Ka Nupepa Kuokoa, Volume XXXVI, Number 43, 22 October 1897 — Page 3
| This text was transcribed by: | Neil Romabiles |
| This work is dedicated to: | Tai B. Do |
Ka Nupepa Kuokoa
KE KILOHANA POOKELA NO KA LAHUI HAWAII.
KA HUI ALAHAO ME AINA O OAHU
MANAWA HOLO.
Ma@ a Mahope aku o lulai 5, 1895
Wili o Ewa, ka@@ka@ a, na la apau, @@e ke Sabati
Hiki o Waianae na la apau.
Hiki Wili o Ewa, na la apau.
Hiki Waianae , @onono me Sabati wale no.
Hiki i Waianae, na la apau.
A.M. A.M. P.M. P.M. P.M.
Haalele ia Manana 7:40 9:58 2:21 2:25 5:53
Haalele Wili o Ewa 8:10 10:19 2:49 2:49 6:14
Hiki i Waianae - 10:54 - 3:24 6:49
Waianae na la a pau.
Wili o Ewa Kaa Ukana Na la a pau Koe Sabati
Waianae na la a pau.
Wili o Ewan a ala a pau.
Hiki i Waianae na Ponono me Sabati
A.M.
A.M.
P.M.
P.M.
P.M.
Haalele ia Waianae 6:44 - 1:32 - 4:16
Haalele Wili o Ewa 7:19 9:10 2:07 3:51 4:51
Haalele ia Manana 7:50 9:48 2:38 4:22 5:22
Hiki i Honolulu 8:23 10:30 3:11 4:55 5:55
E lawe ana na kaa ahi hali ukana i na kaa ohua o ka papa ekahi.
G. P. DENISON,
Luna.
F. C. SMITH
Luna Kuai Palapala Holo
NU HOU HAWAII
He keiki ai huaaliipoe ko kai o H---.
Ua loaa mai nei ka lono ia nei, he omaimai ke “Alii” Liliuokalani e noho mai ia i Amerika Huiia.
E wehe aku ana o Mr. P. C. Jones he Hale Banako hou ma Honolulu nei, elike ia me ko Bihopa ame ko ka Ona Miliona.
Eia kekahi poe wahine haole o Honolulu nei ke hoomaamaa mai nei i ke kipu pololei ma kahi kipu makai ae nei o Kakaako.
Ke anaia nei ka aina hui o Waikane e ke ana-aina M. D. Monsarat (Maunakea). Ma ka Poakahi nei oia i holo aku ai no laila, maluna aku o ka mokuahi J. A. Cummins (Keoni Kamaki).
E haawiia ana he aha mele e na haumana o na Kula Kamehameha ame kekahi poe e ae maloko o ka luakini o Kaumakapili, ke hiki aku i ka Poaono hope o keia mahina, Oct. 30.
Ma ke ku ana mai o ka mokuahi Kinau mai kona mau awa mai Maui a mai Hawaii mai, no Honolulu nei, ma ka Poalua nei, i huli hoi mai ai o Kapena Robert Parker (Waipa) mai Hawaii mai.
Ua lohe wale ia, aole ka e ae ana na Hui Aloha Aina ame Kalaiaina e hoouna i Komisina Hawaii i Wasinetona ina e hele kekahi “ili-keokeo” ma ia huakai. Aohe hoi he ae o na Peresidina o na Ahahui elua e hele.
Ua kauoha aku nei ke poo o ko Oihana Makai o Honolulu nei i kaa halihali lawehala no ia oihana: a e hoolakoia ana keia kaa me na mea paahana apau e hiki ole ai i ka lawehala i komo iloko oia kaa ke “palahemo” aku ma ka apua.
Ma ka Poakahi nei i loaa ai ke kino make o kekahi Pake maloko e kekahi hale-lio ma Kapiolani Paka. Ua kaawe oia iaia iho. Ma ka manao o ke kauka, me he mea is, he 12 a he 14 paha hora o kona make e ana’ku mamua o kina ikeia ana.
Mai poina oukou e na makamaka i ka hele ana ae e pa’i i ko oukou mau kii hooleleaka ma ka hale pa’i kii ma Alanui Nuuanu, oia hoi ka Hale Pa’i Kamalei, aoao ma Waikiki, ma ke Alanui o Kapamoo. He maikai ka maiau ia ana o ko laila mau kii. O ka “olo pala” e lilo ana ia i “hua pala,” a o ka “hua paa” hoi, e “pala” loa ae ana is ma ka ui. Wela ka hao, alu ka uwea.
