Ka Nupepa Kuokoa, Volume XXXVI, Number 41, 8 October 1897 — MAHALO NUI. [ARTICLE]

MAHALO NUI.

Mr. Lnnahooponopono,— Aloha oe: —Me ka hauoli nui au e hoike aku nei ia oe. a io'u mau ho.i makaainana hoi o Kohala, na Kona, ame Kau ka'u mahalo nui ana. Oiai, mamuli o ka lokahi ana o ko kakou manao e koho ia W. C. Aehi, Esq., i wahaolelo no ko kakou mau pono a no ka pono hoi o keia lahuikanka, oiai ke Kau Ahaolelo e hiki mai ana, pela i loaa ai i kuu moho W. C. Aehi, Esq., ka heluna balota kiekie loa nona ka huina o 299. "Oili pulelo ke ahi a Kamaile, a Welo kihei a ke a'e loa." Oia ka lia o kuu manao, a oia hoi ka iini o kuu puuwai, o ka loaa ia kakou o ke kanaka ike. makaukau, a plha me ke kanawai, i naua pono ia ke Kumukanawai ame na kanawai o ke Aupuni. oiai aia no iloko o laila he mau uiea e hoohaiki ana i ka pono o ke kanaka. a o ka lahuikanaka hoi. He mea oiaio, ua ae mai na lani. a ua hookoia mai lioi ia mau iini ana, oiai, ua loaa no kakou he kanaka makaukau i ke kanawai, oia no W. C. Aehi. Esq., a o ka kakou moho auanei keia naueue ka Hale Ahaolelo, a pu-ke ia hoi na kuli o ka poe kue aku iaia. Nolaila, ua ola kaua e pono, a e hanaia auanei ko kakou mau pono ke kauoha aku iaia. Minamina nui au i ka haule ana o kona kokoolua G. P. Kamauoha, Esq.. oia olohe kau kanawai o na kau i hala ae nei, ina no hoi e lokahi pu ia e kakou nona, ina ua oi loa aku ka maikai. oiai oia lae ula ia ma ke kanawai, a e kanalua ole ai ke olelo ae, naueue ka Hale Ahaolelo, a pu-ke hoi na kuli o na hoa oia hale, ina no i puka like iho nei laua, W. C. Aehi, Esq., ame G. P. Kamauoha, Esq., ina ua hiki ia'u ke kaena ae i ka olelo kaulana a ke kaeaea Nelekona ma ke kahua kaua moana o Lapalaka. ana hoi i keha ae ai: "Na Enelani e rula na ale o ka moana." o ka'u la hoi keia e kaena ae ai: "Na Kona e nila na kanawai o ke Aupuni" ma o kona mau lunamakaainana la. aka, ua haule hoi kahl o laua, a e ku hookahl aku . paha auanei oe e kuu Aehi e paio no ka pono o na apana kahi nana oe i koho. Aka. aole no nae ia he mea no'u e hopohopo ai nou, oiai

Wela ka hao, alu ka uwea. lale oe. E kuu Aehi maikai e, i nana pono ia ka pono o na makainana o na apana kahi nana oe i koho, a e hana aku i na hana hooholomua iioko oia mau apana. 0 ka'u wale no ia oe e kuu Arhi, e hana aku me ka pololei, e hana aku no ka pono k&ulike o keia lahuikanaka. a pela auanei kaua e hana nui oie aku ai a e mau aku no auanei ke kau ana o kela inoa hanohano W. C. Aehi, Esq.. Lunamakainana o na KohaJa, na Kona ame Kau maluna ou ia kau aku. ia kau aku. a ia kau aku au e makemake ai no ka hoio balota ana ke hana oe me ka poloiei. A i ole auanei ka hoi oe e hana pela. he keu aku ka hoi a ka hana nui hou aku. 1 ka hooki ana maanei. ke lana nei kuu manao e hana aku ana oe W. C. Achi,Esq., no ka pono o ka aina, a no ka pono o keia lahuikanaka. Kou no me ka olaio, E. K. KAUPU. JHNiukukahi. Waiea, S. Kona. Hawaii. October 4th, 1897.