Ka Nupepa Kuokoa, Volume XXXVI, Number 49, 3 December 1897 — KA WEHEWEHE MOEUHANE. [ARTICLE]

KA WEHEWEHE MOEUHANE.

O ka waiho ana aku i keia mau kuhikuhi e pili ana i na moeuhane, o ka waiho pu ana aku ia i na mea pohihihi i haku ia e ka noeau o ke kanaka ame kahi hoi i hoopukaia ai o keia mau buke o ka wehewehe i na moeuhane ma ka laliou olelo. Aole i manao ia, e ko mau ana ka pololei i na wa apau, a e hahai ia keia mau wehewehe moeuhane i loaa ai ka hooko ia o ka pololei? He unuhi wale no keia i lawe ia mai a hoike aku imua o na poe heluhelu, a na lakou e imi i na no'a pololei a paewa paha o keia mau mea, a oia keia maialo iho: 0 ka huaolelo hooipoipo i komo maloko o keia mau hoakaka ana, oia no ka huaolelo i loaa ia makou ma ka buke Hawaii i lawe mai ai makou i keia mea hoonanea; aka, o ka pololei piha, he hoalohaloha ana. ANELA.—O ka moeuhane ana ua ike oe i kekahi anela o ka lani, he hoailona ia o ka moe maikai. Ina he wahine hapai keiki ka mea i loaa o keia moe, e ioaa ana no iaia na pomaikai o ke ola kino maikai; i kahi manawā, e hanau mai ana he mau keiki mahoe. He moe maikai no ka hooipoipo ana. AIE.—O ka moeuhane e uku ana oe i kou mau aie me ke dala, he hoailona ia, e loaa mai ana kekahi dala ia oe. Ina e hoopilikia ia ana kou manao no ka nui o kou aie a hiki ole ke uku, he moe mai ia me ka pakalaki. AHAAINA. —0 ka moeuhane ana no ka ahaaina i ka hale o kcfu hoaloha, he hōailona ia e loaa ana ia oe kekahi hoalaunu hou aku. Ina he kaikamahine opio ka mea nana ka moe, e loaa ana iaia kekahi kane iloko o kela ahaaina, a i ole, ma kekahi wahi paha e kokoke ana i ua hale la o ka ahaaina. AHI. —0 ka moeuhane ana ua ike oe i ke ahi e a ana iluna o kekahi hale, he hoailona ia no ke kaumaha a pilikia iloko o ka ohana, a i ole, o na hoaloha paha. Ina o kou hale ponoi ke a ia ana e ke ahi, he moe laki ia; ina he kaikamahine opiopio ka mea nana ka moe, e loaa ana i kana ipo he laki no kana mau hana ame ka hooipoipo ajia. Ina o oo ke kolohe ana me ke ahi, he hoailona ia no ka hakaka.

ALOPEKA— 0 ka moeuhane ana ua ike aku oe i keia holoholona hihiu, he hoailona ia no kou kiki ia malalo o kekahi mau hana. lioko o ka hooipoipo ana, ina ua ike aku oe i ka huelo o ka Alopeka, aole he oiaio o ka manao o kau ipo ia oe.

ALOHA.—() ka moeuhane ana ua aloha oe i kekahi mea, he hoailona ia o ka hupo nui a e loaa ia oe ka hiiahila mahope aku. Ina he kaikamahine opiopio ka mea nana ka moe, he hoailona ia no kou hoohenehene ia a akaaka ia mai hoi no kekahi o kau mau hana.

APO. —0 ka moeuhane ana o kekahi wahine ua apo ia mai oia e kana ipo, he hoailona ia no kona hoowahawaha aku iaia mahope aku a kaawale. AILA,—O ka moeuhane ana i ka aila, he hoailona ia no ka holopono 0 na hana o na ano apau. Ina he lepo ka aila au i ike aku la, he hoailona ia no ka hiki pono ole ke pahee a holopono na hana. Iloko o ka hooipoipo, he moe maikai loa keia no na ipo. AU. —O ka moeuhane e au ana oe iioko o ka wai halana malie, he hoailona laki ia ma na ano apau. Ina he mau wahine kekahi iloko o ka wai 1 ka wa au e auau ana, he hoailona ia no kou mare aku i ka mea au I makemake ai. AIHUE. —0 ka moeuhane ana ua komo a wawahi mai na powa i kou hale, a ua aihue ia aku kekahi o kou mau waiwai, he moe laki ia me ka pomaikai; o ka nui o kou powa ia, pela ka nui o kou pomaikai. Ina o ka moe aihue a ua loaa pono ia oe ka xnea alhue. a ua lawe aku oe imua o ka Lunakanawai, he hoailona ia no kekahi pilikia e keakea ana i ka pomaikai o kou laki. ALANI.—O ka moeuhane ana ua ike aku oe 1 ka memele maikai mai o ka alani, he hoailona ia no ka laki ame ka pomaikal. Ina he wahine iloko o : ka hooipolpo. e mare aku ana oia i kana kane a e ioaa ka pomaikai iaia.