Ma ka hora 4:30 o ka auina la o ka Poalua nei, la 5 o keia mahina, ua hanau mai la o Mrs. Minnie Hanaike, wahine a ko makou hoaloha Rev. J. B. Hanaike o Kauai, a o kekahi hoi o na kaikamahine a ko makou mau makamaka oiaio. Mr. ame Mrs. W. H. Tell, he kaikamahine nui nepunepu o 11 paona ke kaumaha, ma kahi noho o na kupuna, ma Kalihi ae nei. O ka helu 18 iho la ia o na moopuna a keia mau kumu hoolaupai aina. Mahalo i ka lokomaikai o na Lani Kiekie Loa.
HE LEO PAIPAI I NA KULA SABATI O HAWAII AKAU.
E malamaia ana na wa hoike o na Kula Sabati o Hawaii Akau iloko o na manawa i hoikeia malalo iho, iloko o ko lakou mau mahele ponoi, penei:
- Kula Sabati o Kohala Hema, Nov. 7, 1897.
- Kula Sabati o Kohala Komohana, Nov. 14, 1897.
- Kula Sabati o Hamakua Hulia, Nov. 28, 1897.
- Kula Sabati o Hamakua Hikina, Dec. 26, 1897.
- Kula Sabati o Kohala Akau, Jan. 23, 1898
- Kula Sabati o Waimea, Jan 30, 1898.
E makaaka e na Kula Sabati me ka hoihoi, a ,a ke Akua Mana Oia Mau e kokua nui mai.
E hoomakaia ana na hana o keia ame keia kula me ka ekeu. E waiho i na himeni haku ano ole.
Ka oukou kauwa haahaa,
THOS. S. K. NAKANELUA.
Kahukula Sabati Nui o Hawaii Akau.
Kawaihae, Hawaii. Oct. 18 th , 1897.
HE MAU WAHI MEA HOU
Mr. Lunahooponopono,
Aloha oe:
E oluolu oe e hookomo iho ma kahi kaawale o kau oeoa i kela nunahuna mea hou o na “Pali po i ka Ohu” o Honuaula nei:
Ma ka Poakolu aku nei i hala, la 6 o Okatoba, ua hoonaue pu ia ko makoy home e kekahi hoonaue kohu olai. Ma ka hapalua o keia home ua naueue me ka nakeke o ka pukaaniani. A mahope o keia ano e, ua loaa ia makou apau ka maka’u.
O ka manawa i loaa ai keia haawina mawaena no ia o ka hora 10 ame 11 o ka po.
Aole no he mamu mea kino kai ikeia ma kela po; aka, ma ko’u hoomaopopo he mau kiu keia no ke kuluaumoe.
Eia ma na “Lehua o Kaukini.” ua hoala ae o Hiu Robikana he hui ao hulahula. Ua nui na opio i hele ae ma ia hana.
Malaila no au, ka mea kakau, i ka po Poalima, la 8 o keia mahina, kahi i nana ai. O ka nui o na poe i akoakoa ae malaila, he kanalima, mai na makua a nakeiki.
A m ka Poaono ae, ua malamaia he paina luau, na ke kamana o ka uapo o Kahakuloa me na keiki hana. Ua malamaia ka hanohano o ka la me na keiki leo honehone oia mau pali ma na mele hula ame himeni.
Me ka ,ahalo ko’u welina pau ole i na keiki o kou keena.
JOSEPH S. KUOHA,
Halerose Home, Oct. 11, 1897.
HEHI SABATI
Mr. Lunahooponopono o ka Nupepa Kuokoa,
Aloha oe:---Ma ka la 17 o Okatoba nei, ua nui na kane ame na wahine i pii aku i ke pani opae i uka o Huluhupueo a hoi pu mai la hoi me na paiki ahia ame na paiki kuawa. Pehea la i hopu ole ia ai keia poe haihai kanawai? Ua ike no lakou a ua aoia mai no hoi ma kele Buke Nui, “i na ia eono e hana ai oe i kau hana, a o ka hiku o ka la he Sabati ia no Iehova kou Akua.” Nolaila, ua hoonohoia ma kela apana keia apana he mea nana e hoomaluhia i ka lehulehu e hana ana i na hana kue i ke Sabati, a oia ka’u e ninau nei, ua pee paha ka mea nana e malama i ka maluhiano ke Sabati iloko o ka uluhe, a i ole, he palaka maoli no. Ina e nana maka loa ia keia hana ma keia apana o Waihee nei, alaila, e noa ana ke paeaea makai o kahakai. Ua ahona ka hele ana o na kane ame na wahine i ka luakini e hoolohe ai i ka oleloao maikai. Ina e alakai na makua i keia mau hana, n ke alakai ana no ia i ka lakou mau keiki i ka naaupo. Ahea la waokanaka mai ka noho ana, oiai he wa keia e hoonaauao nui ia nei ka noho ana? Ahea pau ka ulu ana o ke kikania me ka palaoa? Aia anei a hiki mai ke keiki a ke kanaka e hookolokolo i ko keia ao?
