Ka Nupepa Kuokoa, Volume XXXVII, Number 3, 21 January 1898 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

KA HUI ALAHAO ME AINA O OAHU

 

MANAWA HOLO

 

Mai a Mahope aku o Iulai 5 1895

	Wili o Ewa,	Hiki i wa@ na ka apau.	Hiki wili o Ewa, pa la apau	Hiki Waianae, Pomon@ mo Sabati @	Hiki i Waia@ na la apau.
	A.M.	A.M.	P.M.	P.M.	P.M.
Haalele ia Manana	@7:40	9:55	2.28	2:25	5:53
Haalele, Wili o Ewa	8:10	10:19	2:49	2:49	6:14
Hiki i Waianae		10:54		3:24	6:49
	Waianae na la a pali	Wili o Ewa Kaa Ukan@	Waianae na la a pau	Wili o Ewa na la a pau	Iki i Waianae na Poaono me Sabati
	A.M.	A.M.	P.M.	P.M.	P.M.
Haalele la Waianae	6:14		1:32		4:16
Haalele Wili o Ewa	7:19	9:10	2:07	3:51	4:51
Haalele la Manana	7:50	9:48	2:38	4:22	5:22
Hiki i Honolullu	8:23	10:30	3:11	4:55	5:55

E lawe ana na kaa ahi hali ukana i na kaa ohua o ka papa ekahi.

 

G.P. DENISON,

Luna    F.C. Smith,

            Luna Kuai Palapala Hoio

 

NU HOU HAWAII

 

            Keaka Lio—He keaka Ho hou loa ko Honolulu nei i keia mau la. He nui na hana akamai ame ka moeau a na holoholona i hoikeikeia mai nei.

 

            He manao io—Ua lohe mai makou, ua lawe ae nei ko makou makamaka a hoaloha Mr. R.W. Wilikoki i ka hoohiki e kakoo i ke Aupuni e ku nei. He keehina naauao ia.

 

            Aohe maopopo—A hoea mai i keia la aole loa i loa mai la makou na lono oiaio e pili ana i kela Komisina Kanaka Hawaii i manaoia ai e hoounaia aku ana no Amerika Huiia.

 

            Kauka Wedika o Ewa—Ua waiho mai nei o Kauka Wedika o Ewa ae nei imua o ka Papa ola i kona hookohu kauka Aupuni no ia apana. Me he mea la e hoi mai ana oia i Honolulu nei e lawelawe ai la oihana.

 

            Aha Mele ma Kaumakapili—He maikai na himeni i meleia mai e na poe puukani i laulima pu ae ma na hana o ka Aha Mele i haawiia ai maloko o ka luakini o Kaumakapili ma ka po Poaono aku nei. Mea ia mai ana, ua hu`i ka wai o ka hau.

 

            Mai Sana Jose mai-Ua loaa mai nei ia makou he palapala mai a Cecilia Kealoha Poepoe mai, e noho mai la i Sana Jose. Aohe ana mau mea hou i hoike mai nei. Koe wale no kona kokua ana i kekahi Aha Mele i haawiia e na hoahanau o kekahi Ekalesia Konekakionela (Congregational) ma Sana Jose. He nui ke anu o ko lakou wahi e noho la i keia wa.

 

            Ina hiki ole ia oe ke hiamoe no ka nui o ke kunu, alaila, e inu oe i ka nui o ke kunu, alaila, e inu oe i ka Laau Kunu a Kamalena. He ola hikiwawe ka pilikia i na wa apau e inuia ai ia. He laau maikai loa ia no ke anu nohoi, oiai e kokua ana ia i ka hoohemo ana i ka male me ka maikai, e hooluoluia ana ke akemama, a e akeakea ana ia i ka loohia ana mai i ka mai numonia. E kuaiia ana e na poe kuai laau lapaau apau. Benson & Smith, i Kaupalenaia, na Agena Kuai nui no ko Hawaii Pae Aina.

 

            Pua Mio—Ua lilo keia hoaloha a makamaka o makou i lu-ahi na ka hehena. He kakoo ikaika oia no ka aoao “Roialiti,” a no kona pili loa ma ia aoao, ua hoohiki oia aole loa oia e ako i kona lauoho a hiki i ka hoihoi hou ia ana ae o ke “Alii” Liliu ma ka nohoalii. Me Batalamana oia i noho hana iho nei no kekahi wa loihi loa. A mai laila oia i laweia mai ai e ka lima o ke kanawai no ka halemai pupule. Aole i ikea ke kumu o keia popilikia i poipu mai la maluna ona.

