka Hale o na Senate, oia o Waila, i ua olelo hooholo @a.

Ma ke noi a Luna Senate Brown, ua hoopaneeia na hana me ka @a ole i kohoia no ka noho hou ana.

––

Ua lohe mai makou, ke noke mai nei i keia mau la na poe Ro@a@@@@ i ke kakauinoa ma na palapala kue hoohui aina. O na keiki iluna ke alo, ua hoopaaia iho la ko lakou mau inoa e na "tutu" ame na "papa" me "mama" o lakou.

––

JAMES B. CASTLE NO WASINETONA

––

Ua hookaulanaia ae ma ka po Poakolu nei ma ka wa i noho ai ka Halawai Wae Moho Lunamakaainana, e holo ana o Mr. James B. Castle (Kimo Kakela) i Wasinetona ma ke ano kakauolelo no ke Keena Kuhina Hawaii malaila, no ke pani ana i ka hakahaka o Mr Frank Hastings i make.

––

KA LUNAKANAWAI KIEKIE.

––

Ma ke ahiahi Poalua nei i huli hoi mai ai no Honolulu nei mai na "pali Koolau mai" ka Lunakanawai Kiekie Alapaki ame ka ohana, mahope iho o ko lakou hoohala ana no kekahi mau la ma "Kealohiwai," ma Hakipuu. Ma ia wahi ka Lunakanawai i hoomahuahua hou aku ai i na hana hou e pili ana i ua home pali Koolau nei ona.

––

HALAWAI AHAHUI EKALESIA O KA MOKUPUNI O KAUAI

––

E akoakoa mai na hoa apau o ka Ahahui Ekalesia o ka Mokupuni o Kauai ma ka luakini o Anahola, ke hiki aku i ka Poakolu ekolu o Okatoba, la 20, M. H. 1897, hora 10 a.m.

Me ke aloha,

SAM KAILI, Lunahoomalu.

––

Ma ke ahiahi Poalua nei, maloko o ka luakini o Sana Anaru, i hoohuiia ae ai ma ka mare o Miss Bernice Halsteaad me Dr. R. H. Reid e ka Rev. Alex, Mackintosh. Ua hoonaniia o loko o ka luakini me na wehi o ka nahele. He nui na hoaloha ame na makamaka i akoakoa aku.

––

Hoolaha Mana Hooko

––

I keia la i hookohuia aku ai o E. J. G. BRYANT, ESQ., i Notere no ka Lehulehu no ka Mahele Hookolokolo Elima o ko Hawaii Pae Aina.

J. A. KING, Kuhina Kalaiaina.

Keena Kalaiaina, Sept. 14, 1897. 2667-3t

––

I keia la i hookohuia aku ai o REV. SAMUEL KAPU i Komisina Ala Liilii ame Pono Wai no ka Apana o Wailuku, Mokupuni o Maui.

J. A. KING, Kuhina Kalaiaina.

Keena Kalaiaina, Sept. 6, 1897. 2667-3t

––

POAONO SEPATEMABA 18, 1897, he la Kiulaia Aupuni ia, e paniia ana na Keena Aupuni apau o ka Repubalika o Hawaii ma ia la.

J. A. KING, Kuhina Kalaiaina.

Keena Kalaiaina, Augate 31, 1897. 2666-2t

––

I keia la i hookohuia aku ai o JOHN W. NEAL, ESQ., i Notere no ka Lehulehu no ka Mahele Kaapuni Elima o ko Hawaii Pae Aina.

J. A. KING, Kuhina Kalaiaina.

Keena Kalaiaina, Augate 31, 1897. 2666-3t

––

I kulike ai me ke kuhikuhi o ka Mahele 4, o ka Pauku 103 o ke'Kumukanawai:

 

MA KEIA KE HOOLAHAIA aku nei o ka hoololi i manaoia malalo nei i hooholoia ai kona heluhelu okolu ia ana e ka Hale o na Lunamakaainana i ka la 12 o Mei, 1896, a iloko o ka Hale Senate i ka la 16 o Mei, 1896, penei:

HE HOOLOLI I MANAOIA I KA PAUKU 63 OKA REPUBALIKA O HAWAII, E LIKE ME KA PAUKU 103 O IA KUMUKANAWAI.

O ka Pauku 63 o ke Kumukanawai o ka Repubalika o Hawaii, ma keia ke hoololiia nei i heluheluia ai elike me keia mahope iho nei:

PAUKU 63––NA POO O NA KANAWAI. "I hookahi no manao ma ke@a ame keia Kanawai, a e hoakakaia ma kona poo."

