Ka Nupepa Kuokoa, Volume XXXVI, Number 45, 5 November 1897 — HE POI I OPIUMA. [ARTICLE]

HE POI I OPIUMA.

Ma ka auina la Poaha o kela pule aku nei, ua hopuia e na makai kiu Vida me Chillingworth kekahi Pake ame kekahi mea nona ka inoa o Tom. ma kekahi hale ma Kawaiahao ae nei. no ka hewa malama opiuma. Ma ka wa i anehe ai o Tom e kuai aku i ka Pake ho 10 tini opiuma. oia ko laua wa i paa ai i na makai. I ka laweia ana o ua Tom nei ame ka Pake, me na lini opiuma a hiki i ka halewai, ua weheia ae la na tini. a i ka nanaia ana iho, ikeia iho la he poi, ua kawiliia me kekahi mea eleele. a ua hele nohoi a like loa me ka opiuma. Ua nele na makai, aohe 1 ai manu: ua nele hoi o Tom. aole i loaa mai na daia a ka Pake no ka "Poi Opiuma;" a ua lakl kahi Pake, ua koe kana mau dala iloko o kona pakeke.