 

            Eia i Honolulu nei kekahi o na Lunakahiko koikoi o ka Ekalesia o na Poe Hoano o na La Hope, i kapa mau ia, Ka Ekalesia Moramona, o Mauna Pohaku, oia hoi o Mr. Peter Kealakaihonua. A ma kekahi wahi o ko makou pepa o keia la, e ikela ai kekahi mea e pili ana i ke kumu o kona hoea hou ana mai i Hawaii nei, oia hoi, no ke kokua ana i ke kumuhana hoohui Aupuni mawaena o Hawaii nei ame Amerika Huila. Oiai, ua ike oia ame kona hoa Hawaii e noho mai la ma Mauna Pohaku, o keia ke alahele e loaa ai ia lakou na poso o ke kanaka Amerika; aole hoi elike me ko keia wa, ko lakou nele ia mau pono.

 

            Ua olelo ae o Mr. Elisha Bay o keia wahi, aole ana laau i ike ai kona ola hikiwawe ana mai ka mai rumatika mai elike la me ka Laau Ola o Kamalena. Ua lilo oia i luahi na ka eha ame ka hu`i mai kona papakole mai a hoe i ke kuli a hiki nae i kona wa i hamo ai i keia laau hamo, ua loaa koke iaia ke ola.—B.F. Baker, mea paipai a kawili laau. E kuaila ana e na poe kuai laau lapaau apau. Benson, Smith & Co., Kaupalenaia, na Agena Kuai Kukaa no ko Hawaii Pae Aina nei.

 

            Ua ili ka mokuahi Kaaia ma Koolauloa ae nei.

 

            He nui loa na manao o makou i hookauiuaia i keia pule.

 

            He mau la mai nei keia o ka palahuli o na moku hoio pili aina o kakou Huna o na puu aa o loko o ke kai.

 

            Kaa-ahi no Waialua—Ua manao wale ia, ma ka hapa waena o ka malama ae nei o Aperila. E kapalulu loa aku ai ke kaa-ahi no ka ehukai o Puaena, mai Waianae aku. He au hoohui la hoi keia.

 

LA HAIPULE NO NA KULA.

 

            O ka Poaha hope loa o keia mahina, oia ka la 27 o keia mahina, he La Haipule ia no na kula a puni ka Pae Aina nei. Ke konoia aku nei na haipule e oho ae ka lakou mau leo haipule ma keia la.

 

HE HOALOHAL,OHA.

 

            Me ka waiohia nui:

 

            Oiai ka hui anu e iniki ana i ka ili a e mawehe ae ana ka pawa o ke kakahiaka a oili mai la ka la maluna o na kualono aloha o ka ainanona ka wai uina i na pali, e hoike mai ana i kona malamalama oi kelakela ma na welelau o ka honua. Mawaena o ka hora 6 ame 7 a.m. o ka la 7 o Ianuari, 1898 oia ka manawa i pahola mai ai ka lono hoohikilele hauli ma ke telepone i Hanalei nei o Mr. G. B. Meheula ua pauoho mai la i keia ola ana, a ua moe aku la oia iloko o ka maluhia ma ke ahiahi o ka la 6 o Ianuari, 1898, ma Anehola. Auwe! Aloha wale, a pela iho la i hookoia ai ka olelo a ka Palapala, “O ke kanaka i hanauia e ka wahine, he hapa kona mau la a ua piha i na popilikia: a “Nana no hoi i haawi mai, a Nana no i lawe aku;” “Pomaikai ka poe i make iloko o na hana a ka Haku” Auwe luuluu wale!

 

Ae.

Luuluu Hanalei i ka ua nui,

Kaumaha i ka noe o Alakai,

Akahi no hoi ke alkoha i hiki mai ai,

Ke hue pau nei i ka waimaka.

 

            No laila, e hooholoia: O makou o ke Kula Sabati o Hanalei, ma o ko makou mau komite la, ke hoike aku nei i ko makou mau kaumaha luuluu me ka walohia ia oe e Mrs. P. Meheula, oiai, ma ke ahiahi o ka la i hoikeia, ua oluolu i ka Haku mana loa ke kii ana mai a lawe aku i ka hanu ola o kau aliikane i aloha nui ia Mr. G.B. Meheula a ua hookoe ia iho oe noho wahine kanemake ma keia ao, ame na keiki me na lei hanai pu hoi a olua i hoonele ia mai i ko lakou papa, a ua hala aku la kou kokoolua o ko olua noho pu ana mai me makou iloko o na makahiki he iwakalua a oi, e hapai ana i na hana o ke kea o ka Haku Iesu Kristo iwaena o keia Kula Sabati o Hanalei, a he pailata hoi oia i hilinai nui ia e na Kula Sabati o Kauai Hikina nei no kana mau hana makaala me ke elue i ke kolo ana, a ua ili iho maluna ou ame makou pu ka haawe luuluu kaumaha, a o ka hoomanao walohia ana iaia me ka manaonao a e kumakena pu aku kakou nona me ke kanikau pu ana.