J. A. KING, Kuhina Kalaiaina.

Keena Kalaiaina, Iulai 1, 1897. 26@7-12t

––

HOOLAHA NO NA AINA AUPUNI.

––

Ma ka Poaha, Sepeteaba 23, 1897, ma ka hora 10 a.m., ma ke Keena o E. D. Baldwin, Hilo, Hawaii, e wehwia ai no ke noiia ana mai malalo o na olelo o ke Kanawai Aina no ka Pono Kuai, Hoolimalima a Dala Kuike paha, a malalo paha o na kumu aelike kuikawa no ka mahi ana ame ka hoomaemae ana, me ke kukulu ole i hale noho.

14 Apana Aina ma Olaa, Puna, Hawaii, (Alanui L@aopele, mile 11 a i ka mile 13 e kokoke ana i kahi o Peter Lee), mai ka 10 a ke 60 e@a ka nui o ka Apana hookahi, noka waiwai io i kohola he $20 no ka e@a.

No ke kii ame na olelo hoakaka hou aku i koe e ninau ia E. D. Baldwin, Hilo, Hawaii, a i ole ma ke Keena Aina Aupuni, Honolulu.

J. F. BROWN, Agena no na Aina Aupuni.

Hanaia, Augate 31, 1897. 2666-3t

––

HOOLAHA NO NA AINA AUPUNI.

––

Ma ka Poakahi, Sepatemaba 20, 1897, ma ka hora 10 a.m., ma ke Keena o E. D. Baldwin

Ma ka Poakahi, Sepatemaba 20, 1897, ma ka hora 10 a.m., ma ke Keena o E. D. Baldwin, Hilo, Hawaii, e kuai kudala la aku ai malalo i na aelike kuikawa (me ka hale noho ole):

Apana 1––Kupahua, 102 eka. Kumukuai oi aku maluna o $153.00.

Apana 2––Kupahua, 117 eka. Kumukuai oi aku maluna o $175.00.

No ke kii ame na olelo hoakaka aku i koe e ninau ia E. D. Baldwin, Hilo, Hawaii, a i ole, ma ke Keena Aina Aupuni, Honolulu.

J. F. BROWN, Agena no na Aina Aupuni.

Hanaia, Augate 31, 1897. 2666-3t

––––––––––

OLELO HOOLAHA AINA AUPUNI.

––

HOOLIMALIMA AME KUAI I NA AINA AUPUNI MA PUNA AME KONA HEMA, HAWAII.

––

Ma ka Poakahi, Sepatemaba 20, 1897, ma ke alo iho o ka Hale Oihana Hookolokolo, hora 12 awakea, e kuai kudala ia aku au Elua Apana Aina ma Kehena, Puna, maloko o laila he 64 3-10 Eka ame 6 9-10 Eka o kekahi ame kekahi. Kumukuai oi aku maluna o $192.90 ame $20.70. Na Dala Kuike maloko o ke Dala Gula o Amerika Huiia.

A ma ia manawa a ma ia wahi e kuaiia aku ai ka hoolimalima o ke Ahupuaa o Kaulanamauna, Kona Hema, maloko o laila 3,400 eka, oi a emi mai paha.

Manawa:––21 makahiki.

Uku hoolimalima oi aku:––Maluna o $50 no ka makahiki, hookaa mua ia ana i kela ame keia makahiki.

E hookoeia ana no no ke Aupuni ke kuleana o ka lawe hou ana ae i kekahi mau wahi o keia aina no ka hooko ana i ke Kanawai Aina, me ka hoemi ole ia o ka uku hoolimalima.

No na mea i koe, e ninau ma ke Keena Aina Aupuni, a i ole, ia E. D. Baldwin, Hilo.

J. F. BROWN, Agena no na Aina Aupuni.

Hanaia, Augate 23, 1897. 2665-td.

––––––––––––––––––––––––––––––––––––––––

Hoolaha Mana Hooklokoolo.

––––––––––––––––––––––––––––––––––––––––

ILOKO O KA AHA KAAPUNI APANA

Hookolokolo Ekahi o ko Hawaii Pae Aina. Ma ka Hooponopono Waiwai. Ma ka Hana o ka Waiwai o A. FEEK o Seattle, Washington, U.S.A., i make kauoha ole.

No ka mea, ua waihoia mai e James J. Bryne, he mea aie, he palapala noi no ka Hookohu Lunahooponopono Waiwaii no ka waiwai i oleloia, a e hoopukaia aku ia palapala iaia, nolaila, ma keia, ke hoolahaia aku nei i ka poe a pau i kuleana ma ua waiwai la, o ka POAKAHI, OKATOBA 18, 1897, ma Aliiolani Hale, Honolulu, hora 10 o ke kakahiaka, oia kahi a me ka manawa e hele mai ai lakou, a e hoike mai i na kumu ina he kumu ka lakou e ae ole ia ai ke noi.

