Ka Nupepa Kuokoa, Volume XXXVI, Number 51, 17 December 1897 — Lubiana Kasimila [ARTICLE]

Lubiana Kasimila

MOKUNA XII. Ke Kakela o Valesebuga. Nolaila, ninau aku la oia i ua kapena koa la: "E ke kapena o keia poe kanaka, ina paha e haawi aku au ia'u iho iloko 0 kou lima, e hai mai ana anei oe ia'u i ko'u wahi e laweia aku ai?" "E lawe aku no makou ia oe i ka hale kakela o kuu haku, oia hoi o Valesebuga, oia kahi kokoke loa mai a nei aku. E ike iho aaa oe, eka lede mai' kai, he oi loa aku ka maikai oia wahi mamua o ka hale ma Mauna Elele." "Auhea ka hoi ke Duke Nui, Rupereto o Frankenstein?" "E hoike ia aku ana no ka lohe iaia, e ka lede maikai, no ka mea e pili ana ia oe; a me he mea la ma ka wa pono e hui mai ana no ia me oe. Nolaila, e pono kakou e awiwi i ka haalele ana iho ia anei. Eia kekahi lio maikai loa nou, eka lede. Ua kupono loa keia lio ia oe. Aole paha e liuliu ka kakou hele ana'ku a hoea aku no kakou i kahi e hiki ai ia oe ke holo me ka oluolu." Ike iho la keia, he mea makehewa wale no iaia ke kue ana aku i keia mau olelo, a hooko aku la ia elike me na olelo a Ua ike nonae ia, he elua mau mea e kau mai ana imua ona—ka make ame ka wawahiia ana o kona maluhia—aka, o kona pakele ana. mai kekahi mai o keia mau mea elua, oia kana e hana ai, a i hiki ole. alaila, e aho kona alana iia iloko o ka make, mamua o kona ae ana e haawi iaia iho iloko o ka haawina ana i makemake ole loa ai. I kona. kau ana ae maluna o kona lio, a pili # mai la hoi o Wolasetona ma kona aoao, ia wa oia i huli aku ai a ninau aku la i ua kanaka la: "E Sir Kapena, ua haaleie aku anei oe i ke duke nui me ke lOauna Drosenedofa?" "Ae." "Manaoio loa no anei oe, e hele mai ana oia me ka haku o Volesebuga?" "Ae, ma ka wa e hoea aku ai kakou 1 ke alanui Aupuni, oia ka wa e hoouna aku ai au i kekahi mau elele no ka hoike ana'ku ia laua, no kou palekana."

Ua lilo keia mau olelo a ua kanaka la, i mea no ua lede Ia e pihoihoi nui ai, a hookauaho ae la ia, ma ka hoomanao ana, aole loa e hooinaha ana o Luhiana i ka huli ana a hiki i kona loaa' ana. I ka hoea ana o ka huakai i ke alanui aupuni, ua hoounaia aku la kekahi mau elele. no ka hoike ana'ku i ke Duke Rupereto ame ke Kauna Drosenedorf, no ka loaa ana o ka Lede Ariadane. No kekahi wa loihi i hoomau aku ai ka huakai i ka hele ana, aka, aia ke poluluhi a ka makehiamoe ke lulumi mai la ma ko Ariadane mau maka, a ua ike aku la hoi o Woiesetona ia mea. Nolaila, pane aku la ia: "E ka lede maikai, ina e hiki ana ia oe ke hoomanawanui iki, aole e liuliu a hoea aku kakou i ka hopena o ka kakou huakai. Ke ike aku la anei oe i kela wahi e malaelae mai la?" Nana aku ia o Ariadane. i ka huina ao-uli, a ike aku la ia i kekahl wahi o ka ululaau e hamama mai ana. Alaila, pane hou aku la ua kanaka nei: "Ke hoea aku kakou i kela wahi, o kou wa ia e ike aku ai i ko makou hale kakela hanohano. He kahua maikai kona wahi i ku ai, a he wahi oluolu nohoi." Aole nae i pane mai o Ariadane. I ko lakou hele ana a hoea i kahi malaelae & Ariadane i ike mai ai, aia hoi, ike aku la ia i ka w&iho lanla mai o kekahi kula palahaiaha. a ma ua kula la. e ku ana kekahl hale kakela. O ka wanaao keia a lakou i hoea aku ai ma keia wahi. oiai e wena mai ana ke alaula o ke ao ma ka hikina. A mamua hoi o ka hoea ana'ku o ka haakai i ka hale kakeli, ua maiamalama loa ae la, a o mai la na kukuna malamalama o ka la. He hale kakela kilakila kela o kona nani ame kona hanohano. Aia hoi ma kahi he hapalua mile mai ka hale kakela aku. ma ke kukulu hema. he wahi kuamoo pali kiekie a nihinihl.