 

            E hooholoia: Ke noi nui nei ka leo o ka makou pule i ke Akua mana loa e hoomama ae i kou kaumaha luuluu ame ka ehaeha o ka naau i hoowalaniaia no kou papa aloha, ame makou pu hoi kekahi.

 

            E Hooholoia: I hookahi kope o keia i ka wahine kanemake a i hookahi i ka “Nupepa Kuokoa,” a i hookahi i ka Nupepa “Loea Kalaiaina,” a o ke kope kumu o ka Palapala Hoalohaloha i ke Kula Sabati o Hanalei.

 

            O makou iho no me ka walohia,

 

SAM KAILI, J. KAKINA, C. KAWAINUI,  Komite.

Hanalei, Kauai, Ian. 13, 1898.

 

HE HOALOHALOHA.

 

Mrs. G. B. Meheula,

Anahola, Kauai:

 

            Walohia wale:--Mamuli o ka loaa ana mai o ka leta o ka olua kamalei aloha S.W. Meheula, e hoike mai ana la`u, ua haalele mai la i keia oia ana kou hoapili aloha he kane G. B. Meheula, ma ka la 6 o Ianuari, A. D. 1898, ma Anahola, Kauai.

 

            Mamuli o keia lono kaumaha, ua ala mai na hoomanao aloha ia`u, no ka oukou mau hana hookipa ohaoha ia`u me ko olua mau kaikuaana Mr. ame Mrs. Wiliama, i na po elua o ko`u kipa malihini loa ana aku ma ko oukou home nani, ma ka lihikai o ka puu kaulana o Kalalea.

 

            Olaila, me ka minamina nui, a me ke aloha nui o na hoaloha maikai, e poina ole ai na hoomanao ana, ke komo pu aku nei au me ko`u ohana e hui pu aku me oe ma ke kanikau nona.

 

            Olaila, ke poloai ae nei ka makou mau leo pule i na lani, e hoomama mai i kou naau ehaeha me ka luuluu, a he oiaio kana olelo, o ka mea uuku ame ka mea nui, aia no malaila. A nana no i haawi mai a nana no i lawe aku, e hoonanila kona inoa.

D. KAHAULELIO,

MRS. D. KAHAULELIO,

D. H. KAHAULELIO,

D. K. KAHAULELIO,

D. P. KAHAULELIO.

Lahaina Maui, Ianuari 13, 1898.

 

Lubiana Kasimila

 

MOKUNA XIII

 

Ka Halawai i ke Kuluaumoe.

 

            “Ua lilo oe i iaia no ka Hui o na Naita o ka Lima Ulaula, a nolaila, he mea pono ia oe ke ike i na inoa o ka poe i komo pu me oe iloko o keia ahahui, a pela hoi me na inoa o ka poe i komo iloko o na ahahui liilii e ae, i lilo i mau lala no keia hui. Ma ka la apopo, e haawi aku ai au ia oe i na inoa o keia poe.”

 

            “Alaila, he poe e ae no anei kekahi o loko o ka hale-kakela i lilo i poe hoa no keia ahahui?” wahi a walasetona i ninau aku ai i kona kokooolua.

 

            “Ae. A he nui wale aku nohoi kekahi poe, elike me ka`u mea i hoike mua aku nei ia oe. Aia mawaho aku nei o keia hale-kakela, he eha haneri ka nui o nakanaka i ku makaukau i na hora apau no ke kaheaia aku, a o lakou apau, he poe wale no lakou i makaukau i ke kaua. Mailoko mai oia poe, he hookahi haneri o lakou noloko o ka hui makua,” i pane mai ai o Sleinfota.

 

            “E, auhea oe, e kuu makamaka maikai, hookahi hoi a`u mea i makemake ai e ninau aku ia oe. Aka, mamua nae o ko`u ninau ana aku ia mea imua ou’ makemake au e olelo aku ia oe, ma kou wa e lohe ai ia ninau, mai hookomo iho oe i ka manao ana iloko o kou noonoo, ua kuihe a ua kanalua paha au no ka hooko ana aku i ka hana a`u i hoohiki ai, aka, makemake wale no au e ike i ke kulana oiaio o ka hana a`u e hana a e hooko aku ai. Pehela, ua manaoia anei keia hana e hoala moli ae i ke kaua ana aku i ka Moi?”

 

            “Owai la kau mea i kapa ai he Moi?”

 

            “Auwe—kai nohoi o oto ko kakou Moi, a o ko kakou Alii nohoi ia?”