Honolulu, Sepatemaba 10, 1897.

Naka Aha:

GEORGE LUCAS, Kakauolelo. 2667-3t

––––––––––––––––––––––––––––––––––––––––

I KA AHA KAAPUNI, MAHELE KAapuni Ekolu, Repubalika o Hawaii. Ma ka Hooponopono Waiwai. Ma ka Hana o ke Noi a James Bright o Waimea, Kohala Hema, Hawaii, no ka hookohu ana i kahu no na keiki oo ole, Maukaa (w), Liwai (k) ame John (k), a i Palapala Ae no ke kuai i ka aina.

Oiai ua waihoia mai ke noi e James Bright, e nonoi ana e hoonohoia oia i kahu no na keiki oo ole i hoikeia ae la maluna, a e aeia oia e kuai aku i kekahi waiwai paa o lakou.

Nolaila, ke hoolahaia aku nei ma keia, o ka Poalima, la 8 o Okatoba, A. D. 1897, ma ka hora 10 A.M., ma ka Hale Hookolokolo, Kohala Akau, oia ka manawa ame kahi e hooloheia ai ua noi la, a ma ia manawa a ma ia wahi e hele mai ai ka poe apau i kuleana ma ia hana, a hoike mai i ke kumu, ina he kumu ka lakou, nokeaha la e ae ole ia ai ke noi.

Hilo Sepatemaba 3, A. D. 1897.

Na ka Aha:

DANIEL PORTER, Kakauolelo.  2667-3t

––––––––––––––––––––––––––––––––––––––––

AHA KAAPUNI O KA MAHELE HOOkolokolo Kaapuni III. o ko Hawaii Pae Aina. Ma ka Hooponopono Waiwai. Ma ka Hana o ka Waiwai o Edward Nahina o Napoopoo, Kona Hema, Hawaii, i make kauoha ole. Ma ka heluhelu ana ame ka waihoia ana mai o ke Noi a Kamai Nahina (w) ua make kauoha ole o Edward Nahina o Napoopoo, Kona Hema, ma Kona Hema, Hawaii, ma ka la 18 o Mei, A. D. 1897, a e nonoi ana e hoopukala ka Palapala Luna Hooponopono Waiwai ia Kamai Nahina (w).

Ua kauohaia o ka POAONO, la 9 o Okatoba, A. D. 1897, oia ka wa e hooloheia ai ia Noi imua o ka Lunakanawai Kaapuni, maloko o ke Keena Hookolokolo o keia Aha, ma Kona Akau, Hawaii, ma ia manawa a ma ia wahi e hele mai ai na poe apau i kuleana ma ia hana, a hoike mai i kumu, ina he kumu ka lakou, nokeaha la e ae ole ia ai ia Noi.

Hanaia Hilo, August 21, A. D. 1897.

Na ka Aha:

DANIEL PORTER, Kakauolelo.  2666-3t

––––––––––––––––––––––––––––––––––––––––

ILOKO O KA AHA KAAPUNI APANA. Hookolokolo Ekahi o ko Hawaii Pae Aina. Ma ka hana o ka waiwai o Elia Helekunihi o Makawao, Maui, i make.

No ka mea, ua waihoia mai he palapala hoopii e ka Lunahooponopono Waiwai. S. K. Kane, e nonoi ana e kuai kudala ia ka aina o ka mea i make e waiho la ma ka Apana o Hana, Maui, i hoikeia ma ka R. P. 1656 (Grant) ia Maui, i mea e hookaa ai i ka aie o ka mea i make.

Nolaila, ma keia ke @aiia aku nei ka lono i na poe apau i kuleana, o ka POALIMA, la 1 o OKATOBA, 1897, ma ka hora 10 kakahiaka, ma Aliiolani Hale, Honolulu, Oahu, oia kahi ame ka manawa e hooloheia ai o ua palapala hoopii la, a e hoike mai lakou no ke aha la e ae ole ia ai ke noi a ka Lunahooponopono Waiwai.

Honolulu, Sepatemaba 1, 1897.

Na ka Aha:

P. D. Kellett, JR., Kakauolelo.  2666-3t

––––––––––––––––––––––––––––––––––––––––

Hela ame Keia. 