O kekahi wahi hapa no keia o ka ia- j lani mauna kaulana'o Moravia. I ka hoea ana aku o ke kaoo ma keia aoao o ka auwaha eli e hoopuni ana i ka pa o ka hale kakela, a ma kahi hoi e ku pono ana i ka puka pi'o nui, ia wa i puhi aku ai o \Volasetona i kana pu-puhi. Oili mai la ke kanaka kiai ma ka aleo. ike mai la ia ia Wolasetona ame kona poe. Mahope iho 0 ka hala ana ae o kekahi mau minute pokole, hookuuia mai la kekahi uwapo huki, a weheia ae la ke pani o ka puka pa. I ka hoea pono ana aku o ka huakai iloko, ua kokua aku la o Wolasetona 1 ko Ariadane lele ana mailuna iho o kona lio, a, alakai aku la iaia a hoea i ka rumi hookipa o na poe kamahele. "Maanei oe, e hoomaha iki iho ai, e ka lede maikai, no kekahi wa pokole loa. Aole au e liuliu loa a hoi hou mai no au me kekahi mea nana oe e malama, a e nana mai i kou hemahema." I kela wa i anehe ae ai ua kanaka la e puka aku iwaho, aka, me he mea la he manao kekahi i poino iaia, ana hoi i makemake ai e hoike aku imua o Ariadane, nolaila, ku hou ilio la ia. huli ae la a kamailio aku la: "E ka Lede Ariadane. e haawi aku au ia oe i ka'u mau hoomaikai ana, no kou liaawi ole ana mai ia'u i kekahi hana e hoopilikiaia ai ko'u kulana hoa hele nou, ma ke ano owau ka luna koa o ka huakai i hele pu mai nei kaua; nolaila, o ka'u hana aloha e hoike aku ai imua ou e ka lede maikai, oia keia: O ka wahine a'u e lawe mai ai i mea malama ia oe, he lede oiaio oia ma na ano apau. He oluolu oia, ahe puuwai hoi i piha me ke aloha. Lana ko*u manao, e makemake ana oe iaia. Aka, elike nohoi me na wahine e ae, he mamo no oia na Eva i piha me na nawaliwali he nui. E inaikai ana oia ke maikai oe; a e maikai ole ana nohoi oia, ke maikai ole oe iaia." Hoomaikai mai la o Ariadane iaia, a puka aku la oia iwaho. Hele aku la ia ma ke alahele e kii ana i kekahi wahine nana e kiai a e malama o Ariadane. a oiai ia e hele ana, namunamu liilii iho la oia iaia iho:

"He keu maoli! Ma ka'u nana aku i ke!s lede opio, me he mea la, aohe ona wahi hopohopo iki nona iho. Aia ka hihiona koa a maka'u ole maluna ona, me he mea la, aia no he manaolana iloko ona, e fiiki mai ana kona wa e pakele ai. Ua maopopo nohoi ia'u, ua hoowahawaha loa oia i ke Kauna. Ina ua ike oia, aole ona wahi manaolana no kona pakele, aole loa e hoike mai kona helehelena i na hiohiona o ka wiwo ole ame ka maka'u ole hoi." Alaila. ku iho la ia, me he mea la ua ili iho maluna ona manao koikoi. a. ano nui, alaila, hoomau aku la no ia i ke kamailio ana iaia iho: "Mamuii o na mea i ikeia aku nei e na wahi kiu maloko o kela ponaha laau maloko o kela waonahele o Bohemira Wald, ua maopopo loa o kekahi ia o na wahi hoomoana o na Naita o ka Lima Uiaula. Ina he mea oiaio. eia keia lede opio malalo o na kiai ana a kela puali weliw;eli, alaila, e lilo ana na paia paa o keia hale kakela i mau mea ole loa ia lakou. Ua maopopo nohoi ia'u, eia no maloko nel o na paia 0 keia hale kakela. he mau lala o kela ahahui weliweli, elike no me ka noho ana o kekahi poe o lakou maloko o ka haie kakeia o ke Duke Rupereto. Makemake loa au e ike i ka manao nui 1 kukuluia ai keia ahahui. Ina aia ka pono io ma-oli ma ko lakou aoao. manao au e hali no au mahope o iakou, a haalele au i ko'u noho kauwa ana malalo o kela poe." I kela wa pa-e mai la kekahi leo, "E Wolasetona. makemake anei oe e ike i ke kumu i kukuluia ai ka Hui 0 na Naita o ka Lima Ulaula?" la wa i pioo ae ai na kanaka nei. me he mea la ua loheia paha kana mau huaolelo hope i hoopuka ae aL Aka» o ka mea nana i kamallīo mal ia mau hnaolelo, aole oia, i ike. O kahi 1 pa-e mai ai o ka leo, aole no oia i ike. Ua piha loa ola i ke pahaohao. (Aole I pau.)

| Mahope ilio oka lohe aoa o Cartls t Fteck, o Anahelm, Kaleponi, } kona mau hoaloha e mahalo maa ana 1 ka Laau Ola a Kamalena no ke Xahu, KoSera ame ka Hi ua kuai iho la ia he omole laau nona ponoi iho, a i keia wa, aole i kaoa mal kooa haanou no ke kamaMo o na han& a oa iaao la. B kuaiia. ana e na poe kuai laau lapaau apaa. O Bensoc. Stnsth & Co., na Agena ma Ko Hawall Pae Aina. •