 

            “Aole loa e hoalaia ae ana kekahi kaua no ke kue ana aku ia Oto. Aka, e hopuia ana ia, a e laweia mai ana ia imua o k aAha Hookolokolo o ka Hui nei, a ma laila e waihoia aku ai imua ona na kumu hoopii hoahewa imua one. Ina e ku ka hewa pepehikanaka iaia, ame ka hao wale ana i ke Aupuni a paa ma kona lima, alaila, e hoahewaia no ia; alaila, e hoonohoia kekahi mea e ae i kuleana maoli ia nohoalii ma kona wahi.”

 

            “Aka, e kuu hoaloha, owai la ka mea nana e hookolokolo i ka Moi?”

 

            “He mea i oi ae kona mana imua o ka Moi. Aole liuliu a ike no oe iaia.”

 

            E ka hoaloha heluhelu, e hoomaalili ia auanei paha na hue koni kapalili ana o kou noonoo, ma kou hoomao popo ana iho, aia ka Ui Ariadane iloko o na lima o na hoaloha o ka mea ana i aloha ai. Ke hoomaopopo nei nohoi kaua, aia iloko o ka hale kakela o Valesebuga ame na wahi e ae mawaho aku ona, he poe noloko o ka Hui Hoopakele Nohoalii o Bohemia.

 

MOKUNA XV.

 

            Na hoahanau iloko o ka pouli o ke aloha—Loa ka lono no ka ipo—Ka haalele ana i ka home waokele.

 

            Oiai na eheu o ka pouli e halii ana ma ka ululaau o Behemia Walde, e akoakoa ana ma ia wa, ma ke alo iho o kahi pupupu hale noho waokele na koa apau o ka Naita opio Lubiana, a pela pu nohoi me Manafereda, Mamiona ame ua Naita Opio la, ka amea i kapaia ka Liona Gula o Behemia.

 

            He mea oiaio, ua haawi na mea apau o loko o ua puluulu la i na hooikaika ana no kahi e loaa ai ka Lede Ariadane, eia nae aole oia i loaa. O ka mea wale no i loaa aku ma keia huliia ana, oia na moali meheu o ke alahele i laweia aku ai ua Lede Opio la; a ua haawi ae hoi o Mamiona i ke kauoha i na kanaka, aole e hookolo hou aku ma ka meheu i loaa ai ia lakou.

 

            I ka lohe ana o Lubiana i keia kauoha a kona hoahanau, ua lilo ia i mea e kaumaha loa ai kona noonoo. A ma ia wa, ua ala mi la k manao inaina wela iloko ona, a me ka pupuahulu, pane aku la oia pane aku la oia me ka leo oolea imua o Mamiona:

 

            “E Sir Mamiona, heahe ke ano o keia hana au? Pehea la; e uhai anei oe i kau olelo hoohiki o ko kaua lilo ana i mau Naita, a i mau hoahanau hoi no ka makakila? E hookuu wale aku anei kaua me ka nana maka wale ana aku i na kauwa makawela a Frankenstein ame Aalesebuga, e hoopa haumia wale ko laua mau lima paumaele maluna o ka lede opio hala ole oiai e paa ana na pahikaua ma ko kaua mau aoao, a o ka ikika hoi ame ke ooiea aia no ia iloko o ko kaua mau lima? He mau kanaka puuwai hohe wale anei kaua? Ea e kuu hoahanau, e hele hookahi aku no au imua ma ka meheu ona i ahaiia aku nei, ina no aohe mea e ae e ukali mai ana mahope o`u. E hai aku nohoi au ia oe, e kuu hoahanau, aole loa oe i ike i ka ehaeha ame ka waiania e ku-lokuloku nei iloko o`u, mamuli o ke kailiia ana`ku o keia lede mai o`u aku nei. Ke hai aku nei au ia oe, e Sir Mamiona, aole loa e hiki ia`u ke hoomanawanui i keia hana. E haawi aku no au i ka`u leo hoopii imua o ko`u pualikoa, a—“

 

            Ia wa i huli ae ai ia a anehe aku ia e kamailio aku imua o kona poe koa, oia ka manawa a Mmiona i lalau mai ai iaia ma ka lima, me ke lalau ana la na ka hoahanau aloha i ka hoahanau, alaila, huki aku la i ua Naita opio la iloko o kahi pupupu hale.