––––––––––––––––––––––––––––––––––––––––

OLELO HOOLAHA I NA POE AIE

––––

Oiai, ua hookohu pono ia ka mea nona ka inoa malalo iho nei i Lunahooko Kauoha o ka Palapala Kauoha a Hon. S. L. Austin o Hilo, Hawaii, ma keia ke hoolaha aku nei i na poe apau he mau koi ka lakou maluna o ka waiwai o ka mea i make, e waiho mai ia mau mea, me ka hooiaio pono ia, ma ke Keena o ka Luna Helu, ma Hilo, Hawaii, iloko o eono mahina mai keia la aku, a i ole, e hoole mau loa ia aku lakou. A o ka poe hoi apau he aie ko lakou i ua waiwai la, ke kauohaia aku nei e hookaa koke ae ia.

MRS. S. L. AUSTIN,

Lunahooko Kauoha o ka Palapala Kauoha a Hon. S. L. Austin, i make. Hanaia ma Hilo, Hawaii, August 25, A. D. 1897.  2666-3t.

––––––––––––––––––––––––––––––––––––––––

OLELO HOOLAHA I NA POE KOHO BALOTA O KA APANA ELIMA. MAHELE 9, O KA MOKUPUNI O OAHU

––––

Ke nonoiia aku nei me ka haahaa ka poe koho balota apau i loaa ka pono koho malalo o na kanawai koho balota e ku nei i keia wa, e noho ana maloko o ka Mahele 9, Apana Elima, o ka Mokupuni o Oahu nei, oia hoi, "kela hapa apau o Honolulu, a i ole ia o Kona, e moe ana mawaena o ka Mahele Ewa@u ame Alanui Nuuanu, a mauka o ka laina e holo ana ma Alanui Kula, ke kahawai o Nuuanu ame Alanui Beritania. Wahi Koho: Halekula o Kauiuwela," e hele ae e hoopaa i ko lakou mau inoa maloko o ka buke hoopaa inoa o ka "Hui Amerika Uniona," ma ka lima o ke Komite malalo ihi nei. E hamama mau ana keia buke i na la apau, koe na la Sabati, ma ke Keena Oihana o Mr. Henry Waterhouse Jr. ma Alanui Moiwahine.

Ma ke kauoha a

JOS. M. POEPOE, lunahoomalu;

W. W. HALL,

H. WATERHOUSE, JR.

Komite Kakauinoa, Honolulu, Sept. 2, 1897.  2666-3t

––––––––––––––––––––––––––––––––––––––––

OLELO HOOLAHA.

––––

Ke hoikeia aku nei ka lohe, o keis Palapala Hookohu Hope i hanaia e maua, e hoomana ana ia Mrs. Lulia Kalaukoa e hoolimalima aku i ko maua kuleana hapalua i mahele ole ia iloko o kela aina e waiho la ma Kohala Akau, Mokupuni o Hawaii, i ikeia ma ka inoa "Kaihooa," nona ka i@@ he 126 eka a oi aku a emi mai paha, i hoakaka@a ma ka Palapala Sila Nui Helu –––, ma keia us hoopauia.

Ke hoike pu ia aku nei ka lohe, ma keia ke hookohu aku nei maua ia Kalua Malo (k), e noho ana ma Kohala @ oleloia, i Luna nana e malama i ua kuleana la i oleloia a me na holoholona o maua.

Hanaia ma Honolulu, H. I., August 30, 1897.

JULIA KALAKIELA, J. S. KALAKIELA.  2666-3t

––––––––––––––––––––––––––––––––––––––––

Makemake Makou

+ I ka Oukou Hana

 

Pa'i ana ame Ka Humu ana I na Buke.

 

E HANAIA ME KA NOIAU LOA.

+++++++++++++

Na Papa Keleawe Inoa me na Hua Kuni Wai Gula.

 

E hanaia no ia ma ko makou nei Keena a kulike me ka mea ! makemak@@@.

––––

KA HUI HAWAIIAN GAZETTE

Na Poe Hoolaha.

–––– 

Hale Pohaku o Von Holt, Alanui Moi, Honolulu.

––––––––––––––––––––––––––––––––––––––––

Vapo-Cresolene

MAMULI o ka haa@@@@ ana o ka laau CRESOLENE ma ka haou ana, ole ke k@@hina @ana pale@ana loa no ka lawelawe ana i na @@@ Makani o ka puu. He kamaha@ @@@na ole ka holo pono o kana hoola ana i ke K@@@-K@@@@ ame ke K@@@ Ho. He laau maikai loa ia no ke p@@@ ana aku i na ma'@ l@l@, a pe@@ aku. E loaa no na buke ho@ka@a me ke kumu@uai o@@, i @@@pu me na palapala hoomaikai. Kua@@@ e @@ poe kuai laau a pau.

HOLLISTER DRUG CO., Honolulu, H. I., Agents.

––––––––––––––––––––––––––––––––––––––––