Me ka mahalo nui o na keiki o kou keena. Owau no me ka oiaio,
E. L. MAKAUPUHI.
Waihee, Oct. 17, 1897.
[Mahalo makou i kou manao makee Sabati; aka, mai oi loa aku ka pono e heleia e oe e hoohiki i palapala hopu no keia poe haihai Sabati au i hoike mai nei. He mea makeheka wale paha ka hoouna mai i na hoohalahala o keia ano i ka nupepa nei, oiai, aole e hiki ia makou ke hoopau aku ia ano hana, ke ole e kokua mai ka poe make pono ia makou ame ke Aupuni, ma ka laweia ana aku o ka poe haihai kanawai imua o na Aha Hookolokolo. L. H.]
MOOLELO O KA AHAHUI KULA SABATI O KA MOKUPUNI O OAHU.
KAU O OKATOBA, 1897.
Halawai ka Ahahui Kula Sabati o ka Mokupuni o Oahu ma ka luakini o Kaumakapili, Honolulu, ma ka hora 9 a.m. o ka Poaha, Oct. 14, 1897.
Mr. E. P. Aikue, lunahoomalu mua, ma ka noho. Hoomakaia na hana me ka himeni ame ka pule a ka lunahoomalu.
Hoomaopopoia na lala a ka Aha:
Kawaiahao, D. L. Naone. Hope Kahukula Sabati, S. K. Nawaa, Elele: Kaumakapili, W. H. Kailimai, Elele: Kalihi me Moanalua. S. W. S. Kawelohelii, Hope Kahukula Sabati. S. W. S. Kawelohelii, Elele: Ewa. H. K. Meemano, Kahukula Sabati: Waianae, S. K. Hui, Elele: Makua. J. S. Namea, Kahukula Sabati, J. Halemano, Elele: Waialua, S. K. Mahoe. Hope Kahukula Sabati. J. A. Awai, Elele: Hauula, Aole: Waikane, James Davis. Hope Kakuhula Sabati, J. K. Paele, Elele: Kaneohe, J. N. Kaailua, Elele. D. L. Naone, Kahukula Sabati Nui no na Kona: E. P. Aikue, Kahukula Nui no na Koolau.
Hapalia ka noonoo no ke koho ana i na luna o ka Aha.
Ma ke noi a H. K. Meemano, ua hoomauia no o E. P. Aikue i lunahoomalu, ao S. K. Mahoe i kakauolelo no keia Aha.
Noi mai o James Davis e lilo na hoa kupono e ae i mau hoa kuka no keia Aha. Hooholoia.
Koho ka lunahoomalu ia D. L. Naone, James Davis ame J. A. Awai i Komite Imi Kumuhana.
Hoike a ke Komite Imi Kumukahi:
1. Hapaha hora haipule.
2. Hoike Papa Helu a na Kahukula Sabati Apana.
3. Hoike a na Elele.
4. Hoike a na Kahukula Sabati Nui.
5. Na Hana Hoeueu i na Kula Sabati.
6. Na Luiu no ka Buke Kula Sabati “Ka Hoahana.”
7. Koho ana i na Elele i ka Ahahui Nui.
8. Kahi ame ka manawa e halawai hou ai keia Aha.
Ua aponoia ka hoike a ke Komite.
Hapalia ka noonoo ana i na kumuhana pakahi.
1. Hapaha hora haipule, ua hookoia.
2. Hoike Papa Helu a na Kahukula Sabati: Na D. L. Naone i ko Kawaiahao, aponoia. Na W. H. Kailimai i ko Kaumakapili, aponoia me na hooponopono. Aole i makaukau ka hoike o Kalihi ame Moanalua. Na H. K. Meemano i ko Ewa. Na S. K. Hui i ko Waianae. Na ke kakauolelo o ko Makua a ua aponoia keia mau hoike ekolu. Aole Hoike Papa Helu o Waialua a aole no hoi o Haaula. Na Jas. Davis i ko Waikane, aponoia. Aole Hoike Papa Helu o Kaneohe.
3. Hoike a na Elele: Na S. K. Nawaa i ko Kawaiahao, aponoia. Na W. H. Kailimai i ko Kaumakapili. Ma le nei a D. L. Naone, ua waihoia keia hoike a neenee pu me ke kumuhana 6. Na S. W. S. Kawelohelii i ko Kalihi ame Moanalua, aponoia. Aole hoike ELele o Ewa. Na S. K. Hui i ko Waianae, aponoia me na hooponopono. Na J. Halemano i ko Makua: na J. A. Awai i ko Waialua, ua aponoia keia mau hoike a i elua. Aole Hoike Elele o Hauula. Na J. K. Paele i ko Waikane, a na J. N. Kaailua i ko Kaneohe. Ua aponoia keia mau hoike a elua.