 

            I ko laua komo ana`ku iloko, ia wa i huli mai ai o Mamiona me ka helehelena oluolu a aloha nohoi imua o Lubiana a kamailio mai la:

 

            “E kuu hoahanau, ka mea a`u i lawe ai a i pokii ponoi no`u, aka, o ka mea oiaio nae, he mea oe i oi aku mamua o ka hoahanau imua o`u nei, a he kakaikahi loa iwaena o ka poai a kaua e noho pu nei i ike i keia mea. E hoolohe mai oe: Manao anei oe, e kaili au i kekahi mea ano nui i hiipoiia e kou noonoo, a hoonele ia oe i ka hauoli ana no ia mea ano nui? Manao anei oe, e au`a au i kuu ola nei, aole e haawi aku no ka palekana ame ka oluolu o ka Lede Aridane, ke ike ole au i kekahi kumu kupono maoli o ka hana ana pela? E hai aku au ia oe, e Lubiana, ua oi loa aku kona palekana i keia wa, mamua o ka wa e hele pu ai oia me kakou, ma ko kakou manawa e haalele iho ai ia anei, a e uhai-a-holoia ae ai hoi kakou e na koa puuwai omokoko o Frankenstein ame Drosendorf. Eia kekahi, ina kakou e uhai ole aku ana mahope ona, alaila, e malama maikai ana ka poe na lakou oia i hopu a alakai aku hoi iaia me ka maalahi. Ina hoomaopopo kela poe na lakou oia i hopu, aia he poe enemi mahope o lakou kahi i uhai-a-holo aku ai, alaila, e hooheleia ana oia me ka inoino loa, a he mea ia e pilikia ai kona ola kino. Eia kekahi, ua maopopo no ia oe ame a`u, aia no o Frankenstein ame Valesebuga ma ke kakela o Drosendorf.”

 

            “Aka,” wahi a Lubiana i pane aku ai, “aole anei laua e hai koke ia aku ana no ka paa pio ana o ka Lede Opio i ko laua mau kanaka, a oia hoi ki laua wa e haalele koke iho ai i ka hale kakela o Drosendorf.”

 

            “Pela no. Aka, e Lubiana, mamua o ka napoo ana o ka la o ka la apopo, e lohe no kaua i kona wahi ilawela aku ai. E nana mai oe i keia wahi apana ili pepa maluna o ke opu laau e kokoke loa ana i kahi i ku ai na lio o ka poe na lakou oia ihopu a lawe aku nei.”

 

            I keia wa i hoike mai ai o Mamiona imua o Lubiana i kekahi wahi apana ili i kahaia iho kekahi kii karaunu o ka ohana alii o ke kulana duke, a maluna ae oia hoailona,a he lipine, a ua omauia aku hoi keia lipine a paa i kekahi pahi puhaka, aia ma ke kuau o ua pahi puhaka la na hua palapala “G.B.”

 

            “Ke hoomaopopo mai la anei oe i keia e Lubiana?”

 

            “Ke ole au e kuhihewa, e hoike ana kena mau hua palapala, aia ana hoa o ka Hui Naita Lima Ulaula ke kiai makaala la no ke Duke Nui?”

 

            Pololei oe. Aia na maka hia-a o ko kakou poe maluna o ua Duke Nui la ame na poe apau i hui pu me ia. Mawaena o ka poe na lakou i lawe aku nei ka Lede Opio, he elua o kakou noloko o ko kakou ahahui nei. Nolaila e manaoio iho oe, ua palekana oia Alaila, aole anei oe e hoolohe mai i ka`u uwalo ana aku ia oe—E hoomanawanui iki.”

 

            “E kala mai oe ia`u, e kuu hoahanau. Ke haawi aku nei au ia oe i ka`u ae ana no ia noi au.

(Aole i pau.)

 

            He mea pono i kela ame keia ohana ke loaa ona laau lapaau mama no na ma`i o ka opu. I laau lapaau puhili ole no ka “Moku ino loa o ka lepo” (Diarhea) Nahu, Umii, Kolera ame na ma`i apau o ka opu, aole he laau lapaau oi aku o ka maikai elike me ka PERRY DAVIS LAAU PENIKILA (Pain Killer). Ua lawelaweia keia laau no na makahiki he kanalima a ke hana mau ia nei i kela ame keia la, ma na aina apau o ka honua nei. O ka Hui kuai Laau Lapaau o Hollister, ka Agena.

 

Hoolaha Mana Hookiokooio.

 

            I KA AHA KAAPUNI O KA APANA Hookolokolo Eha o Ko Hawaii Pae Aina. Ma ka Hooponopono Waiwai. Ma ka Hana o ke Kahu Malama o Keo Puni, he kanaka pupule.

 

            He Noi na ke Kahu Malama e hoolimalima, e kuai aku i ke kuleana iloko o ka Waiwai Paa.

