Ka Nupepa Kuokoa, Volume XXXVII, Number 3, 21 January 1898 — HE HOALOHALOHA. [ARTICLE]

HE HOALOHALOHA.

Ua hala. ua na'.o, ua pau ka ike'na a ua hoi aku la i ala polikua aKane, ua moe i ka moe kau. moe hooilo. Ia Mrs. Pupuawa Meheula ame ke keiki. me ka luuluu: O makou iho me ka haahaa. na haumana Kula Sabati o Kiiauea, Kauai. A no ka mea hoi, ma Anehola. Kauai Hikina. ma ka la 6 o lanuari, IS9S. ua kipa ae la ka aneia o ka make a lawe aku la i ka hanu hope loa o ka makua i aloha nui ia G. B. Meh»ula. a Kahu Kula Sabati Nui hoi o Kaual Hikina nei, a ua pau ka lohe ana i kona leo i ka i mai, e hui kakou i Hanalei, a i Kapaa kakou. Auwe. aloha ino oe! Aloha ka lulu o Moikeha, kahi a kakou e luakaha ai i na hana Ku!a Sabati. Aloha ka nalu o Makaiwa, ka owe mai i ka pueone. Aloha ke kula o Maileliuna, kahi a kakou e haulani ai. A aloha Anehola, ka home kipa a ka malihini. E ka Puu o Kalalea e, ua pau kou ike ana iaia. Aloha ka malu kukui o Koolau kahi a kakou e hoomaha ai. E ke koa hihi o Kahi'ikolo e, aole oe e ike hou ana iaia. Aloha ke one pua rose oa Mahamoku ame ka limu ka-kanaka o Manuakepa. E ka wai o Namolokama e, aole e hoopulu hou ana kou mau huna wai lelehuna iaia. E ka lae hala o Naue i ke kai e, aole e hoonuanua hou ana kou mau pua hala onaona ma kona a-i. A e ke ahi kao lele o Makana e, ua ike anei oe i kana wahi ihe'.e aku nei? Ae, ua lawe ke Akua i ka uhane, a e hoi ka lepo i ka lepo.

Nolaila, hooholoia, 1: Ke komo pu aku nei makou me oe ame kau keiki e kumakena pu aku no kau kane i aloha nui ia, a makua hoi o makou na keiki ma na hana o ka uhane. Hooholoia, 2: 0 ka makou pule i na mana lani, e hoomama mai i kou naau luuluu ame ke keiki i hoonele ia i ka makuakane aloha. Hooholoia, 3: Me keia mau mea, ke hoonani ae nei makou i ke Akua, ka mea nana i hana na mea apau. O ke kanaka i hanauia e ka wahine, he mau la hapa kona, a ua piha i na popilikia. Nana no i haawi mai, a Nana no i lawe aku. E hoonaniia o lehova. Me ka luuluu, WILLIAM HUDDY, GEO. W. MAHIKOA, Na Komite. Kilauea, Kauai, lanuari 14. IS9B.

Mrs. A. Kaukau, Waimea, Kauai: Walohia wale: Ma ka Nupepa Kalaiaina au i ike iho ai i ka haalele ana mai o kou hoapili he kane aloha a kaikuaanahoi o'u o kela wahi lepo ula i ka makani kauaula, ka ipukukui pio o'.e i ua makani la, ua hala aku la ma o ma ka la 2 o lanuari,lS9S, okeia makahiki hou o A. Kaukau. Aloha wale ko'u ike hope ole ana iaia, a'u hoi i kipa pokole aku ai ma ko oukou wahi, aole no ka nanau a me ka makona, aka, no na pilikia no. Ela! Lihaliha wale na hoomanao i kuu mau kaikuaana kahiko e pau nei, o kela puu panoa i ka la, o ka pono o ka Haku ame ka naauao a na makua 0 ka pono i kanu ai a uiu a kawowo, aka, ua kuu kona luhi, aia me ko kakou Haku aioha. A nolaila, me ka naau aloha, ame ka minamina nui, ke komo pu aku nei au ame ko'u ohana, e kanikau pu me oe ame kou ohana nona. Nolalla, ke poioai ae nei i na Lani, e hoomama mai i kou luuluu. A he oiaio kana oleio, o ka mea uuku ame ka mea nui, aia no maiaila, nana i haawi mai a nana no i i awe aku, e hoonani ia kona inoa. D.KAHAULBLJO t MRS. D. KAHAULELIO, D. H. KAHAULELIO, D. K. KAHAULELIO, D. p . KAHAULELIO. Lahaina. Maui. lanuaii 13, 1898. M. Poepoe, Bsq. t Lunahooponopono o ke Kuokoa, Honolulu, Oahu: Aloha nui:—Me ka mānaolana mau 1 na hoola ana a kou hanohana kalaiaina. e oluolu kou kiekie e lawe akn i kela mao kanaenae aloha o keia mau makamaka maikai o kaua i hala aku la ma o. Me ka mahalo, Kon hoa no. , D. KAHAULKLIO. Wailehua, ĪAhaina, lanuarl 13, 1898.