Ka Nupepa Kuokoa, Volume XXXVI, Number 48, 26 November 1897 — Ka Malama ae nei o Dekemaba. [ARTICLE]

Ka Malama ae nei o Dekemaba.

0 ko makou helu hope loa keia no ka mahina o Novemaba nei, a komo aku kakou i ka malama ae nei o Dekemaba, ka malama e noho mai ai ka Ahaolelo Nui o Amerika Huiia, ka wa hoi e haawiia ai na noonoo ana o ka Aha Senate o Amerika no ka ninau hoohui Aupuni, ke kumuhana nui hookahi, a kakou apau e kali aku nei, me ke pihoilioi nui o ka hoea mai o kona haina maopopo. 1 keia Kau Ahaolelo ae la, e oo puala ai na Senate no ka apono a apono ole paha i ke kuikahi; a i ole ia, nia ka hooholoia ana paha o ka Olelo Hooholo Hui e na Hale elua o ka Ahaolelo. Ke hookaukolo aku nei kakou apau 110 keia hopena. Hui kakou e—a hui; hui ole kakou e—a hui ole. Nolaila, ke manao nei makou, he hana keia i hoopiliia ai na oiwi apau o ka aina nei, a he mea pono ia kakou ke kali me ka hoomanawanui, e kaohi ana i na leo pukalaki o kela ame keia ano, e onou ana hoi ia kakou apau loa iloko o ka nohona manaolana maikai, aia no he hopena maikai e loaa mai ana ia kakou ma keia hana.