 

            Ua waihoia mai ke Noi a Emily Dushalsky. Kahu o Keo Puni, he kanaka pupule, nonoi ana e hoopuka keia aha i kauoha e ae ana i ka mea noi e kuai lilo aku i na pono apau ame ke kuleana o Keo Puni i oleloia, maloko o kekahi apana aina e waiho la ma Hilo, Hawaii. Ke hoolahaia aku nei ma keia o ka Poaha Ianuari 20, A.D. 1898, ma ka hora 9 a.m. (kakahiaka), maloko o ka Hale Hookolokolo, Hilo, Hawaii, oia ka manawa ame kahi e hooloheia ai ua Noi la a oia kahi ame ka manawa e hele mai ai na poe apau loa a hoike mai hoi i kumu, ina he kumu ka lakou, nokeaha la e ae ole ia ai ia noi.

 

Hilo, Dekemaba 28 A.D. 1897.

 

Na ka aha:  DANIEL PORTER,

26843t             Kakauolelo.

 

ILOKO O KA AHA HOOKOLOKOLO

            Kaapuni, Apana Hookolokolo Elua o ko Hawaii Pae Aina. Ma ka Hana o ka Waiwai o William H. Daniels, i make.

 

            Ma ka waihoia ana mai ame ka heluhelu ana i ka palapala hoopii a A.N. Kepoikai, lunahooponopono waiwai e nonoi ana e haawiia aku ka olelo kauoha e aeia oia e kuai hoolilo i kekahi waiwai paa o ka mea i make, a e hoike ana i na kumu ku i ke kanawai no ia mea:

 

            Nolaila, ua kanohaia e hoikeia aku ka lono i na pilikoko o ka mea i make, ame ka poe e ae i kuleana i ua waiwai la, e hele ae, ma ka Poaha, ia 10 o Feberuari 1898, hora 10 kakauhiaka, ma ke keena hookolokolo o ua aha ia, ma Wailuku, Mokupuni o Maui, malaila e hoike mai ai i na kumu no keaha ia e ae ole ia ai ua noi la.

 

            Na ka Aha: HENRY SMITH,

Kakauolelo o ka Oihana Hookolokolo

2@

 

Hoolaha Hooko Moraki.

 

HOOLAHA A KA MEA PAA MORAKI NO KA HOOKO ANA I KA MORAKI

 

            Ma ka la 7 o Iulai, 1894, ua hana o J.K. Mi o Honolulu i kekahi Moraki ia Mary E. Foster o Honolulu, a ua kope ia ua moraki la maloko o ke Keena o ka Luna Kakau Kope Palapala Hoolilo, maloko o ka Buke 147 ma na aoao 76 ame 377. Ma ka la 12 o Feberuari 1897 ua hooliloia ae ua moraki la e E.H. Wodehouse, ma kona ano Hope (Attorney in fact) no Mary E. Foster, ia H.R. Rycroft o Puna, Hawaii a ua kopeia nohoi na hoolilo ana la maloko o ke Keena o ka Luna kakau kope, maloko o ka Buke 147, aoao 376. A ua aina la i hooliloia ae la, oia no “Kela mau Apana Aina apau e waiho la ma Kalapana Apana o Puna Mokupuni o Hawaii, i hoakaka piha ia maloko o ka Palapala Sila Nui 1009,” a i hooliloia aku ia J.K. Mi, ka mea moraki i hoikeia ae la maluna, ma ka palapala kuai i hanaia ma Dekemaba 20, 1878, i kopeia ma ka Buke 56, aoao 499 ame 500.

 

            A nolaila, e like me na olelo maloko o ua Moraki la, ke hoolahaia aku nei ma keia, ke makemake nei o H.R. Rycroft i oleloia ae nei e hooko i ua moraki la no ka uku ole ia o ke kumupaa ame ka ukupanee ma o ka nota la i hoopaaia ai ua moraki la.

 

            Ke hoike hou ia aku nei ma keia, he ekolu pule mai ka la aku i kakaula ai keia hoolaha, e hoolahaia aku ua aina la i morakiia no ke kuaiia ana aku, ma ke kuai kudala, ma ke keena kudala o Jas. F. Morgan, ma Alanui Moiwahine, Honolulu, ma ka Poalima, la 11 o Feberuari, 1898, ma ka hora 12 o ke awakea o ua la la.

 

            No na mea i koe, e ninau ia De La Vergne ame Case.

H.R. RYCROFT.

2686-3t

 

Hoolaha hooko moraki.

 

            Mamuli o kekahi mana kuai i hoikeia maloko o kekahi palapala moraki i hanaia mawaena o Lebeka Kapuahilani Nakea ame D.I. Nakea, kana kane no Honolulu Oahu, o ka aoao mua, ame William R. Castle Kahu, no Honolulu i oleloia, o ka aoao elua, ma ka la 23 o Novemaba 1891, i kakau kope ia ma ka buke 129, aoao 343, a mamuli o ka uhaiia ana o na kumu aelike o keia moraki, oia hoi ka uku ole ia o ke kumupaa ame ka ukupanee ma ka wa i oo ai, nolaila, ke hoolahaia aku nei e ka mea nona ka aoao elua o ua moraki nei ee hooko ana oia ia mana kuai.

