Ka Nupepa Kuokoa, Volume XXXVI, Number 41, 8 October 1897 — Ka Haiolelo a Senatoa Morgan. [ARTICLE]

Ka Haiolelo a Senatoa Morgan.

E ike ana ko makou poe heluhelu ma ko makou pepa o keia la, malalo o ke poo "Ka Halawai Lahui Oni i ka lu," i ka haiolelo noetm a Senatoa Morgan, Me ka hauoli no makou e panee aku nei i keia haiolelo no ka pomaikai o ko makou poe heluhelu, a no ka lahui Hawaii holookoa nohoi.

Elike nohoi me na mea i hoakaka mua ia aku, ma ko makou pepa o kela pule aku nei, ame na olelo hoolaha, e haiolelo mai ana ua Luna Senatoa kaulana nei o Amerika Huiia, maluna 0 elua kumuhana, oia hoi: (1) Ke kulana pili Aupuni e loaa ana i ke kanaka Hawaii, ke hooliuiia o Hawaii nei me Amerika Huii; (2) Ke kulana pili i ka NinauHoohui Aupuni e ku nei 1 keia wa. A mawaho ae hoi o keia mau kumuhana elua i hoikeia ae la, ua hoike mai oia no ka lilo ana o Amerika Huiia i Aupuni nana e paa i ka hoomauia o ko Hawaii nei kuokoa malalo o ka nohona a na "Moi Hanau" o ka aina.

He raea oiaio, ua hooliloia kekahi hapanui o kana haiolelo ma ka heluhelu ana mai loko mai o ka Buke Moolelo Hawaii (Olelo Enelani) a Prof. Alexander, ma na mea e pili ana i ko Araerika Huiia hooia kahiko loa mai e kuokoa mau o Hawaii, malalo o na hoomalu ana o na 'lli hanau o ka aina. pela hoi me na noi ana'ku a Hawaii nel, no elua manawa, ia Amerika Huiia, e hoohuiia aku o Hawaii nei me Amerika Huiia. XJa hoike pu mai nohoi oia i ke kulana pili Aupuni e loaa ana i ke kanaka Hawaii maoli, ke hoohuiia aku o Hawaii\el me Amerlka Huiia, oia hoi, e loaa ana I ke kanaka Hawaii maoli o keia Pae Aina na pono makaainana apau i !oaa i ke kanaka' kupa Amerika ma na mokuaina huiia o Amerika. Ma ka makou hoomaopopo ana i keknhi mea ano nui iloko o ka haioleio a keia loea kalai Aupuni o Amerika Huiia, e hoike maopopo mai ana no ia, ua maopopo loa, e hooholoia ana ke kulkahi hoohui Aupuni e ka Aha Senate o Amerika Huiia ma ke Kau ae noi o Dekemaba, a i ole, i kahi wa paha mamua mai oia manawa.