4. Hoike a na Kahukula Sabati Nui: Na D. L. Naone no na Kula Sabati o na Kona, a na E. P. Aikue no na Kula Sabati o na Koolau. Ua aponoia keia mau hoike a elua.
Ma keia wahi, ua hookomo mau o E. S. Timoteo he kumuhuna hou.
4 (a). Hoike a ka Puuku o keia Ahahui Kula Sabati no na lilo amen a loaa a hiki i lune, 1897. Ma ke noi a D. L. Naone, ua laweia ka hoike a ka Puuku a noonoo: a ma ke noi a E. S. Timoteo, ua aponoia ka hoike a ka Puuku.
5. Na Hana Hoeueu i na Kula Sabati: Ma ke noi a James Davis, ua waihoia keia kumuhuna i na Kahukula Sabati Nui ame ko laua mau hope.
6. Na Lulu no ka Buke Kula Sabati “ Ka Hoahana:” Ma ka noonooia ana o keia kumuhuna, ua hapai hou ia ka noonoo ana i ka Hoike Elele o Kaumakapili. A ma ke noi a James Davis, ua hoomauia no na haawina dala no “ Ka Hoahana” i na Kula Sabati o keia Aha, elike me ka makahiki i hala, a penei ka mahelehele ana:
Kawaiahao $ 30 00
Kaumakapili 25 00
Kalihi me Moanalua 10 00
Ewa 7 00
Waianae 10 00
Makua 10 00
Waialua 11 50
Hauula 2 50
Waikane 11 50
Kaneohe me Waimanalo 7 50
______
Huina $125 00
Ua aponoia keia kumuhana.
7. Koho ana i na Elele i ka Ahahui Nui: Koho ka Lunahoomalu ia S. K. Nawaa ame S. K. Nui no na Kula Sabati o na Kona, a ia J. A. Awai ame J. K. Paele no na Kula Sabati o na Koolau.
Ma keia wahi, ua pakui hou ia mai he kumuhana hou.
7 (a). Koho ana i Komite no keia Aha i ka Ahahui Nui: Koho ka Lunahoomalu ia S. K. Nawaa no na Hoike Papa Helu amen a Hoike Elele, a ia J. K. Paele no na hana o keia Aha.
Noi mai o D. L. Naone e kohoia i Komite Hoalohaloha i ka ohana o Kauka J. K. Smith o Kauai i make. Hooholoia. Koho ka Aha ia D. L. Naone, E. S. Tomoteo, ame O. H. Kulika i Komite.
8. Kahi ame ka manawa e noho hou ai keia Aha: E noho keia Aha ma ka hora 9 a.m. o ka Poaha, oia hoi ka lua o ka la e noho ai ka Ahahui Euanelio o ka Mokupuni o Oahu, ma Kaumakapili, Honolulu, ma ka malama o Aperila, 1898, e hiki mai ana.
Heluheluia ka moolelo a hoaponoia/*
Olelo Hooholo: Hooholoia: ---Ke haawi aku nein a hoa apau o keia Aha i ka mahalo amen a hoomaikai he nui i ke Kula Sabati o Kaumakapili, ma ke kokua ana mai ma na mea apau e oluolu ai ke kino, a na ke Akua no, iloko o kona mana ike ole ia, e kokua ia kakou ma na hana maikai apau.
Hoopanee ka Aha me ka himeni ame ka pule a E. S. Timoteo.
S. K. MAHOE, Kakauolelo.
OLA HIKIWAWE KE KUNU HO.
Mountain Glen, Ark., ---E hoehaehaia ana ka maua keiki me ka ma’i kunu ho omole Laau Kunu a Kamalena. Ua loaa ke ola hikiwawe. F. A. Thornton. E kualia ana keia laau kaulana e na poe kuai laau lapaau apau. O Benson, Smith & Co. na Agena o ko Hawaii Pae Aina.
HOOLAHA MANA @OOKLOKOOLO
AHA KAAPUNI APANA HOOKOLOkolo Kaapuni Elima o ko Hawaii Pae Aina. Kauoha no ke Kau Kuikawa.
Mamuli o ka mana i haawiia mai ia’u e ke kanawai. a mamuli hoi he mea kupono ia no hooholo ana i ka pono. ma keia ke
Ke kauoha aku nei au e weheia ana ke Kau Kuikawa no ka Aha Kaapuni o ka Apana Elima, ma ka Hale Hookolokolo ma Nawiliwili, Lihue, Mokupuni o Kauai, ma ka Poakolu, la 10 o Novemaba, 1897, ma ka hora 10 a.m. (kakahiaka).
