Ka Nupepa Kuokoa, Volume XXXVI, Number 43, 22 October 1897 — HEHI SABATI. [ARTICLE]

HEHI SABATI.

Mr. Lunahooponopono o ka Nupepa Kuokoa, — Aloha oe:—Ma ka la 17 o Okatoba nei, ua nui na kane ame na wahine i pii aku i ke pani opae i uka o Huiuhupueo a hoi pu mai la hoi me na paiki ohia ame na paiki kuawa. Pehea la i hopu ole ia ai keia poe haihai kanawai? Ua ike no !akqu a ua aoia mai no hoi ma keia Buke Nui, "i na la eono e hana ai oe i kau hana. a o ka hiku o ka la he Sabati ia no lehova kou Akua." Nolaila, ua hoonohoia ma kela apana keia apana he mea nana e hoomaluhia i ka lehulehu e hana ana i na hana kue i ke Sabati, a oia ka'u e ninau nei, ua pee paha ka mea nana e malama i ka maluhia o ke Sabati iloko o ka uluhe, a i ole, he palaka maoli iio. Ina e nana inaka loa ia keia hana ma keia apana o Waihee nei, alaila, e noa ana ke paeaea makai o kahakai. Ua ahona ka heie ana o na kane ame na wahine i ka luakinl e hoololie ai i ka oleloao maikai. Ina e alakai na makua i kei.a mau hana. n ke alakai ana no ia i ka lakou mau keiki i ka nanupo. Ahea la waokanaka mai ka noho ana, oiai he wa keia e hoonaauao nui ia nei" ka noho ana? Ahea pau ka ulu ana o ke kikania me ka palaoa? Aia anei a hiki mai ke keiki a ke kanaka e hookolokolo i ko keia ao? Me ka mahalo nui i na keiki o kou keena. Owau no me ka oiaio, E. L. MAKAUPUHI. Waihee, Oct. 17, 1897.

[Mahalo makou i kou manao makee Sabati: aka, mai oi loa aku ka pono e heleia e oe e hoohiki i paiapala hopu no keia poe haihai Sabati au i hoike mai nei. He mea makeheka wale paha ka hoouna mai i na hoohalahala o keia ano i ka nupepa nei, oiai, aole e hiki ia makou ke hoopau aku ia ano hana, ke ole e kokua mai ka poe makee pono ia makou ame ke Aupuni, ma ka laweia ana aku o ka poe haihai kanawai imua o na Aha Hookolokolo. L. H.]