Ka Nupepa Kuokoa, Volume XXXVI, Number 45, 5 November 1897 — MAKE O MRS. ANNE LUDECKE. [ARTICLE]

MAKE O MRS. ANNE LUDECKE.

i ka po Poakahi nei i loaa aku ai ke kino make o kekahi wahine haole aonu ka inoa o Mrs. Anne Ludecke, mauka ae nei o ke awawa o Nuuanu, e kokoke ana i ka laina alahao kaa hapaumi. He wahine Geremania oia ma ka hanau ana, a he 51 paha ka nui o kona mau makahiki. Ua hoea mai oia ame kana kane i Hawaii nei ma ka M. H. 1884.

Ma ke kakahiaka Poakolu nei, nora 9 kakahiaka, ua noho ke kiure koronero e noonoo no ke kumu o ka make ana o ua wahine la, a ua hooholo lakou ua make oia mamuli o kekahi ma'i ma kia puuwai, oia paha ka popo ana o ka momona o ka puuwai.