 

            A ke hoolaha hou ia aku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Morgan, ma Honolulu, ma ka la 31 o Ianuari, 1898, hora 12 oia la.

 

            Aia ma kahi o W.R. Kakela na olelo hoakaka no keia mea.

 

            Hanaia i keia la 5 o Ianuari, 1898.

           

            WILLIAM R. CASTLE, Kahu,

            Mea Moraki mai.

 

            Penei na aina i morakiia:

 

            O na aina i hoakakaia na palena penei, oia hoi:

 

            1. Kela pa hale me na hale maluna iho ame na mea paa apau i kukuluia maluna iho, e waiho ana ma ke Alanui Kuakini, ma Honolulu i oleloia. Maloko o ua apana la he 6160 kapuai kuea Oia nohoi ka apana aina i kuaiia mai ia Lebeka K. Nakea, ma ka Palapala Kuai a Rv. S.E. Bishop, hanaia ma Sept. 17, 01891, i kopeia ma ka buke 133, aoao 405.

 

            2. Mau aina ma Laie, Koolauloa, Oahu i hoakaka piha ia penei:

 

            (A) Ekolu apana aina no lakou ka Palapala Sila Nui 2915 ia Keawe. He 1 69-100 Eka.

 

            (B) Apana 1, 2 ame 3 o ka Palapala Sila Nui 2916 ia Kanakanui. He 27-10 Eka.

 

            (C) 4 Apana, oia na apana maloko o ka Palapala Sila Nui 3008 ia Kaialohia. Maloko o laila he 14-100 Eka.

 

HOOLAHA HOOKO MORAKI

            Mamuli o ka manaetaoinshrdluuuu

            Mamuli o kekahi mana kuai i hoikeia maloko o kekahi palapala moraki i hanaia mawaena o D. Kamai (w) ame J.A. Makanui, kana kane, no Hauula, Koolauloa, Oahu, o ka aoao mua, ame Wm. R. Castle, Kahu, no Honolulu, Oahu, o ka aoao elua, ma ka la 5 o Sepatemaba 1889, i kakau kope ia ma ka buke 120, aoao 58, a mamuli o ka uhaiia ana o na kumu aelike o kela moraki, oia hoi ka uku ole ia o ke kumupaa ame ka ukupanee, nolaila, ke hoolahaia aku nei e ka mea nona ka aoao elua o ua moraki nei, e hooko ana oia ia mana kuai.

 

            A ke hoolaha hou ia ku nei, aia mahope aku o na pule ekolu mai keia la aku, alaila, e hoolahaia aku na aina i hoikeia ma ia moraki no ke kudala ana ma ke keena kudala o Jas. F. Moran, ma Honolulu, ma ka la 311 o Ianuari, 1898, hora 1 oia la.

 

            Aia ma kahi o W.R. Kakela na olelo hoakaka no keia mea.

 

            Hanaia i keia la 5 o Ianuari, 1898.

 

            WILLIAM R. CASTLE, Kahu.

                        Mea Moraki mai.

 

            Penei na aina i morakiia:

           

            Kela mau apoana aina apau e waiho ia ma Hauula ame Kaipapau, Koolauloa, Oahu i hoakakaia penei:

 

            1. Ka aina nona ka Palapala Sila Nui 1317, Kuleana 8591, ma ka inoa o Koekoe. Maloko o laila he aneane 4 35-100 Eka.

 

            2. Aina nona ka Palapala Sila Nui (Aina Aupuni) 1802 ia Kaupea ame Kamai. Maloko oa Iaila he 133 33-100 Eka. Ma ia aina he kuleana ko Kamai i oleloia ma ke ano oia wale no ka hooilina oia aina.

 

            3. Aina nona ka Palapala Sila Nui @. Kuleana 3700 ia Mokuaiama. Maloko o laila he 13 Eka a oi, i hooliloia mai i na Mea Moraki mai, ma ka Palapala Kuai a Cecil Brown, i kopeia ma ka buke 018, aoao 477@ a

 

            Pela nohoi me ke kuleana o Kamai i oleloia ma ka waiwai o J.W. Kahuila o Kaneohe Oahu.