JACOB HARDY.
Lunakanawai Kaapuni Apana Elima, Lihue, Okatoba 16, 1897.
Aponoia:
A. F. JUDD,
Lunakanawai Kiekie Aha Kiekie. 2673-3t
AHA KAAPUNI, APANA KAAPUNI
Eha o ko Hawaii Pae Aina. Ma ka Hooponopono Waiwai. Ma ka Hana o ka Waiwai o Ikaika (k) o Puuohai, Hilo Akau, Hawaii.
Ua waihoia mai ke noi e Mrs. Mary Eaton, ma o Lloyd Eaton la, e kukala ia an hooilina o Ikaika, i make, a e hooialoia ka waiwai i na poe hooilina i kukalaia ma ia ano.
Ke hoolahaia aku nei ma keia, o ka Poalua, Novemaba 16, A. D. 1897, ma ka hora 9 a.m. (kakahiaka). Maloko e ke Keena Hookolokolo o Hilo, Hawaii, oia ka manawa ame kahi no ka hoolohe ana i ua Noi ia, a ma ia wa a ma ia wahi e hele mai ai kela ame keia mea i kuleana, a hoike mai i kumu, ina he kumu ka lakou, nokeaha ia a ae ole ia ai ke noi a ka mea hoopii.
Hilo, Oct. 16, 1897.
Na ka Aha:
DANIEL PORTER,
2673-36t Kakauolelo.
AHA KAAPUNI O KA APANA HOOkolokolo Elua o Ko Hawaii Pae Aina. Ma ka Hooponopono Waiwai. Ma ka Hana o ka Waiwai o Hokoka o Pauwela. Makawao. Maui. Imua o Hon. J. W. Kalua.
Maka heluheluia ana ame ka waihoia ana mai o ke Noi a Wahia (k) o Pauwela, Apana o Makawao, Maui, maloko o laila i nonoi mai ai oia, e hoopukaia ona kauoha hope e kukala ana i na hooilina o ka waiwai o Holoka (k) o Pauwela, Maui, i make.
Ua kauohaia, o ka POAHA, la 16 o Novemeba, A. D. 1897, ma ka hora 10 A. M., imua o ka Lunakanawai o ua Aha ia, ma Wailiku, Mokupuni o Maui, oia ka manawa ame kahi e hooloheia ai ua Noi la, a ma ia wa, a ma ia wahi hoi e hele mai ai na poe i kuleana ma ia hana, a hoike mai i kumu, ina he kumu ka lakou, nokeaha la e ae ole ai ia noi, a waiho mai hoi i hoike na ka poe i kuleana i ua waiwai la.
Hanaia ma Wailuku, i keia le 4 o Okatoba, 1897.
G. ARMSTRONG,
Kakauolelo Aha Paapuni Apana Kaapuni Elua. 2671-3t.
HOOLAHA HOOKO MORAKI.
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala maraki i hanaia mawaena o Kuanalewa Namokueha ame Namokueha, kana kane, no Honolulu, Oahu, a o ka aoao mua, ame W. R. Castle, Kahu, o Honolulu, Oahu, i oleloia, o ka aoao elua, ma ka la 10 p Okatoba, 1891, i kakau kope ia ma ka buke 129, aoao 307, a mamuli o ka uhai ia ana o na kumu aelike o kela moraki, oai hoi, no ka hookaa ole ia o ka ukupanee ame ke kumupaa ma ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE, Kahu.
Mea Moraki Mai.
Penei na aina i morakiia:
1. Kela apana aina apau e waiho la ma Kewalo, Pawaa, Honolulu, oia ka Apana 3 o ka Palapala Sila Nui 1219, Kuleana 1556 ia Kaka.
2. O ka aina apau i hooliloia aku ia Kaka i oleloia, ma ka Palapal Kuai mai a Naopae ame Kaiaino aku, i hanaia Okatoba 19, 1860, kopeia ma ka buke 19 aoao 296, a he hapa ia o ka aina i hoakakaia ma ka Palapala Sila Nui Helu 1218. Kuleana 314A ia Namokueha, e waiho la ma Kewalo i oleloia.
3. O kela apana aina apau e waiho la ma Kewalo i oleloia i hooliloia aku ia Kaka ma ka Palapalaa Kuai mai a Kaiaino aku, i hanaia ai i Maraki 11, 1880, kopeia ma ka buke 73, aoao 414, he hapa ia no ua Palapala Sila Nui la Helu 1218. Oia mau apana aina lehulehu, ua hooliloia aku ia Kuanalewa (w) i oleloia ma ka Palapala Kuai a ua Kaka ia, i hanaia Mei 23, 1885, kope ia ma ka buke 94, aoao 187.
