Ka Nupepa Kuokoa, Volume XXXVI, Number 39, 24 September 1897 — AOHE HOPOHOPO ANA NO KE KUIKAHI HOOHUI AUPUNI. [ARTICLE]

AOHE HOPOHOPO ANA NO KE KUIKAHI HOOHUI AUPUNI.

Nu loka, Sepetemaba 12—Ua manaoioia ma ka poai o na luna o ka Mana Hooko, o ka hooholoia ana ame ke aponoia ana mai nei o ke kuikahi hoohui Aupuni e ka Aha Senate Hawaii, he mea ia e konoia ai kekahi mau hoa o ka Aha Senate o Amerika Huiia i ku kanalua iho nei i keia wa e koho ma ka aoao kokua i ua aelike kuikahi la i keia kau Ahaolelo ae. O ka mea wale no i koe i keia wa, oia ke apono ana oia Aha, a ua manaoia, aole paha e mahuahua loa ana ka heluna o na Senate e auamo ae ana i ke koikoi o ke kue ana i ke kumuhana hoohui Aupuni, a ma ia hana ana e kiolaia aku ai o Hawaii iloko o na lima o lapana.