 

Kela ame Keia

 

OLELO HOOLAHA I NA POE AIE

 

            Ke hoolahaia aku nei na poe Luna Hooko Kauoha, no lakou na inoa malalo iho nei, malalo o ka Palapala Kauoha a Jared K. Smith, M.D., o Koloa, Kauai, i make, i na poe apau he mau koi ka lakou ma ka Waiwai o Jared K. Smith, i make, e waiho mai ia mau mea ia W.O. Smith, ma Honolulu, iloko o eono mahina mai ka la i hoolahaia aku ai keia hoolaha, a i ole ia e hoole mau loa ia aku no ia mau koi.

 

            WILLIAM O SMITH,

            EMMA C. SMITH,

            A. JULIETTE SMITH,

            Na Lunahooko Kauoha.

            2686-4t

 

KUAI A KE KAHU (GUARDIAN) I KA WAIWAI PAA.

 

            Ua kauohaia mai au e Nicholas Peterson o Honolulu, Kahu o ka Waiwai o Mary Puaokaleihuia Apoe, he mea oo ole, i kulike ai me ke kauoha a Honorable W.L. Stanley, Lunakanawai o ka Aha Kaapouni Ekahi, e kuai kudala akea aku ma kuu Keena Kudala, ma Honolulu, ma ka Poakahi, Feberuari 7, 1898, ma ka hora 12 o ke awakea i keia aina i hoakakaia penei:

 

            Kela apana aina apau e waiho la ma Waiaula, Hanalei, Mokupuni o Kauai, i hoikeia na palena penei:

 

            “E hoomaka ana mawaenakonu o ka muliwai o Waiaula e kahe la a komo

I ka muliwai o Hanalei, holo Ak. 8 55-166 kaulahao ma ka lihi o ka muliwai o Hanalei a hoea i kekahi apahu; alaila, Hem. 72 Kom. 9 25-166 kaulahao a kau ma kela kapa o ka lokoi`a o Kanoa a hoea i kekahi apahu; alaila, Hem. 70 Hik 8 57-100 kaulahao, a kau ma kela kapa o ka lakoi`a o Kanoa i oleloia, a hoea i ka apahu ma ke kuaio o ka auwai o Waiaula: alaila, Ak. 71 Hik. 8 4-100 kaulahao ma ka uakee o ua auwai la a hoe i kahi i hoomaka ai. Maloko o laila, he Ili o 7 Eka, 2 ruda ame 30.5 kaulahao, elike me ia i hoakakaia maloko o ka Palapala Kuai mai a Anton Brooks mai a ia Koka, hanaia ma Maraki 2 1872, a i kopeia ma ke Keena Kope Palapala ma Honolulu maloko o ka Buke 34, aoao 297.

 

            E kuaiia aku ana keia aina no ke kumukuai oi aku maluna o ka makou kumukuai, oia hoi ka Wealu Haneri Dala.

           

            Dala Kuike Dala Gula o Amerika Huiia.

 

            O na lilo palapala i ka mea kuai mai no ia.

 

            JAMES F. MORGAN

            Luna Kudala

            Honolulu, Ianuari 12 1898.

            2685-3ts

 

Theo P. Severin

(KAPOLEMA MA).

 

He Mea Pa`i Kii Hooleleaka.

 

            E hana ana oia i na kii nani loa ma Honoluu nei no ka uku haahaa loa. E paiia ana na Kii Ahaaina, Mare, Hoolewa, na Hale Noho, a pela aku.

 

            E hoonuiia ae ana na kii mai na kii liilii mai.

 

            Alanui Nuuanu, ma keia aoao aku o ke Alanui Pauahi. Aia iluna.

 

2664-12ms

 

Makemake Makou I ka Oukou Hana

 

Pa`i ana ame

Ka Humu ana

I na Buke,

 

E HANAIA ME KA NOIAU LOA.

 

Na Papa Keleawe Inoa me na Hua Kuni Wai Gula.

 

            E hanaia no ia ma ko makaou nei Keena a kulike me ka mea i makemakeia

 

KA HUI HAWAIIAN GAZETTE

 

Na Poe Hoolaha.

 

Hale Pohaku o Von Holt, Alanui Moi, Honolulu.

 

Cures while you sleep

 

Vapo-Cresolene.

 

MAMULI o ka haawiia ana o ka laau CRESOLENE ma ka hanu ana, oia ke keehina hana palekana loa no ka lawelawe ana i na Ohe Makani o ka puu. He kamabao launa ole ka holo pono o kana hoola ana i ke KunuKalea ame ke Kunu Ho. He laaau maikai oa ia no ke pale ana aku i na ma`i lele, a pela aku. E loaa no na buke hoakaka me ke kumukuai ole, i huipu me na palapala hoomaikai. Kuaiia e na poe kuai laau a pau.

 

HOLLISTER DRUG CO.,

Honolulu, H I., Agents.