4. O kela apana aina e waiho la ma Iwilei, Honolulu, i hoakakaia ma ka Palapala Sila Nui Helu 7505, Kuleana 2737, Mahele 2, Pauku 1, ia W. Harbottle, he 5.782 eka, oi aku a emi mai paha.
5. O kela apana aona apau waiho la ma Kaliiwai, Pauoa, i hookakaia ma ka Palapala Sila Nui Helu 1804, Kuleana 5843 ia Kahoowaha no Koohonua, a oia ka apana aina i kuaiia aku ia Kak i oleloia ma ka Palapala Kuai mai a Eleele aku, hanaia Aug. 28, 1878. i kopeia ma ka buke 55, aoao 443.
6. O keia apana aina apau i hooliloia aku ia Kaka i oleloia ma ka Palapala Kuai a Kaliko i hanaia Aperila 11, 1882, i kopeia ma ka buke 73, aoao 415, a he hapa ia o ka aina i hoakakaia ma ka Palapala Sila Nui Helu 1207, Kuleana Helu 3685B ia Koina.
7. O Kela apana aina apau i hooliloia aku ia Kaka, ma ka Palapala Kuai a Moekolohe, @ hanaia ma Iune 2, 1887, i kopeia ma ka buke 109, aoao 8.
2672-4t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapal moraki i hanaia mawaena o Lam Ton (ch) i kamaainaia o Kimo Pake, no Hawi, Kohala, Hawaii, o ka aoao mua, ame W. R. Castle, Kahu, o Honolulu, Oahu, o ka aoao elua, ma ka la 30 o Maraki, 1891, i kakau kope ia ma ka buke 138, aoao 156, a mamuli o ka uhalia ana o na kumu aelike o keia moraki, oia hoi, no ka hookaa ole ia o ka ukupanee am eke kumupaa ma ka was e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE, Kahu.
Mea Moraki mai.
Penei na aina i morakiia:
1. He apana aina ma Halawa, Kohala, Hawaii, i paa iloko o ke Kuleana 8114. Palapala Sila Nui 4241, ia Halauwai, maloko o laila he 15,600 kapuai kuea, oi aku a emi mai paha, i paa maloko o ka palapala kuai a Kaluapalaoa, Buke 112, aoao 147.
2. 1 eka ma Pahoa, Kul. 10911, Palapala Kuai a Keaweamahi, i kopeia ma ka buke 113, aoao 464, amen a pono apau i pili.
3. He apana aina ma Halawa, nona ka Palapala Sila Nui 4271, Palapala Kui a T. K. R. Amalu, i kopeia ma ka buke 111, aoao 411, amea na pono apau i pili.
4. 5 eka ma Kahei, nona ka Palapala Sila 7242 ia Nuhi, ma o ka Palapala Kuai a Kealina, i kopeia ma ka buke 119, aoao 9, amen a pono nohoi apau i pili.
5. Aneane 2 eka ma Pahoe, Palapala Sila Nui ---, Kuleana 10911 ia Umi, ma o ka Palapala Luai a John Brodie, i kopeia ma ka buke 125, aoao 319.
2672-4t
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapal kuai i hanaia mawaena o Nakeke (w) ame Kau See (k) o Honolulu, Oahu, o ka aoao mua, ame W. R. Castle, Kahu, no Honolulu i oleloia o ka aoao elua, ma ka la 30 o Iune, 1891, i kakau kope ia ma ka buke 131 aoao 226, a mamuli o ka ahaila ana o na kumu aelike o kela moraki, oia hei, no ka hookaa ole ia o ka akupanee ame ke kumupaa ma ka wa e hookaa ai, nolaila, ke hoolaha la aki nei e ke mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia ia aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE, Kahu.
Mea Moraki mai.
Penei na aina i morakiia:
1. He 1.38 eka aina, ma Manoa, Oahu, i hookaka piha ia na palena maloko o ka Palapala Sila (Aina Aupuni) Helu 27, ia Kailiulaula me na hale amen a mea apau i pili I laila.
2. He apana o 3.67 eka ma Palelo, Oahu, oia kahi hapa o ka Apana 32 o ke Kuleana Helu S559B, ia W. W. Lunalilo, i hooliloia mai ia Kanepuu i oleloia, i hooliloia mai ia Kanepuu i oleloia amen a poe hana moraki i olelo ia, ma o ka Palapala Kuai i kopeis ma ka buke 73, aoao 96, a i lilo kaokoa loa hoi ke kuleana apau i ka poe Hana Moraki, ma o ka Palapala Kuai la a W. R. Castle i kopeia ma ka bnuke 122, aoao 349, me na hale amen a pono apau i pili i ua apana aina la.