AKOENUE.—O ka moeuhane ana ua ike aku oe i ke anuenue. he moe mal-

; awiia. kai loa ia ao na rii'-a He I waiwai ame aa m l ?® e raakaaa ia mai | ana, « BELE.—O ka nsoeubane aaa ua lohe aku oe i ke kaui mai a ka oeie. he hoaiiona la no ka raair*; a 5 o!e, he heaiiooA no koa lohe i na mea hou. Ina i lobe oe no ke Jcani-o o Xa bele. be hoailooa la o ka laki ole.

BIPI. —O fea moeuhane e hahai ia ana oe e fea hlpi bulu. a e holo ana oe me ka makau. he hoailona ia no na mea e makana ia mai ana. ke ae oe; he pomaikai nou i kono ia mai, ke hooko aku oe. O ka holo ole ana o ke kanaka j ka wa a ka bipi bulu e alualu mai ai. a e alo oe i kona mau kiwi i ka wa e o'e mai ai, he hoailona ia. e loaa aku ana ia oe kekahi ulia iaki ma kekahi ano. O ka ike ana i ka heluna nui o na bipi momona ma kekahi kula uliuli. he hoailona ia no ka pomaikai. Ina e ho-a ana oe i ka pu-a bipi, he hoailona ia maloko o ka hana ame ka malama i ka manawa e ioaa ai ia oe ka pomaikai. O ka ike ana aku i ka bipi wiwi, he moe laki ole ia. BIPI WAIU. —O ka moeuhane ana ua ike aku oe i ka bipi waiu, he hoailona ia no ka laki e loaa ana ia oe ma kekahi hana au. Ina he kaikamahine opiopio ka mea nana ka moe, e mare ana oia i kekahi kanaka kuonoono a loaa mai na laua he mau keiki iehulehu.

DIABOLO—O ka moeuhane ana ua ike oe i ke diabolo lapu a o kekahi mea like e ae paha T he hoailona ia no ke pakalaki loa. Iloko o ka hooipoipo, e hoowahawaha loa ana kau ipo ia oe, a imihala i kekahi mea e pili ana nou. Mai hele i ka huakai hele, aole e ko na makemake, a he nui aku ka aie mamua o ka mea au i manao ai ua lawa. DIA. —0 ka moeuhane ana ua ike oe i keia ano hoiohoiona, he hoailona ia, e lohe ana oe i kekahi nuhou au i hoomaopopo mua ole ai. e laa ka mare, make, poino, ulia, waiwai i hooili ia mai, a o kekahi mea i aloha loa ia oe. ELI.—rO ka moeuhane e eli ana oe i ka honua ma kahi maikai, he hoailona ia no ka laki. Ina he lepo ino, pulu a ukele, he hoailona pilikia ia a laki ole.

ELEPANI. —O ka moeuhane ana ua ike oe i ka elepani, he moe laki ia no kau mau mea apau e hana ai. Iloko 0 ka hoalohaloha ina e mare oe i ka wahine, e loaa mai ana he mau keiki kane naauao, a na ko lakou akamai e hookaulana i kou inoa. EHA.—O ka moeuhane ua hou ia oe 1 ka pahi a ua ki ia paha i ka pu e ka enemi, he hoailona laki ole ia nou a he poho hoi malalo o kau mau lawelawe an'a. ELEMAKULE. —O ka moeuhane ana ua ike oe i kekahi kanaka elemakule, he hoailona ia no ka ulia laki ma ka hana; a no ke kanaka kiekie hoi, he kulana hou kona e pii aku ai. (A keia pule ae.)