Ka Nupepa Kuokoa, Volume XXXVI, Number 52, 24 December 1897 — UA MAKE O S. ROTH. [ARTICLE]

UA MAKE O S. ROTH.

Ma ka hora 3 a oi- o ka wanaao Poakolu nei, Dekemaba 22, i kailiia aku ai ke ola o kekahl o na kanaka kuonoono o Honolulu nei. oia o S. Rotb. He humu lole kana oihana kamaaina ina Honolulu nei f a ua kaulana loa oia ma ia hana. Ua hoea mua mal oia i Honoiulu nel ma ka makahiki XB6l, a no kekahi wa, ua haaleie oia ia anei a hoio aku no Amerika Hema, a no kona makemake ole ia wahi, ua hoi hou mai ia oia U nei, ma ka makahiki 1864. a mai ia wa mai kona noho ana ia nei. He kanaka ola no Hunegaria, noiaila, he makaainana oia no ke Aupuni o Auseturia. Ua haaleie iho oia he wahine ame na keiki ma keia ola ana e kanikau aku ana nona. He kanaka kuonoono oia, a be lawslawe akaheie ma kana hna.