2672-4t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaena o Sam Uemana o Lahaina, Maui, o ka aoao mua, ame Wm. Dean, i make, no Honolulu, Oahu, o ka aoaoa elua, ma ka la 9 o Novemaba, 1885, i kakau kope ia ma ka buke 99, aoao 250, a mamuli o ka uhaila ana o na kumu aelike o kela moraki, oia hoi, no ka hookaa ole ia o ka ikupanee ame ke kumupaa, nolaila, ke hoolahaia aku nei e ka mea nona ka ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka 8 o Novemaba, 1897, hora 12 oia la.
Aia ,a kahi o W. R. Kakela na olelo hookaka no keia mea.
Hanaia i keia la 14 o Okatoba, 1897.
W. R. CASTLE,
Lunahooponopono o ka waiwai o Wm.
Dean, i make, Mea Moraki mai.
Penei na aina i Morakiia:
Ke la apana aina apau e waiho la ma Pauoa, Oahu, i hoakakaia ,a ka palala luai e E. B. Mikalemi ia Elena, kana wahine, i kopeia ma ka buke 71, aoao 1897, maloko o laila he 34-100 o ka eka. 2672-4t
HOOLAHA HOOKO MORAKI
Mamuli o kekahi mana kuai i hoike ia maloko o kekahi palapala moraki i hanaia mawaena o Lono (k) ame Pekelo, no Honolulu, Mokupuni o Oahu, o ka aoao mua, ame Wm. Dean, i make, no Honolulu no, o ka aoao elua, ma ak la 18 o Feberuari, 1884, i kakau kope ia ma ka buke 85, aoao 344, a mamuli o ka uhaiia ana o na kumu aelike o kela moraki, oia hoi, no ka hookaa ole ia ana o ka ukupanee am eke kumupaa i ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahop aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
W. R. CASTLE.
Penei na aina i morakiia:
1. Kela wahi apau ma Malukikepa, Waikiki-waena, Oahu, i lilo mai ia Lono i oleloia, ma ka Palapala Kuai a Iwahaauau, i kopeia ma ka buke 73, aoao 367, maloko o laila he ¼ o ka eka.
2. O kela mau wahi apau ma Maulukikepa, i lilo mai ia Pekelo i oleloia, ma ka Palapala Kuai a Iwahaauau, i kopeia ma ka buke 58, aoao 339, maloko o laila he 75-100 o ka eka.
2672-4t
HOOLAHA HOOKO MORAKI.
Mamuli o kekahi mana kuaia i hoike ia maloko o kekahi palapala moraki i hanaia mawaena o Mrs. Mikahala Kaeo ame Sam K. Kaeo, kana kane mare, no Waikiki, Oahu, o ka aoao mua, ame Wm. A. Bowen, o Honolulu, Oahu, o ka aoao elua, ma ka la 10 o Mei, 1883, i kakau kope ia ma ka buke 82, aoao 42, a mamuli o ka uhalia ana o na kumu aelike o kela moraki, oia hoi, no ka hookaa ole ia ana o ka ukupanee ame ke kumupaa ma ka wa e hookaa ai, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.
A ke hoolaha hou ia aku nei, aia mahope aku o na pule ekolu mai keia la aku, alaila,e hoolahaia aku na aina i hoikeia ma ia moraki no ke kudala ana ma ke keena kudal o Jas. F. Morgan, ma Honolulu, ma ka la 8 o Novemaba, 1897, hora 12 oia la.
Aia ma kahi o W. R. Kakela na olelo hoakaka no keia mea.
Hanaia i keia la 14 o Okatoba, 1897.
WM. A. ROWEN.
Mea Moraki mai.
Penei na aina i morakiia:
Kela apana aina apau e waiho ia ma Waiaka, Oahu, i ikeia na Apana I me III ame IV, i hoakakaia ma ka Palapala Sila Nui 1184. Kuleana 9@@1 ia Kahakai, maloko o laila he 2.96 eka.
No Mikahala Kaeo ke kuleana ma ua aina la oiai oia ka hooilina o Kahakai, a ke kuleana nohoi ko Sam K. Kaeo maia@@a, oiai oia ka mea i lilo mai ai ma kuleana o Hosia Kaia ame Hookano, kekahi mau hooilina e ae o Kahakai, ka mea nona la Palapala Sila. 2672-4t
HELA AME KEIA
HOHOLAHA HOOHUI
Ma keia ke hoolahaia aku nei, o S. T. Alexander ame W. M. Alexander o Oakland, Cal., ame H. P. Baldwin ame J. P. Cooke o Haiku, Maui, i keia la, ua hoohui ae nei ia lakou na ka lawelawe halekuai ana ma Kahului ame Wailuku, Maui. Ko Hawaii Paeaina, malalo o ka inoa Hui o ALEXANDER & BALDWIN COMPANY.
