Ka Nupepa Kuokoa, Volume XXXVI, Number 39, 24 September 1897 — AOLE O SENATOA BACON O GEOROGIA E HOLO MAI NANA NO HAWAII NEI. [ARTICLE]

AOLE O SENATOA BACON O GEOROGIA E HOLO MAI NANA NO HAWAII NEI.

Ua loaa aku ia Senatoa Bacon o Georogia, kekahi o na kanaka ikaika loa i ke kue anā i ke kumuhana hoohui Aupuni maw r aena o Hawaii nei ame Amerika Huiia, he palapala mai a Mr. Kakina aku e poloai ana iaia e holo mai i Hawaii nei e makaikai pono ai nona iho ia nei. Ua olelo aku nohoi o Mr. Kakina iaia, ua hiki no i ke Aupuni o Hawaii ke uku i kona mau lilo apau o ka holo ana mai i Hawaii nei ame ka hoi ana aku; aka, ua hoole 0 Mr. Bacon i keia leo poloai a Kakina, a nolaila ua hoole oia aole e holo mai no Hawaii nei. Ua loaa pu aku nohoi iaia he palapala mai a Senatoa Mogana aku nei, e koi aku ana iaia e holo mai oia i Hawaii nei, aoie no nae oia 1 ae mai.