Ka Nupepa Kuokoa, Volume XXXVI, Number 51, 17 December 1897 — Ka Oihana Hookolokolo Kaapuni. [ARTICLE]

Ka Oihana Hookolokolo Kaapuni.

Mamuii o ke kulana hoonohonoho hou iho nei o na hoa elua o ka Aha Kaapuni o ka Apana Hookolokolo Kaapuni Ekahi, e ku nei ma Oahu nei, «a ikeia he mau opio na oiwi e lawelawo nei ia oihana a ka lehulehu. Ma 0 na mea la 1 hoikeia mai ia makou a pela nohoi me ka mea i hoomaopopoia e makou ponoi iho, eia ka hoa Lunakanawai mua oia Aha ke lawelawe nei i ka hana, me ka naauao ame ka makaukau. A oiai hoi. he mau la kakaikahi wale no f ka ke kokua Lunakanawai e lawelawe nei i ka hana, ua ikeia no nae ka holopono o kana mau lawelawe hana. Ke ole makou e kuhihewa, o na ike ame na makaukau kanawai i loaa i keia mau hoa o ka Aha Kaapuni e noho nei i keia wa, mamuli no ia o ko laua hooikaika kino ponoi ana ma Hawaii nei. 0 ko laua waeia ana e ka Aha Kiekie ame ka Aha Kuhina e hoopiha 1 keia mau kulana ko'iko'i, no ka pono o ka lehulehu, he wae ana ia i hanaia me ka noonoo akahele loa, oiai o na hana i kau iho maluna o ko laua mau hokua, he mau hana ko'iko'i loa ia. Mamuli hoi o ka laua lawelawe ana i ua mau hana la, me ka makaukau ame ka ike i huipu i me ka hoomanawanui ame ke akahele, ua makia paa loa ia ka oiaio o ka makemake kumu, i konoia ai ka Mana Hooko ame ka Aha Kiekie ma o ko laua hookohu la. Hookahi o laua he Hawaii ponoi, oiai o Hawaii nei no kona aina hanau; a o ka lua, he "kanaka Pelekane" paha ia ma ka olelo maa mau a ka Hawaii, oiai ua hasauia oia ma Irelani, kekahi o na panalaau o Beritania Nui. 0 ka loaa ana o na kanaka kupono e lawelawe i na hana o ka lehulehu no ka pono o ka lehulehu, he waiwai nui ia no ka lehulehu. 1 ka nana ana iloko o na kino pili lahui i komo ai keia mau opio, aole hiki ke oleloia, aole he Hawaii iloko o ka Aha, oiai, ma ka hanau ana, o ka Lunakanawai mua o ka Aha, he Hawaii ia; pela nohoi kekahi lahui i kawowo a kupa maoli ka noho ana ma Hawaii nei, oia ka lahui Potugala; a ma ka aoao hoi o ka lahui Pelekane, ua hiki ia lakou ke hoomaopopo, aia he kanaka o ko lakou aoao iloko o ka Aha Kaapuni.