Honolulu, Okatoba 19, 1897.
HOOLAHA HOOPONOPONO WAIWAI.
Ua hookohuia ka mea nona ka inoa malalo iho, he lunahooponopono no la waiwai o Alexander Moore, i make me ke kauoha ole, nolaila, ke hoolahaia aku nei ma ke akea, ina he koina ka kela me keia mea, e pono e waiho mai mamua o ka pau ana o na malama eono mai keia la aku, o hoole loa ia.
DAVID DAYTON,
Lunahooponopono o ka waiwai o Alex. Moore.
Honolulu, October 18, 1897.
2673-5t
HOOLAHA HOOPAU KUAI AINA.
E ike auanei na kanaka apau ma keia palapala hoolaha, owau o P. Palea (k) o Waiea, Kona Hema, Hawaii, mamuli o na kumu i hoikeia a i hoopaaia hoi maloko o kekahi Palapala Hoolilo Kuai Aina e hoolilo loa ana i ko’u kuleana 1-3 (hapa-kolu) iloko o ka Ahupuaa o Waiea, Kona Hema, Hawaii, ia Meleana Davis, kuu moopuna, ma ka malama o Mei, 1897, a e kokoke ana paha ilaila.
Ke hoolaha aku nei wau ma ke akea, ua hoopau wau a ke hoopau nei i ua palapala hoolilo kuai aina la a’u i hana ai no Meleana Davis i oleloia. Nokamea, aole ona malama ia’u ame ka’u wahine i na mea e ola ai mana iliko o elua mahina i (kaahope) hala ae nei, a aole hoi i kekahi mea e loaa ai ko maua ola.
Na’u no me ka oiaio.
(Sig.) P. PALEA.
Waiea, Kina Hema , Hawaii, Oct. 14, 1897.
2673-2t
OLELO HOOLAHA A KA LUNAHOOPONOPONO.
O ka poe apau he koi ka lakou i ka waiwai o W. H. H. Halstead i make, ke kauohaia aku nei ma keia, e waiho mai i ka lakou mau koi i ka mea nona ka inoa malalo iho nei ma Wailuku, Maui, iloko o eono malama mai ka hoolahaia ana aku o keia, a o ka poe hoi i aie i ua waiwai la, e hookaa koke mai.
L. M. BALDWN,
Lunahoopomopono i kohoia no ka manawa i keia la 7 o katoba, 1897, e J. W. Kalua, Esq., Lunakanawai Kaapuni, Mahele Elua.
2672-4t
I KA PEO APAU E IKE MAI ANA.
Ke hoikeia aku nei ka lohe ma keia, ua hohui ae nein a mea no laua na inoa malalo iho nei, no Honolulu, Ko Hawaii Pae Aina laua a elua, ma kekahi Hui no ka lawelawe ana i ka oihana kalepa maloko o keia kulanakauhale, malalo o ka inoa Hui o W. W. Dimond & Co.
Kakauinoaia, W. W. DIMOND,
Kakauinoaia, GEO. H. PARIS.
Honolulu, Oct. 1, 1897. 2672-3t
MAKEMAKE MAKOU
I KA OUKOU HANA
Pa’i ana ame
Ka Humu ana
I na Buke.
E HANAIA ME KA NOIAU LOA.
Na Papa Keleawe Inoa me na Hua Kuni Wai Gula.
E hanaia no ia ma ko makou nei Keena a kulike me ka mea i makemakeia.
KA HUI HAWAIIAN GAZETTE
Na Poe Hoolaha.
Hale Pohaku o Von Holt, Alanui Moi, Honolulu.
VAPO-CRESOLENE
He Laau Hoola.
Oiai no Oe e Hiamoe ana no ke
K@@@ Kalea, ka Hano, K@@@ Ho, ka Malulu Kao, ke A@@
Ma ka wa e hoopunohuia ai ka uwahi o ke CRESOLENE ma loko o ke keena o ka mea ma’I, e loaa koke no ka oluolu. He ka mahao kona ikaika hooia, a malawa hookai nohei e kao@lia aku no ka p@@ola ana mai o na ma’i lele, ma o kunalilo ana @@ laau kieai ma’i, a ke laau piliia ole nohai no na keiki. Ekualia ana e na poe hana laau. E haawi wale ia no ka buke hoakaka.
HOLLISTER DRUG CO., Honolulu, H.I. na Agena.